Ян, Пётр Евгеньевич

Ирӹкӓн энциклопеди Википеди гӹц материал
Боец смешанного стиля
Пётр Ян
Пётр Ян 2024.jpg
Цымыр увер
Тӹрӹс лӹм Пётр Евгеньевич Ян
Мыскылымы лӹм No mercy (руш. Беспощадный)
Гражданство  Россий
Шачмы кечӹ 11 февраль 1993(1993-02-11) (33 и)
Шачмы вӓр
Ӹлӹмӹ вӓр Екатеринбург[1], Россий
Кӱкшӹц 170 см[2]
Нелӹцӹн категорижӹ Куштылгы нелӹц
Кидӹм кӹшкӹмӓш 170 см
Карьера 2014—к. ж.
Команда Архангел Михаил
Стиль бокс, самбо, тхэквондо
Мыштымашын кӱкшӹцшӹ бокс доно Российӹн спорт мастержӹ
ММА доно Россиӹн спорт мастержӹ
     Бразильский джиу-джитсу доно кловой ӹштӹ
Яралтшы кредӓлмӓш
Кредӓлмӓш 24
Сӹнгӹмӓш 19
 • нокаут доно 7
 • сабмишн доно 1
Мадын колтымаш 5
 • нокаут доно 0
 • сабмишн доно 0
 • молы 1
Ничья 0
Вес увер
Пелӓш Юлия Ян
Тетявлӓ Даниил, Константин
Sherdog сайтышты кредӓлмӓшӹн статистикӹжӹ
Логотип РУВИКИ.Медиа Медиафайлы на РУВИКИ.Медиа

Пётр Евгеньевич Ян (шач. 11 февраль 1993, Назаровский район[d], Красноярск край[d]) — яралтшы кредӓлмӹ искусствывлӓн руш боец. ACB-н сек куштылгы нелӹцӓн категориштӹ чемпионжы ылын. UFC-н молнамшы чемпионжы дӓ сек куштылгы нелӹцӓн категориштӹ жепеш чемпион.

2025 и июлеш UFC-н официальный рейтингӹштӹжӹ сек куштылгы нелӹцӹштӹ 3-шы вӓрӹм нӓлеш[3].

Ӹлӹмӓш корныжы

Пётр Ян 1993 ин 11 февральын Красноярск крайын Назарово районышты солаэш шачын. Янын фамилижӹ тьотяжы гӹц, тӹдӹ шачынжы китаец ылеш[4]. 2000-шӹ ивлӓ тӹнгӓлтӹшӹн йиш Дудинка заполярный халаш ӹлӓш ванжен[5].

Кудымшы классышты тхэквондо дӓ мини-футбол дон, дажы гимнастика донат занимаяш тӹнгӓлӹн[6]. 12 ин Николай Николаевич Суржиковын вуйлатымы доно боксла занимаяш тӹнгӓлӹн[7].

14 иӓш ылмыжы годым Енисейӹштӹ баржывлӓм йӓстӓрен, ӹшкӹлӓнжы оксам ӹштен[8]. Пӓшӓлӹмӹжӹ годым Константин Маньков доно пӓлӹмӹ лин, тӹдӹ эргӓшӹм вара тӹдӹн тренержӹ лишӹ Юрий Владимирович Демченколан ӹшке докыжы нӓлӓш шанымашым пуэн.

15 ин школышты 9 классым пӹтӓрӹмӹкӹ, Пётр Красноярск край гӹц Омскыш ӹлӓш ванжен, тӹштӹ бокс доно СССР спорт мастар Юрий Владимирович Демченко вуйлатымы доно тренировкывлӓм пакыла эртӓрен.

MMA доно «Александр Невский» клубышты профессионал боецвлӓн тренируялтмыштым анжымы годым интересуялташ тӹнгӓлӹн.

Омскышты СибГУФК-м (руш) (мар. пӹтӓрен.

2010-шы ивлӓ тӹнгӓлтӹшӹн Омск хала тӹрӹштӹ йыд клубышты охранникӹштӹ пӓшӓлен[5].

«Архангел Михаил» клуб верц выступаяш манын, 2018 ин сентябрьын йишӹжӹ доно Екатеринбургыш ӹлӓш ванжен[9][10].

