Африкӹм индустрируйымы кечӹ
Африкӹм индустрируйымы кечӹ (ООН-ын молы официальный йӹлмӹ доно: англ. Africa Industrialization Day, исп. Día de la Industrializacion de Africa, франц. Journée de l’industrialisation de l’Afrique) — 1990 и гӹц 20 ноябрьӹн и йӹде пӓлемдӓлтеш ООН-ын Генеральный Ассамблейӹжӹ Африкӹм индустрируйымы пäшäштӹ сäндäлӹкӹштӹшӹ халыкын палшыкым ядмы шотышты шаям лыктын (№ A/RES/44/237 Резолюци).
Цымыр нäлмäштӹ, резолюци Кокшы Лу и жепӹштӹ Африкӹн промышленный виäнгдӹмӹ ядмашым анжа.
ООН-ын Генеральный секретарьжы Африкӹм индустрируйымы кечӹлäн согоньлалтшы сирӹмäшӹштӹжӹ паян велвлäн ӹшке рынокышкышты корным циклӹмӹ гишäн пäлдӹртен. Лӹп виäнгшӹ велвлä кымдыкыш экспортым цäрӹмӹм карангдаш ӱжӹн. Послаништӹжӹ тенгеок, африканский велвлä ӹшкеäт торгейӹмӹ пäшäм виäнгдӹшäш верц ярал йöнӹм ӹштӹшäшлӹк ылыт, манын пäлемдӹмӹ.
Африкӹм индустрируйымы кечӹн каждый ишӹ темывлä
- 2016 и — «Африкӹм индустрируяш оксам пумаш: ӱжмӓшвлä дä сӹнгӹмӓшӓн стратеги»
- 2015 и — «Кӹцӹзӹ лимӹм пӹтäрӹмäштӹ дä ӹдӹрäмäш дон сäмӹрӹквлäлäн пäшä вäрӹм ӹштӹмäштӹ изи дä кӹдäлäш предприятивлäн кычыкышты»
- 2014 и — «Инклюзивный дä цаткыды виäнгмäш: качкыш шотышты ӹшӹклäн йöнӹм ӹштӹшäшлык агропромышленный виäнгмäш»
- 2012 и — «Африка велвлä лошты торгейӹмӹм виäнгдäш манын индустриализаци пäшäм пӹсӹэмдӹмäш»
- 2011 и — «Промышленностьым пӹсӹн виäнгдäш манын пингӹдӹ энергетика»
- 2010 и — «Африкӹм виäнгдӹмäштӹ тäнгäшен кердшӹ отрасльвлä»
- 2009 и — «Ушнымаш лӹмеш индустрируйымаш»
- 2008 и — «Цаткыды кушмаш дä виäнгмäш верц сырьём угӹц кычылтмаш»
- 2007 и — «Промышленностьлан технологи дä инноваци – эдемлӓн инвестицим ӹштӹмӓш — анзыкылашкы инвестируйымаш»
- 2006 и — «Промышленный виäнгдӹмäш негӹцеш кӹцӹзӹ кымдыкым изиэмдӹмäш»
- 2005 и — «Рыноквлäшкӹ пингӹдӹ корным пачаш манын, Африкӹм конкурент лин кердшӹм ӹштӓш»