Мары кугижӓншӹ университет

Ирӹкӓн энциклопеди Википеди гӹц материал
Мары кугижӓншӹ университет
(МарГУ)
Марийский государственный университет
Марийский государственный университет, логотип.jpg
The main building of Mari State University.jpg
Международный лӹм Mari State University
Девиз Анзыкылашым чанген!
Негӹцӹм пиштӹмӹ и 1971
Тип Кугижӓншӹ
Ректор Михаил Николаевич Швецов[1]
Студентвлӓ 8461 (2024 ийлан)
Иностранные студенты более 2000 (2024 ийлан)
Бакалавриат улы
Специалитет улы
Магистратура улы
Аспирантура улы
Докторантура улы
Вӓрлӓнӹмӓш  Россий,  Йошкар-Ола
Юридический адрес 424000, Мары Эл Республика, Йошкар-Ола, Ленин пл., 1-шӹ пӧрт
Сайт marsu.ru
Логотип РУВИКИ.Медиа Медиафайлы на РУВИКИ.Медиа

Мары кугижӓншӹ университет (руш. Марийский государственный университет) — Российӹштӹшӹ кӱшӹл тыменьмӹ вӓр, Мары Эл Республикӹштӹшӹ Йошкар-Ола халашты вӓрлӓнӓ. 1972 ин пачылтын. Регионыштышы опорный университетвлӓ логӹц иктӹжӹ ылеш[2].

Тӹрӹс лӹмжӹ — «Мары кугижӓншӹ университет» кӱшӹл образованин федеральный кугижӓншӹ бюджетный тыменьмӹ заведенижӹ[3].

Учредительжӹ — Россий Федерацин Наука дӓ кӱшӹл образованин министерствыжы.

Истори

Регионышты университетӹм пачаш тӹнгӓлтӹш ӓмӓлӹм КПСС ЦК-шкы дӓ СССР Минстройвлӓн Кӓнгӓшӹш КПСС Мары обкомын икшӹ секретарьжы Виктор Петрович Никонов, МАССР Кӱшӹл Кӓнгӓш Президиум председатель Пётр Афанасьевич Алмакаев дӓ республикӹштӹшӹ Министрвлӓн Кӓнгӓш председатель Трофим Иосифович Горинов гӹц 1970 ин пырышы ядмаш пуэн[4][5].

Вузым 1971 ин 4 майын пачмы, тӹнӓм РСФСР-ӹн кӱшӹл дӓ кӹдӓлӓш специальный образовани министр Всеволод Николаевич Столетов Йошкар-Олашты университетӹм пачмы гишӓн приказым подписӓйен[6][4][5].

Икшӹ ректореш Виктор Эдуардович Коллам шагалтенӹт. Тыменьмӹ заведенин структурышкыжы 4 факультет (историко-филологический, биолого-химический, физико-математический, сола хозанлык), 17 кафедра, йӓмдӹлӓлтмӹ отделени, научно-шӹмлӹмӓш сектор, 40 кабинет дӓ лаборатори пырен. Тӹнӓмок у тыменьмӹ корпусвлӓм ӹштӓш тӹнгӓлӹнӹт[5].

1972 ин Мары педагогический институтын естествознани факультетшӹм МарГУ-лан пумы дӓ вара тӹдӹм биолого-химический факультетӹш сӓртӹмӹ. Научный библиотекӹм пачмы.

1990 ин научный дӓ педагогический кадрым йӓмдӹлӓш аспирантурым пачмы[5].

1992 ин кым специальность доно докторантурым пачмы[5].

2007 ин РФ Правительствын 17.08.2007 ишӹ 1062 №-ӓн Распоряженижӹ дӓ Рособразованин 05.09.2007 ишӹ 1657 №-ӓн Приказшы доно университет составыш 1931 ин пачмы Н. К. Крупская лӹмӓн Мары кугижӓншӹ педагогический институт (руш) (мар. пырен[5][7].

2010 ин тымдымы заведениш Мары аграрный колледжӹм ушымы[5].

2014 и гӹц университетӹн ректоржы экономический наукывлӓн доктор, педагогический наукывлӓн кандидат, профессор Швецов Михаил Николаевич ылеш (2013 и гӹц — ректорын пӓшӓжӹм ӹштӹшӹ)[8][9].

2017 ин апрельӹн университет регионыштышы опорный университетвлӓ логӹц иктӹжӹ лин[10][11][12].

2020 ин МаГУ-шты Цифран технологи институтым пачмы, тӹдӹ цифран экономика дӓ искусственный интеллект, инженери дӓ электроэнергетика, национальный лӱдӹшдӹмӹлык областьышты специалиствлӓм йӓмдӹлӹмӹ пӓшӓм ӹштӓ[13][14].

2021 ин «МарГУ СтудФитнес» кӹзӹтшӹ жепӓш фитнес-центрӹм пачмы. Йӓмдӹлӹмӹ цифран онлайн-приложенин палшымыжы доно тыменьшӹвлӓн каштмыштым дӓ нӹнӹлӓн ма келшӹмӹм, физический стостояни уровеньӹштӹм дӓ активностьыштым, индивидуальный биометрический данныйвлӓштӹм тӹшлӹмӓш эртӓрӓлтеш, тидӹн негӹцеш фитнес доно занимайымашын персональный онлайн-курс ӹштӓлтеш[15][16][17].

