Кого Ӓтямӱлӓндӹ вырсы

Ирӹкӓн энциклопеди Википеди гӹц материал

РАН-ын экспертизӹжӹ

Logo-ran.png
Россий Шанче Академий
экспертизӹм эртӓрӓ
Кымданрак
Times2.svg

РАН-ын экспертизӹжӹ

Arrow-Right.png
Logo-ran.png
Российӹн наука Академи
экспертизӹм эртӓрӓ
Кымданрак
Learning.svg

Б.Н. Ельцин лӹмӓн библиотекӹн материалвлӓ

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Кого Ӓтямӱлӓндӹ вырсы
Тӹнг конфликт: Кокшы мировой вырсы
Шалахай монгырышты (кӱшӹц ӱлӹкӹ): 1. Немецкий пехота Псков лишӓн солам эртен кеӓ (1941 и июнь-июль). 2. ЗиС-3 пушкын орудийный расчётшы тышман монгырыш лӱлӹлеш, Сталинград, 1942 и шӹжӹ. 3. Советский артиллериствлӓ Берлин лишнӹ. 1945 и апрель. Вургымла монгырышты (кӱшӹц ӱлӹкӹ): 1. Москваштышы ополченецвлӓ винтовкым нӓлӹт (1941 и кӓнгӹж). 2. Санинструктор Керчи сага кредӓлмӓштӹ ранялтшын шушыржым ялшта. Крымым ытарымаш, 1944 и. 3. Москвичвлӓ Якшар площадьышты Сӹнгӹмӓш кечӹм аят. 1945 и 9 май.
Шалахай монгырышты (кӱшӹц ӱлӹкӹ):
1. Немецкий пехота Псков лишӓн солам эртен кеӓ (1941 и июнь-июль). 2. ЗиС-3 пушкын орудийный расчётшы тышман монгырыш лӱлӹлеш, Сталинград, 1942 и шӹжӹ. 3. Советский артиллериствлӓ Берлин лишнӹ. 1945 и апрель.
Вургымла монгырышты (кӱшӹц ӱлӹкӹ):
1. Москваштышы ополченецвлӓ винтовкым нӓлӹт (1941 и кӓнгӹж). 2. Санинструктор Керчи сага кредӓлмӓштӹ ранялтшын шушыржым ялшта. Крымым ытарымаш, 1944 и. 3. Москвичвлӓ Якшар площадьышты Сӹнгӹмӓш кечӹм аят. 1945 и 9 май.
Жеп 1941 и 22 июнь — 1945 и 9 май
(3 и, 10 тӹлзӹ, 2 ӓрня дӓ 3 кечӹ)
Вӓр Ирвел дӓ Ӹрдӹ Европа, Йыдпелвел дӓ Кечӹвӓлвел Европа; Северный Ледовитый океанын, Балтийский, Шим, Азовский тангыжвлӓн акваториштӹ
Вир
  • Нацистский Германин агрессивный экспансионистский идеологижӹ семӹнь, немӹцвлӓлӓн «Ирвелӹштӹ ӹлӹмӓш кымдемӹм» колонизируяш манын, тӹдӹм ӓрӓлтен нӓлӓш келеш ылын
  • Нацизм дӓ коммунизм идеологивлӓн тышманланымаш: Гитлер Советский кугижӓншӹм коммунистический идеологин ӓнгӓлтӹшӹжӹ семӹнь пӹтӓрӓш шанен
  • Военно-стратегический расчёт: немецкий командовани Великобританим ӓрӓлтен нӓлмӹм толкеш кандыде, СССР-н ресурсшы шотеш цилӓ сӓндӓлӹкӹштӹ хозаланымы гишӓн вырсым пакыла видӓш манын, шӹдӹжӹм Ирвелӹш виктӓрӓш решен.
Лӓктӹш СССР-н сӹнгӹмӓшӹжӹ, Германим капитулируйымаш
Вашталтыш
  • Нацистский Германим пӹтӓрӹмӓш
  • Германим оккупируйымаш дӓ вадывел дон ирвел лаштыквлӓэш пайылымаш
  • Ирвел дӓ Ӹрдӹ Европыштышы икманяр кугижӓншӹштӹ Советский Союз докы мелӹн шалгышы правительствывлӓн властьыш толмаш
  • Иктӹш ушнышы Нацивлӓн Организацим ӹштӹмӓш
  • Кок супердержавын шачмаш
Тышманвлӓ
  • Нацистский Германи Германи[lower-alpha 13]
  • • Словаки Словаки[1]
  • • Хорвати Хорвати
  • Итали Итали Королевство (1941–1943)

«Ось»-лӓн палшышы кугижӓншӹвлӓ:

Командывайышывлӓ
  • Тувин Халык Республика Салчак Тока
  • Польша Михал Жимерский
  • Польша Францишек Юзвяк
  • Польша Станислав Поплавский
  • Польша Войцех Ярузельский
  • Чехословаки Людвик Свобода
  • Чехословаки Отакар Ярош
  • Албани Энвер Ходжа
  • Албани Мехмет Шеху
  • Франци Пьер Пуйяд
  • Франци Луи Дельфино
  • Болгари Дамян Велчев
  • Болгари Владимир Стойчев
  • Royal standard of Romania (King, 1922 model).svg Михай I
  • Румыни Константин Василиу-Рэшкану
  • Финлянди Карл Маннергейм
  • Финлянди Аксель Айро
  • Flag of Mussolini as Capo del governo of Fascist Italy.svg Бенито Муссолини  †
  • Итали Джованни Мессе
  • Итали Итало Гарибольди
  • Flag of the Supreme Warlord of the Royal Hungarian Defence Forces (1939-1945, on land).svg Миклош Хорти
  • Flag of the Supreme Warlord of the Royal Hungarian Defence Forces (1939-1945, on land).svg Ференц Салаши
  • Венгрия Густав Яни
  • Венгрия Ференц Сомбатеи
  • Standard of Marshal Ion Antonescu.svg Ион Антонеску  #
  • Румыни Петре Думитреску
  • Румыни Константин Константинеску
  • Flag of the President of Slovakia (1939–1945).svg Йозеф Тисо
  • Словаки Фердинанд Чатлош
  • Standard of the Poglavnik of NDH.svg Анте Павелич
  • Хорвати Виктор Павичич  †
  • Хорвати Марко Месич  капитулировал
Польша Леопольд Окулицкий
  • Польша Стефан Ровецкий  †
  • Югославия Драголюб Михайлович
Ваштареш шалгышывлӓн ви

