Тыва йӹлмӹн кечӹжӹ
| Тыва йӹлмӹн кечӹжӹ | |
|---|---|
 Тыва йӹлмӹн кечӹжӹ лӹмеш ӹштӹмӹ торт. Автор: Белекмаа Хертек, 01.11.2020 и. | |
| Тип | Халык айо |
| Официально | руш. День тувинского языка тув. Тыва дыл хүнү |
| Пӓлемдӓт |
 Тыва Республикӹштӹ |
| Кечӹ | 1 ноябрь |
Тыва йӹлмӹн кечӹжӹ (тув. Тыва дыл хүнү) — Тыва Республикӹн халык айожы, тӹдӹм 2016 ин 18 январьын Тыва Республикӹм Вуйлатышын Указшы доно пингӹдемдӹмӹ[1]. И йӹде 1 ноябрьын пäлемдäлтеш.
Тыва йӹлмӹ Тыва Республикӹштӹ кугижäншӹ статусан ылеш[2]. Кӹзӹт 300 тӹжем нäрӹ эдем тыва йӹлмӹ доно пайдалана. Тывашты тыва йӹлмӹ семняштӹ, общественный ӹлӹмӓшӹштӹ кычылталтеш, тыва йӹлмӹ доно книгä дон газетвлä лäктӹт, телевизорышты программывлӓ кеӓт, интернет-сайтвлä пӓшӓлӓт[3].
Истори
1-шӹ ноябрьым «Тыва йӹлмӹн кечӹжӹ» семӹнь Тыва Республикӹн Вуйлатышыжы Шолбан Кара-ооломын Указжы доно пингӹдемдӹмӹ, Тыва Республикӹн халык писательжӹ Александр Даржайын кӓнгӓшӹмӹжӹ семӹнь тыва йӹлмӹм переген кодаш, виäнгдäш дä тӹдӹм халыкышты шäрӹкӓлäш манын 2016 ин 18 январьын увертäрӹмӹ.
Пӓлемдӹмӓш
Тыва йӹлмӹн кечӹжӹ икшӹ гäнä 2016 ин пäлемдäлтӹн[4]. И йӹде 1 октябрь гӹц 1 ноябрь якте Тыва Республикӹн Правительствыжы тыва йӹлмӹ шотышты тӹлзӹштӹ ӹштӹшäшлык пäшäм пингӹдемдä.
Каждый ин 1 ноябрьын Кызылышты иктешлӹшӹ мероприяти — «Тыва йӹлмӹ — халыкын пайдажы» республикӹштӹшӹ форум эртä, кышкы шӹмлӹзӹ дон экспертвлӓ погынат, тенгеок кугижäншӹ наградывлӓм кычыктат.
Айо Тывашты веле агыл, тывавлäн тӹшкäн ӹлӹмӹ молы кымдемӹштӹ пäлемдäлтеш[5].
Тенгеок анжы
• Шачмы йӹлмӹн международный кечӹжӹ
Примечани
Ссылкывлӓ
• О тувинском языке
• Указ Главы Республики Тыва «О Дне тувинского языка»
• 1 ноября Республика Тыва отмечает День тувинского языка