«Шӓлӓн» цилӓ сӓндӓлӹкӹштӹшӹ кечӹжӹ
| «Шӓлӓн» цилӓ сӓндӓлӹкӹштӹшӹ кечӹжӹ | |
|---|---|
 | |
| Кын | Мирӹм пингӹдемдӓш дӓ переген кодаш манын личный коммуникаци докы общественностьын вниманижӹм айыраш |
| Ӹштӓлтӹн | 1973 ин 21 ноябрьын |
| Ӹштӹшӹ | Брайен Маккомак, Майкл Маккомак |
| Кечӹ | 21 ноябрь |
| Кӹлдӓлтӹн | Ӱштӹ вырсын сек когон ӹлӹжмӓш доно |
Шӓлӓн цилӓ сӓндӓлӹкӹштӹшӹ кечӹжӹ — (англ. World Hello Day) — международный айо, тӓнг доно шӓлӓм манмы лӹмеш ӹштӹмӹ, 1973 и гӹц тӹнгӓлӹн 21 ноябрьын и йӹде пӓлемдӓлтеш. Кок американский ӹзӓк-шоляк (Майкл дӓ Брайен Макомак) международный напряженность кушмы ваштареш ылмыштым анжыкташ маны шанен лыктыныт[1].
Ти кечӹн сакой сӓндӓлӹквлӓ гӹц эдемвлӓ иктӹ-весӹлӓн шӓлӓ шамакым келесӓт, йӹрӓт дӓ пуры согоньым попат. Тенге нӹнӹ халыквлӓ лошты солидарность дон дружбым анжыктат. Айон тӹнг цельжӹ — мирӹм пингӹдемдӓш дӓ переген кодаш манын личный коммуникаци докы общественностьын вниманижӹм айырымаш.
Истори
Шӓлӓн цилӓ сӓндӓлӹкӹштӹшӹ кечӹжӹ 1973 ин шачын. Айом американецвлӓ Майкал дӓ Брайан Маккормак ӹштенӹт. Тӹ ин октябрьын Израиль дон Египет лошты Судный кечӹн Вырсы кеен. Тидӹ гишӓн ӹзӓк-шолякын мировой лидервлӓлӓн насили гӹц карангмы дӓ мирӹм ӹштӹмӹ гишӓн сирмӓшӹм колташ шанымаш лӓктӹн. Нӹнӹ цилӓ оксам почтовый расходыш колтенӹт дӓ ӹшкӹмӹштӹн шанымашышкышт шоныт. Пӹтӓриш ин 15 сӓндӓлӹк гӹц палшыкым нӓлӹныт. 50 и эртӹмӹкӹ, айом аяш 180 сӓндӓлӹк согласын лин[2]. Тӹдӹ годшен Шӓлӓн цилӓ сӓндӓлӹкӹштӹшӹ кечӹм цилӓ профессиӓн дӓ цилӓ иӓшӓн эдемвлӓ, кого политический лидервлӓ, цилӓ сӓндӓлӹк мычкы пӓлӹмӹ кино дӓ телевиденин эдемвлӓжӹ пӓлемдӓт[3].
Сакой ивлӓн Шӓлӓн кечӹ докы кого личностьвлӓ: Билл Клинтон, Елизавета II королева, Генри Форд, Стиви Уандер, Рональд Рейган, Тереза ӓвӓ, Лучано Паваротти дӓ молывлӓӓт ушненӹт. Маккормаквлӓлӓн СССР президентӹн дӓ мирӹн Нобелевский премин лауреатӹн Михаил Горбачевын пресс-службыжат вӓшештӹшӹм пуэн[4]:
«Каждый кечӹн цилӓ сӓндӓлӹкӹштӹ сакой йӹлмӹ дон пуры согоньвлӓм эдемвлӓ попат. Тидӹ символический хӓдӹр. Тӹдӹ эдемӹн ӹлӹмӓшӹжӹн лачокшым анжыкта. Мӓлӓннӓ тӓмдӓн шанымашда Шӓлӓн цилӓ сӓндӓлӹкӹштӹшӹ кечӹжӹм пӓлемдӓш келшӓ. Тидӹ эдемвлӓ лоштышы ынгылымашым яжоэмдӓ[5]
— Письмо пресс-секретаря фонда Михаила Горбачева Ирины Маликовой.
.