1941—1945-шӹ ивлӓн РККА-шты цилӓжӹ мобилизуйымы: 34 476 700 эдемӹм[6][7]

1941—1945-шӹ ивлӓн ВФ-шты цилӓжӹ мобилизуйымы: 19 000 000 нӓрӹ эдемӹм[7]

Яммаш

26 600 000[lower-alpha 15][8], нӹнӹн лошты 8 668 400 военный
Пӧртӹлтӓш лидӹмӹ яммаш — 11 444 100 эдем[7]

11 900 000[lower-alpha 16], нӹнӹн лошты 5 076 700 военный[7][9]
Пӧртӹлтӓш лидӹмӹ яммаш — 8 649 200 эдем (1945 и 9 май паштек пленӹш вӓрештшӹвлӓ 1,6 млн. гӹц пасна. Фольксштурмын, полицин, коллаборациониствлӓн дӓ молывлӓнӓт ямдарымашышты пӓлӹ агыл)[7]

Цымыр яммаш
34 361 700 эдем
Логотип РУВИКИ.Медиа Медиафайлы на РУВИКИ.Медиа

Кого Ӓтямӱлӓндӹ вырсы (1941 и 22 июнь — 1945 и 9 май[10]) — Советский Социалистический Республикӹвлӓн Союзын нацистский Германи дӓ тӹдӹн сага икышын ылшы союзниквлӓжӹ (фашистский Итали, Венгри, Румыни, Словаки, Финлянди дӓ Хорвати) ваштареш ирӹк верц шалгышы вырсы. Кокшы мировой вырсын (1939–1945) сек тӹнг лаштыкшы[11][12]. Ӹшкӹмжӹн кымдыкшы дон мировой историштӹ сек кого да сек шукы вӹрӹм йоктарышы вырсы лин[11][13][14][15].

Нацистский Германим вуйлатышывлӓ Советский Союз ваштареш вырсым тӹнгӓлӓш 1940-шӹ ин лишӹ Францин капитуляцижӹ паштек шанен пиштенӹт. Немӹцвлӓн СССР-шкы пырымы план «Барбаросса» шӹлтӹмӹ лӹмӓн лин. Тӹдӹн негӹцшӹ Вадывел Европышты ӹшкӹмжӹм анжыктышы блицкриг («пиш пӹсӹ вырсы») стратегиштӹ киэн, дӓ Якшар Армим ик кӹтӹк жепӹштӹ шин шӓлӓтӹмӓштӹ ужын. Тӹ веремӓнок «Генеральный план «Ост»-ым йӓмдӹлен шалгымы, тӹдӹм Советский Союзым сӹнгӹмӹ паштек ӹлӹмӓшӹшкӹ пырташ шанен пиштӹмӹ. «Ост» план семӹнь, советский кугижӓншӹм тӹрӹс пӹтӓрӓш, цилӓ тӹдӹн пайдажым, кӧргӹ вижӹм вадывел монгырышкы нӓнгеӓш, улы кымдемӹштӹ «германизаци»-м эртӓрӓш, цилӓ ӹлӹшӹ халыкым пушташ дӓ вес вӓрвлӓшкӹ поктен нӓнгэӓш шанен пиштӹмӹ[16].

1941 ин 22 июньын нацистский Германин дӓ тӹдӹн сага икышын ылшы союзниквлӓжӹ келшӹмӹ договорым лоэштӓрен, вырсы тӓрвӓтӹмӹштӹ гишӓн увер гӹц паснаок СССР-ын мӱлӓндӹш пырен керӹлтӹнӹт[17][15].

Вырсын пӹтӓришӹ лаштыкышты (22 июнь 1941 — 18 ноябрь 1942) Советский Союз пиш шукы эдемӹм, сӓндӓлӹкӹн вадывел монгырыштышы шукы мӱлӓндӹм дӓ пайдажым ямден. Тенге гӹнят, тышман ваштареш пиш патырын шалгышы Якшар Армин вижӹ велдӹк немӹцвлӓн «пӹсӹ вырсы»-шты лоэштӓрӓлт кӹрӹлтӹн. Москва верц кредӓлмӓштӹ вермахтын анзыкы кемӹжӹ цӓктӓрӓлтӹн. Якшар Арми анзыц тышман ваштареш шалгышы гӹц варажым тышман вӹкӹ пыт пырышы лин. Тидӹлӓн армин шиэдӓлӓш мастарын тымень шоктымыжат, сӓндӓлӹкӹн экономикӹжӹм военный монгырышкы сӓрӓлмӹжӓт яжо йӧнӹм ӹштенӹт.

Кокшы лаштыкышты (ноябрь 1942 — декабрь 1943) совет арми анзыкыла кеӓш тӹнгӓлӹн, кого сӹнгӹмӓшвлӓшкӹ Сталинград дон Курскышты шомы, СССР-ын шукы мӱлӓндӹжӹ ирӹкӓн лин, цилӓ тидӹ вырсышты вашталтмашвлӓ лин шалгымым пӓлдӹртен дӓ Германин цӓктӓрӓлтмӹжӹм, вижӹм ямдымыжым анжыктен.

Вырсын кымшы лаштыкышты (январь 1944 — май 1945), СССР-ын улы мӱлӓндӹге ирӹкӹш шоктарымыкы, Якшар Арми Восточный Европышты дӓ Балканышты вермахтын тӹнг вижӹм шин шӓлӓтен, анзыкыла кеӓш тӓрвӓнен. 1945 ин шошым совет войскавлӓ Берлинӹм нӓлӹнӹт, Германим капитуляцишкӹ шоктаренӹт.