2023 ин ноябрьын Америка гӹц актёр Жан-Клод Ван Дамм «Архангел Михаил» клубын роликӹштӹжӹ Янлан попен. «Тӹнь чемпион ылат: техникет яжо, пиш пӹсӹ ылат, кардиоэт пиш яжо!», манын Ванн Дамм[11].

Яралтшы кредӓлмӓшвлӓштӹ карьера

Absolute Championship Berkut

2015 ин 24 октябрьын ACB 24 турнирӹштӹ Ян Мурад Каламо доно вӓшлин дӓ судьявлӓн икышын решеништӹ доно кредӓлмӓшӹм сӹнген. Ти сӹнгӹмӓш Янлан Магомед Магомедов доно сек куштылгы нелӹцӹштӹ чемпион пояс верц кредӓлӓш йӧнӹм пуэн.

Магомед Магомедов доно Ян 2016 ин 26 мартын ACB 32 турнирӹштӹ вӓшлин. Кредӓлмӓшӹн цилӓ 5 раундшыге эртен. Кредӓлмӓшӹм судьявлӓн айыртемӓлтшӹ решеништӹ доно мадын колтен.

Карьерӹштӹжӹ пӹтӓришӹ гӓнӓ сӹнгӓлтмӹжӹ паштек Ян Англи гӹц толшы кредӓлшӹ Эд Артур доно ACB 41 турнирӹштӹ 2016 ин 15 июльын вӓшлин. Судьявлӓн икышын шанымашышты доно сӹнгӹшӹ лин.

2017 ин 15 апрельӹн ACB 57 турнирӹштӹ Магомед Магомедов ваштареш реванш-кредӓлмӓшӹм эртӓрен. Кредӓлмӓш 5 раунд шыпшылтын. Судьявлӓн икышын решеништӹ доно сӹнген дӓ ACB-н сек куштылгы нелӹцӹштӹ чемпион лин.

2017 ин 30 сентябрьын ACB 71 турнирӹштӹ Бразили гӹц Матеус Маттос ваштареш чемпион титулжым яжон переген, Кымшы раундышты нокаут доно сӹнгӹшӹ лин.

Ultimate Fighting Championship

Пӹтӓришӹ гӓнӓ ACB чемпион титулым перегӹмӹкӹжӹ, 2018 ин январьын UFC доно контрактым подписӓйен.

Дебют кредӓлмӓшӹм Ян 2018 ин 23 июньын UFC Fight Night 132 турнирӹштӹ япон кредӓлшӹ Тэруто Исихара ваштареш эртӓрен. Пӹтӓришӹ раундышты технический нокаут доно сӹнген[12].

2018 ин 15 сентябрьын UFC Fight Night 136 турнирӹштӹ Пётр ваштарен сек куштылгы нелӹц рейтингӹн 14-шӹ номержӹ Дуглас Силва ди Андради лишӓшлык ылын, но ялжым шушыртымы гишӓн Андради бойышты участвуен керде, бразилец вӓреш Корея гӹц Джин Су Сон лӓктӹн. Нелӹцӹм висӹмӹ годым Сон керӓл нелӹцӹм анжыктен кердде, дӓ тӹдӹм штрафуенӹт, гонораржын 20 %-шӹм Янлан тӱлӹктенӹт. Судьявлӓн икышын решеништӹ доно сӹнген. «Вадын кредӓлмӓшӹжӹ» премим нӓлӹн.

2018 ин 29 декабрьын UFC 232 турнирӹштӹ Яным Бразили гӹц Дуглас Силва ди Андради вычен, тӹдӹн доно кредӓлмӓш лиӓлтде ылын. Кокшы раундышты технический нокаут доно сӹнген. Андрианин оголжы бразилецӹн когон шушыргымыжы гишӓн кредӓлмӓшӹм цӓрен.

2019 ин 23 февральын UFC Fight Night 145 турнирӹштӹ американец Джон Додсон ваштареш кредӓлмӓшӹм эртӓрен. Судьявлӓн икышын решеништӹ доно сӹнген.

2019 ин 8 июньын UFC 238 турнирӹтӹ американ Джимми Риверам судьявлӓн икышын рещеништӹ доно сӹнген[13].

2019 ин 14 декабрьын UFC 245 турнирӹштӹ Юрайя Фейбер доно вӓшлин. Кымшы раундышты ялжы дон вуйым чымал нокаутыш колтымы доно сӹнген. «Вадын выступленижӹ» премим нӓлӹн[14].

