Ноябрь

← → Ноябрь
Шч Кш Вр Из Кг Кк Рш             1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2026 и

Кӹлмӹ тӹлзӹн «Динамо» парк

Кӹлмӹ тӹлзӹ (ноябрь), (лат. Novem — ӹндекш) — григорианский календарь семӹнь луатикшӹ тӹлзӹ. Цезарьын реформыжы якте, март гӹц тӹнгӓлшӹ, тошты римский идӓлыкын ӹндекшӹмшӹ тӹлзӹжӹ. 30 кечӓн нӹл тӹлзӹ гӹц иктӹжӹ. Йыдпелвел полушариштӹ шӹжӹн остатка тӹлзӹжӹ, Кечӹвӓлвелӹштӹ — шошымын.

Тошты славянвлӓ кӹлмӹ тӹлзӹм listopadъ попенӹт (белор. лістапад; укр. листопад; чеш. listopad; пол. listopad), вет ти жепӹн ӹлӹштӓш вилеш. Тенге гӹнят, кӹлмӹ тӹлзӹн ӹлӹштӓш вилмӓш славянвлӓн ӹлӹмӹ шокшырак вӓрвлӓлӓн (Тӹнг, Ирвел дӓ Кечӹвӓлвел-Ирвел Европа) келшен толеш; Российӹштӹ гӹнь, тӹдӹн ӱштӹ игечӹжӹ гишӓн, шукырак пушӓнгӹвлӓ шыренок октябрь мычашеш ӹлӹштӓшӹштӹм вилен шоктат.

Шотлымаш дӓ тӹлзӹ айыртем

Российӹн покшал лаштыкыштыжы кӹлмӹ тӹлзӹн средний температурыжы 0 °C нӓрӹ лиэш. Тидӹ шӹжӹ гӹц телӹш ванжымы тӹлзӹ, игечӹ когон ӱкшӹктӓ, пӧрттӱ дӓ йӹр ылшы средан ӱштӹ жепӹш ванжымы веремӓжӹ мычашкы лишемеш. Тӹлзӹ кӹдӓлнӹ южын суткашты температурыжы о °C гӹц ӱлӹкӹ вала, тидӹ тел толмы доно ынгылдаралтеш. Кӹлмӹ тӹлзӹн шӹрен лым лымеш, тӹлзӹ мычашын лым соэшок вазеш.

Айовлӓ

• 1 ноябрь — Веганвлӓн международный кечӹштӹ; Судебный приставын кечӹжӹ; Тыва йӹлмӹн кечӹжӹ.
• 2 ноябрь — Пӱэргӹвлӓн цилӓ сӓндӓлӹкӹштӹшӹ кечӹ.
• 4 ноябрь — Халыкын икышын ылмы кечӹжӹ; Мары Эл Республикӹн кечӹжӹ; Удмуртский Республикӹн кугижӓншӹ кечӹжӹ.
• 5 ноябрь — Военный разведчикӹн кечӹжӹ.
• 6 ноябрь — Татарстан Республикӹн конституцижӹ кечӹ.
• 7 ноябрь — Кого Октябрь социалистический революцин кечӹжӹ; Икышын ылмы дӓ мирейӹмӹ кечӹ.
• 8 ноябрь — КВН-ын международный кечӹжӹ; Урбанизмӹн цилä сäндäлӹк лошты кечӹжӹ; Радиологин международный кечӹжӹ.
• 9 ноябрь — Пӹсӹн реагируйышы лӹмӹн ӹштӹмӹ отрядын кечӹжӹ.
• 10 ноябрь — Сӓмӹрӹквлӓн цилӓ сӓндӓлӹкӹштӹшӹ кечӹ (ВФДМ); Наукын мир дӓ виӓнгмӓш верц цилӓ сӓндӓлӹкӹштӹшӹ кечӹ; Бухгалтерӹн кечӹжӹ.
• 11 ноябрь — Экономистӹн кечӹжӹ.
• 12 ноябрь — Пневмони ваштареш цилä сäндäлӹкӹштӹшӹ кредäлмӹ кечӹ.
• 13 ноябрь — Пурылыкын цилӓ сӓндӓлӹк лошты кечӹжӹ.
• 14 ноябрь — Диабет ваштареш цилä сäндäлӹкӹштӹшӹ кредäлмӹ кечӹ; Логопедӹн международный кечӹжӹ; Социологын кечӹжӹ.
• 15 ноябрь — Призывникӹн улы российӹштӹшӹ кечӹжӹ.
• 16 ноябрь — Тырхымашын международный кечӹ.
• 17 ноябрь — Студентвлäн международный кечӹ.
• 19 ноябрь — Ракет войска дон артиллерин кечӹштӹ.
• 20 ноябрь — Африкӹм индустрируйымы кечӹ; Тетян цилӓ сӓндӓлӹк лоштышы кечӹжӹ; Транспорт пӓшӓзӹн кечӹжӹ.
• 21 ноябрь — Телевиденин цилӓ сӓндӓлӹк лошты кечӹжӹ; «Шӓлӓн» цилӓ сӓндӓлӹкӹштӹшӹ кечӹжӹ; Россий Федерацин налоговый орган пӓшӓзӹн кечӹжӹ; Бухгалтерӹн кечӹжӹ.
• 22 ноябрь — Психологын кечӹжӹ.
• 23 ноябрь — Акварельын международный кечӹжӹ.
• 24 ноябрь — Моржын кечӹжӹ
• 25 ноябрь — Ӹдӹрӓмӓшвлӓ шотышты насили дон кредӓлмӹ международный кечӹ.
• 27 ноябрь — Тангыж пехотын кечӹ; Удмурт йӹлмӹн кечӹжӹ.
• 28 ноябрь — Таум ӹштӹмӹ кечӹ.
• 29 ноябрь — Палестин халык доно иквӓреш ылмы международный кечӹ.
• 30 ноябрь — Информацим перегӹмӹ международный кечӹ.

Вашталтшы

• Геодези дӓ картографи пӓшӓзӹвлӓн кечӹштӹ.
• 1-шӹ кукшыгечӹ — Пӱэргӹвлӓн цилӓ сӓндӓлӹкӹштӹшӹ кечӹ.
• 2-шы изӓрня — Качествын цилӓ сӓндӓлӹкӹштӹшӹ кечӹжӹ.
• 3-шы рушӓрня — Корны-транспорт происшествин жертвывлӓн цилӓ сӓндӓлӹкӹштӹшӹ кечӹ.
• 3-шы изӓрня — Философин цилӓ сӓндӓлӹк лошты кечӹжӹ.
• Пӹтӓртӹш рушӓрня — Ӓвӓн кечӹжӹ.

Литературышты анжыктымаш

2022 ин «Эксмо» издательствышты российӹштӹшӹ писатель Лия Арденӹн фэнтези жанр доно «Невеста Ноября» романжы лӓктӹн. Книгӓштӹ тӹнг персонажвлӓ ӹзӓк-шоляк тӹлзӹвлӓ ылыт — Шартял, Поран, Похро дӓ Кӹлмӹ.

Примечани

Ссылкывлӓ

• Ноябрь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.