Вырсы жепӹн Советский Союз антигитлеровский коалицишкӹ пырен, Германин армижӹм дӓ тӹдӹн союзниквлӓжӹм сӹнгӹмӓштӹ сек виӓн палшыкым пуэн, Европым ытарымашты анзылны лин[18][19][20][21][22][23]. Кым и пачелӓ (1941–1944) СССР ваштареш Германин 90% улы вижӹ шалген. 1944 ин июньын Нормандиштӹ антигитлеровский коалицин союзный войскавлӓ вазалмы паштекӓт вадывел монгыр фронтышты эче ⅔ немӹц войскавлӓ кодыныт.[24]


Советский Союз сӹнгӹшӹ сӓндӓлӹквлӓ лошты Нюрнбергӹштӹ эртӹшӹ трибуналышты тӹнг пӓшӓм нӓнген, Германин тӓрвӓтӹмӹ кого шӹдӓн вырсын шукы монгыржым — эдемвлӓм пуштмашым, ирӹкӓн ӹлӹмӓш ваштареш шалгымашым, молы преступленивлӓ гишӓн торӹм пачын, тенгеок тӹнг виктӓрӹшӹвлӓлӓн иктешлӹмӓшӹм лыктын.

Кого Ӓтямӱлӓндӹ вырсышты совет халыкын сӹнгӹмӓш лӹмеш СССР-ын Верховный Советшӹн Президиумжын Указшы семӹнь 9 май кого халык айо семӹнь пӓлемдӓлтӹн — Сӹнгӹмӓш Айо лин[25].

Вырсын лӹмжӹ гишӓн

Сек пӹтӓри Германи доно тӹнгӓлӓлтшӹ вырсы шотышты «ӓтямулӓндӹ вырсы» шая немӹц войскавлӓн СССР кымдемӹшкӹ пырымышты кечӹн – 22 июньын нарком В.М. Молотовын радиошты йонгымы шаяштыжы шактен:

«Ӹшке жепӹштӹжӹ Наполеонын Российышкӹ керӹлтмӓшӹшкӹжӹ мӓмнӓн халыкна ӓтямӱлӓндӹ вырсы доно ваштарешӹжӹ шагалын, тышманым пӹтӓрен. Гитлер донат, кыды мӓмнӓн мӱлӓндӹшкынӓ керӹлтнежӹ, тенгеок лиэш. Якшар Арми да улы халыкна угӹц сӹнгӹмӓшӓн ӓтямӱлӓндӹ вырсым шачмы вел, шот дӓ ирӹк верц нӓнгеӓт»[26].

Тенгеок СССР дон Германи лошты вырсы шотышты «кого ӓтямӱлӓндӹ вырсы» манмы пӹтӓришӹ гӓнӓ 1941 ин 23 дӓ 24 июньын лӓкшӹ «Тӧр» («Правда») газетӹштӹ пецӓтлӓлтӹн[27].

3 июльын 1941 ин радио гач йонгалтшы Сталинӹн шаяштыжы «кого» дӓ «ӓтямӱлӓндӹ» эпитетвлӓ пасна кычылталтыныт[28]. Сек анзыц ти шамаквлӓ термин семӹнь агыл, халык шая сӓрӓлтӹш семӹнь кычылталтыныт, молы лошты «священный халык вырсы», «священный ӓтямӱлӓндӹ халык вырсы», «сӹнгӹмӓшӓн ӓтямӱлӓндӹ вырсы» шамаквлӓ моло вӓшлиӓлтӹнӹт. «Ӓтямулӓндӹ вырсы» термин СССР-ын Верховный Советшӹн Президиумжын 1942 ин 20 майын лӓкшӹ Указшы дон военный Ӓтямулӓндӹ вырсын орденӹм пыртымы доно шачын.

Кынамжы «Кого Ӓтямулӓндӹ вырсы» манмы 1914–1915 ивлӓн ылшы Пӹтӓришӹ мировой вырсы шотышты неофициальный публикацивлӓштӹ вӓшлиӓлтеш[29].

Английский историографиштӹ Кого Ӓтямулӓндӹ вырсы «Кокшы мировой вырсын ирвел фронтшы» (англ. Eastern Front of World War II) семӹнь пӓлдӹртӓлтеш. Немецкий историографиштӹ «германо-советский вырсы» (нем. Deutsch-Sowjetischer Krieg), «Руш поход» (нем. Russlandfeldzug), «Ирвел поход» (нем. Ostfeldzug Ostfeldzug) терминвлӓ кычылталтыт.

Вырсы анзыц Европышты военно-политический ситуаци

1920-шы ивлӓн, Рапалльский договорышты кидӹм пиштӹмӓш гӹц тӹнгӓлӹн, СССР Веймарский Германи доно келшен ӹлен. Тенге гӹнят 1933-шы ин Германиштӹ Гитлер доно вуйлатымы нациствлӓн анзык лӓкмӹштӹ советско-германский келшӹмӓшӹм ӱкшӹктӓрен, тӹнг виржӹ национал-социалистический пропагандын коммунизм ваштареш шалгымыжы лин. 1936 ин нацистский Германи дон милитаристский Япони Коммунистический интернационал дон цилӓ улы кымдемвлӓштӹ коммунизм шӓрлӹмӹ ваштареш шалгышы Антикоминтерновский пактым лыктыныт.

Тидӹ СССР-ым молы вадывел сӓндӓлӹквлӓ докы лишӹлемден. Иностранный пӓшӓвлӓн наркомжы М.М. Литвинов Европышты икӹжӓк-иктӹлӓн палшымаш шотышты вӓш келшен, цымыр дӓ перегӹшӹ ӹлӹмӓш верц шалген. Британский да немецкий дипломати техень анжалтышлан тореш ылын дӓ ваштареш шалген. Тенге гӹнят, 1935 ин СССР Франци дӓ Чехословаки дон вӓш-вӓш палшыкым пуэн шалгымы шотышты договорым ӹштен.