2020 ин 12 июльын UFC 251турнирӹштӹ вӹзӹмшӹ раундышты бразилец Жозе Алдум технический нокаут доно сӹнген дӓ UFC-н сек куштылгы нелӹцӹн чемпион титулжым сӹнген нӓлӹн[15]. Жозе Алдум сӹнгӹмӹкӹ дӓ чемпион титулым нӓлмӹкӹжӹ, UFC Пётр Яным, нелӹц категорим шотыш нӓлде, сек яжо кредӓлшӹвлӓжӹн рейтингӹшкӹжӹ (Р4Р) пыртен. Россий кредӓлшӹ уэмдӹмӹ рейтингӹштӹ 13-шы вӓрӹм нӓлӹн[16].

2020 ин 14 июльын Fightmatrix сайтын версижӹ семӹнь нелӹц категорим шотыш нӓлде лу сек яжо кредӓлшӹ гӹц иктӹжӹ лин[17].

UFC-н сек куштылгы нелӹцӹн чемпион титулжы верц кредӓлмӓш

Кредӓлмӹ кечӹ — 2020 и 12 июль[18].

Вӓр — Кредӓлшӹвлӓн остров, Абу-Даби.

Секундантвлӓ — Денис Лаврентьев, Ильяс Хамзин, Алексей Сорокин, Саят Абрахманов.

Нелӹцӹм висӹмӓш — Пётр Ян 61, 2 кило, Жозе Алду 61, 2 кило[19].

Событивлӓн хронологиштӹ:

2020 ин 11 майын Генри Сехудон UFC-штӹ карьерӹжӹм пӹтӓрӹмӹ гишӓн увертӓрӹмӹжӹ паштек организацин президентшӹ Дэйна Уайт увертӓрен: сек куштылгы нелӹцӹн чемпион титул йӓрӓ лиэш, а Ян ти поясеш пӹтӓришӹ претендент лиэш[20].

2020 ин 28 майын организацин президентшӹ Дэйна Уайт Пётр Ян дон Жозе Алду лошты титул верц кредӓлмӓшӹм йӓмдӹлӹмӹ гишӓн увертӓрен[21].

2020 ин 10 июньын Пётр Ян кредӓлӓш контрактым подписӓйен[22].

2020 ин 11 июльын ОАЭ-шты «Кредӓлшӹвлӓн островышты» UFC 251 турнирӹштӹ Ян остатка вӹзӹмшӹ раундышты Жозе Алдум сӹнген. Ян кредӓлмӓшӹштӹ шукы вӓре анзылны ылын дӓ кредӓлмӓшӹн мычашыжым ӹнянӹн эртен — вӹзӹмшӹ раунд тӹнгӓлтӹшӹн проста комбинаци паштек тӹдӹн ваштареш кредӓшӹм канвас вӹлнӹ пакыла шин. Пётр Ян UFC-н сек куштылгы нелӹцӹн у Чемпионжы лин[23]. Ти кредӓлмӓшӹштӹ Ян сек куштылгы нелӹц категориэш керӓл севӓлтӹшвлӓн шотышты доно рекордым шӹнден — цела агыл 5 раунд жепӹштӹ россий кредӓлшӹ 194 севӓлтӹшӹм ӹштен<[24].

UFC-н сек куштылгы нелӹцӹн чемпионжы

2021 ин 6 мартын UFC 259 турнирӹштӹ Ян Алджамейн Стерглинг ваштареш кредӓлмӓштӹ титул гӹц пасна кодын, кредӓлмӓшӹм дисквалификаци доно мадын колтен (пылвуйжы доно седӹрӓш тӹкнӹшӹ ваштарешӹжӹ кредӓлшӹм пылвуйжы доно вуйжы мычкы пумаш)[25].

UFC-н сек куштылгы нелӹцӹштӹ жепеш чемпионжы

2021 ин 30 октябрын UFC 267 турнирӹштӹ Ян Кори Сэдхэген доно UFC-н сек куштылгы нелӹцӹн жепеш чмпион титул верц кредӓлӹн, тӹдӹм судьявлӓн икышын решеништӹ доно сӹнген.

