Бухгалтерӹн кечӹжӹ
| Бухгалтерӹн кечӹжӹ | |
|---|---|
 | |
| Кечӹ |
|
«Бухгалтерӹн кечӹжӹ» (руш. День бухгалтера) — Российӹштӹ дӓ вес сӓндӓлӹквлӓштӹ бухгалтер-учёт областьыштышышы специалиствлӓн (бухгалтервлӓн) и йӹде пӓлемдӹмӹ официальный агыл пофессиональный айошты. Икманяр айымы кечӹ улы[1].
Российӹштӹ, Российӹштӹшӹ бухгалтерын кечӹжӹ гӹц пасна (21 ноябрь), юж субъектвлӓштӹ регионыштышы айовлӓ улы, нӹнӹм вес кечӹвлӓн пӓлемдӓт, а Профессиональный бухгалтер дон аудиторвлӓн институтын пӓшӓзӹвлӓжӹ Профессиональный бухгалтерын кечӹжӹ доно мактымашым 28 ноябрьын нӓлӹт[2].
Бухгалтерын международный кечӹжӹм (Бухгалтерин международный кечӹжӹ; англ. «International Accounting Day») 10 ноябрьын пӓлемдӓт[3].
Российӹштӹшӹ бухгалтерын кечӹжӹн историжӹ
Российӹштӹ Российӹштӹшӹ бухгалтерын кечӹжӹ профессиональный айо и йӹде 21 ноябрьын пӓлемдӓлтеш. Но, кугижӓншӹ кӱкшӹцӹштӹ айом пингӹдемдӹмӹ агылат, икманяр кечӹ улы.
Тӹнгжӹ — 21 ноябрь — Россий президент Борис Ельцинӹн 1996 и 21 ноябряш 129-ФЗ №-ӓн «Бухгалтер учёт гишӓн» Федеральный законым подписӓйӹмӹ кечӹ доно кӹлдӹмӹ[4] (2013 ин 1 январьын вижӹм ямден, тӹнӓм тӹдӹн вӓреш 2011 и 6 декабрьяш 402 №-ӓн Федеральный закон лӓктӹн)[5]. Документ семӹнь, фирмӹвлӓ пурлык дон хозанлык операцивлӓм фиксируйышашлык ылыныт. Закон бухучётым кычаш ядмашын, тенгеок пурлыкын инвентаризацижӹн дӓ отчётностьын правилывлӓжӹм пӓлемден.
Ти закон 28 ноябрьын вим нӓлӹн, дӓ тидӹн гишӓн айымы кечӹ шотышты ынгылыдымаш лӓктӹн. Тидӹн шотышты Профессиональный бухгалтер дон аудиторвлӓн институтышты «Профессиональный бухгалтерын кечӹжӹм» 2002 и гӹц ти кечӹн пӓлемдӓт[2].
Финансовый пӓшӓн российӹштӹшӹ специалиствлӓ профессиональный айом официально пингӹдемдӓш ик гӓнӓ веле агыл шанымашым лыктыныт. Пӹтӓришӹ гӓнӓ 2000 ин 21 июньын российӹштӹшӹ бухгалтер дон аудиторвлӓн Съездӹн исполкомжын кокшы заседаништӹжӹ цаценӹт. Заседанин участниквлӓжӹ айом 21 ноябрьын пӓлемдӹмӹ гишӓн ядмашым Россий Федерацин Финанс министерствышкыжы колташ решенӹт[6].
2014 ин Финанс министерство 12 лин кердшӹ кечӹ гӹц айымы кечӹм айырен нӓлӓш цацен, нӹнӹн лошты 21 апрель ылын — «Главбухын кечӹжӹ»[7].
Российӹштӹшӹ бухгалтерын кечӹжӹ гишӓн ядмаш докы 2021 ин бизнес-омбудсмен Борис Титовын инициативӹжӹ доно пӧртӹлӹнӹт. 2025 иэш пынзалтышым лыкмы агыл.
Бухгалтерӹн кечӹжӹ российӹштӹшӹ регионвлäштӹ
Россий Федерацин тагыды кымдемӹштӹжӹ «Бухгалтерӹн кечӹжӹ» айо кечӹм регион кӱкшӹцӹштӹ пингӹдемдӹмӹ:
- «Ярославль кымдемӹштӹшӹ бухгалтерӹн кечӹжӹ» — и йӹде апрельӹн икшӹ рушäрняжӹн (1996 и гӹц)[8];
- «Волгоград кымдемӹштӹшӹ бухгалтерӹн кечӹжӹ» — 1 ноябрь[9];
- «Красноярск кымдемӹштӹшӹ бухгалтерӹн кечӹжӹ» — 12 ноябрь[10];
- «Петербургыштышы бухгалтерӹн кечӹжӹ» — 15 ноябрь;
- «Москваштышы бухгалтерӹн кечӹжӹ» — 16 ноябрь[10];
- «Татарстаныштышы бухгалтерӹн кечӹжӹ» — ноябрьын пӹтäртӹш когарняжы[11];
- «Краснодар кымдемӹштӹшӹ аудитор дон бухгалтерӹн кечӹжӹ» — декабрьын икшӹ рушäрняжӹ (2007 и гӹц)[12].