Структура

2025 иэш тыменьмӹ заведени структурыш 6 институт[18], 9 факультет[18], 40 кафедра, центрвлӓ[19], лабораторивлӓ[20], музеи[21], Р. А. Панова лӹмӓн научный библиотека, научный дӓ тыменьмӹ литературын редакци пырат[22].

Тымдымаш бакалавриат, специалитет, специалист, магистратура, ординатура, аспирантура, докторантура, ситӓртӹш профессиональный тымдымаш программывлӓ доно эртӓрӓлтеш[23][24][25]. Диссертаци кӓнгӓшвлӓ пӓшӓлӓт[26]..

Институтвлӓ

  • Аграрно-технологический
  • Естесстенный наукывлӓн дӓ фармацин институт
  • Национальный культура дӓ культурывлӓ лоштышы коммуникаци институт
  • Педагогический институт
  • Цифран технологи институт
  • Медицинский институт

Факультетвлӓ

  • Экономический факультет
  • Физико-математический факультет
  • Юридический факультет
  • Историко-филологический факультет
  • Электроэнергетика факультет
  • Психолого-педагогический факультет
  • Вескид йӹлмӹвлӓ факультет
  • Физический культура, спорт дӓ туризм факультет
  • Общий да профессиональный образовани факультет

Кафедрывлӓ

  • Животноводство продукцим ӹштӹмӹ технологи кафедра
  • Агроинженери дӓ сола хозанлык продукцим ӹштӹмӓш дӓ перерабатывайымаш кафедра
  • Пай дӓ шӹшер продукт технологи кафедра
  • Цымыр мӱлӓдӹ пӓшӓ, кушкышым анжымы, агрохими дӓ кушкышым перегӹмӹ кафедра
  • Культурывлӓ лоштышы коммуникаци кафедра
  • Философи дӓ социально-культурный технологивлӓн кафедра
  • Мары йӹлмӹ дӓ сӹлнӹшая кафедра
  • Финн-угр дӓ тӓнгӓштӓрӹмӹ филологэ кафедра
  • Экологи дӓ фармаци кафедра
  • Биологи кафедра
  • Хими кафедра
  • Биохими, клеточный биологи дӓ микробиологи кафедра
  • Анатоми, топографический анатоми дӓ оперативный хирурги кафедра
  • Фундаментальный медицина кафедра
  • Хирурги цервлӓн кафедра
  • Кӧргӹ цервлӓн 1 № кафедра
  • Кӧргӹ цервлӓн 2 № кафедра
  • Лучевой диагностика, онкологи кафедра
  • Физиологи дӓ патологи кафедра
  • Педиатри, акушерство дӓ гинекологи кафедра
  • Экономика дӓ маркетинг кафедра
  • Прикладной статистика дӓ цифран технологи кафедра
  • Математический анализ дӓ функцивлӓн теори кафедра
  • Прикладной математика дӓ информатика кафедра
  • Физика дӓ материаловедени кафедра
  • Керамика хӓдӹрӹм, микроэлектроникым конструируйымы дӓ ӹштӹмӹ базовый кафедра
  • Электроснабжени дӓ технический диагностика кафедра
  • Электромеханика кафедра
  • Виӓгмӓш дӓ тымдымаш психологи кафедра
  • Методологи дӓ тымдымы системӹм виктӓрӹмӹ кафедра
  • Специальный педагогика дӓ психологт кафедра
  • Англ филологи кафедра
  • Романо-германский филолги кафедра
  • Вескид йӹлмӹ доно попымы коммуникаци кафедра
  • Физический культура дӓ ӹлӹмӓш лӱдӹшдӹмӹлык кафедра
  • Физический культура, спорт дӓ туризм теори дӓ методика кафедра
  • Тӹнгӓлтӹш дӓ общий образовани педагогика кафедра
  • Общеобразовательный дисциплинӹвлӓ дӓ нӹнӹм тымдымы методика кафедра
  • Технологи дӓ профессиональный образовани теори дӓ методика кафедра

Центрвлӓ

  • Физический культура, спорт дӓ туризм факультетӹн физический культурым дӓ спортым виӓнгдӹмӹ центр
  • Ситӓртӹш образовани дӓ профессиональный тымдымаш центр
  • Инженеринг центр
  • Археологи доно компетенци центр
  • Коллективный кычылтмы центр
  • Аккредитационно-симуляционный центр[27]
  • Проектно-аналитический офис[28]
  • Редакционно-издательский центр
  • Шукы функциӓн студент центр
  • Информационно-шотлымы центр
  • Тыменьмӹ-научный археолого-этнологический центр
  • Пӓшӓм перегӹмӹ дӓ пожар лӱдӹшдӹмӹлык доно тыменьмӹ-тренируялтмы центр
  • Агробиостанци
  • «ЭтноКонцепт» научно-практический проект центр
  • Культурно-творческий пӓшӓ центр
  • Пачмы образовани центр
  • Карьера центр
  • Акселераци центр
  • Физический культур дон спортым виӓнгдӹмӹ центр
  • «Мары йӹлмӹ» йӹлмӹ технологин научно-образовательный центржӹ
  • Студентвлӓлӓн социальный дӓ психологический палшыкым пушы центр
  • Вузыш пырымы анзыц йӓмдӹлӓлтмӹ центр
  • «Арвий» экспертно-аналитический центр
  • Тыменьмӓш дӓ международный сертификаци центр
  • Координационый центр
  • Медицинский научно-образовательный центр
  • Наноструктурный объектвлӓм моделируйымы шотышты теорги негӹц центр
  • «Spektrum» сӓмӹрӹквлӓн научно-инновационный конструкторский центр