1938 ин Германи Чехословакин Судетский кымдемжӹлӓн ӹшкӹмжӹм хозаэш лыктын. Улы Европышты вырсы тӓрвӓнӹмӹ ваштареш шалгышы Франци дӓ Англи ти ядмашым тырын дӓ келшен анжен лӓктӓш лин. Тышман семӹнь шалгышым ладнагдараш лижӹ дӓ молы сӓндӓлӹквлӓн цикӹштӹм переген кодаш манын, Мюнхенӹштӹ договорышты кидпӓлӹм пиштенӹт, тӹдӹ семӹнь Судет мӱлӓндӹ Германишкӹ пырышы лин. Чехословакин слабка лимӹжӹм ужын, Польша Тешинский кымдемӹшкӹжӹ пырен. 1939 ин Германи договорым шотыш нӓлде улы Чехословаким ӓрен нӓлӹн.

Советский правительство пакыла келшӹмӓш верц шалген. Тидӹ шотышты Англи дӓ Франци доно икӹжӓк-иктӹлӓн вӓш-вӓш палшыкым пуэн шалгаш дӓ Германин угӹц пыраш цацымыжы ваштареш шагалаш договорым ӹштӓш ядын. Ти ядмашым анжен лӓктӓш манын 1939 ин апрель-май тӹлзӹвлӓн Москвашты англо-франко-советский погынымаш эртӓрӓлтӹн.

Тенге гӹнят, 12 августын Англи дон Франци гӹц Москвашкы толшы военный миссивлӓ договорым ӹштӓш ярал лишӹвлӓ ылделыт, нӹнӹн шамакышты тӹнг ылде. Погынымашышты советский монгыр кым сӓндӓлӹкӹн иквӓреш ушнен Европышты тышман ваштареш шагалаш лимӹ планым анжыктен. Германи пыраш тӹнгӓлмӹ годым Польша ӹшкӹмжӹн мӱлӓндӹшкӹжӹ тышман ваштареш шагалшы советский войскавлӓм пыртымы ваштареш лин. Великобританиӓт СССР доно цилӓ йиш лин кердшӹ договор ваштареш шалген. Великобританин премьер-министржы Н. Чемберлен «советвлӓ доно келшӹшӹ лимешкӹ, мӹнь пӓшӓ гӹцшӓт карангаш йӓмдӹ ылам», манын попен. Погынымаш келшӹшӹ иктешлӹмӓшӹшкӹ шоде, тидӹлӓн вадывел сӓндӓлӹквлӓ вуйнамат линӹт.

Вырсы пӹтӹмӹкӹ, 1947 ин, молнамшы французский премьер П. Рейно попен: «Кӱ сага мӓ келшӹшӓшлык ылынна? Ти ядмашеш тӹнӓм раш вӓшештӹшӹм ышна, географи, истори дӓ Гитлерӹн шанен пиштӹмӹжӹ пуэнӹт. Кынам Гитлер Францим пӹтӓрӓш, вара Российӹм шеледӓш манын келесен, тӹдӹ ӹшке кидшӹ доно тӹнӓм мӓмнӓм ушнаш шӹкен. Ӓнят, ти ушнымашлан йӧнжӹм мӓлӓннӓ пуделыт? Уке, мӓлӓннӓ цилӓ йӧнӹм пуэнӹт, мӓ ӹшке нӹнӹм ӧрдӹжӹшкӹ шӹкӓлӹннӓ».

Тенге 1939 ин СССР дон вадывел сӓндӓлӹквлӓ лошты икараш келшӹмӓшӹм ӹштӓш цацымаш ӹлӹмӓшӹшкӹ пырталтде кодын. Тышманын пырен кердмӹжӹ ваштареш ӹшкетӹн шалген кодмы гӹц перегӓлтӓш манын, 23 августын 1939 ин СССР дон Германи договорым ӹштен, кидпӓлӹм пиштенӹт, керӹлт пыраш сӧрӹделыт. Ти договорым тенгеок эче «Молотовын дӓ Риббентропын пактшы» маныт. Сагажы тенгеок йӓллӓн анжыктыдымы протокол ушнен, тӹштӹ СССР дон Германи Восточный Европышты ӹшке вӓрӹштӹм пӓлдӹртенӹт.

Тидӹ паштек кешӹ ӹлӹмӓш раш анжыктен – СССР дон Германи лошты лишӹ договор Кого Ӓтямӱлӓндӹ вырсышты сӹнгӹмӓшлӓн негӹцӹм пиштен. СССР-н тышман пырымы ваштареш йӓмдӹлӓлтӓш тӹнгӓлмӹ кок ижӹ уке ылгецӹ, вермахт пӹсӹн сӹнген кердеш ылын[30].

Кокшы мировой вырсы тӹнгӓлмӹ гӹц вара

Вырсы доно пыраш сӧрӹде гӹнят, 1 сентябрьын 1939-шӹ ин Германи Польшышкы керӹлтӹн. Кокшы мировой вырсы тӹнгӓлӓлтӹн. Польский кугижӓншӹ шӓлӓнӹмӹ велдӹк советский правительство Польшын ирвел монгырышкыжы войскавлӓжӹм пыртен, тӹштӹ украинецвлӓ дӓ белорусвлӓ ӹленӹт. Западный Украина УССР кымдемӹн лаштыкшы лин, Западный Белоруси – БССР-ын, 28 сентябрьын 1939 ин Германи дон вӓрлӓнӹшӹ цик шотышты договорышты кид пӓлӹм пиштӹмӹ.

Икараш келшӹмӓшӹм ӹштӓш цацымаш яммы велдӹк СССР Германи доно вырсым кыце лиэш пакырак шӹкӓш цацен, тӹ жепӹнок вырсы тӹнгӓлмӹ шотышты перегӓлтӓш йӓмдӹлӓлтӹн. 1939 ин советский дипломати Финляндин правительство гӹц Карельский лаштык мӱлӓндӹм кок пачаш когорак советский Карелин мӱлӓндеш вашталташ ядын. Ти ядмаш СССР-ын йыдвел цикшӹм Ленинград гӹц пакырак карангдаш палшен. Финский правительство ти ядмаш ваштареш шалген, седӹндон советско-финляндский вырсы тӓрвӓнен (1939–1940).

