Урбанизмӹн цилä сäндäлӹк лошты кечӹжӹ
Урбанизмӹн цилä сäндäлӹк лошты кечӹжӹ (англ. World Urbanism Day), тенгеок «Халам чангымын цилä сäндäлӹк лошты кечӹжӹ» семӹнь пäлӹмӹ ылеш. 1949 ин Буэнос-Айрес университетӹн профессоржы, Парижӹштӹшӹ Урбанизм институтым тымень пӹтӓрӹшӹ Карлос Мария делла Паолерӹн халавлäм планируйымы шотышты общественный дä профессиональный интересӹм лӱктäлӓш манын шанен лыкмы айо. Нӹл континентӹштӹ, 30 нäрӹ сäндäлӹкӹштӹ, и йӹде 8 ноябрьын пäлемдäт. Тидӹ кечӹ халам планируйымын рольжым халаштышы халыклан яжон ӹлӓш манын келшӹшӹ йӧнӹм ӹштӹмӹ гишӓн шӓрӹкӓлӓ. Урбанизмӹн цилӓ сäндäлӹк лошты кечӹжӹ халавлäм планировани шотышты пӓшӓм тӹрӹс анжалаш йӧнӹм пуа, хала дӓ тӹдӹн сага кымдыкым виäнгдӹмӹ паштек йӹрӹм-вӓш шӓрлӹшӹ вашталтмашышкы политик дон гражданвлäн внимаништӹм айыра. Ти кечӹн Халам планировани шотышты сертифицированный специалиствлäн америкӹштӹшӹ институт (англ. American Institute of Certified Planners)[1] ӹшке мероприятивлäжӹм эртäрä.
Тенгеок анжы
Примечани
- ↑ Gillian Houghton: Careers in Urban Planning, Rosen Publishing Group, 2003, S. 104