11 февраль

← → Февраль
Шч Кш Вр Из Кг Кк Рш             1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
2026 и

Поран тӹлзӹн 11-шӹ кечӹжӹ (11 февраль) — григорианский календарь семӹнь ин 42-шы кечӹжӹ. Идӓлык пӹтӹмӹ якте 323 (кужемдӹмӹ ивлӓн — 324) кечӹ кодеш.

Йошкар-Олашты ☀️ Кечӹ 7 цӓш 11 минутын лӓктеш, 16 цӓш 25 минутын шӹнзеш. Кечӹн кужыцшы 🕒 9 цӓш 14 минут.
🌗 Остатка церпет (23.55 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:11 февральын айовлӓ

•  — Шушыр эдемӹн цилӓ сӓндӓлӹкӹштӹшӹ кечӹжӹ (руш. Всемирный день больного).
•  ООН — Наукышты ӹдӹрӓмӓш дон ӹдӹрвлӓн международный кечӹштӹ (руш. Международный день женщин и девочек в науке).
•  Камерун — Сӓмӹрӹквлӓн кечӹштӹ (руш. День молодёжи).
•  Россий — Тавак шыпшмы доно кредӓлмӹ цилӓ сӓндӓлӹкӹштӹшӹ кечӹ (руш. Всероссийский день борьбы с курением).
•  Либери — Вооруженный силан кечӹжӹ (руш. День вооружённых сил).
•  США — Изобретательӹн национальный кечӹжӹ (руш. Национальный день изобретателя).
•  Япони — Кугижӓншӹм ӹштӹмӹ кечӹ (руш. День основания государства).

Лӹм кечӹ

• Православный лӹмвлӓ: Авив, Афраат, Варсимей, Герасим, Дмитрий, Иван, Игнатий, Иона, Иперихий, Константин, Лаврентий, Леонтий, Лука, Мокий, Паригорий, Питирим, Роман, Сильван, Фафуил, Филофей, Юлиан, Яков.
• Католический лӹмвлӓ: Бенедикт, Грегори, Мария.

Лиӓлтмӓшвлӓ

Тенгеок анжы: Категори:11 февральын лиӓлтмӓшвлӓ

• М. э. анзыц 660 и - император Дзимму Японин тронышкыжы шагалын. Япони кугижӓншӹм ӹштӹмӓш.
• 1234 — Германский крестоносецвлӓн походвлӓштӹ жепӹн, нӹнӹн цельӹштӹ прибалтикыштышы племенавлӓм (куршвлӓм, ливвлӓм дӓ молывлӓмӓт) сӹнген нӓлмӓш дӓ ви доно христианизируйымаш ылын, Курляндиштӹшӹ епископствын ирӹкӓн духовный княжествыжым ӹштӹмӹ. Епископин ӹрдӹ халажы Пилтене (анзыц Пильтен) лин.
• 1697 — Петр I руш кугижӓншӹштӹ табакым выжалаш разрешеним пуэн.
• 1826 — Лондонын Университет колледжшӹ Лондоныштышы университет семӹн пачылтын. Тӹдӹ Лондонышты сек пӹтӓришӹ университет лин.
• 1838 —Санкт-Петербург гӹц Царский Сола якте кӹртнигорны мычкы имнивлӓ шыпшмы поездвлӓ кашташ тӹнгӓлӹт.
• 1889 — Мэйдзи Конституцим лыкмы, тӹдӹ Япоништӹ прусский образецӓн конституционный монархим пӓлемден. Конституци проект доно пӓшӓм Ито Хиробуми вуйлатен. Конституцим пингӹдемдӹмӹ паштек Япоништӹ Азиштӹшӹ Пӹтӓришӹ парламент шачын.
• 1916 — Нью-Йоркышты ӓзӓвлӓн шачмыштым тергӹмӹ гишӓн литературым шӓрӹмӹ гишӓн Якшар Эммам арестуйымы.
• 1921 — Грузиштӹ советизаци: Грузин Борчалин дӓ Ахалкалак уездвлӓштӹжӹ вӓрӹштӹшӹ коммуниствлӓ 11-шӹ армин командованижӹ йӓмдӹлӹмӹ восстаним тӹнгӓлӹнӹт. Большевиквлӓ Гори, Душет дӓ Борчалинский уездге йӓшненӹт.
• 1928 — швейцарский Санкт-Морицӹштӹ II телшӹ Олимпийский мадмаш пачылтын. Мадмашым Эдмунд Шультес пачын.
• 1941 — Гленн Миллерӹн американ джаз-оркестржын репертуаржы гӹц «Серенада Солнечной долины» кинофильм гӹц яжон пӓлӹмӹ «Поезд на Чаттанугу» мырым сирӹмӓн пластинка грамзаписьӹн историштӹжӹ пӹтӓришӹ официалный «шӧртньӹ дискшӹ» лин. Тӹ кечӹн, оркестрын выступленижӹн радиотрансляцижӹ годым, «Ар-си-эй» президент Уолли Эрли Гленн Миллерлӓн шӧртньӹ лак доно леведмӹ «Поезд на Чаттанугу» мырым сирӹмӓн грампластинкӹм кычыктен.
• 1943 — Сталин СССР-ӹштӹ атомный бомбым ӹштӓш пӓшӓм тӹнгӓлмӹ гишӓн ГКО-н пынзалтышыжым подписӓйен.
• 1959 — Аравийский полуостровын кечӹвӓлвел монгырыштыжы икманяр британский колони гӹц Кечӹвӓлвелӹн Арабский Эмиратвлӓн Федерациштӹм ӹштӹмӹ.
• 1970 — Мӱлӓндӹн «Осуми» икшӹ японский искусственный спутникшӹм орбитӹш лыкмы.
• 1971 — Москвашты, Вашингтонышты дӓ Лондонышты «тангыж дон океанвлӓ пындашты дӓ нӹнӹ кӧргӹштӹ ядерный оружим вӓрӓнгдӓш цӓрӹмӹ гишӓн Договорым» подписӓйӓш пачмы.
• 1972 — Рас-эль-Хайма Эмират Ушнышы Арабский Эмиратвлӓ докы ушнен.
• 1978 — Китайышты Аристотельын, Шекспирӹн дӓ Диккенсӹн книгӓвлӓштӹм лыдаш цӓрӹмӹм карангдымы.
• 1980 — Владимир Меньшовын «Москва слезам не верит» фильмжӹн премьерыжы.
• 1991 — Гаагышты Представительствыдымы наци дон халыквлӓн организацим ӹштӹмӹ.
• 2001 — Анна Kournikova компьютер вирусым ӹштӹмӹ.
• 2002 — римский ӓтя Иоанн Павел II, РПЦ-н протестшӹм дӓ антикатолический митингвлӓм анжыде, Российӹштӹ 4 апостольский администратурым цела епархиш (Москвашты Йымын Ӓвӓн Архиепархижӹ, Новосибирскӹштӹ Преображенский епархи, Иркутскышты Святой Иосифын Епархийжӹ, Саратовышты Святой Климентӹн Епархийжӹ) сӓрен.
• 2009 — Польшышты военный обязанностьым карангдымы гишӓн закон ӹлӹмӓшкӹ пырен.
• 2016 — гравитаци коэвлӓм эксперимент доно пачмы гишӓн увертӓрӹмӹ.

