Сӓмӹрӹквлӓн цилӓ сӓндӓлӹкӹштӹшӹ кечӹ (ВФДМ)
| «Сӓмӹрӹк йыхын кечӹжӹ» | |
|---|---|
 ВФДМ-ын эмблемӹжӹ | |
| Тип | официальный агыл |
| Вес семӹнь | «Сӓмӹрӹквлӓн кечӹштӹ» |
| Ӹштӓлтӹн | Демократический сӓмӹрӹквлӓн цилӓ сӓндӓлӹкӹштӹшӹ федераци |
| Пӓлемдӓт | Мӱлӓндӹ |
| Пӓлемдӹмӓш | и йӹде, 10 ноябрьын |
| Кӹлдӓлтӹн | Сӓмӹрӹк йыхын цилӓ сӓндӓлӹкӹштӹшӹ конференци дӓ ВМДМ-м ӹштӹмӹ доно |
«Сäмӹрӹквлäн цилä сäндäлӹкӹштӹшӹ кечӹштӹ» — Демократический сäмӹрӹквлäн цилӓ сäндäлӹк мычкы федерацижӹн (ВФДМ) вуйлатымыжы семӹнь сäмӹрӹк йыхын официально агыл пäлемдӹмӹ интернациональный айо, и йӹде 10 ноябрьын пäлемдäлтеш.
Истори
Айом 1945 ин, Кокшы мировой вырсы пӹтӹмӹкӹ, кок тӹлзӹштӹ пачмы. Сäмӹрӹквлäн цилӓ сäндäлӹк лошты кечӹштӹм пӓлемдӹмӓш Англин тӹнг халаштыжы, Лондонышты, 29 октябрь гӹц 10 ноябрь якте эртӹшӹ Сӓмӹрӹк йыхын цилӓ сӓндӓлӹкӹштӹшӹ конференцин пӹтӹмӹ кечӹжӹ доно кӹлдäлтӹн. Конференцин пӹтӹмӹ кечӹжӹ сек анзыц Демократический сӓмӹрӹквлӓн цилӓ сӓндӓлӹкӹштӹшӹ федерацин (ВФДМ) шачмыжы доно кӹлдäлтӹн. Тӹдӹ «сакой сäмӹрӹквлä ушемӹн икань ылмыштым, империализм ваштареш кредäлмäштӹ, мир, демократи, национальный ирӹк верц, политический, социальный дä экономический права шотышты сäмӹрӹквлäн интересӹштӹм перегäш йäмдӹ ылмыштым увертäрен». Ти организациштӹ Советский Союз лӹм доно «СССР-ын сäмӹрӹквлäн организацин комитет» пӓшӓлен[1][2]. Лач ВФДМ «Сäмӹрӹквлäн цилӓ сӓндӓлӹкӹштӹшӹ кечӹм» цилӓ вӓре пӓлемдӓш шанымашым пуэн.
СССР-н шäлäнӹмӹ паштекшӹ жеп
СССР-ын шäлäнӹмӹ паштек дä Ирвел Европыштышы сӓндӓлӹквлäштӹ социализмӹн сӹнгäлтмӹжӹ паштек ти айом официально пӓлемдӹмӓш пӹтен манаш лиэш. Тенге гӹнят, кӱшӹл кугижäншӹ чиновниквлä «ВДМ» лӹмеш мактышы увертäрӹмäшӹм ӹштäт. Шамак толшеш, 2009 ин техень шамак доно Россий Федерацин Тӹнг айырышы комиссижӹн председательжӹ Владимир Чуров келесен: Тагачы анзыкылаш дä сäмӹрӹк айырышывлä пиш яжо айом — Сäмӹрӹквлäн цилӓ сӓндӓлӹк лошты кечӹштӹм — пäлемдäт...[3].
«Сäмӹрӹквлäн цилӓ сӓндӓлӹкӹштӹшӹ кечӹ» кäнӹш кечеш ак шотлалт.
Цилä сäндäлӹкӹштӹшӹ сäмӹрӹквлäн планетарный кӱкшӹцӓн вес международный кечӹштӹ улы — Сäмӹрӹквлäн международный кечӹштӹ — тӹдӹ ООН-ын вуйлатымыжы доно и йӹде, кäнгӹжӹм 12 августын эртäрӓлтеш.
Тенгеок анжы
- Сäмӹрӹквлäн иктöр ылмы шотышты цилä сäндäлӹкӹштӹшӹ кечӹ — ВФДМ-н увертäрӹмӹ сäмӹрӹквлäн вес айошты.
- Эргӓшвлӓн международный кечӹ — «левый» дон коммунист ӹрвезӹвлäн айошты, 1915–1945 ивлäн пäлемдäлтӹн.
- Сäмӹрӹк йыхын кечӹ
Примечани
- ↑ Комитет молодёжных организаций СССР // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Всемирная федерация демократической молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 10 ноября — Всемирный день молодёжи | Шанс on-line. Дата обращения: 30 майын 2010. Архивировано 17 декабрьын 2014 года.
Ссылкывлӓ
- [www.calend.ru/holidays/0/0/592/ Всемирный день молодёжи в «Календаре праздников»]