Радиологин международный кечӹжӹ
Радиологин международный кечӹжӹ — тидӹ медицинӹн специальностьшы лӹмеш ӹштӹмӹ айо, и йӹде эртä. Айо Европыштышы радиологи обществын (ЕSR), Йыдпелвел Америкӹштӹшӹ радиологи обществын (RSNA) дӓ Америкӹштӹшӹ радиологи колледжӹн (ACR) икышын предлагайымы кечӹ ылеш, пӹтäриш гäнä 2012 ин 8 ноябрьын пäлемдäлтӹн.
Истори
1895 ин 8 ноябрьын Вильгельм Конрад Рентген рентгеновский излученим пачын, тенге у медицина дисциплинӹлӓн — радиологилäн — тӹнгäлтӹшӹм пиштен. Тӹдӹм пачмы лӹмеш ESR RSNA дä ACR доно иквäреш тидӹ кечӹм каждый ин эртарӹмӹ айо семӹнь ӹштӓш келеш манын хытырен келшенӹт.
Радиологин международный кечӹжӹн цельжӹ — общественностьын медицинӹн ти кӹдежшӹ дӓ тӹдӹн пайдажылан вниманим айыраш.
Радиологин международный кечӹжӹм празднуйымаш 2011 ин предлагайымы Европыштышы радиологи кечӹм вашталтен. Радиологин Европыштышы кечӹжӹ пӹтäриш дä пӹтäртӹш гäнä 2011 ин 10 февральын эртен дä Рентгенӹн колымы идäлыкшы лӹмеш ӹштӹмӹ ылын. Радиологин Европыштышы кечӹжӹм сек анзыц ESR эртäрен, варажы тӹдӹ RSNA дä ACR доно иквäреш Рентгеновский лучым пачмы верц Радиологин международный кечӹжӹ семӹнь аяш шаям лыктын.