Сӓндӓлӹкнӓн кечывӓлвел монгыржат цаткыдемӹн. 1940-шӹ ин СССР Румынин правительство гӹц Бессарабим дӓ Северный Буковинӹм пӧртӹлтӓш ядын. Ти мӱлӓндӹвлӓшкӹ Румыни эче Гражданский вырсы годымок пырен. Румыни Бессараби дон Северный Буковинӹм пуэн (пыренӹт Молдавский ССР-шкы дӓ УССР-шкы).

Тенгеок 1940-шӹ ин СССР-шкы Прибалтикын сӓндӓлӹквлӓ пыренӹт: Литва, Латвия дӓ Эстони.

Нацистский Германин СССР ваштареш вырсым йӓмдӹлӹмӓш

СССР ваштареш вырсым тӹнгӓлмӹ шотышты, тӹдӹн доно кӹлдӓлтшӹ пӓшӓ гишӓн Гитлер 31 июльын 1940-шӹ ин кӱкшӹ военный командовани доно эртӓрӓлтшӹ погынымашышты попен. Тидӹ Францим сӹнгӹмӹ паштек лиӓлтӹн. Тӹнг пӓшӓ генерал-полковник Ф. Гальдер доно вуйлатымы вермахтын сухопутный войскавлӓн генеральный штаб (ОКХ) вӹкӹ вазын. Тенгеок «ирвел походым» шанымашты кого пӓшӓм генерал А. Йодль доно вуйлатымы Германин сек кӱшӹл вооружённый вижӹн тӹнг вуйлатышы штабшы нӓнгеен. Тӹдӹ цилӓ пӓшӓм Гитлер гӹц тӧрӧк нӓлӹн шалген[31].

21 номерӓн «Вариант Барбаросса» директива

8 декабрьын 1940-шӹ ин Гитлер 21 номерӓн вермахтын сек кӱшӹл командованин директивышкы кидшӹм пиштен, тӹдӹм «Вариант Барбаросса» маныныт дӓ СССР ваштареш тӹнг вуйлатышы документлӓн шотленӹт. Германин вооружённый вилӓн СССР-ым пӹсӹн изи жепӹштӹ шин шӓлӓтӓш шӱдӹмӹ лин. Тидӹлӓн цилӓ улы сухопутный войскавлӓм, тенгеок ВВС-ын кымыт гӹц кок лаштыкшым дӓ ВМС-ын изирӓк лаштыкшым колтымы, лач Европым пакыла пӹзӹрӹмӓш пӓшӓм нӓнгешӹ войскавлӓм тӓрвӓтӹделыт. СССР-ын вадывел монгырышты шалгышы войскавлӓм германский армин танковый военный лаштыквлӓ доно пӹсӹн шин пӹтӓрӓш, кодшы ваштареш шалген кердшӹ советский войскавлӓм сӓндӓлӹк кӧргӹшкӹ цӓкнӹмӓш гӹц ӓрен кодаш шанен пиштӹмӹ ылын. Варажым, тышманым пӹсӹн поктен, немецкий войскавлӓ сӓндӓлӹк кӧргӹшкӹ пырышашлык ылыныт, Кымшы рейхӹшкӹ советский самолётвлӓн чонгештӹмӓш гӹц ӹшкӹмӹштӹм ытарышашлык ылыныт. Остаткажым Архангельск-Волга-Астрахань линишкӹ лӓкшӓшлык ылыныт, керӓлеш тӹштӹ немецкий войскавлӓлӓн Уралышты ылшы советский промышленный вӓрвлӓм сӹнген нӓлӓш палшышашлык линӹт[31].

Вермахтын СССР-ыш керӹлт пырымаш

.

31 январьын 1941 ин сухопутный войскавлӓ доно вуйлатышы генерал-фельдмаршал В. фон Браухич 050/41 номерӓн ОКХ директивышкы кидшӹм пиштен. Тӹштӹ 21 номерӓн директивӹштӹ сирӹмӹ задачывлӓм ӹлӹмӓшӹшкӹ кыцерӓк пыртымы шотышты раш пачын пумы лин, цилӓ арми анзылны ик тӹнг пӓшӓм тӓрвӓтӹмӹ: вадывел монгырышк ыла Якшар Армин войскавлӓжӹм Днепр гӹц Западный Двина якте шин шӓлӓтӓш[31].

Оперативно-стратегический планировани

Германский войскавлӓм виктӓрӹшӹвлӓ улы фронт кыт мычкы цилӓ советский войскавлӓм шин шӓлӓтӓш шанен пиштенӹт. Ти шанымаш доно цик сагашы кредӓлмӓш паштек СССР-ын 30-40 остатка дивизижӹ гӹц пасна нимат кодшашлык агыл ылын. Техень лӓктӹшӹшкӹ улы фронт мычкы шоаш шанен пиштӹмӹ ылын. Тӹнглӓн московский дӓ киевский монгырвлӓм айырымы. Тӹшкӹ «Центр» (500 км кужыцышты 48 дивизи шалген) дӓ «Юг» (1250 км кужыцышты 40 немецкий дивизи дӓ союзниквлӓн войскавлӓ шалгенӹт) армивлӓн группывлӓ кешӓшлык ылыныт. «Север» армин группывлӓ (290 км кужыцан фронтышты 29 дивизии) «Центр» группын флангшылан палшышашлык, Прибалтикыш пырышашлык дӓ финский войскавлӓ доно вӓшлишӓшлык ылыныт. Цилӓжӹ пӹтӓришӹ стратегический эшелонышкы финский, венгерский дӓ румынский войскавлӓ хӓлӓ 157 дивизи пырен, нӹнӹ лошты 17 танковый дӓ 13 моторизированный лин, тенгеок 18 бригада пыренӹт[32].