Лабораторивлӓ

  • Психологический диагностика лаборатори
  • Психологический тренинг лаборатори
  • Специальный педагогика дӓ психологи лаборатори
  • «Цифровой дидактика» лаборатори
  • Общий биологи лаборатори
  • Фармацевтика технологи лаборатори
  • Фармакологический резистентность шотышты научно-исследовательский лаборатори
  • Молекулярный генетика доно Н. В. Глотов лӹмӓн лаборатори
  • Молекулярный биоэнергетика научно-исследовательский лаборатори
  • Биологим дон естествознаним тымдымы методика лаборатори
  • Филологи доно тӓнгӓштӓрӹмӹ дӓ дисциплинвлӓ лоштышы научно-исследовательскй лаборатори
  • «Мары йӹлмӹ» технологи доно научно-образовательный центрӹн «Мары школ» лабораторижӹ
  • Электротехника лаборатори
  • Микроэлектроникын керамика хӓдӹрвлӓжӹм конструируйымы дӓ ӹштӹмӹ шотышты базовый кафедрын конструктивный материалжын материаловедени дӓ технологи лабораторижӹ
  • Регионыштышы истори дӓ археологи лаборатори
  • Историко-филологический факультетӹн вӓрӹштӹӹ историм тыменьмӹ-шӹмлӹмы лабораторижӹ
  • Физический культура дӓ ӹлӹмӓш лӱдӹшдӹмӹлык кафедрын эдемӹн организмжӹн морфологический дӓ функциональный диагностика лабораторижӹ
  • Физический культура, спорт дӓ туризм теори дӓ методика лаборатори

Музейвлӓ

  • Археологи музей
  • Зоологи музей
  • Истори музей
  • Виртуальный музей
  • МарГУ-н спортивный слава музейжӹ

Филиал

Мары аграрный колледж (Мары Эл Республика, Медведево район, Ежово сола, Комсомольский ӧлицӓ, 15 пӧрт)[29].

Инфраструктура

2025 ин тыменьмӹ заведенин инфраструктурыжы техень объектвлӓ гӹц шалген:

Пӧрт Адрес
«А» тыменьмӹ корпус Йошкар-Ола, Ленин площадь, 1 пӧрт
«Б» тыменьмӹ корпус Йошкар-Ола, Осипенко ӧлицӓ, 60 пӧрт
Сола хозанлык факультетӹн зданижӹ Йошкар-Ола, Красноармейский ӧлицӓ, 71 пӧрт
«Г» тыменьмӹ корпус Йошкар-Ола, Пушкин ӧлицӓ, 30 пӧрт
«Д» тыменьмӹ корпус Йошкар-Ола, Осипенко ӧлицӓ, 62 пӧрт
«Е» тыменьмӹ корпус Йошкар-Ола, Машиностроитель ӧлицӓ, 15 пӧрт
Тыменьмӹ-лабораторный корпус Йошкар-Ола, Кремлёвский ӧлицӓ, 44 пӧрт
«Аккредитаци дӓ симуляционный тыменьмӓш центр» тыменьмӹ корпус Йошкар-Ола, Красноармейский ӧлицӓ, 65а пӧрт
900 тыменьшӹлӓн филиалын тыменьмӹ корпусшы Ежово сола, Комсомольский ӧлицӓ, 15 пӧрт
Филиалын практический заняти корпусшы Ежово сола, Комсомольский ӧлицӓ, 17 пӧрт

Студент ӹлӹмӓш

Ӹлӹмӓш

2025 иэш тыменьмӹ заведенин 3922 эдем пырымы 9 общежитижӹ улы[30][31]:

Общежитин лӹмжӹ Адрес
1 №-ӓн общежити Йошкар-Ола, Эшпай ӧлицӓ, 130 пӧрт
2 №-ӓн общежити Йошкар-Ола, Рябинин ӧлицӓ, 8 пӧрт
3 №-ӓн общежити Йошкар-Ола, Рябинин ӧлицӓ, 8 пӧрт
4 №-ӓн общежити Йошкар-Ола, Красноармейский ӧлицӓ, 67 пӧрт
5 №-ӓн общежити Йошкар-Ола, Красноармейский ӧлицӓ, 65 пӧрт
6 №-ӓн общежити Йошкар-Ола, Кремлёвский ӧлицӓ, 40 пӧрт
7 №-ӓн общежити Йошкар-Ола, Кремлёвский ӧлицӓ, 46 пӧрт
8 №-ӓн общежити Йошкар-Ола, Советский ӧлицӓ 123 пӧрт
9 №-ӓн общежити Йошкар-Ола, Красноармейский ӧлицӓ, 71/1 пӧрт

Студент ушемвлӓ

Тымдымы заведеништӹ техень студент ушемвлӓ ӹшке пӓшӓштӹм видӓт[32][33]:

