Халыкын икышын ылмы кечӹжӹ
| Халыкын икышын ылмы кечӹжӹ | |
|---|---|
 | |
| Тип | Кугижӓншӹ, Российӹн воинский славын кечӹжӹ |
| Вес семӹнь | Йымын Ӓвӓн Казанский иконжым пӓлемдӹмӹ кечӹ (1612 ин Москва дон Российӹм поляквлӓ гӹц ытарымым ӓштен), Казанский шӹжӹшӹ |
| Кын | 1612 ин шӹжӹм Московский Кремль гӹц польский интервентвлӓм Кокшы халык ополченин шин лыкмыжы |
| Ӹштӓлтӹн |
2005 ин 4 ноябрьын „смутный жеп“ пӹтӹмӹ лӹмеш 1612 и 22 октябрь (1 ноябрь) |
| Ӹштӹшӹ | 2004 ишӹ 29 декабряш 201-ФЗ №-ӓн Федеральный закон |
| Пӓлемдӓт |
 Россий,  Кечӹвӓлвел Осети,  ПМР |
| Кечӹ | 4 ноябрь |
| Овуца | парад, молебен, крестный ход, хала йӓрмингӓ, патриотический дӓ просветительский акцивлӓ |
 Медиафайлы на РУВИКИ.Медиа | |
Халыкын икышын ылмы кечӹжӹ — Российӹн кугижӓншӹ айо, 2005 и гӹц тӹнгӓлӹн, 4 ноябрьын пӓлемдӓлтеш. Российӹн воинский славын кечӹжӹ ылеш. 2004 ишӹ 29 декабрьыштышы 201 №-ӓн Федеральный закон семӹнь[1], кӓнӹмӹ кечеш увертӓрӹмӹ.
Халыкын икышын ылмы кечӹжӹ
Айо кечы
1612 ин 22 октябрьын (1 ноябрьын) Кузьма Минин дон Дмитрий Пожарскин вуйлатымы халык ополчени Китай-город гӹц Речь Посполитыйын войскавлӓжӹм шин лыктыныт дӓ Кремльыш цӓкнӹктенӹт[2]. Князь Пожарский дон Кузьма Минин Йымын Ӓвӓн Казанский иконыжы дон Китай-городыш пыренӹт.
24 октябрьын (3 ноябрьын) поляквлӓ кремльын Неглинныйыш лӓкшӹ капкам пачыныт; пӹтӓриок руш эдемвлӓм, боярвлӓм, дворянвлӓм, купецвлӓм, осадышты шӹнзӹшӹвлӓм колтенӹт. Пожарский дон Минин рушынвлӓм ӹшке земский станышкышты ыжатен кенӹт. 25 октябрьын (4 ноябрьын) кремльын цилӓ капкажы йолт пачмы ылыныт. Рушын войскавлӓ Кремльыш пыренӹт, тӹдӹн анзыц крестный ходын шествижӹ эртӓрӓлтӹн, кыдын анзылны архимандрит Дионисий ашкедӹн. Кремль гӹц элассонский архиепископ грек Арсений Владимирский, Богородицым кидешь намалын, ваштареш лӓктӹн. Поляквлӓ оружим шуэн коденӹт. Нӹнӹм русский станыш поктыл кенӹт[3].
1649 ин кугижӓ Алексей Михайлович Йымын Ӓвӓн Казанский иконжын кечӹм пӓлемдӓш шӱден, кӓнгӹжӹм веле агыл, но (юлианский календарь семӹнь) 22 октябрьынат, кынам тӹдӹн пӹтӓриш тетяжӹ Дмитрий Алексеевич шачын. Йымын Ӓвӓн Казанский иконжым пӓлемдӹмӹ кечӹ (1612 ин Москва дон Российӹм поляквлӓ гӹц ытарымым ӓштен) православный дӓ халык календарьвлӓштӹ кӹзӹтӓт перегӓлт кодеш. Советский власть ылмы годым Москвам ытарымы кечӹм пӓлемдӹделыт.
