Телевиденин цилӓ сӓндӓлӹк лошты кечӹжӹ
| Телевиденин цилӓ сӓндӓлӹк лошты кечӹжӹ | |
|---|---|
 | |
| Кын | эдем йыхын вниманижӹм мир, лӱдӹшдӹмӹлык, культура шотышты вӓшӓ-вӓш вашталтымашым виӓнгдӹмӓш дӓ шукемдӹмӓш гишӓн ядмашвлӓ докы виктӓрӓ |
| Ӹштӓлтӹн | 1997 ин 21 ноябрьын |
| Ӹштӹшӹ | ООН-ын Генеральный Ассамблей |
| Кечӹ | 21 ноябрь |
| Кӹлдӓлтӹн | Икшӹ цилӓ сӓндӓлӹкӹштӹшӹ телевизионный форум доно |
Телевиденин цилӓ сӓндӓлӹк лошты кечӹжӹ ( ООН-ын вес официальный йӹлмӹвлӓ доно: англ. World Television Day, исп. Día Mundial de la Televisión, франц. Journée internationale de la télévision ) — международный кечӹ, ООН-ын Генеральный Ассамблейӹн шанымашым пумыжы семӹнь (A/RES/51/205 №-ӓн резолюци), 1997 и гӹц тӹнгӓлӹн, и йӹде 21 ноябрьын пӓлемдӓлтеш[1].
Истори
Сӓндӓлӹкӹштӹшӹ СМИ-н эдемвлӓжӹ ООН-ын эгидӹжӹ доно эртӹшӹ Цилӓ сӓндӓлӹкӹштӹшӹ телевизионный форумышты 1996 ин 21-22 ноябрьын вӓшлинӹт. Телевиденим общественный шанымашым тӹшлӹшӹ дӓ виктӓрӹшӹ керӓл хӓдӹр семӹнь шотленӹт[2].
1996 ин 17 декабрьын 88-шӹ заседаништӹ ООН-ын Генеральный Ассамблей, телевиденин решеним пингӹдемдӹмӹ процессӹштӹ вижӹ когоэммӹм шотеш пиштен, Телевиденин цилӓ сӓндӓлӹк лошты кечӹм 21 ноябрьын эртӓрӓш шанымашым пуэн. Тӹнг цельжӹ мир, безопасность, культура шотышты вӓшӓ-вӓш вашталтымашым виӓнгдӹмӹ дӓ шукемдӹмӹ гишан пробемывлӓ лӹмеш ӹштӹмӹ телевизионный программывлӓм вашталтымашым кымылангдымаш ылын.
2002 ин ООН-ын Генеральный секретарьжы Кофи Аннан Телевиденин цилӓ сӓндӓлӹк лошты кечӹжӹ лӹмеш келесен[3]:
«Телевиденин цилӓ сӓндӓлӹк лошты кечӹжӹм пӓлемдӹмӓш тӹдӹн мирӹм дӓ виӓнгдӹмӓшӹм шӓрӹкӓлӹмӹ пӓшӓштӹ вӓржӹм пасна пӓлдӹртӓш и йӹде эртӓрӓлтеш».
Тӹдӹ тенгеок келесен, телевидени радио дӓ Интернет доно иквӓреш цӹтӹдӹмӓшӹм, стереотипвлӓм, кого шӹдӓн материалвлӓм шӓрӹкӓлӹшӹ йӧн ыжны ли манын тырхышашлык[3].
Российӹштӹ
Российӹштӹ Телевиденин цилӓ сӓндӓлӹк лошты кечӹжӹ официальный айо агыл, но соиток телевещаништӹ пӓшӓм ӹштӹшӹ видӹшӹвлӓ, дикторвлӓ, редакторвлӓ, операторвлӓ дӓ режиссервлӓ, и профильӹштӹ тымдышывлӓ дӓ тыменьшӹвлӓ — цилӓнӓт ти айом пӓлемдӓт[4].
Российӹштӹшӹ телевизионщиквлӓн ӹшке профессиональный айо кечӹштӹ улы. Тӹдӹ 7 майын Радио кечӹ доно иквӓреш пӓлемдӓлтеш. Тенгеок Тетявлӓн телевидени дӓ радио кечӹ улы. Тӹдӹ мартын икшӹ рушӓрнян пӓлемдӓлтеш[4].
Тенгеок анжы
Примечани
- ↑ День телевидения. Волонтеры культуры. Тергӹмӹ кечӹ: 20 ноябрьын 2023.
- ↑ Всемирный день телевидения. РИА Новости (21 ноябрьын 2022). Тергӹмӹ кечӹ: 20 ноябрьын 2023.
- ↑ 1 2 Информационный центр ООН в Москве. Послание Генерального секретаря ООН по случаю всемирного дня телевидения. Официальный сайт ООН (21 ноябрьын 2002). Тергӹмӹ кечӹ: 20 ноябрьын 2023.
- ↑ 1 2 Всемирный день телевидения — 2022: история и традиции праздника. Известия (20 ноябрьын 2022). Тергӹмӹ кечӹ: 20 ноябрьын 2023.