Кӓндӓкшӹмшӹ суткаэш немецкий войскавлӓ Каунас – Барановичи – Львов – Могилёв – Подольский рубежӹшкӹ лӓкшӓшлык ылыныт. Вырсын коклышы суткаэш нӹнӹ мӱлӓндӹм кид лӹвӓкӹштӹ нӓлӹн Днепр (Киев халан кечӹвӓлвел монгырын кытлажы якте) – Мозырь – Рогачёв – Орша – Витебск – Великие Луки – Псков халан  кечӹвӓлвел монгырын кытлажы – Пярну халан кечӹвӓлвел монгырын кытлаштышы рубежӹм шошашлык ылыныт.

Тидӹ паштек коклы кечеш шагал цӓрнӹшашлык ылыныт, ти жеп лошты войсковой соединенивлӓм угӹц цымыраш, войскавлӓлӓн кӓнӓлтӓш дӓ у снабженим постараш шанымы ылын. Вырсын нӹллӹшӹ кечеш наступленин кокшы лаштыкшы тӹнгӓлшашлык лин. Тӹдӹн семеш Москва, Ленинград дӓ Донбасс тышман кид лӹвӓкӹ вӓрештшӓшлык ылыныт[32].

«Барбаросса» операцин пӹсӹн лиӓлтмӹжӹ

СССР ваштареш вырсым шанен пиштӹмӓштӹ германский вуйлатышывлӓн дӓ вермахтын тӹнг пӓшӓштӹ алталымаш, тыштен шӹлтӹмӓш доно кӹлдӓлтӹн. Нӹнӹн шанымашты, Советский Союзлан вуйын шалгышывлӓ сӓндӓлӹкӹшкӹ керӹлт пырымын жеп шотышты пӓлӹдеок кодшашлык ылыныт. Цилӓ ти пӓшӓм Гитлер ӹшкеок вуйлатен шалген[33].

Техень алталымаш советско-германский келшӹмӹ кӹллӓн Гитлерӹн ӹнянӹмӓшӹжӹм анжыктышашлык ылын, СССР-ын мӱлӓндӹжӹм немӹцвлӓн тӹкӓлдӹмӹлӓн советский вуйлатышвлӓлӓн пуры ӹнянӹмӓшӹм шачыктышашлык ылын. Пасна айыртем Европышты антифашистский сӓндӓлӹквлӓ виӓнгмӹ ваштареш шалгымаш доно кӹлдӓлтӹн[33].

Вырсылан яжо йӧнвлӓм ӹштен шалген, Гитлер ӹшке шӹдӓн шанымашвлӓжӹм алтален яжо мӱден, пурын кайын, советский вуйлатышывлӓм йойын ӹняндӓрен. Техень алтанзыкан жепӹштӹ германский войскавлӓм вадывел монгыр гӹц ирвел монгырышкы колтен шалгенӹт, вырсылан цилӓ йӧнӹм цымырен йӓмдӹленӹт. Шукы оружим, военный техникӹм лыкмаш, вырсылан керӓл молы хӓдӹрӹм йӓмдӹлӹмӓш Великобритани доно вырсым тӹнгӓлӓш шанен пиштӹмӹ доно кӹлдӓлтӹн. Тенге цацен йӓмдӹлӓлтмӓш вермахтлан пӹсӹлыкым, вырсын пӹтӓришӹ жепӹштӹжӹ куштылгын анзыкыла кеӓш йӧнӹм пуэнӹт.

СССР шотышты нацистский планвлӓ

Эче 1930-шы ивлӓ гӹцок нацистский Германиштӹ Польша дон СССР ваштареш вырсым тӓрвӓтӓш шанен пиштӹмӹ лошты СС-ын рейхсфюрержӹ Генрих Гиммлерын вуйлатымыжы доно Генеральный план «ОСТ» манмы йӓмдӹлӓлтӓш тӹнгӓлӹн. Тӹдӹн негӹцшӹ нацистский расовый теори дӓ ирвел монгырышты ӹлӓш ярал вӓрӹм йӓмдӹлӹмӓш доно кӹлдӓлтӹн. Тидӹлӓн 75-85 % тӹштӹ ӹлӹшӹ халыкым поктен лыкташ дӓ тӹ вӓрвлӓштӹ немӹцвлӓлӓн ӹлӓш вӓрӹм пумаш келешлык лин. Ти пӓшӓлӓн 30 и айыралтын, тӹдӹ СССР-ым сӹнгӹмӹ паштек тӧрӧк тӹнгӓлӓлтшӓшлык ылын.

Тӹнг вӓрӹм нацистский планвлӓштӹ руш халык шотышты «шанымашвлӓ» нӓлӹн шалгенӹт. 27 апрельӹн 1942 ин ирвел министерствын расово-политический отделжым вуйлатышы Э. Ветцель доно йӓмдӹлӹмӹ «Генеральный план «Ост» гишӓн» пӓшӓштӹ попалтын: «Шая Москва хала ӹрдӓн сӓндӓлӹкӹм шӓлӓтен пӹтӓрӹмӹ гишӓн веле ак ке, ти цельӹшкӹ шомыкат, шытыр ак пӹтӹ. Тӹнг пӓшӓнӓ цилӓ улы рушвлӓм ик цымыр халык гӹц пасна айырен шуэн пӹтӓрӹмӓш доно кӹлдӓлтеш… Сек анзыцок руш халык ӹлӹмӹ цымыр мӱлӓндӹм шукы политический районвлӓэш шеледен шуаш келеш, цилӓ ти районышты пасна йиш ӹлӹмӓш кешӓшлык лиэш… Горьковский генеральный комиссариатышты ӹлӹшӹ руш ӹшкӹмжӹм тульский генеральный комиссариатышты ӹлӹшӹ руш гӹц айыртемӓлтшеш шотлышашлык». Тенгеок пӓлдӹртӓлтӹн: «Руш мӱлӓндӹштӹ ӹлӹшӹ эдемвлӓ тӹнг шотышты ир полуевропейский халык лишӓшлык ылыт». Тымдымаш шотышты сек керӓлеш корныштышы знаквлӓм ынгылымаш, 25 якте умножени таблицӹм пӓлӹмӓш, ӹшке фамилим сирен мыштымаш шотлалтыныт.