  • МарГУ-шты тыменьшӹвлӓн Кангӓшӹштӹ[34]
  • МарГУ-н студент пӓшӓ отрядвлӓжӹ[35]
  • «Акпарс-МарГУ» студент спорт клуб[36]
  • Вокал студи
  • Хореографи студи
  • «A.N.I» кӹзӹтшӹ жепӓш куштымаш студи
  • МарГУ-н тӹмӹрзӹвлӓжӹ
  • Вуйлатышывлӓн школышты
  • «Йых» сем проект
  • «U-rock» сем проект
  • «Gentle Crew» куштышы команда
  • «Мурсем» фольклор ансамбль
  • «Эхо гор» куштышы ансамбль
  • Хор доно мырымы студи
  • «Кечӹял» хор
  • «Эхо гор» кавказ куштымашвлӓ
  • Мары театр
  • МарГУ выпускниквлӓн ассоциациштӹ[37]
  • Волонтёр корпус[38]

Спорт

2025 ин университетӹн спортивный материально-технический базышкыжы спорт корпус, цӓрӓкӹм ӹштӹшӹ полоса элементвлӓӓн кымда профилян 2 пачмы стадион, 6 спортзал, 3 спорт площадка, тренажёр зал, аэробика зал, тир, 2 ечӹ база, оружи кӹдеж пырат[31].

Спортын техень видвлӓжӹ доно секцивлӓ улы: мини-футбол, баскетбол, волейбол, стӧл теннис, бадминтон, бокс, карате, ечӹ доно тӓнгӓшӹмӓш, полиатлон, силовой функциональный тренинг, силовой лӹмӹн йӓмдӹлӓлтмӓш, пикш гӹц лӱмӓш, фитнес-аэробика, фитнес-йога[32].

Студентвлӓлӓн дӓ университет пӓшӓзӹвлӓлӓн кӓнӓшӹштӹ «Олимпиец» спортивно-шулыкым цаткыдемдӹмӹ лагерь улы, тӹдӹм 1974 ин 26 августын пачмы. 2008 ин реорганизаци гишӓн Мары кугижӓншӹ университет кӧргӹш Н. К. Крупская лӹмӓн мары кугижӓншӹ педагогический институт дӓ 1965 ин 21 апрельӹн пачылтшы «Чайка» спртивно-шулыкым цаткыдемдӹшӹ лагерь пырнӹт. 2008 и гӹц цымыр лӹмжӹ «Олимпиец» ылеш. Лагерь Мары Шӹргӹ национальный парк территориштӹ Яльчик йӓр сирӹштӹ вӓрлӓнӓ[39].

Периодика изданивлӓ

Университетӹштӹ техень научный периодика изданивлӓ лӓктӹт[40]:

  • Мары кугыжӓншӹ университетӹн увержӹ. Журнал 2007 и гӹц лӓктӓш тӹнгӓлӹн, квартал йӹде лӓктеш. Тӹштӹ педагогика дӓ филологи доно статьявлӓм пецӓтлӓт. ВАК-ын переченьӹшкӹжӹ пыра[41][42].
  • Мары кугижӓншӹ университетӹн увержӹ. «Сола хозанлык наукывлӓ. Экономический наукывлӓ» сери. Журналым 2015 ин лыкташ тӹнгӓлмӹ, квартал йӹде лӓктеш. Материалвлӓ экономика дӓ сола хозанлык темӹм ӓвӓлтӓт. ВАК-ын переченьӹшкӹжӹ пыра[43][44].
  • Мары кугижӓншӹ университетӹн увержӹ. «Исторический наукывлӓ. Юридический наукывлӓ» сери. Журналым 2015 ин лыкташ тӹнгӓлмӹ, квартал йӹде лӓктеш. Исторический наукывлӓ областьышты ВАК-ын переченьӹшкӹжӹ пыра[45][46].
  • Вадывел-Ирвел. Научно-практический ежегодник 2008 и гӹц лӓктеш. Статьявлӓ вескид истори, Вадывелӹн дӓ Ирвелӹн исторический да культурный аспектӹштӹ лӹмеш сирӓлтӹт[47][48].

Музейвлӓ

Археологи музей

Археологи музейӹм 1975 ин истори отделеништӹшӹ В. С. Патрушев вуйлатымы археологи кружокыш каштшы студентвлӓн виштӹ доно пачмы. Тӹдок 1989 ин музейӹм вуйлаташ тӹнгӓлӹн. 2025 иэш экспозициш пырат: научный рукопись архив, полевой рукопись архив, археологи доно книгӓвлӓ, археологи доно кӹлдӓлтшӹ момы хӓдӹрвлӓ[49].

Зоологи музей

Зоологи музей 1935 ин пачылтын дӓ педагогика институтын естественный наука кафедрӹшкӹжӹ пырен. Анзыц тидӹ икманяр йӓнӹн чучелым дӓ препаратвлӓм перегӹмӹ кабинет ылын. Институтын пӓшӓзӹвлӓжӹ, студентвлӓжӹ дӓ выпускниквлӓжӹн палшымы доно кабинетӹм соок у экспонатвлӓ доно пайдарен шалгымы. 1938 ин биологи кабинетӹм зоологи музейӹш сӓртӹмӹ, тӹдӹм 1972 ин МарГУ-лан пумы. 2025 иэш музейӹштӹ тупӹрдӓн дӓ тупӹрдӹдӹмӹ йӓнӹн, колын дӓ кекӹн чучелошты анжыкалтыт. Экспзици 3 залышты вӓрлӓнӓ, дӓ тӹштӹ 1000 утла экспонат улы[50].

