Наукын мир дӓ виӓнгмӓш верц цилӓ сӓндӓлӹкӹштӹшӹ кечӹ
Наукын мир дӓ виӓнгмӓш верц цилӓ сӓндӓлӹкӹштӹшӹ кечӹ ( ООН-ын вес официальный йӹлмӹвлӓ доно: англ. World Science Day for Peace and Development, араб. اليوم العالمي للعلم لصالح السلام والتنمية, исп. Día Mundial de la Ciencia para la Paz y el Desarrollo, кит. 争取和平与发展世界科学日, франц. Journée mondiale de la science au service de la paix et du développement ) — цилӓ сӓндӓлӹкӹштӹ и йӹде 10 ноябрьын пӓлемдӓлтшӹ международный кечӹ[1].
Наукын цилӓ сӓндӓлӹкӹштӹшӹ кечӹжӹн истори
1999 ин, Венгрин тӹнг халаштыжы Будапештӹштӹ ООН-н вуйлатымы доно образовани, наука дӓ культура ядмашвлӓ доно (ЮНЕСКО) церотан Цилӓ сӓндӓлӹкӹштӹшӹ научный конференци (англ. World Conference on Science) эртен. Ти конференцин делегатвлӓ (нӹнӹ лошты шукы пӓлӹмӹ ученый, правозащитник, эколог, политик дӓ молывлӓӓт ылыныт) техень кечӹм календарьыш пырташ шанымашым лыктыныт. Ти шанымашым пушывлӓ ти кечӹ планета кӱкшӹцӓш сек керӓл проблемӹвлӓм общество дон наукын иквӓреш решӓшӹштӹ палша манын ынгылдаренӹт.
Погынымашын протоколжы семӹнь ЮНЕСКО «Наукын мир дӓ виӓнгмӓш верц цилӓ сӓндӓлӹкӹштӹшӹ кечӹжӹм» пингӹдемден. Тӹдӹн гишӓн официально 2001 ин увертӓрӹмӹ ылын, 2002 и гӹц пӓлемдӓлтӓш тӹнгӓлӹн.
Ти кечӹн ЮНЕСКО-н пӓшӓзӹвлӓжӹ ӹшке пӓшӓштӹм анзыц келесӹмӹ направленивлӓ доно ӹштӓш пижӹт: школвлӓштӹ лекцивлӓм дӓ халыклан семинарвлӓм, йӹргешкӹ стӧлвлӓм эртӓрӓт, ти тема доно постер дон плакатвлӓм шӓрӹкӓлӓт, музейвлӓштӹ лӹмӹн ӹштӹмӹ выставкывлӓм эртӓрӓт.
Проблемӹвлӓ керӓл ылыт гӹнят, ти кечӹ — цилӓ сӓндӓлӹкӹштӹшӹ ученыйвлӓн айо ылеш. Вет ти кечӹн нӹнӹ коллегӹвлӓштӹ доно вӓшлин кердӹт, наукыштышы у увервлӓ доно икӹжӓк-иктӹштӹм пӓлдӓрӓт дӓ ӓнят лӓкшӹ проблемӹвлӓм иквӓреш решен кердӹт. Наукын мир дӓ виӓнгмӓш верц цилӓ сӓндӓлӹкӹштӹшӹ кечӹ кӓнӹм кечеш ак попазы гӹнь, кӓнӹм кечеш ак шотлалт.
Тенгеок анжы
Примечани
- ↑ [www.calend.ru/holidays/0/0/2660/ Всемирный день науки — 10 ноября. История и особенности праздника в проекте Календарь Праздников 2010]
Ссылкывлӓ
- [www.calend.ru/holidays/0/0/2660/ Всемирный день науки в «Календаре праздников»]