2022 ин 9 апрельӹн UFC 273 турнирӹштӹ Алджамейн Стерлинглӓн сӹнгӓлтӹн дӓ поясым ямден. Вара эче кок гӓнӓ мадын колтен — UFC 289 турнирӹштӹ Шон О’Мэллилӓн дӓ UFC Fight Night: Ян vs Двалишвили турнирӹштӹ Мераб Двалишвилилӓн.

2024 ин 9 мартын UFC 299 турнирӹштӹ Cун Ядуным сӹнген. Вара пӓлӹ лин: Ян шушыргышы ял доно кредӓлӹн[26]. А 18 мартын россий кредӓлшӹ операци лишӓшлык гишӓн увертӓрен[27].

2024 ин 23 ноябрьын UFC Fight Night: Ян vs. Фигейреду турнирӹн тӹнг событиштӹжӹ Дэйвисон Фигейредум судьявлӓн икышын решеништӹ доно сӹнген[28].

2025 ин 26 июльын Абу-Дабиштӹ эртӓрӓлтшӹ UFC on ABC 9 турнирӹштӹ вадын соглавный кредӓлмӓшӹштӹжӹ Маркус Макги доно вӓшлин[29] дӓ тӹдӹм судьявлӓн решеништӹ доно сӹнген[30].

Титул дон сӹнгӹмӓшвлӓ

Ярлалтшы кредӓлмӓшвлӓ

  • Ultimate Fighting Championship
    • UFC-н сек куштылгы нелӹцӹштӹ чемпионжы (ик гӓнӓ)
    • UFC-н сек куштылгы нелӹцӹштӹ жепеш чемпинжы (ик гӓнӓ)
    • «Вадын кредӓлмӓшӹжӹ» преми[31] (кым гӓнӓ — Джин Су Сон, Кори Сэндхэген[32] дӓ Шон О’Мэлли ваштареш)
    • «Вадын выступленижӹ» преми (ик гӓнӓ) Юрайя Фейбер ваштареш
  • Absolute Championship Berkut
    • ACB-н сек куштылгы нелӹцӹштӹ чемпионжы (ик гӓнӓ)
    • Яжон перегӹмӹ ик титул
    • Сек куштылгы нелӹцӹштӹ гран-прим сӹнген нӓлшӹ
    • «Вадын кредӓлмӓшӹжӹ» преми (кым гӓнӓ)
  • MMADNA.nl
  • 2018 «Европышты идӓлыкын у эдемжӹ»[33]
    • World MMA Awards
    • 2020, «Идӓлыкын ашыжы» званиэш номинируялтын[34]