Международный кӹл

МарГУ-н международный пӓшӓм виӓнгдӹмӹ тӹнг задачывлӓжӹ — вескид, международный организацивлӓ дӓ вузвлӓ доно соглашеним ӹштӹмӓш, международный проектвлӓм ӹштӹмӓщ дӓ тӹштӹ участвуйымаш. Российӹштӹшӹ тымдымашым мировой образовательный пространствыш пыртымаш, академический мобильность программым ӹлӹмӓшкӹ пыртымаш, вескид гражданвлӓм тымдымаш[51][52]. 2025 ин университетӹштӹ мирӹштӹшӹ 47 сӓндӓлӹк гӹц 2800 утла студент тыменеш[52].

МарГУ мирӹштӹшӹ техень ассоциацивлӓн членжӹ ылеш[53]:

  • Финн-угр университетвлӓн ассоциациштӹ
  • Евразиштӹшӹ университетвлӓн ассоциациштӹ
  • Приволжский федеральный округыштышы вузвлӓн международный пӓшӓм иквӓреш ӹштӹмӹ шотышты ассоциациштӹ
  • Россий-Инди университетвлӓн ассоциациштӹ
  • Российӹштӹшӹ классический университетвлӓн ассоциациштӹ
  • Россий-Китай классический университетлӓн ассоциациштӹ

Тымдымы заведени Индин Национальный медицина комиссижӹн признайымы вузвлӓн спискӹш пыра, Медицина школвлӓн международный справочникӹшкӹжӹ (WDOMS[52]) пыртымы.

2025 ин тымдымы заведени 13 сӓндӓлӹк гӹц 28 вескид тыменьмӹ заведени дӓ компани доно договорым ӹштен, нӹнӹ лошты<[54]:

Рейтинг

RAEX аналитический агентствӹн 2024 ин эртӓрӹмӹ Приволжский федеральный округыштышы вузвлӓн рейтингӹштӹн данныйвлӓ семӹнь, Мары кугижӓншӹ университет 16-шы позициштӹ ылын[55], 2025 ин — 20-шы вӓрӹштӹ[56][57].

2024 ин Интерфаксын национальный сводный рейтингӹштӹжӹ тыменьмӹ заведени 132-135-шӹ вӓрӹм нӓлӹн[58].

Ректорвлӓ

Сакой ивлӓн вузым вуйлатышывлӓ ылыныт[5][59]:

  • Колла Виктор Эдуардович (1971—1982)
  • Соколов Пётр Алексеевич (1982—1985)
  • Ившин Виктор Павлович (1985—1998)
  • Макаров Виталий Иванович (1998—2013)
  • Швецов Михаил Николаевич (2013 — кӹзӹтшӹ жеп)

Вуйлатышывлӓ

2025 ин вузым вуйлатат[60]:

  • Ректор — Швецов Михаил Николаевич
  • Стратегический виӓнгмӓш шотышты проректор — Токтарова Вера Ивановна
  • Административный да правовой пӓшӓ шотышты проректор — Сидоров Олег Алексеевич
  • Научный пӓшӓ шотышты проректор — Леухин Анатолий Николаевич
  • Тымдымаш пӓшӓ шотышты проректор — Воронцова Эльвира Михайловна
  • Инноваци пӓшӓ шотышты проректор — Белослудцев Константин Николаевич
  • Международный пӓшӓ шотышты проректор — Петрова Ирина Петровна
  • Университет комплексӹм виӓнгдӹмӹ дӓ цифран трансформаци шотышты проректор — Белорусов Роман Валерьевич
  • Сӓмӹрӹквлӓн политика дӓ воспитательный пӓшӓ шотышты проректор — Кузнецова Анастасия Владимировна

Лӹмлӹ тымдышывлӓ

Тенгеок анжы: Категори: Мары кугижӓншӹ университетӹн тымдышывлӓжӹ
  • Асмаев, Вячеслав Михайлович, куштышы, балетмейстер, балет тымдышы. «Мары Эл» Кугижӓншӹ куштышы ансамбльын художественный вуйлатышыжы (1995—2004 дӓ 2014—2023). Россий Федерацин заслуженный артистшӹ (1995). Мары АССР-ӹн Халык артистшӹ (1988). Мары Элӹн Олык Ипай лӹмӓн сӓмӹрӹквлӓн Кугижӓншӹ премин Лауреат (1998).
  • Билич, Габриэль Лазаревич, учёный-медик, физиолог дӓ фармаколог. Медицинский наукывлӓн доктор (1971), профессор (1974). Российӹштӹшӹ естественный наукывлӓн академин академикшӹ.
  • Вакс, Анатолий Бенционович ― совет военный пӓшӓзӹ, научный пӓшӓзӹ, экономист-учёный. Экономический наукывлӓн кандидат, профессор. Совет-финн, Кого Ӓтямӱлӓндӹ дӓ совет-япон вырсывлӓн салтакшы, подполковник. 1941 и гӹц ВКП(б) член.
  • Григорьева, Людмила Яковлевна — мары йӹлмӹзӹ, учёный, тымдышы, филологи наукывлӓн кандидат (2003), доцент (2006), В. М. Васильев лӹмӓн йӹлмӹ, сӹлнӹшая дӓ истори шотышты мары научно-исследовательский институт вуйлатышы.
  • Ефимова, Нина Аркадьевна — совет да российӹштӹшӹ журналист, культуролог, краевед. «Марийская правда» республикӹштӹшӹ газетӹн тӹнг редакторын вашталтышыжы (1983—2000). Истори наукывлӓн кандидат, Мары кугижӓншӹ униерситетӹн доцентшӹ. Россий Федераци культурын заслуженный пӓшӓзӹжӹ (2003).
  • Золотова, Татьяна Аркадьевна — совет да россий научный пӓшӓзӹ, фольклорист, литературовед, филологи наукывлӓн доктор, профессор. Приволжский округыштышы дӓ Мары Элӹштӹшӹ руш халык овуцам, сӓмӹрӹквлӓн культурыштым шӹмлӹмӹ шотышты ик сек анзыл фольклорист. Мары Эл Республикӹн наукын заслуженный пӓшӓзӹжӹ (2002). Россий Федерациштӹшӹ кӱшыл профессиональный образованин почётан пӓшӓзӹжӹ (2007). Россий естествознани академин член-корреспондентшӹ. Тӹдӹн лӹмжӹм «Лӹмлӹ учёныйвлӓ» энциклопедиш пыртымы.
  • Зорина, Зоя Георгиевна — учёный-финно-угровед, лингвист, тымдышы, фонетика областьышты специалист, филологи наукывлӓн доктор (1997), профессор (1998), кӱшӹл школын тымдышыжы. Россий Федерацин кӱшӹл профессиональный образованин почётан пӓшӓзӹжӹ (1997). Мары Эл Республикӹн наукын заслуженный пӓшӓзӹжӹ (1998).

