Экономистӹн кечӹжӹ
| Экономистӹн кечӹжӹ | |
|---|---|
 | |
| Тип | Профессиональный айо |
| Ӹштӓлтӹн | 2015 ин 24 ноябрьын |
| Пӓлемдӓт |
 Россий |
| Кечӹ | 11 ноябрь |
| Овуца | «Идӓлыкын экономистшӹ» премим кычыктымаш |
| Кӹлдӓлтӹн | 1765 ин Императорский Вольный Экономический Обществым пачмаш |
Экономистӹн кечӹжӹ — экономика сферӹштӹ пӓшӓм ӹштӹшӹ специалиствлӓн профессиональный айошты. И йӹде 11 ноябрьын пӓлемдӓлтеш. Россий Федерацин Экономический развити шотышты министерствын 876-шы №-ӓн 2015 ишӹ 24 ноябряш приказжы семӹнь пӓлемдӓш пингӹдемдӹмӹ[1].
Истори
2015 и якте Российӹштӹ экономистӹн кечӹжӹ официальный айо ылде дӓ 20 июньын пӓлемдӓлтӹн. Айо кечӹ 1917 и паштек увертӓрӓлтӹн, кынам Финанс шотышты халык комиссариат пачылтын, Пӓшӓзӹ дӓ крестьянвлӓн жеплӓн цымырымы правительствын лаштыкшы. 1946 иштӹ Наркомфин СССР-ын финанс министерствыш сӓрнӓлтӹн[2].
2011 ин Российӹн президентшӹ Финанстистӹн кечӹжӹм учреждӓен, кыдым 8 сентябрьын пӓлемдӓт. 1802 ин Александр 1 Финанс министерствӹм ӹштӹмӹ гишӓн Указым лыктын[2]. Экономиствлӓ тӹдӹм ӹшке профессиональный айошты семӹнь пӓлемденӹт.
2015 иштӹ экономиствлӓн кечӹштӹм пасна пӓлемдӓш Вольное экономическое общество — Императорын Вольный экономический обществын преемникшӹ инициативӹм пуэн, кыды Екатерина 2-ян указшы семӹнь 11 ноябрьын 1765 ин ӹштӹмӹ[3]. Обществын гербӹштӹжӹ мӱм уляш намалшы мӱкшвлӓм анжыктымы; тӹдӹн девизжӹ - «Полезное». Обществы принципы экономического развития государства выработкыш талашен.
Айом эртӓрӹмӓш
Экономистӹн кечӹжӹ — профессиональный айо, тенге гӹнят ти кечӹм экономикы дон финанс сферышты пӓшӓм ӹштӹшӹ цилӓ эдемвлӓ пӓлемдӓт. Ти кечӹн специалиствлӓн профессиональный уровеньӹштӹм лӱктӓлӓш манын мастер-классвлӓ, лекцивлӓ дӓ семинарвлӓ эртӓт[4].
11 ноябрьышты экономикы обществын сек престижный наградыжы — Цилӓ Российӹштӹшӹ Сек Кӱкшӹ халык лоштышы экономикы преми «Экономист года»[5][6]. Премим пумы церемони и йӹде Кугижӓнӹш Кремльышты эртӓ. Преми экономикы развиваялтмы сферышты выдающийся заслугывлӓ гишӓн икманяр номинациштӹ пуалтеш:
- экономикы просвещени дӓ анжен куштымы гишӓн;
- странан экономикыш практический вкладым ӹштӹмӹ гишӓн;
- экономикы наукын развитиш вкладым ӹштӹмӹ гишӓн[7].
Премим кычыктымаш Всероссийский экономический собранин рамкыштыжы эртӓ, кыдым ВЭО России дӓ Экономиствлӓн международный союз Совет Федерацин палшыкшы дон эртӓрӓлтеш. Собрани и йӹде эртӓрӓлтеш дӓ Экономистӹн кечӹш ушалтеш. Странан видӹшӹ экономиствлӓ анзыкылашым дӓ Российӹ дон регионвлӓн экономикы перспективывлӓ гишӓн дӓ тенгеок государствын технологический развитижӹ гишӓн попат[8].
Тенгеок анжы
Примечани
- ↑ Приказ Министерства экономического развития Российской Федерации от 24.11.2015 № 876 "Об установлении профессионального праздника — Дня экономиста". Официальное опубликование правовых актов (24 ноябрьын 2015). Тергӹмӹ кечӹ: 10 ноябрьын 2023.
- ↑ 1 2 История Министерства. Минфин России. Тергӹмӹ кечӹ: 10 ноябрьын 2023.
- ↑ 11 ноября в России отмечается День экономиста. Санкт-Петербургский государственный университет (11 ноябрьын 2020). Тергӹмӹ кечӹ: 11 ноябрьын 2023.
- ↑ День экономиста 2023: история и традиции праздника. Комсомольская правда. Тергӹмӹ кечӹ: 11 ноябрьын 2023.
- ↑ День экономиста в России: праздник виртуозов финансовых отчетов. Радио Sputnik (30 июньын 2021). Тергӹмӹ кечӹ: 11 ноябрьын 2023.
- ↑ Общероссийская Высшая общественная экономическая премия «Экономист года». Вольное экономической общество России. Тергӹмӹ кечӹ: 11 ноябрьын 2023.
- ↑ 11 ноября в России отмечается День экономиста. Санкт-Петербургский государственный университет (11 ноябрьын 2020). Тергӹмӹ кечӹ: 15 майын 2024.
- ↑ Ирина Макеева. В России 11 ноября отмечают День экономиста. Парламентская газета (11 ноябрьын 2023). Тергӹмӹ кечӹ: 15 майын 2024.