Хронологи гишӓн вырседӓлмӓш
1995-шӹ ишӹ 13 марташ 32-ФЗ №-ӓн Федеральный закон «Воинский славын дӓ Российӹн ӓштӹмӹ датывлӓ гишӓн» воинский славын кечӹм ыштен, 4 ноябрь — Халыкын икышын ылмы кечӹжӹ лин. Ти датым нижегородский старосты Кузьма Минин дон князь Дмитрий Пожарский вуйлатымы халык ополчени Китай-городым штурмуен нӓлмӹ кечӹш ушымы[4][5]. Ынгылдарымы сирмӓшӹштӹ законын проектӹшкӹ тенге цаклымы[6]:
« 1612 ин 4 ноябрьын Кузьма Минин дон князь Дмитрий Пожарскин вуйлатымы халык ополчени Китай-городым штурмуен нӓлӹнӹт дӓ Москвам польский интервентвлӓ гӹц ытаренӹт, тенге халык образцовый героизмӹм дӓ икышын ылмым анжыктенӹт. Иктӓт, кӱ кышец лӓктӹн, кӱн махань вероисповедани дӓ халык лошты кӱн махань положени ылеш, анжыделыт».
Китай-город 1612 ин 22 октябрьын юлианский календарь семӹнь нӓлмӹ ылын, тӹ жепӹн григорианский календарь семӹнь 1 ноябрь 1612 и ылын.
Кыды-тидӹ историквлӓ 25 октябрьым (5 ноябрьым) Кремльым ытарымы кечеш шотлат, тӹнӓмок польский гарнизон капитуляцим сирен дӓ Кремль гӹц москваштышы боярвлӓм (Российӹн законный Правительствым) дӓ вес знатный эдемвлӓм колтенӹт. Нӹнӹ лошты анзыкыла лишӹ царь Михаил Федорович ылын. Вес кечеш 27 октябрьын (6 ноябрьын) — гарнизон сдаялтын[7][8].
Айом ӹштӹмӹ истори
Айом эртӓрӓш манын ик инициаторжы Владислав Сурков:
Ма ылеш Рушын Сӓндӓлӹк? Тагынамок ти шанымашым кугижӓншӹ политикӹн структурышкыжы пыртенӓм, мӓ тӹнӓм идеологический датывлӓм вашталтеннӓ: социалистический революцин кечӹм пӓлемдӓш цӓрненнӓ дӓ Халыкын икышын ылмы кечӹм пыртеннӓ. Вет Российӹштӹ Революци анзыц ылшы айовлӓ эртӓрӓлделыт. Ти кечӹ руш национализмӹн кечӹжӹ лин. Задача ылын техень: мировой обществым орландарыде, Импери гишӓн, шӓрлӓш шанымашна гишӓн сирӓш.
4 ноябрьым айо кечӹм ӹштӹмӹ гишӓн шанымашым Российӹн межрелигиозный советшӹ 2004 ин сентябрьын келесен. Тӹдӹм Пӓшӓ дӓ социальный политика дон комитет поддерживаен дӓ думский инициатива статусым нӓлӹн.
29 сентябрьын 2004 ин Москван дӓ цилӓ Русьын Патриарх Алексий айом 4 ноябрьын эртӓрӓш манын инициативӹм цилӓн анзылны поддерживаен. «Ти кечӹ мӓлӓннӓ ӓшӹндӓрӹктӓ, кыце 1612 ин российӹштӹ сакой верӓн ылшы, халыквлӓ гӹц лӓкшӹ россиянвлӓ лӱдӹш тышманым сӹнгенӹт дӓ странам стабильный гражданский мирӹш канденӹт», — манын тӹдӹ.
4 октябрьын «Единый Россий» фракцим вуйлатышын икшӹ вашталтышыжы Валерий Богомолов ти инициативӹм цилӓн анзылны поддерживаен. Тӹдӹ РИА «Новостин» интервьюшты тенге келесен: «1612 ин Россий польский захватчиквлӓ гӹц ытлен дӓ „смутный жеп“ пӹтен».
2004 ин 28 октябрьын Общественный палатын дӓ Саратовский областьын Молодежный парламентӹн инициативӹжӹ дон Саратовын Театральный площадышты Россий Федерацин президентӹн Владимир Путинӹн реформывлӓн курсым поддерживаяш манын 8 тӹжемӓн молодежный дӓ общественный организацивлӓн представительвлӓн митинг эртӓрӓлтӹн. Выступленивлӓштӹ Халыкын икышын ылмы кечӹм 4 ноябрьын эртӓрӓш манын инициативӹм поддерживайымы. Тӹдӹм Россий Федерацин президент В.В. Путин докы Митинг участниквлӓн ӱжмӓшӹш пыртымы.
