Тырхымашын международный кечӹ

Тырхымашын международный кечӹ — (ООН-ын вес официальный йӹлмӹвлӓ доно: англ. International Day for Tolerance, исп. Día Internacional para la Tolerancia, франц. Journée internationale de la tolérance, кит. 国际宽容日, араб. اليوم الدولي للتسامح‎) и йӹде 16 ноябрьын пӓлемдӓлтеш. Ти Международный кечӹм ЮНЕСКО «Цӹтӹмӓшӹн принципвлӓжӹн декларациэш» увертӓрен. Декларацим 1995 ин ЮНЕСКО-н 28-шӹ Генеральный конференциштӹжӹ пингӹдемдӹмӹ (5.61 №-ӓн резолюци).

Декларациштӹ тырхымаш семӹнь «мӓмнӓн цилӓ сӓндӓлӹкӹштӹшӹ шукы йиш культурым шотеш пиштӹмӓш дӓ ынгылымаш, ӹшкӹмӹм дӓ пасна эдемӹн индивидуальностьшым махань йӧн доно анжтыктымашым» ынгылдаралтеш. Деклараци «цилӓ эдем природа семӹнь икӹжӓк иктӹ гӹц вӹлвӓл сӹн, положени, шая, ӹшкӹмӹм видӹмӓш дӓ ценностьвлӓ доно айыртемӓлтеш, тенге гӹнят нӹнӹ сӓндӓлӹкӹштӹ ӹлен дӓ ӹшкӹмӹн айыртемӹштӹм переген коден кердӹт» манын увертӓрӓ.

Деклараци тырхыдымаш гишӓн махань эксӹквлӓ лин кердмӹм ынгылдара дӓ тырхыдымаш ваштареш кредӓлӓш йӧн дӓ программывлӓ доно пӓлдӓрӓ.

1997 ин ООН-ын Генеральный Ассамблейӹжӹ (A/RES/51/95 №-ӓн резолюци) ООН-ш пырышы кугижӓнӹшвлӓлӓн ти Международный кечӹм пӓлемдӓш ӱжӹн. Ти резолюциштӹ Генеральный Ассамблей тырхымаш лӹмеш ООН-ын ижӹм эртӓрӓш манын ӹшке шанымашыжы доно пӓлдӓрӓ. Тенгеок ООН Устав семӹнь тырхымаш принцип вырсы ӹнжӹ ли манын кычылталтшашлык; ЮНЕСКО пингӹдемдӹмӹ тырхымаш принципвлӓн Декларацим вниманиш нӓлеш.

2005 ин тырхымаш лӹмеш Международный кечӹн ООН-ын Генеральный секретарьжы тырхыдымаш ваштареш кредӓлмӓш гишӓн тидӹ ООН-ын пӓшӓжӹн ик сек тӹнг направленижӹ ылеш манын попа. Цилӓ сӓндӓлӹк мычкы ӹлӹшӹ халык дӓ миграци шукемеш, седӹндон сӓндӓлӹкӹштӹ ксенофоби дӓ экстремизм кушкыт. Послаништӹ попалтеш: тырхымаш икӹжӓк-иктӹм яжоракын пӓлӹмӓш, икыжӓк-иктӹн овуцашты дӓ верӓштӹ сек яжожым мон моштымаш. Иктӹ-весӹм, йӓлӹн айыртемӹштӹм худаэш шотлыдеок, ӹшке самобытностьым, религим, культурым ӹшкеок айырышы личность семӹнь шотеш пиштӹмӹлӓ.

ЮНЕСКО

1995 ин ЮНЕСКО Маданжит Сингах лӹмеш Тырхымаш дӓ тӹкӓлдӹмӓшӹм мактымы премим пингӹдемден. Премим Маданжит Сингхын (Madanjeet Singh) оксаэш пачмы. Кок иэш ик гӓнӓ Международный тырхымаш кечӹн тырхымаш дӓ тӹкӓлдӹмӓш пӓшӓм виктӓрӹмӹштӹ гишӓн организаци дон пасна эдемвлӓлӓн пуалтеш.

Россий

Санкт-Петербургышты Международный тырхымаш кечӹ 2006 ин хала правительствын пингӹдемдӹмӹ «Толерантность» программа семӹнь пӓлемдӓлтеш. Правительствын палшымы доно лыдмашвлӓ, концертвлӓ, районыштыш айовлӓ дӓ молы мероприятивлӓ эртӓрӓлтӹт^[1]. Школвлӓштӹ тырхымашым пропогандируйышы мероприятивлӓ эксӹк гӹц пасна эртӹделыт. Шамак толшеш, Петербургышты ик школышты тырхымаш кечӹ лӹмеш эртӓрӓлтшӹ интерактивный викторинӹштӹ пӹтӓриш вӓрӹм «14/88» лӹмӓн командылан пуэнӹт. Тидӹ прессӹм вниманиде кодыде, вет почетан грамота школ фойештӹ шукы жеп кечен^[2].

Тенгеок анжы

Примечани

↑ О Программе гармонизации межэтнических и межкультурных отношений, профилактики проявлений ксенофобии, укрепления толерантности в Санкт-Петербурге на 2006-2010 годы (программа "Толерантность") (с изменениями на 20 декабря 2010 года) (неопр.). Официальный сайт Администрации Санкт-Петербурга (11 июльын 2006). Тергӹмӹ кечӹ: 16 ноябрьын 2017. Архивируйымы 17 ноябрьын 2017 года.
↑ Школьный конкурс по толерантности выиграла команда с названием «14/88», Аргументы и Факты (17 январьын 2012). Архивировано 17 ноябрьын 2017 года. Дата обращения: 17 ноябрьын 2017.

Ссылкывлӓ

[1] О Программе гармонизации межэтнических и межкультурных отношений, профилактики проявлений ксенофобии, укрепления толерантности в Санкт-Петербурге на 2006-2010 годы (программа "Толерантность") (с изменениями на 20 декабря 2010 года) (неопр.). Официальный сайт Администрации Санкт-Петербурга (11 июльын 2006). Тергӹмӹ кечӹ: 16 ноябрьын 2017. Архивируйымы 17 ноябрьын 2017 года.

[2] Школьный конкурс по толерантности выиграла команда с названием «14/88», Аргументы и Факты (17 январьын 2012). Архивировано 17 ноябрьын 2017 года. Дата обращения: 17 ноябрьын 2017.

[1]

[2]