Социологын кечӹжӹ
Социологын кечӹжӹ — кыце-гӹнят социологи дон кӹлдӓлтшӹ эдемвлӓн Россий Федерациштӹ пӓлемдӹмӹ официальный агыл айошты, социологи социальный системӹвлӓн, общность, группа дӓ личностьвлӓн шагалмы дӓ виӓнгмӹ гишӓн наука. Ти кечӹм российӹштӹшӹ социологвлӓ и йӹде 14 ноябрьын эртӓрӓт[1].
Истори
1994 и гӹц тӹнгӓлӹн «Социологын кечӹжӹ» Санкт-Петербургыштышы кугижӓнӹш университетӹн (СПбГУ) социологи факультетӹштӹ и йӹде эртӓрӓлтеш. Факультет российӹштӹшӹ академический (университетский) социологин шачмы вӓржӹ ылеш. Айон тӹнг инициаторжы СПбГУ-шы Социологи факультетӹн пӹтӓриш деканжы Асалхан Ользонович Бороноев шотлалтеш[2][3].
Санкт-Петербургыштышы социологи факультетӹн профессор дон тымдышывлӓ Россий Федерациштӹ «социолог кечӹм» эртӓрӓш манын 14 ноябрьым йори айыренӹт, тӹдӹ келгӹ исторический важан ылеш. XX курым тӹнгӓлтӹшӹн летописьвлӓ анализӹм эртӓрӹмӹ паштек анжыктен: лач ти кечӹн, 1901 ин 14 ноябрьын, Франциштӹ Парижӹн Сорбонна олицӓштӹ Руш общество наукын кӱшӹл школжы пӓшӓм ӹштӓш тӹнгӓлӹн[4]. Лачок ти школышты сӓндӓлӹкӹштӹ пӹтӓришӹвлӓ логӹц ик социологи факультет ӹшке пӓшӓжӹм тӹнгӓлӹн. Нӹл иштӹ школым питӹренӹт, но Пётр Лавровын, Максим Ковалевскийӹн, Павел Мильковын, Николай Кареевӹн, Евгений Де Робертинӹн дӓ молы лӹмлӹ учёныйын тӹнгӓлмӹ пӓшӓштӹ кӹзӹтӓт ӹлӓ[5], вет российӹштӹшӹ политика ваштареш шалгышывлӓ (оппозиционервлӓ) тӹшец тымень лӓктӹнӹт. Нӹнӹн погымы знани негӹцеш российӹштӹшӹ социологи тӹнгӓлтӹшӹм нӓлӹн.
Примечани
- ↑ Горшков М. К. Профессиональный праздник как повод для раздумий // Социологическая наука и социальная практика. — 2013. — № 1. — С. 5-11.
- ↑ Ломоносова М. В. Вехи зарубежной истории российской социологии // Научный журнал «Наследие». — ГБУ РК «Центр «Наследие» имени Питирима Сорокина», 2012. — № 2. — С. 136.(недоступная ссылка)
- ↑ Кукушкина Е. И., Буланова М. Б. Возвращение наследия русской социологической школы: опыт Санкт-Петербурга // Социологические исследования.. — 2013. — № 5. — С. 73-78.
- ↑ [www.calend.ru/holidays/0/0/1550/ День социолога — 14 ноября. История и особенности праздника в проекте Календарь Праздников 2010]
- ↑ День социолога
Литература
- Бороноев А. О. О «Дне социолога» // Социологические исследования.. — 2004. — № 9.. — С. 129.