Айон традицивлӓ
Шӓлӓ кечӹм кугижӓншӹ кӱкшӹцӹштӹ ак пӓлемдеп дӓ шукынжок тидӹ кечӹ гишӓн нимат ак пӓлеп. Айон традицижӹ шукы агыл. Соиток Шӓлӓн цилӓ сӓндӓлӹкӹштӹшӹ кечӹн основательвлӓжӹ 10 пӓлӹдӹмӹ эдем дон шӓлӓм ӹштӓш ӱжӹт. Тидӹм керек-кыце ӹштӓш лиэш: кидӹм кычаш, элтӓлӓш ӓли весӹ докы пур кымалым анжыкташ[6][7]. Главное — проявить к другому доброе отношение[8][9].
Российӹштӹ
Российӹштӹ Шӓлӓн цилӓ сӓндӓлӹкӹштӹшӹ кечӹ официальный айо агыл, соиток ти айо кечӹн эдемвлӓ шулыкым, яжо настроеним, достаткым, благополчим дӓ успехӹм согоньлат[10]. Цилӓн пӓлӹмӹвлӓ, тангвлӓ, коллегывлӓ лошты лчиный вӓшлимӓштӹ веле агыл, но телефон дон дӓ почты дон шӓлӓм келесӓт. Кыды организацижӹ мероприятивлӓм эртӓрӓт, кышты участниквлӓ вес статян шӓлӓм ӹштӓш тымень кердӹт, тенгеок вес культурын представительвлӓ гӹц тыменьӹт[11].
Тенгеок анжы
- Телевиденин цилӓ сӓндӓлӹк лоштышы кечӹ (21 ноябрь)
- Михайловын кечӹ (21 ноябрьын)
- Россий Федерацин налоговый орган пӓшӓзӹн кечӹжӹ
Примечани
- ↑ Всемирный день приветствий — 21 ноября История и особенности праздника в проекте Календарь Праздник. https://ort-tv.ru/polezno-znat/vsemirnyj-den-privetstvij-21-noyabrya-istoriya-i-osobennosti-prazdnika-v-proekte-kalendar-prazdnik/. Оренбургское региональное телевидение. Тергӹмӹ кечӹ: 21 ноябрьын 2023.
- ↑ Ирина Макеева. Во всем мире 21 ноября отмечается День приветствий. pnp.ru. Парламентская газета. Тергӹмӹ кечӹ: 21 ноябрьын 2023.
- ↑ Редакция. 21 ноября отмечают: Всемирный день телевидения и День приветствий, Российский День военной присяги, День бухгалтера и День работника налоговых органов. sakhaparliament.ru. Саха Парламент (21.11.23). Тергӹмӹ кечӹ: 21 ноябрьын 2023.
- ↑ Какого числа отмечается Всемирный день приветствий в 2023 году. kp.ru. Комсомольская правда. Тергӹмӹ кечӹ: 21 ноябрьын 2023.
- ↑ Привет, шалом, бонжур. Откуда произошли приветствия и в чем их значение. yamal-media.ru. Ямал Медиа. Тергӹмӹ кечӹ: 21 ноябрьын 2023.
- ↑ Всемирный день приветствий. vavilovsar.ru. Саратовский государственный университет генетики, биотехнологии и инженерии имени Н.И. Вавилова (23 ноябрьын 2021). Тергӹмӹ кечӹ: 21 ноябрьын 2023.
- ↑ 21 ноября – День приветствий и телевидения. dobro.press. Журнал добро (21 ноябрьын 2023). Тергӹмӹ кечӹ: 21 ноябрьын 2023.
- ↑ Всемирный день приветствий. mirkosmosa.ru. Мир космоса. Тергӹмӹ кечӹ: 21 ноябрьын 2023.
- ↑ Всемирный день приветствий. ria.ru. РИА Новости (21 ноябрьын 2013). Тергӹмӹ кечӹ: 21 ноябрьын 2023.
- ↑ Марина Черненкова. 21 ноября 2023 – Всемирный день приветствий: История и традиции праздника. osnmedia.ru. Общественная служба новостей (20 ноябрьын 2023). Тергӹмӹ кечӹ: 21 ноябрьын 2023.
- ↑ 21 ноября Всемирный день приветствий. culture.ru. Культура.РФ (21 ноябрьын 2023). Тергӹмӹ кечӹ: 21 ноябрьын 2023.