Мары Эл Республикӹн кечӹжӹ

Ирӹкӓн энциклопеди Википеди гӹц материал
Мары Эл Республикӹн кечӹжӹ
День республики РМЭ.jpg
Тип Мары Эл Республикӹн халык айожы
Официально Мары Эл Республикӹн кечӹжӹ
Кечӹ 4 ноябрь

Мары Эл Республикӹн кечӹжӹ (руш. День Республики Марий Эл) — Мары Эл Республикӹн кугижӓншӹ айожы. И йӹде 4 ноябрьын пӓлемдӓлтеш.

Истори

1920 ин телӹм Азан халашты Наркомнац сагашы Марынвлӓн тӹнг отделӹн инициативӹжӹ семӹнь яжон труйышы мары пӓшӓзӹвлӓн Россий кӱкшӹцӓн погынымашышты эртен. Кӓнгӓшӹмӹ годым погынышывлӓ, анзыкыжым лин кердшӹ административный единицывлӓм айыраш манын, марынвлӓн цымырын ӹлӹмӹ вӓрвлӓм пӓлемденӹт. Тӹ жепеш Тадар-Башкирский Советский Республика дӓ Башкирский АССР ӹштӹмӹ ылыныт, дӓ вес халыквлӓӓт национальный движенивлӓшкӹ ушнаш дӓ ӹшке автономивлӓштӹ гишӓн шанаш тӹнгӓлӹнӹт[1][2].

1920 ин кӓнгӹжӹм мары активиствлӓ Всероссийский мары коммуниствлӓн конференциш погыненӹт, тӹштӹ Владимир Мухинӹн (Сави) докладшы негӹцеш ӹшке анзыкылашы пӓшӓштӹм пӓлемденӹт. Вӓшлимӓшӹн лӓктӹшӹжӹ семӹнь Наркомнацышты Марынвлӓн тӹнг отделӹн вуйлатышыжы Сергей Черняков Совнаркомыш документвлӓн проектӹм пуэн[1][2].

1920 ин 4 ноябрьын Совнарком дон ВЦИК «Мары халыкын автономный областьым пачмы гишӓн» декретӹм пингӹдемденӹт. Ти документӹштӹ территори, границӓвлӓ, администраци центр, виктӓрӹшӹ органвлӓм анжыктымы ылделыт, седӹндоно, тӹ инок 25 ноябрьын раскыдемдӹшӹ декретӹм лыкмы. Документ семӹнь автономный областьыш Казанский губернин молнамшы Краснококшайский дон Козьмодемьянский уездвлӓжӹ, Вятка губернин Уржумский дон Яранский уездвлӓн кыды-тидӹ вӓрвлӓжӹ, тенгеок Нижегородский губернин Васильсурский уезд пыренӹт. Тӹнг халаэш Краснококшайскым айыренӹт[1][2].

Мары автономный областьым пачмы гишӓн революционный комитет официально 1921 ин 1 мартын увертӓрен, седӹндоно 1921 и гӹц 1930 и якте айом шошымын пӹтӓришӹ кечӹнжӹ пӓлемденӹт[3][1].

1921 ин 21-24 июньын Советвлӓн пӹтӓриш областной Съездшӹтӹ эртӓрӓлтӹн. Тӹштӹ облисполкомын — кымдемӹштӹшӹ видӹшӹ органын — членвлӓм айыренӹт. Тӹдӹн пӹтӓриш председательжӹ общественно-политический пӓшӓзӹ И. П. Петров лин[2].

1929 ин 15 июльын Мары область угӹц ӹштӹмӹ Нижегородский (Горьковский) кымдемӹш пыраш тӹнгӓлӹн. 1936 ин 5 декабрьын ти территориальный единицӹм карангденӹт, а Мары автономный область Мары АССР маналташ тӹнгӓлӹн[1][4].

1931 и гӹц 1959 и якте Мары автономный областьым пачмы кечӹ 21 июньын пӓлемдӓлтӹн — лач тидӹ кечӹн 1921 ин Советвлӓн пӹтӓриш областной Съезд пачылтын дӓ ревком облисполкомлан виктӓрӹмӹ пӓшӓжӹм ӹштӓш ӹнянен пуэн[3].

