Тетян цилӓ сӓндӓлӹк лоштышы кечӹжӹ
| Тетян цилӓ сӓндӓлӹк лоштышы кечӹжӹ | |
|---|---|
 | |
| Кечӹ | 20 ноябрь |
Тетян цилӓ сӓндӓлӹк лоштышы кечӹжӹ (англ. Universal Children's Day, исп. Día Universal del Niño , франц. Journée mondiale de l'enfance) — айо, кыдым 1954 ин ООН-ын Генеральный Ассамблейӹжӹ (836 (IX) №-ӓн резолюци) 1956 и гӹц цилӓ веллӓн пӓлемдӓш тӹнгӓлӓш согоньым пуэн[1]. Резолюци семӹнь айом тетявлӓн цӓшӹм яжоэмдӓш, ООН-ын цилӓ сӓндӓлӹкӹштӹшӹ тетявлӓ верц эртӓрӹмӹ пӓшӓм цаткыдемдӓш виктӓрен колтымы.
ООН-ын Генеральный Ассамблейӹжӹ ти айом тӹнӓм дӓ тенге аяш шанымашым пуэн, кыце каждый кугижӓншӹ яжоэш шотла. Тенге гӹнят, Иктӹш ушнышы Нацивлӓн Организацин официальный документвлӓжӹ семӹнь Тетян цилӓ сӓндӓлӹк лоштышы кечӹжӹ 20 ноябрьын пӓлемдӓлтеш. Ти кечӹн 1959 ин «Тетян праважы шотышты деклараци», а 1989 ин — «Тетян праважы шотышты конвенци» пыртымы ылыныт.
Мероприятивлӓ
Тетя кечӹн сакой фирмӹвлӓ дӓ организацивлӓ благотворительный акцивлӓм, выставкывлӓм[2][3], шествивлӓм дӓ флешмобвлӓм эртӓрӓт.
Вес велвлӓштӹ
- Парагвайышты Тетян кечӹ 16 августын эртӓрӓлтеш. Ти кечӹн 1869 ин Парагвайский вырсын пӹтӓртӹш кредӓлмӓшвлӓ логӹц иктӹжӹ годым — Акоста-Нью сага кредӓлмӓшӹштӹ — 9 гӹц 15 иӓш якте 3500 гӹц 4000 тетя Бразили дон Аргентинӹн агресси ваштареш Шачмы вӓрӹм ытараш лӓктӹнӹт. Ти кредӓлмӓшӹштӹ цилӓ тетя колен.
- Панамышты июльын кымшы рушӓрнян эртӓ[4].
Примечани
- ↑ 20 ноября — Всемирный день ребёнка — СампоТВ 360°(неопр.). sampotv360.ru. Тергӹмӹ кечӹ: 20 ноябрьын 2024.
- ↑ Тематическая выставка просмотр «Тебе о праве–право о тебе» 2024, Камско-Устьинский район — дата и место проведения, программа мероприятия., Культура.РФ. Дата обращения: 20 ноябрьын 2024.
- ↑ В детской библиотеке г. Лаишево оформлена книжная выставка «Имею право знать», Камская новь (20 ноябрьын 2021). Дата обращения: 20 ноябрьын 2024.
- ↑ день ребёнка в Панаме (руш.). Тергӹмӹ кечӹ: 18 июльын 2020. Архивируйымы 18 июльын 2020 года.