Яралтшы кредӓлмӓшвлӓн статистика

Лӓктӹш Рекорд Ваштарешӹжӹ Йӧн Турнир Кечӹ Раунд Жеп Вӓр Примечани
Сӹнгӹмӓш 19-5 Соединённые Штаты Америки Маркус Макги Решӹмӓш UFC on ABC 9 26 июль 2025 3 5:00 Объединённые Арабские Эмираты Абу-Даби, ОАЭ
Сӹнгӹмӓш 18-5 Бразили Дейвисон Фигейреду Решӹмӓш UFC Fight Night: Ян vs. Фигейреду 23 ноябрь 2024 5 5:00 Китай Макао, Китай
Сӹнгӹмӓш 17-5 Китай Сун Ядун Решӹмӓш UFC 299 9 март 2024 3 5:00 Соединённые Штаты Америки Майами, Флорида, США
Мадын колтымаш 16-5 Флаг Грузии Мераб Двалишвили Решӹмӓш UFC Fight Night: Ян vs. Двалишвили 12 март 2023 5 5:00 Соединённые Штаты Америки Лас-Вегас, США
Мадын колтымаш 16-4 Флаг США Шон О’Мэлли Решӹмӓш UFC 280 22 октябрь 2022 3 5:00 Объединённые Арабские Эмираты Абу-Даби, ОАЭ Вадын сек яжо кредӓлмӓшӹжӹ.
Мадын колтымаш 16-3 Флаг США Алджамейн Стерлинг Решӹмӓш UFC 273 9 апрель 2022 5 5:00 Флаг США Джексонвилл, США Сек куштылгы нелӹцӹштӹ UFC-н чемпион титул гишӓн кредӓлмӓш
Сӹнгӹмӓш 16-2 Флаг США |Кори Сэндхэген Решӹмӓш UFC 267 30 октябрь 2021 5 5:00 Объединённые Арабские Эмираты Абу-Даби, ОАЭ Сек куштылгы нелӹцӹштӹ UFC-н жепеш чемпионжы титулжым сӹнген нӓлӹн. Вадын кредӓлмӓшӹжӹ[35]
Мадын колтымаш 15-2 Флаг США Алджамейн Стерлинг Дисквалификаци UFC 259 7 март 2021 4 4:29 Флаг США Лас-Вегас, США Сек куштылгы нелӹцӹштӹ UFC-н чемпион титулжым ямден
Сӹнгӹмӓш 15-1 Флаг Бразилии Жозе Алду Нокаут UFC 251 12 июль 2020 5 3:24 Объединённые Арабские Эмираты Абу-Даби, ОАЭ Сек куштылгы нелӹцӹштӹ UFC-н чемпионжы титулжым сӹнген нӓлӹн.
Сӹнгӹмӓш 14-1 Флаг США Юрайя Фейбер Нокаут UFC 245 14 декабрь 2019 3 0:43 Соединённые Штаты Америки Лас-Вегас, США «Вадын выступленижӹ»
Сӹнгӹмӓш 13-1 Флаг США Джимми Ривера Решӹмӓш UFC 238 8 июнь 2019 3 5:00 Соединённые Штаты Америки Чикаго, США
Сӹнгӹмӓш 12-1 Флаг США Джон Додсон Решӹмӓш UFC Fight Night: Блахович vs. Сантус 23 февраль 2019 3 5:00 Чехи Прага, Чехи
Сӹнгӹмӓш 11-1 Флаг Бразилии Дуглас Силва ди Андради Нокаут UFC 232 29 декабрь 2018 2 5:00 Соединённые Штаты Америки Инглвуд, США
Сӹнгӹмӓш 10-1 Флаг Республики Корея Джин Су Сон Решӹмӓш UFC Fight Night 136 15 сентябрь 2018 3 5:00 Россий Москва, Россий Пасна пӓлемдӹмӹ 62,1 кг нелӹц доно кредӓлмӓш; Сон нелӹцӹм ӹштӹде. «Вадын сек яжо кредӓлмӓшӹжы»
Сӹнгӹмӓш 9-1 Флаг Японии Тэруто Исихара Нокаут UFC Fight Night 132 23 июнь 2018 1 3:28 Сингапур Сингапур, Сингапур UFC-штӹ дебют.
Сӹнгӹмӓш 8-1 Флаг Бразилии Матеус Маттос Нокаут ACB 71 30 сентябрь 2017 3 2:27 Россий Москва, Россий Куштылгы нелӹцӹштӹ ACB-н чемпионжы титулым ӹшӹклен
Сӹнгӹмӓш 7-1 Флаг России Магомед Магомедов Решӹмӓш ACB 57 15 апрель 2017 5 5:00 Россий Москва, Россий Куштылгы нелӹцӹштӹ ACB-н чемпионжы титулым сӹнген нӓлӹн
Сӹнгӹмӓш 6-1 Флаг Англии Эд Артур Решӹмӓш ACB 41 15 июль 2016 3 5:00 Россий Сочи, Россий «Вадын сек яжо кредӓлмӓшӹжӹ».
Мадын колтымаш 5-1 Флаг России Магомед Магомедов Решӹмӓш ACB 32 26 март 2016 5 5:00 Россий Москва, Россий Куштылгы нелӹцӹштӹ ACB-н чемпионжы титул верц кредӓлмӓш. «Вадын сек яжо кредӓлмӓшӹжӹ»
Сӹнгӹмӓш 5-0 Флаг России Мурад Каламов Решӹмӓш ACB 24 24 октябрь 2015 3 5:00 Россий Москва, Россий Куштылгы нелӹцӹштӹ ACB гран-прин финалжы. Гран-прим сӹнген нӓлӹн. Вадын кредӓлмӓшӹжӹ.
Сӹнгӹмӓш 4-0 Флаг России Артур Мирзаханян Нокаут Professional Combat Sambo — Russia Cup 5 июль 2015 1 2:40 Россий Омск, Россий
Сӹнгӹмӓш 3-0 Флаг России Харон Орзумиев Сдача ACB 19 30 май 2015 1 0:47 Россий Калининград, Россий Куштылгы нелӹцӹштӹ ACB гран-прин полуфиналжы
Сӹнгӹмӓш 2-0 Флаг Бразилии Ренато Веламе Решӹмӓш ACB 14 28 февраль 2015 3 5:00 Россий Грозный, Россий ACB-ӹштӹ дебют. Куштылгы нелӹцӹштӹ ACB гран-прин четвертьфиналжы
Сӹнгӹмӓш 1-0 Флаг России Мурад Бакиев Нокаут Eurasian Fighting Championship — Baikal Fight 20 декабрь 2014 3 0:45 Россий Иркутск, Россий