Лӹмлӹ выпускниквлӓ

Вузын лӹмлӹ выпускниквлӓжӹ лошты:

  • Абукаев-Эмгак, Вячеслав Александрович — мары сирӹзӹ, поэт, прозаик, драматург, сӓрӹшӹ, журналист, театр пӓшӓзӹ, СССР Писательвлӓн ушемӹн член (1991). Олык Ипай лӹмӓн Мары Элӹн сӓмӹрӹквлӓн кунижӓншӹ премин лауреатшы (1990), Пошкырт Солаштышы Яныш Ялкайн лӹмӓн премин лауреатшы (1998), Мары Эл Республикӹштӹшӹ искусствын заслуженный пӓшӓзӹжӹ (1999), Мары Эл Республикӹштӹшӹ М. Шкетан лӹмӓн Кугижӓншӹ премин лауреатшы (2007), Мары Эл Республикӹн халык писательжӹ (2006).
  • Байбаева, Екатерина Николаевна, балет артистка. Видӹшӹ солистка, Эрик Сапаев лӹмӓн опера дӓ балет Мары кугижӓншӹ академический театрын прима-балеринӹжӹ. Мары Элӹн заслуженный артисткӹжӹ (2018). Мары Элӹн литература, культура дӓ искусство областьышты Олык Ипай лӹмӓн сӓмӹрӹквлӓн кугижӓншӹ премин (2016) дӓ Йыван Кырля лӹмӓн халык театр премин лауреатшы.
  • Глушкова, Зоя Михайловна — мары сирӹзӹ, поэт, журналист, сӓрӹшӹ, Россий Писательвлӓн ушемӹн член (2002), Россий Журналиствлӓн ушемӹн член (2009), Мары Эл Республикӹштӹшӹ искусствын заслуженный пӓшӓзӹжӹ (2000), М. А. Кастрен Обществын премин лауреатшы (2000), «Мары Элӹн идӓлыкын книгӓжӹ» конкурсын лауреатшы (2006, 2008, 2018), Мары Эл Республикӹштӹшӹ С. Г. Чавайн лӹмӓн Кугижӓншӹ премин лауреатшы (2013), Н. Лесков лӹмӓн премин лауреатшы (2015), Мары Эл Республикӹн Халык писательжӹ (2022).
  • Кузьмин, Евгений Петрович — мары учёный, историк, общественный пӓшӓзӹ, истори наукывлӓн кандидат (2009), Мары Эл Республикӹштӹшӹ С. Г. Чавайн лӹмӓн Кугижӓншӹ премин лауреатшы (2011). Мары Эл Республикӹн правительство председательӹн пӹтӓришӹ вашталтышыжы (2022—2024).
  • Лебедева, Людмила Олеговна, спортсменка, легкоатлет, кӹдӓлӓш дӓ кужы дистанциштӹ кыргыжталмы, кросс, стипльчез, марафон доно специалист. 2009 и гӹц кӹзӹтшӹ жеп якте Россий сборный верц куштылгы атлетика доно выступая. Российӹн международный классан спорт мастаржы.
  • Маслихин, Александр Витальевич — совет дӓ российӹштӹшӹ философ, Мары кугижӓншӹ университетӹштӹшӹ философи кафедрӹн профессоржы, Чуваш кугижӓншӹ сола хозанлык академин общеобразовательный дисциплинӹвлӓ кафедрын профессоржы. Философи наукывлӓн доктор (1997), профессор (2001), ДЕНМ Международный академин Академикшӹ (2005).
  • Маслов, Евгений Васильевич, кугижӓншӹ деятель, администраци глава — Йошкар-Ола мэр (2015—2024).
  • Почтенева, Марина Георгиевна — Российӹштӹшӹ театрын дӓ кинон актрисӹжӹ, радиовидӹшӹ, педагог, мары мырым мырышы. Мары Эл Республикӹн заслуженный артисткӹжӹ.
  • Шаблий, Денис Сергеевич — российӹштӹшӹ актёр, режиссёр, рэпӹм мырышы, сценарист, продюсер дӓ монтажёр. «Мары ямак», «У и масак» кинолабораторивлӓм пачын. Сӓмӹрӹквлӓн Халык кинопремин, Мары Эл Республикӹштӹшӹ сӓмӹрӹквлӓн Олык Ипай лӹмӓн кугижӓншӹ премин, «На Благо Мира» премивлӓн лауреатшы.