СССР дон вырсым тӹнгӓлмӹ гӹц анзыц, Ост генеральный план гӹц пасна «Барбаросса» план кӧргӹштӹ эче «Ольденбург» лӹмӓн план йӓмдӹлӓлтӹн – кид лӹвӓкӹ нӓлмӹ СССР-ын мӱлӓндӹм экономически кычылтмаш. Ти планым рейхсмаршал Герман Геринг шанен лыктын. 29 апрельӹн 1941 ин лӓкшӹ «Ольденбург» планыш Кымшы Рейхлан СССР-шты цилӓ кого промышленный предприятивлӓн пайдаштым пумаш пыртымы лин. СССР-ын европейский покшал лаштыкшым Германин шачыктышы мӱлӓндӹжӹлӓн шотлыман ылын.

СССР-ын мӱлӓндӹм экономически кычылтмым вуйлаташ манын «Ольденбург» штабым ӹштӹмӹ. Ти штабым вуйлатышы рейхсмаршал Геринг сирен: «Ирвел монгырышты мӹнь краваш шанен пиштенӓм, пыт краваш. Цилӓ, ма ирвел монгырышты немӹцвлӓлӓн керӓл лин кердаш, тӧрӧк пиш пӹсӹн Германишкӹ кешӓшлык».

Тышманын кид лӹвӓкӹ попазышы мӱлӓндӹштӹ качкышым погаш посна комиссим ӹштымӹ, тӹдӹм сельский хозяйствын Имперский министерствын статс-секретарьжӹ Герберт Бакке вуйлатен. Тӹдӹлӓн германский войскавлӓлӓн СССР гӹц кравен нӓлмӹ качкышым колтен шалгаш шӱдӹмӹ ылын. Цилӓ молы качкышлан куштымы пайдам тӧрӧк Германишкӹ колташ шӱдӹмӹ ылын, тидӹн велдӹк СССР-шты индустриальный лаштыкан мӱлӓндӹштӹ 20–30 миллион ӹлӹшӹ халык пӹтӹшӓшлык ылын («шужен пуштмаш план», тенгеок «Беккен планжы»).

СССР шотышты ӹштӹмӹ план йӹвӹрт йӓмдӹлӓлтӹн. 16 июльын 1941 ин ирвел монгырын мӱлӓндӹм шеледӹмӓш шотышты эртӓрӓлтшӹ погынымашышты Гитлер попен: «Кышкыла кемӹнӓм, мам йӓмдӹлӹмӹнӓм, мӓ иктӓлӓнӓт пӓлӓш пушашлык ана ыл, ма шомынам мӓ ӹшке раш пӓлӹшӓшлык ылына. Кыце пӓшӓнӓм Норвегиштӹ, Даништӹ, Бельгиштӹ, Голландиштӹ нӓнгеннӓ, тенгеок ӹштенӓ. Мӓ цилӓлӓн керӓлеш пыренӓ, виктӓренӓ, ладнагденӓ, манына лиэш, тидӹ халыкланна керӓл ылеш, попенӓ лиэш; мӓ пораткам ӹштенӓ, качкышым ситӓренӓ. Мӹ ӹшкӹмнӓм ытарышывлӓ семӹнь анжыктышашлык ылына. Мӓмнӓн у семӹнь ӹлӹмӓшӹм йӓмдӹлӹмӹнӓм иктӓт цаклышашлык агылеп, тидӹлӓн мӓ нимахань цӓрӹкӹм ана уж лиэш – поктен колташ, лӱэн пушташ соок йӓмдӹ линӓ. Мӓ тишкӹ ик жепеш веле толшывлӓлӓ кайына лиэш, лачокшым мӓ ти сӓндӓлӹк гӹц нигынамат ана ке».

Примечани

Ынгылдарымаш

  1. ↑ См. также Тува во Второй мировой войне.
  2. ↑ Советский Союз начал формировать части в РККА из поляков в 1943 году, которые впоследствии пройдут всю Великую Отечественную войну и даже будут участвовать во взятии Берлина, также из просоветских партий Польши был сформирован Польский комитет национального освобождения.
  3. ↑ См. также Народно-освободительная война Югославии.
  4. ↑ См. также Авиаполк «Нормандий — Неман».
  5. ↑ Из румынских военнопленных ещё до официального перехода Румынии на сторону Антигитлеровской коалиции было создано несколько дивизий в составе РККА (см. 1-я румынская добровольческая пехотная дивизия имени Т. Владимиреску, 2-я румынская добровольческая пехотная дивизия «Хория, Клошка ши Кришан»).
  6. ↑ Также вели боевые действия против Армии Крайовой, НВС, УПА, Полесской сечи, «Лесных братьев».
  7. ↑ Также вели боевые действия против Югославской армии на родине.
  8. ↑ Также вели боевые действия против НОАЮ, советских войск.
  9. ↑ Также вели боевые действия против Легалитети.
  10. ↑ Также вели боевые действия против НОАА.
  11. ↑ 1 2 Также вели боевые действия против советских партизан/войск, Гвардии/Армии Людовой, УПА, Полесской сечи, литовских «Лесных братьев».
  12. ↑ Также вели боевые действия против Армии Крайовой, НВС, УПА.
  13. ↑ Включая формирования иностранных добровольцев из стран, официально не объявлявших войну СССР:
    • Испани Кловой дивизи, кловой легион (Испани 1941–1944)
    • Франци Французский легион, СС-ын «Шарлемань» бригадыжы (Франци 1941–1945)
    • Хорвати Хорватский легион (Хорвати 1941–1943)
    • Дани СС-ын «Данмарк» корпусшы (Дани 1941–1943)
    • Норвеги СС-ын Норвежский легионжы (Норвеги 1941–1943)
    • Бельги СС-ын Фламандский легионжы, СС-ын «Лангемарк» бригадыжы, СС-ын «Лангемарк» дивизижӹ, СС-ын «Валлони» бригадыжы, СС-ын «Валлони» дивизижӹ (Бельги 1941–1945)
    • Нидерландвлӓ СС-ын «Нидерландвлӓ» легионжы, СС-ын «Нидерландвлӓ» бригадыжы, СС-ын «Нидерландвлӓ» дивизижӹ (Нидерландвлӓ 1942–1945)
    молывлӓӓт
  14. ↑ Отправка добровольческой «Голубой дивизии» на Восточный фронт и заправка немецких подводных лодок в испанских портах.
  15. ↑ В общее число (26,6 млн) безвозвратных людских потерь СССР также включены и коллаборационисты.
  16. ↑ Общие демографические потери Германии и её союзников в Европе за всю Вторую мировую войну