Личный ӹлӹмӓш

Пётр Янын вӓтӹжӹ Юлия Ян, мыжырын кок эргӹжӹ улы – Даниил дон Константин[36]. Константин 2020 ин 22 июньын Тайландышты шачын, тӹшкӹ Юля Пётр сага сборыш кеен[37].

Йӓрӓ жепӹн спортсмен автомат оружи дон лӱӓш ярата[38].

Примечани

  1. ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (руш.). www.e1.ru (16 сентябрьын 2018). Тергӹмӹ кечӹ: 25 сентябрьын 2025.
  2. ↑ Пётр Ян(неопр.). ufc.ru. Тергӹмӹ кечӹ: 25 сентябрьын 2025.
  3. ↑ Рейтинг бойцов. UFC Russia. Тергӹмӹ кечӹ: 25 сентябрьын 2025.
  4. ↑ «Моя фамилия пишется китайскими иероглифами». Пётр Ян о своих корнях. karate.ru.
  5. ↑ 1 2 Наталия Калинина. «Он как Хабиб, но для другой аудитории»: как парень из сибирской деревни стал чемпионом UFC и заработал $1 млн (руш.). Forbes (3 августын 2020). Тергӹмӹ кечӹ: 25 сентябрьын 2025.
  6. ↑ Биография Петра Яна (руш.). Fight.ru (22 октябрьын 2022).
  7. ↑ Жизнь за Полярным кругом, семь братьев и сестер, самый дерзкий русский в UFC. История Петра Яна (руш.). sport-express.ru (8 июльын 2020). Тергӹмӹ кечӹ: 25 сентябрьын 2025.
  8. ↑ Разгружал баржи на Енисее, а теперь зарабатывает больше 10 млн за бой. Тренер и менеджер рассказали, как Петр Ян стал лучшим в UFC (руш.). matchtv.ru (13 июльын 2020). Тергӹмӹ кечӹ: 25 сентябрьын 2025.
  9. ↑ Известный боец ММА объявил о переезде в Екатеринбург. ura.news. Тергӹмӹ кечӹ: 25 сентябрьын 2025.
  10. ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (руш.). www.e1.ru (16 сентябрьын 2018). Тергӹмӹ кечӹ: 25 сентябрьын 2025.
  11. ↑ «Ты чемпион!»: Жан-Клод ван Дамм обратился к уральскому бойцу ММА Петру Яну. TagilCity (8 ноябрьын 2023).
  12. ↑ Sportbox.ru. Ян успешно дебютировал в UFC (руш.). sportbox.ru/ (23 июньын 2018). Тергӹмӹ кечӹ: 25 сентябрьын 2025.
  13. ↑ Второй после Хабиба: россиянин Пётр Ян выиграл пятый бой в UFC (руш.). RT на русском. Тергӹмӹ кечӹ: 25 сентябрьын 2025.
  14. ↑ Русский боец Петр Ян вырубил легенду ММА и бросил вызов чемпиону UFC. Он завоевывает фанатов в США (руш.). sport24.ru. Тергӹмӹ кечӹ: 25 сентябрьын 2025.
  15. ↑ Пётр Ян нокаутировал Жозе Альдо и стал чемпионом UFC. Sports.ru. Тергӹмӹ кечӹ: 25 сентябрьын 2025.
  16. ↑ РИА Новости. Петр Ян вошел в число 15 лучших бойцов UFC. РИА Новости (14 июльын 2020). Тергӹмӹ кечӹ: 25 сентябрьын 2025.
  17. ↑ Пётр Ян вошел в топ-10 рейтинга Pound-For-Pound по версии сайта Fightmatrix. Sports.ru. Тергӹмӹ кечӹ: 25 сентябрьын 2025.
  18. ↑ Микаил Гусейнов. Пётр Ян проведёт титульный бой с Алду 11 июля (руш.). www.championat.com. Тергӹмӹ кечӹ: 25 сентябрьын 2025.
  19. ↑ UFC 251 weigh-in results and live video stream (англ.). MMA Junkie (10 июльын 2020). Тергӹмӹ кечӹ: 25 сентябрьын 2025.