Проектвлӓ

РУВИКИ интернет-энциклопеди доно иквӓреш ӹштӹмӹ Мары йӹлмӹ доно олимпиадылан йӓмдӹлӓлтӓш материал доно спецпроект.

Примечани

  1. ↑ Швецов Михаил Николаевич. marsu.ru. Тергӹмӹ кечӹ: 17 сентябрьын 2025.
  2. ↑ Марийский государственный университет стал опорным вузом региона, Кидшер (18 апрельӹн 2017). Дата обращения: 17 сентябрьын 2025.
  3. ↑ О МАРГУ (руш.). marsu.ru. Тергӹмӹ кечӹ: 17 сентябрьын 2025.
  4. ↑ 1 2 История университета (руш.). marsu.ru. Тергӹмӹ кечӹ: 17 сентябрьын 2025.
  5. ↑ 1 2 3 4 5 6 7 8 Марийский государственный университет. marsu.ru. Тергӹмӹ кечӹ: 17 сентябрьын 2025.
  6. ↑ С чего начинался Марийский государственный университет. cyberleninka.ru. Тергӹмӹ кечӹ: 17 сентябрьын 2025.
  7. ↑ Педагогический институт (руш.). marsu.ru. Тергӹмӹ кечӹ: 17 сентябрьын 2025.
  8. ↑ pg12.ru, Служба новостей. Михаил Швецов стал ИО ректора МарГУ, Про Город Йошкар-Ола. Дата обращения: 17 сентябрьын 2025.
  9. ↑ Малясев, Виталий. Михаил Швецов избран ректором МарГУ, Информационное агентство "МедиаПоток" (19 апрельӹн 2019). Дата обращения: 17 сентябрьын 2025.
  10. ↑ Список опорных вузов в России пополнили 22 региональных университета, Interfax.ru (18 апрельӹн 2017). Дата обращения: 17 сентябрьын 2025.
  11. ↑ Вызов для вузов, Коммерсантъ (17 апрельӹн 2017). Дата обращения: 17 сентябрьын 2025.
  12. ↑ По итогам второго конкурсного отбора программы создания опорных университетов 22 вуза станут опорными. web.archive.org. Тергӹмӹ кечӹ: 17 сентябрьын 2025.
  13. ↑ Институт цифровых технологий (руш.). marsu.ru. Тергӹмӹ кечӹ: 17 сентябрьын 2025.
  14. ↑ В МарГУ открывается Институт цифровых технологий. mari-el.gov.ru (8 июньын 2020). Тергӹмӹ кечӹ: 17 сентябрьын 2025.
  15. ↑ Старт реализации проекта «МарГУ СтудФитнес» (руш.). marsu.ru. Тергӹмӹ кечӹ: 17 сентябрьын 2025.
  16. ↑ В Марийском государственном университете открылся фитнес-центр (руш.). ГТРК «Марий Эл». Тергӹмӹ кечӹ: 17 сентябрьын 2025.
  17. ↑ Ещё больше возможностей для спорта! (руш.). marsu.ru. Тергӹмӹ кечӹ: 17 сентябрьын 2025.
  18. ↑ 1 2 Институты и Факультеты (руш.). marsu.ru. Тергӹмӹ кечӹ: 17 сентябрьын 2025.
  19. ↑ Структурные подразделения (руш.). marsu.ru. Тергӹмӹ кечӹ: 17 сентябрьын 2025.
  20. ↑ Научные лаборатории (руш.). marsu.ru. Тергӹмӹ кечӹ: 17 сентябрьын 2025.
  21. ↑ Музеи (руш.). marsu.ru. Тергӹмӹ кечӹ: 17 сентябрьын 2025.
  22. ↑ Структура и органы управления образовательной организацией (руш.). marsu.ru. Тергӹмӹ кечӹ: 17 сентябрьын 2025.
  23. ↑ Образование (руш.). marsu.ru. Тергӹмӹ кечӹ: 17 сентябрьын 2025.
  24. ↑ Центр дополнительного образования и профессионального обучения (руш.). marsu.ru. Тергӹмӹ кечӹ: 17 сентябрьын 2025.
  25. ↑ Отдел аспирантуры, ординатуры и докторантуры (руш.). marsu.ru. Тергӹмӹ кечӹ: 17 сентябрьын 2025.
  26. ↑ Диссертационные советы (руш.). marsu.ru. Тергӹмӹ кечӹ: 17 сентябрьын 2025.
  27. ↑ Аккредитационно-симуляционный центр. https://marsu.ru. Тергӹмӹ кечӹ: 17 сентябрьын 2025.
  28. ↑ Проектно-аналитический офис. https://marsu.ru. Тергӹмӹ кечӹ: 17 сентябрьын 2025.
  29. ↑ Марийский аграрный колледж. marsu.ru. Тергӹмӹ кечӹ: 17 сентябрьын 2025.
  30. ↑ Студенческий городок (руш.). marsu.ru. Тергӹмӹ кечӹ: 17 сентябрьын 2025.
  31. ↑ 1 2 Материально-техническое обеспечение и оснащенность образовательного процесса. Доступная среда (руш.). marsu.ru. Тергӹмӹ кечӹ: 17 сентябрьын 2025.
  32. ↑ 1 2 Секции. marsu.ru. Тергӹмӹ кечӹ: 17 сентябрьын 2025.
  33. ↑ Творчество. marsu.ru. Тергӹмӹ кечӹ: 17 сентябрьын 2025.
  34. ↑ Совет обучающихся МарГУ (руш.). marsu.ru. Тергӹмӹ кечӹ: 17 сентябрьын 2025.