2004 ин 23 ноябрьын Дума анжалжы манын законопроект пыртымы. РФ-ын Трудовой кодексӹш тӧрлӹмӓшвлӓм пыртымы: 7 ноябрьын Кого октябрьский социалистический революцин идӓлыкшым дӓ 12 декабрьын Конституцин кечӹжӹм пӓлемдӓш цӓрӹмӹ, тенгеок 2 кечӹ гӹц 5 кечӹ якте У и кӓнӹмӹ кечӹвлӓм лӱктӓлмӹ, 4 ноябрьым у айо семӹнь ӹштӹмӹ. Законопроектӹн авторвлӓжӹ — Валерий Богомолов, Олег Еремеев (Единый Россий) дӓ Владимир Жириновский (ЛДРП) ылыт.
Тӹ кечӹнок Российӹн межрелигиозный совет президиумын членвлӓжӹ Госдумын председательжӹ Борис Грызлов док Советӹн заявленим анжалжы манын обращаялтыныт, кышты 4 ноябрьым айо кечӹ семынь ӹштӹмӹ гишӓн сирӹмӹ ылын. Совет у айом пыртымым яжоэш шотлен. Яралеш толшы обращени доно иквӓреш заявленин текстшӹм Госдумышты, РФ-ин Трудовой кодексӹш айо датывлӓ гишӓн тӧрлӹмӓшвлӓм пыртым кӓнгӓшӹмӹ годым, шӓрӹкӓлӹмӹ.
«Мӓ, Российӹн пайылалтмы кечӹжӹ — 7 ноябрь — согласи дӓ примирени кечӹ лиде манын шаненӓ», — келесӹмӹ обращеништӹ. Российӹн Межрелигиозный советӹн членвлӓжӹ анзыкла лиӓлтшӹ событивлӓ паштек «мӓмнӓн миллион согражданвлӓнӓ коленӹт, а 1612 ин Москвам иноземный захватчиквлӓ гӹц ытарымы паштек халык икышын лин дӓ халык лошты вӹр йоктарымашым цӓрен».
Законопроектӹм Госдумын заседаништӹжӹ пӹтӓриш лыдмашты пыртымы, коммуниствлӓ ваштареш ылыныт. 2004 ин 27 декабрьын проект кымшы лыдмашты пыртымы ылын дӓ закон лин. 327 депутат закон верц юкым пуэн, коммуниствлӓ цилӓнӓт — «ваштареш», коктын коктешлӓненӹт.
Международный статус
- Приднепровская Молдавская Республика. 4 ноябрь — Халыкын икышын ылмы кечӹжӹ, 2012 ишӹ 16 ноябряш Президентӹн указшы семӹнь ӓштӹмӹ датывлӓ шотыш пыра[9]. Ти кечӹ пӓлемдӓлтеш, лач кӓнӹмӹ кечӹ агыл.
- Южный Осети. 4 ноябрьын Халыкын икышын ылмы кечӹм пӓлемдӓт[10].
Киновлӓ
- «1612: Смуты жепӹн хроникыжы» (2007-шӹ ишӹ кино)
- «Крепость. Щит дӓ меч дон» (2015-шӹ ишӹ мульфильм)
Литература
- Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
- Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
- Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
- Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
- Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
- Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
- Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
Ссылкывлӓ
- Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
- Известия. Праздничные дни. Как они появляются и кто их устанавливает. Интервью с Андреем Николаевичем Сахаровым, директором Института российской истории РАН.
- РИА Новости. День единения России. Справка
4 ноября — День народного единства
Примечани
- ↑ Федеральный закон от 29.12.2004 г. № 201-ФЗ «О внесении изменений в статью 112 Трудового кодекса Российской Федерации» Архивный копи от 24 декабрьын 2005 на Wayback Machine
- ↑ Соловьёв С. М. История России с древнейших времён. — 2-е изд. — СПб.: Товарищ. «Общественная польза». — Т. 8. — Стб. 1036.
- ↑ Костомаров Н.И. Русская история в жизнеописаниях её главнейших деятелей.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка. Государственная дума (12 октябрьын 2004). Дата обращения: 10 майын 2021.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России». Kremlin.ru. Дата обращения: 9 февральын 2022. Архивировано 26 ноябрьын 2021 года.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка. Государственная дума (12 октябрьын 2004). Дата обращения: 4 ноябрьын 2022. Архивировано 10 майын 2021 года.
- ↑ Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
- ↑ Второе ополчение 1611–12 / Назаров В.Д. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
- ↑ № 761 — О внесении дополнения в Указ Президента Приднестровской Молдавской Республики от 13 июня 2001 года № 300 «Об установлении профессиональных праздников и памятных дней в Приднестровской Молдавской Республике». www.ulpmr.ru. Дата обращения: 3 ноябрьын 2021.
- ↑ День народного единства в Южной Осетии отметили патриотическим забегом.