Шачыныт

Тенгеок анжы: Категори:11 февральын шачшывлӓ

• 1916 — Василий Григорьевич Орлов, советский, мары дӓ российӹштӹшӹ библиограф, библиотека пӓшӓзӹ, тетялык сирӹзӹ дӓ мары радиошты пӹтӓришӹ диктор, РСФСР заслуженный культура пӓшӓзӹ (1965).
• 1993 — Пётр Ян — яралтшы кредӓлмӹ искусствывлӓн руш боец. ACB-н сек куштылгы нелӹцӓн категориштӹ чемпионжы ылын. UFC-н молнамшы чемпионжы дӓ сек куштылгы нелӹцӓн категориштӹ жепеш чемпион.

Коленӹт

Тенгеок анжы: Категори:11 февральын колышывлӓ

• 1940 — Сергей Николаевич Бутяков, советский офицер-танкист, Советский-финский вырсын салтакшы, Советский Союзын Геройжы лӹмӹм нäлшӹ пӹтӓришӹ суасламары.
• 1993 — Иван Иванович Смоленцев, советский дӓ российский поэт, изобретатель. Технический наукывлӓн кандидат.
• 1996 — Мирон Большаков, Мирон Чойн (Мирон Николаевич Большаков), мары сирӹзӹ, поэт, сӓрӹшӹ, журналист, редактор, СССР Сирӹзӹвлӓ ушемӹн членжӹ (1958).
• 1997 — Николай Васильевич Кожаев, мары сирӹзӹ, поэт, журналист, Мары АССР-ын культурын заслуженный пӓшӓзӹжӹ (1976), 1941—1945 ивлӓшӹ Кого Ӓтямӱлӓндӹ вырсын участникшӹ.
• 2012 — Иван Григорьевич Иванов, советский дӓ российский филолог, Мары кугижӓншӹ университетӹн профессоржы, Мары кугижӓншӹ университетӹн историко-филологический факультетӹн деканжы. Гуманитарный наукывлӓ Академин действительный членжӹ.

Халык пӓлӹ

• Лым пӹрцӹ шалдырашкы сӓрнӓ — вӓшке ливӹктӹшӓш.
• Игечӹ ӱштӹ – август шокшы лишӓшлык.
• Лаврентин кечӹжӹ. Ти кечӹн поранлан ӹнянӓш ак ли: шокшы донат ладнангдара, ӱштӹ донат цӹвештӓ.

Примечани