Пневмони ваштареш цилä сäндäлӹкӹштӹшӹ кредäлмӹ кечӹ

Ирӹкӓн энциклопеди Википеди гӹц материал
Тенгеок анжы: Пневмони
Пневмони ваштареш цилä сäндäлӹкӹштӹшӹ кредäлмӹ кечӹ
B4787a4a5d6711adf08fa27fc1cba139 XL.jpg
Официально англ. World Pneumonia Day
Ӹштӓлтӹн 2009 и
Кечӹ и йӹде 12 ноябрьын

Пневмони ваштареш цилä сäндäлӹкӹштӹшӹ кредäлмӹ кечӹ — (англ. World Pneumonia Day; франц. Journée mondiale de la pneumonie; исп. Día Mundial contra la Neumonía) шоды цер гишӓн, цилä сäндäлӹкӹштӹ тетявлäн колымашын тӹнг виржӹ семӹнь, халыкым утларак пäлдäрäш, тенгеок пневмони гӹц перегäлтмӹ дä тӹдӹн гӹц ытлымы пäшäм кымдан виäнгдӹмӹ верц и йӹде 12 ноябрьын пäлемдäлтеш.

Тидӹ кечӹн медик дон пуры кымылан эдемвлä шоды цер дӓ тӹдӹн гӹц перегäлтмӹ гишäн информацим шӓрӹкӓлӓт, шулыкым перегӹмӹ вӓрвлӓштӹ медицинский анжымаш эртӓрӓлтеш.

Пневмони ваштареш цилä сäндäлӹкӹштӹшӹ кредäлмӹ кечӹн цельжӹ

2009 ин цилä сäндäлӹкӹштӹ 100 утла организаци Тетя пневмони ваштареш глобальный коалициш ушненӹт (англ. Global coalition Against Child Pneumonia).

Пневмони ваштареш цилä сäндäлӹкӹштӹшӹ кредäлмӹ кечӹ, шоды цер ваштареш кредäлмӹн керäл ылмыжым раскыдемденӹт, гражданский обществын ти церӹм сӹнгäш ӹшке вкладым пиштäш цацышы, цер доно кредäлмӹ корным иквäреш кӹчäлäш йäмдӹ ылшы институтвлäжӹм иктӹш уша дä техень задачывлӓм шӹндä[1]:

  • Пневмони гишäн, паснаок, тетявлӓм вӹц и якте пуштшы тӹнг цер семӹнь, пäлӹмäшӹм лӱктäлмäш;
  • Пневмони гӹц перегäлтмӹ, ытлымы дä тӹдӹм тöрлӹмӹ пäшäм виäнгдӹмӓш;
  • Пневмони ваштареш кредäлмӹ йöнвлäм йӓмдӹлӹмӓш.

Цилä сäндäлӹкӹштӹ тетявлäн колымы ик сек кого виреш пневмони шотлалтеш. 2019 ин пневмони гӹц вӹц и якте 740180 тетя колен, тидӹжӹ вӹц и якте колышы тетявлäн 14 % дä 1 и гӹц 5 и якте колышы тетявлäн 22 % ылеш[2].

И йӹде пневмони доно 450 миллион нäрӹ эдем церлäнä, нӹнӹ логӹц 7 миллион нäрӹжӹ кола[3].

Российӹштӹ

Пневмони доно врач-пульмонологвлä кредäлӹт, тенгеок нӹнӹ ӹшке профессиональный айоштым 17 майын пäлемдäт[4]. Российӹштӹ и йӹде 1 миллион нäрӹ эдем пневмони доно церлäнä. Больницӹш вацшы тӹшкä гӹц 60 % бронхолегочный пуалмы доно ясылана[5]. Врач-пульмонологвлä тенгеок COVID-19 цер доно кредäлмäштӹ сек анзыл вäрӹштӹ шалгат.

Тенгеок анжы: COVID-19 пандеми

Мероприятивлӓ

Россий Федерациштӹ шоды цер гӹц ытлымы гишӓн лекцивлӓ эртӓт. Культура томавлӓ дон библиотекӹвлӓшкӹ СВА фельдшервлӓм лекцим шайышташ ӱжӹт. Лекциштӹ медицинский специалиствлӓ пневмонин ӹлянӹмӹжӹ, тӹдӹн вес цер гӹц айыртемӓлтмӓшӹжӹ дӓ тӹдӹн гӹц ытлымы гишӓн шайыштыт[6].

Примечани

  1. ↑ Komal Jain. World Pneumonia Day 2023: Date, History, Significance And All You Need to Know About Pneumonia (англ.). BQ Prime (11 ноябрьын 2023). Тергӹмӹ кечӹ: 13 ноябрьын 2023.
  2. ↑ Pneumonia in children (англ.). ВОЗ (11 ноябрьын 2022). Тергӹмӹ кечӹ: 7 ноябрьын 2023.
  3. ↑ Всемирный день борьбы с пневмонией отмечается 12 ноября. Парламентская Газета (12 ноябрьын 2023). Тергӹмӹ кечӹ: 12 ноябрьын 2023.
  4. ↑ 17 мая - День пульмонолога. Сеченовский университет (16 майын 2023). Тергӹмӹ кечӹ: 13 ноябрьын 2023.
  5. ↑ Во Всемирный день борьбы с пневмонией магаданский врач рассказала об опасном заболевании. Магаданская правда (12 ноябрьын 2023). Тергӹмӹ кечӹ: 13 ноябрьын 2023.
  6. ↑ Всемирный день борьбы с пневмонией 2024, Татышлинский район — дата и место проведения, программа мероприятия., Культура.РФ. Дата обращения: 11 ноябрьын 2024.
«https://mrj.ruwiki.ru/w/index.php?title=Пневмони_ваштареш_цилä_сäндäлӹкӹштӹшӹ_кредäлмӹ_кечӹ&oldid=313204» гӹц нӓлмӹ