  35. ↑ Студенческие трудовые отряды МарГУ (руш.). marsu.ru. Тергӹмӹ кечӹ: 17 сентябрьын 2025.
  36. ↑ Студенческий спортивный клуб «Акпарс-МарГУ» (руш.). marsu.ru. Тергӹмӹ кечӹ: 17 сентябрьын 2025.
  37. ↑ Ассоциация выпускников МарГУ (руш.). marsu.ru. Тергӹмӹ кечӹ: 17 сентябрьын 2025.
  38. ↑ Волонтёрский корпус МарГУ (руш.). marsu.ru. Тергӹмӹ кечӹ: 17 сентябрьын 2025.
  39. ↑ Спортивно-оздоровительный лагерь «Олимпиец» (руш.). marsu.ru. Тергӹмӹ кечӹ: 17 сентябрьын 2025.
  40. ↑ Редакция научной и учебной литературы (руш.). marsu.ru. Тергӹмӹ кечӹ: 17 сентябрьын 2025.
  41. ↑ Вестник Марийского государственного университета - Вестник МарГУ (руш.). vestnik.marsu.ru. Тергӹмӹ кечӹ: 17 сентябрьын 2025.
  42. ↑ Вестник Марийского государственного университета. КиберЛенинка. Тергӹмӹ кечӹ: 17 сентябрьын 2025.
  43. ↑ Вестник Марийского государственного университета. Серия «Сельскохозяйственные науки. Экономические науки» (руш.). agro-econom.vestnik.marsu.ru. Тергӹмӹ кечӹ: 17 сентябрьын 2025.
  44. ↑ Вестник Марийского государственного университета. Серия «Сельскохозяйственные науки. Экономические науки». КиберЛенинка. Тергӹмӹ кечӹ: 17 сентябрьын 2025.
  45. ↑ Вестник Марийского государственного университета. Серия «Исторические науки. Юридические науки» (руш.). history-law.vestnik.marsu.ru. Тергӹмӹ кечӹ: 17 сентябрьын 2025.
  46. ↑ Вестник Марийского государственного университета. Серия «Исторические науки. Юридические науки». КиберЛенинка. Тергӹмӹ кечӹ: 17 сентябрьын 2025.
  47. ↑ О журнале — Запад-Восток (руш.). west-east.marsu.ru. Тергӹмӹ кечӹ: 17 сентябрьын 2025.
  48. ↑ «Запад-Восток». Научно-практический ежегодник. КиберЛенинка. Тергӹмӹ кечӹ: 17 сентябрьын 2025.
  49. ↑ Археологический музей Марийского Государственного Университета (руш.). marsu.ru. Тергӹмӹ кечӹ: 17 сентябрьын 2025.
  50. ↑ Зоологический музей Марийского Государственного Университета (руш.). marsu.ru. Тергӹмӹ кечӹ: 17 сентябрьын 2025.
  51. ↑ Международное сотрудничество (руш.). marsu.ru. Тергӹмӹ кечӹ: 17 сентябрьын 2025.
  52. ↑ 1 2 3 Сведения об интеграции российского образования с мировым образовательным пространством. marsu.ru. Тергӹмӹ кечӹ: 17 сентябрьын 2025.
  53. ↑ МарГУ в международных ассоциациях. marsu.ru. Тергӹмӹ кечӹ: 17 сентябрьын 2025.
  54. ↑ Информация о заключённых и планируемых к заключению договорах с иностранными и (или) международными организациями по вопросам образования и науки. marsu.ru. Тергӹмӹ кечӹ: 17 сентябрьын 2025.
  55. ↑ Рейтинг вузов Приволжского федерального округа (2024 г.) (руш.). raex-rr.com. Тергӹмӹ кечӹ: 17 сентябрьын 2025.
  56. ↑ Рейтинг вузов Приволжского федерального округа (2025 г.) (руш.). raex-rr.com. Тергӹмӹ кечӹ: 17 сентябрьын 2025.
  57. ↑ Марийский государственный университет (руш.). raex-rr.com. Тергӹмӹ кечӹ: 17 сентябрьын 2025.
  58. ↑ Марийский государственный университет, Интерфакс — Высшее образование в России. Дата обращения: 17 сентябрьын 2025.
  59. ↑ Ректоры. marsu.ru. Тергӹмӹ кечӹ: 17 сентябрьын 2025.
  60. ↑ Персоналии (руш.). marsu.ru. Тергӹмӹ кечӹ: 17 сентябрьын 2025.

Литература

  • Учёные Марийского государственного университета. — Йошкар-Ола: МарГУ, 2002. — 292 с. — 1000 экз. — ISBN 5-94808-043-9.
  • Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — 486 с. — 2032 экз. — ISBN 5-87898-357-0.
  • Марийский государственный университет // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 512—513. — 872 с. — 3505 экз. — ISBN 978-5-94950-049-1.

Ссылкывлӓ

«https://mrj.ruwiki.ru/w/index.php?title=Мары_кугижӓншӹ_университет&oldid=305919» гӹц нӓлмӹ