  20. ↑ Не Хабибом единым: Россия ждет еще одного чемпиона в UFC (руш.). Газета.Ru. Тергӹмӹ кечӹ: 25 сентябрьын 2025.
  21. ↑ «Мои люди, вероятно, убьют меня за это». Уайт хочет организовать титульный бой между Яном и Альдо (руш.). sport-express.ru (28 майын 2020). Тергӹмӹ кечӹ: 25 сентябрьын 2025.
  22. ↑ Петр Ян подписал контракт на титульный бой с Алдо (руш.). AllBoxing.ru - Все новости бокса, MMA, бои на видео (10 июньын 2020). Тергӹмӹ кечӹ: 25 сентябрьын 2025.
  23. ↑ Вячеслав Моренко. Пётр Ян стал чемпионом UFC, победив Альдо на турнире UFC 251 (руш.). www.championat.com. Тергӹмӹ кечӹ: 25 сентябрьын 2025.
  24. ↑ Вячеслав Моренко. Пётр Ян установил рекорд по значимым ударам в бою для легчайшей весовой категории в UFC (руш.). www.championat.com. Тергӹмӹ кечӹ: 25 сентябрьын 2025.
  25. ↑ Mike Bohn. Petr Yan vs. Aljamain Sterling bantamweight title fight set for UFC 256 (руш.). mmajunkie.com. Тергӹмӹ кечӹ: 25 сентябрьын 2025.
  26. ↑ Петр Ян прервал серию поражений в UFC, РБК Спорт. Дата обращения: 25 сентябрьын 2025.
  27. ↑ Боец UFC Петр Ян перенесет операцию после победы над Сун Ядуном. sportrbc.ru (18 мартын 2024). Тергӹмӹ кечӹ: 25 сентябрьын 2025.
  28. ↑ Петр Ян победил экс-чемпиона UFC в главном поединке турнира в Макао, РБК Спорт (23 ноябрьын 2024). Дата обращения: 25 сентябрьын 2025.
  29. ↑ Кирилл Иванов. Пётр Ян и Маркус Макги проведут бой 26 июля в Абу-Даби. championat.com. Чемпионат (18 июньын 2025). Тергӹмӹ кечӹ: 25 сентябрьын 2025.
  30. ↑ Пётр Ян победил Маркуса Макги на турнире UFC в Абу-Даби, TACC (26 июльын 2025). Дата обращения: 25 сентябрьын 2025.
  31. ↑ UFC Fight Night 136 bonuses: Oleinik, Blachowicz among $50,000 winners (англ.). MMA Junkie (15 сентябрьын 2018). Тергӹмӹ кечӹ: 25 сентябрьын 2025.
  32. ↑ Результаты и бонусы UFC 267(неопр.). ufc.ru. Тергӹмӹ кечӹ: 25 сентябрьын 2025.
  33. ↑ MMA DNA. MMA DNA UFC Awards 2018 : De Uitslagen!!! (англ.). Тергӹмӹ кечӹ: 25 сентябрьын 2025.
  34. ↑ Российский боец Петр Ян стал номинантом World MMA Awards. ТАСС. Тергӹмӹ кечӹ: 25 сентябрьын 2025.
  35. ↑ Чередник, Денис. Бонусы турнира UFC 267. Дата обращения: 25 сентябрьын 2025.
  36. ↑ Александр Кожевников. Пётр Ян забрал жену и новорождённого сына из роддома в Таиланде (руш.). www.championat.com. Тергӹмӹ кечӹ: 25 сентябрьын 2025.
  37. ↑ У Петра Яна родился сын (руш.). sport-express.ru (22 июньын 2020). Тергӹмӹ кечӹ: 25 сентябрьын 2025.
  38. ↑ Петр Ян "No Mercy". Absolute Championship Akhmat. Тергӹмӹ кечӹ: 25 сентябрьын 2025.

Ссылкывлӓ

«https://mrj.ruwiki.ru/w/index.php?title=Ян,_Пётр_Евгеньевич&oldid=315175» гӹц нӓлмӹ