- «Пермь кымдемӹштӹшӹ бухгалтерӹн кечӹжӹ» — 19 ноябрь (2021 и гӹц).
Бухгалтерын международный кечӹжӹ
Бухгалтерын международный кечӹжӹ и йӹде 10 ноябрьын пӓлемдӓлтеш. Айом Ушнышы Нацивлӓн Организаци 1972 ин ӹштен[13].
Ти кечӹн 1494 ин Венециштӹшӹ математик Лука Пачоли «Сумма арифметики, геометрии, отношений и пропорций» (итал. «Summa de arithmetica, geometria, proportioni et proportionalità») книгӓм пецӓтлен лыктын[13]. Книгӓштӹ тӹдӹ бухгалтери учётым ӹштӹмӹ тӹнг нюанс дон кок пачаш бухгалтери йӧн гишӓн попен[14].
Книгӓ лӓкмӹкӹ, Пачолим «бухгалтерин ӓтяжӹ» манаш, а книгӓм пецӓтлен лыкмы кечӹм бухгалтер пӓшӓн шачмы жепешӹжӹ шотлаш тӹнгӓлӹнӹт.
Айымы овуца
Российӹштӹ бухгалтер учёт пӓшӓзӹвлӓн профессиональный айоштын айыртемӓлтшӹ овуцавлӓжӹ уке.
Кечӹ кӓнӹм кечеш ак шотлалтат, бухгалтериштӹ пӓшӓлӹшӹвлӓ ти кечӹм шукыжы годым пӓшӓштӹ эртӓрӓт. Тенге гӹнят, компанивлӓн вуйлатышывлӓштӹ айоэш бухгалтервлӓлӓн пӓшӓштӹ гишӓн пуры шамаквлӓм келесен кердӹт. Бухгалтер кечеш финансовый отчётым ӹштӹшӹ пӓшӓзӹвлӓлӓн почётан диплом дон грамотывлӓм кычыктат. Нӹнӹлӓн ӓшӹндӓрӓшӹштӹ подаркавлӓм пуат дӓ премивлӓм сирӓт.
Анзыкылашы бухгалтервлӓ тыменьмӹ заведенивлӓштӹ айоэш мероприяти дон концертвлӓм эртӓрӓт.
Примечани
- ↑ Какого числа день бухгалтера 2025 в России, праздник бухгалтера в ноябре (руш.). www.banki.ru. Тергӹмӹ кечӹ: 3 декабрьын 2025.
- ↑ 1 2 С Днём профессионального бухгалтера! (руш.). www.ipbr.org. Тергӹмӹ кечӹ: 3 декабрьын 2025.
- ↑ День бухгалтера в 2024 году. История праздника, РБК Life (6 ноябрьын 2024). Дата обращения: 3 декабрьын 2025.
- ↑ Федеральный закон "О бухгалтерском учете" от 21.11.1996 N 129-ФЗ (последняя редакция) \ КонсультантПлюс(неопр.). www.consultant.ru. Тергӹмӹ кечӹ: 3 декабрьын 2025.
- ↑ Федеральный закон "О бухгалтерском учете" от 06.12.2011 N 402-ФЗ (последняя редакция) \ КонсультантПлюс(неопр.). www.consultant.ru. Тергӹмӹ кечӹ: 3 декабрьын 2025.
- ↑ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 ноябрьын 2000). Тергӹмӹ кечӹ: 25 октябрьын 2014. Архивируйымы 22 декабрьын 2014 года.
- ↑ Новости от главного редактора. Минфин выбирает День бухгалтера. Журнал «Главбух» // e.glavbukh.ru (4 февральын 2014). Тергӹмӹ кечӹ: 3 декабрьын 2025.
- ↑ О проведении в Ярославской области Дня бухгалтера от 18 марта 1996 - docs.cntd.ru. docs.cntd.ru. Тергӹмӹ кечӹ: 3 декабрьын 2025.
- ↑ Волгоградские бухгалтеры отмечают свой праздник - Волгоград новости (руш.). web.archive.org. Тергӹмӹ кечӹ: 3 декабрьын 2025.
- ↑ 1 2 День бухгалтера в 2024 году: дата, история и традиции праздника, Lenta.RU (19.09.2024). Дата обращения: 13 ноябрьын 2024.
- ↑ Уважаемые бухгалтеры ФГУП УПС «Татарстан почтасы»!(неопр.). web.archive.org. Тергӹмӹ кечӹ: 3 декабрьын 2025.
- ↑ Об установлении праздничных дней и памятных дат в Краснодарском крае от 14 декабря 2006 - docs.cntd.ru. docs.cntd.ru. Тергӹмӹ кечӹ: 3 декабрьын 2025.
- ↑ 1 2 День бухгалтера в 2025 году: дата, история и традиции праздника, Lenta.RU. Дата обращения: 3 декабрьын 2025.
- ↑ День бухгалтера в России в 2025 году: какого числа отмечают, Главбух (3 декабрьын 2025). Дата обращения: 3 декабрьын 2025.