Удмурт йӹлмӹн кечӹжӹ
| Удмурт йӹлмӹн кечӹжӹ | |
|---|---|
 | |
| Тип | Национальный айо |
| Официально | руш. День удмуртского языка удмурт Удмурт кыллэн нуналыз |
| Пӓлемдӓт |
 Удмурт Республика |
| Кечӹ | 27 ноябрь |
Удмурт йӹлмӹн кечӹжӹ (руш. Удмурт кыллэн нуналыз) — удмурт йӹлмӹ лӹмеш эртӓрӹмӹ айо. И йӹде 27 ноябрьын пӓлемдӓлтеш. Ти кечӹн 2001 ин «Удмурт Республикӹн кугижӓншӹ йӹлмӹвлӓн дӓ Удмурт Респуликӹн вес халыквлӓн йӹлмӹвлӓштӹ гишӓн» законым пыртымы»[1].
Истори
Цилӓ сӓндӓлӹкӹштӹшӹ удмурт йӹлмӹн кечӹжӹм 2018 ин «Удмурт Кенеш» Всеудмуртский ассоциацин шанымашым лыкмыжы семӹнь Елабугышты межрегиональный научно-практический конференциштӹ Удмурт халыкын Всероссийский съездӹн 100 и теммӹжӹ лӹмеш пачаш манын пингӹдемдӹмӹ[2]. 2001 ин 27 ноябрьын Удмурт Республикӹн законодательствӹштӹ удмурт йӹлмӹ кугижӓншӹ статусым нӓлӹн.
Айо удмурт йӹлмӹм кымдан шӓрӓш манын ӹштӹмӹ лин. Тӹдӹ йӹлмӹн ӹшке статян ылмыжым дӓ цевержӹм анжыкта, жеплӹмӓшӹм лӱктӓ дӓ обществышты вӓржӹм пингӹдемдӓ[3]. Удмуртвлӓ ӹшке йӹлмӹштӹм «анай кыл» (язык матери) маныт. Тетя ӓвӓжӹн шӹшер дон ӹшке халык, культура, йӹлмӹ дӓ Родина докы яратымашым нӓлеш.
Айом пӓлемдӹмӓш
Айо кечӹн республика мычкы сакой айо сӹнӓн дӓ образовательный мероприятивлӓ эртӓт. Тенге ти кечӹн Удмурт Республикӹн Национальный библиотекӹштӹ у авторвлӓ дӓ у книгӓвлӓ доно пӓлӹмӹ лиӓш манын ярал вӓшлимӓшвлӓ эртӓт. Кымдем дон йӹлмӹн историштӹ гишӓн выставка дон лекцивлӓ лит[4]. Удмуртвлӓн национальный театрышты йори ти кечеш музыкально-литературный постановкывлӓм йӓмдӹлӓт. Национальный музейӹштӹ — тематический экскурсивлӓ, музей доно кӹлдӓлтшӹ уроквлӓ дӓ мастер-классвлӓ эртӓт.
Удмурт йӹлмӹ доно пӓлӹмӹ лиӓш манын «Пуры лижӹ! Удмурт йӹлмӹ цилӓлӓн!»[5] лӹмӓн акци эртӓрӓлтеш. Тӹдӹ и йӹде Халыквлӓн Дружымы пӧртӹштӹ, районный библиотекывлӓштӹ дӓ Культура пӧртвлӓштӹ эртӓ.