1960 и гӹц республикӹн официальный айожы 4 ноябрьын — Владимир Ленинӹн дӓ Михаил Калининӹн «Мары халыкын автономный областьым пачмы гишӓн» декретӹш кидӹм пиштӹмӹштӹ кечӹн — эртӓрӓлтеш[5][3].

1990 и 22 октябрь годшен Кугижӓншӹ суверенитет гишӓн деклараци семӹнь республика Мары ССР маналташ тӹнгӓлӹн, Мары Эл Республика кӹзӹтшӹ лӹмӹм 1992 ин 9 декабрьын пуэнӹт[4].

Кӹзӹтшӹ жеп

Мары Эл Республикӹн кечӹжӹ 4 ноябрьын пӓлемдӓлтеш. Ти кечӹн сакой мероприятивлӓ: концерт, выставка, сакой темеш вӓшлимӓшвлӓ эртӓрӓлтӹт. Тӹштӹ айыртемӓлтшӹ деятельвлӓлӓн почётан грамотывлӓм кычыктат. Айо шомы векӹлӓ республикӹн тымдымы заведенивлӓштӹ Шачмы вӓр гишӓн историм пӓлӹмӹм тергаш манын конкурс дон викторинӹвлӓ эртӓрӓлтӹт[5][6][7][8].

Тенгеок ти кечӹн у ӓли уэмдӹмӹ объектвлӓм пачыт. Тенге 2006 ин Мары Эл Республикӹн правительствыжын у зданижӹм официально пачыныт, 2009 ин — Цӓрлӓ кремль кӧргӹштӹ архитектурно-исторический комплексӹм, 2011 ин — Патриарший площадьышты «12 апостол» лӹмӓн у цӓшӹм, 2015 ин — Тетя жеп музейӹм, а 2016 ин — Православин истори музейӹм[9].

Примечани

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (3 ноябрьын 2022). Дата обращения: 25 октябрьын 2024.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Дата обращения: 25 октябрьын 2024.
  3. ↑ 1 2 3 В. Г. Востриков. 100 лет Марий Эл. Три даты в календаре – три вехи в становлении Марийской автономии (руш.). Национальная библиотека имени С.Г. Чавайна Республики Марий Эл (4 ноябрьын 2021). Тергӹмӹ кечӹ: 25 октябрьын 2024.
  4. ↑ 1 2 Дата образования Республики Марий Эл (руш.). ВДПО. Тергӹмӹ кечӹ: 25 октябрьын 2024.
  5. ↑ 1 2 День государственности Республики Марий Эл, Кидшер (30 октябрьын 2023). Дата обращения: 25 октябрьын 2024.
  6. ↑ День образования Республики Марий Эл 2024. Марий Эл и Йошкар-Ола. Тергӹмӹ кечӹ: 25 октябрьын 2024.
  7. ↑ Т. Ю. Смирнова. "Знаешь ли ты свой край?". Межпоселенческая центральная библиотека Советского района Республики Марий Эл (3 ноябрьын 2023). Тергӹмӹ кечӹ: 25 октябрьын 2024.
  8. ↑ Лилиана Гарифуллина. День Республики Марий Эл 2022, что будет на День народного единства в Йошкар-Оле со 2 по 5 ноября, куда сходить, самая полная программа мероприятий на каждый день, концерты, выставки, конкурсы, музеи, kazan.kp.ru (3 ноябрьын 2022). Дата обращения: 25 октябрьын 2024.
  9. ↑ 4 ноября – как это было 2006, 2007... 2020 годы, МариМедиа (04.11.2020). Дата обращения: 25 октябрьын 2024.

Литература

  • Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
  • Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
  • Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
  • От автономии к суверенитету. — Йошкар-Ола: Марийское книжное издательство, 1991. — 64 с.
  • Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
  • Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
  • Хлебников, А. В.' Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
  • Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
  • Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Ссылкывлӓ

«https://mrj.ruwiki.ru/w/index.php?title=Мары_Эл_Республикӹн_кечӹжӹ&oldid=303589» гӹц нӓлмӹ