Пӱэргӹвлӓн цилӓ сӓндӓлӹкӹштӹшӹ кечӹ
| Пӱэргӹвлӓн цилӓ сӓндӓлӹкӹштӹшӹ кечӹ | |
|---|---|
 Пӱэргӹвлӓн изображенивлӓштӹ доно фотоколлаж | |
| Тип | Международный |
| Официально | Men's World Day |
| Пӓлемдӓт | ноябрьын пӹтӓриш кукшыгечӹн |
Пӱэргӹвлӓн цилӓ сӓндӓлӹкӹштӹшӹ кечӹ — айом ноябрьын пӹтӓриш кукшыгечӹн пӓлемдӓт. Журналист, писатель Джордж Кинделӹн инициативӹжӹ доно 2000 ин ноябрьын увертӓрӹмӹ, Вена халан магистрат, ООН-ын Вена халаштышы вуйлатышывлӓн отделени дӓ икманяр международный организацивлӓн палшымы дон пӓлемдӓлтӹн. Кинделӹн ӱжмӹ Горбачёв Михаил Сергеевич соучредитель дӓ мероприятин президентшӹ лимӹ шомыжы гишӓн келесен, тидӹ дон организаторвлӓӓт келшенӹт.
Айо кымда международный вниманим нӓлде. Официальный кӱкшӹцӹштӹ 2000-2004 ивлӓн Австриштӹ пӓлемдӓлтӹн, 2003 ин Германи ушнен[1], но вара официальный статусым ямден.
Пӱэргӹвлӓн цилӓ сӓндӓлӹкӹштӹшӹ кечӹ лӹмеш 2000-2006 ивлӓн Вена халашты и йӹде политикӹштӹ, наукышты, бизнесӹштӹ, культурышты, искусствышты ылшы кымдан пӓлӹмӹ деятельвлӓлӓн «Цилӓ сӓндӓлӹкӹштӹшӹ пӱэргӹ преми» кычыкталтын; техеньок преми дон 2004-2009 ивлӓн март тӹнгӓлтӹшӹн ӹдӹрӓмӓшвлӓм пӓлемденӹт. 2010 и гӹц, гендер шотышты иктӹмӓт айыраш ӹнжӹ ли манын шанымаш дон кок пасна преми вӓреш ик Сӓндӓлӹкӹштӹшӹ преми (The World Awards) ӹштӓлтӹн, но ти шанымашат ярал лиде дӓ пиш пӹсӹн ямын.