Источник

  1. ↑ Марина В. В. Словакия в войне против СССР. 1941—1945 годы // Новая и новейшая история, 2011, № 4 (июль-август) — С. 35—53.
  2. ↑ Мировые войны XX века: в 4 кн. Кн. 3. Вторая мировая война: исторический очерк / Институт всеобщей истории РАН; сост. А. П. Жилин; отв. ред. В. К. Шацилло. — М.: Наука, 2005. — С. 261. — ISBN 5-02-034955-0
  3. ↑ Чернышёва О. В. Швеция в годы Второй мировой войны. — М., 1980. — С. 94.
  4. ↑ Dahlberg, Hans. I Sverige under 2:a världskriget (швед.). — Stockholm: Bonnier fakta, 1983. — ISBN 91-34-50308-0.
  5. ↑ Oleg Beyda. ‘Wehrmacht Eastern Tours’: Bulgarian Officers on the German-Soviet Front, 1941–1942 // The Journal of Slavic Military Studies. — 2020-01-02. — Т. 33, вып. 1. — С. 136–161. — ISSN 1351-8046. — doi:10.1080/13518046.2020.1723237.
  6. ↑ Великая Отечественная война 1941–1945 годов. — М.: Кучково поле, 2012. — Т. 2. — 1008 с. — ISBN 978-5-9950-0236-9.
  7. ↑ 1 2 3 4 5 Кривошеев, Россия и СССР в войнах XX века
  8. ↑ Кривошеев и др., 2010, с. 376—377.
  9. ↑ Арнтц Г. Людские потери во Второй мировой войне. — М., 1957.
  10. ↑ В России на законодательном уровне установлена также оговорка, продлевающая войну до 11 мая для участников Пражской операции.
  11. ↑ 1 2 The Oxford Companion to World War II, 1995, p. 434.
  12. ↑ Великая Отечественная война 1941–1945, Большая российская энциклопедия. Дата обращения: 2 апрельӹн 2025.
  13. ↑ Collins et al., 1990, p. 149.
  14. ↑ Stahel, 2009, p. 1.
  15. ↑ 1 2 Kirchubel, 2013, p. 13.
  16. ↑ Военный энциклопедический словарь. — М.: Научное издательство «Большая российская энциклопедия», издательство «Рипол классик», 2002.
  17. ↑ Bergström, 2007, pp. 11.
  18. ↑ История Второй мировой войны 1939—1945 / редколл., гл. ред. А. А. Гречко. — в 12 т. — М.: Воениздат, 1982. — Т. 12. — С. 33—34.
  19. ↑ Макс Хейстингс. Вторая мировая война: Ад на земле = All Hell. Let Loose The World At War 1939—1945. — М.: Альпина нон-фикшн, 2015. — P. 433. — ISBN 978-5-91671-352-7. — «поскольку англо-американские войска не сумели уничтожить армии Гитлера, а только потеснили их с оккупированной территории, Красная армия вплоть до 1945 г. оставалась, как и была с 1941 г., главным инструментом уничтожения нацизма»
  20. ↑ Bellamy, Chris. Absolute War: Soviet Russia in the Second World War. — Macmillan, 2007. — С. xix. — ISBN 978-0-375-41086-4. — «That conflict, which ended sixty years before this book’s completion, was a decisive component — arguably the single most decisive component — of the Second World War. It was on the eastern front, between 1941 and 1945, that the greater part of the land and associated air forces of Nazi Germany and its allies were ultimately destroyed by the Soviet Union in what, from 1944, its people — and those of the fifteen successor states — called, and still call, the Great Patriotic War»
  21. ↑ Bourke, 2001, p. 162.
  22. ↑ Dobbs, Tucker, 2005, pp. 407.
  23. ↑ Kirchubel, 2013, p. 15.
  24. ↑ Barber, Harrison, 2006, pp. 224—225.
  25. ↑ Указ Президиума Верховного Совета СССР от 08.05.1945 "Об объявлении 9 мая Праздником Победы" (с изменениями и дополнениями) | ГАРАНТ. base.garant.ru. Дата обращения: 9 апрельӹн 2025.
  26. ↑ Выступление по радио заместителя председателя СНК и наркома иностранных дел СССР В. М. Молотова. 22 июня 1941 г. : [арх. 8 августын 2021] // Известия Советов депутатов трудящихся СССР : газ. — 1941. — № 147 (7523) (24 июня). — С. 1.
  27. ↑ Газетные публикации 24 июня 1941 года. Дата обращения: 18 сентябрьын 2009. Архивировано 31 мартын 2012 года.
  28. ↑ И. В. Сталин, Выступление по радио 3 июля 1941 года Архивный копи от 15 апрельӹн 2017 на Wayback Machine.
  29. ↑ См., например, «Солдатские военные песни Великой Отечественной войны 1914—1915 г.г.». Собрал В. КРЫЛОВ. Харбин, 1915; Храбрейший герой Великой Отечественной войны, первый георгиевский кавалер, славный казак Тихого Дона Кузьма Крючков и 12-летний мальчик герой георгиевский кавалер Андрюша Мироненко. Москва, тип. П. В. Бельцова, 1914
  30. ↑ А. И. Вдовин. СССР. История великой державы. История великой державы. 1922—1991: Москва : Проспект, 2018.
  31. ↑ 1 2 3 Подробности разработки плана «Барбаросса» / Великая отечественная война 1941—1945. М. 1999. т.1. Дата обращения: 23 майын 2016. Архивировано из оригинала 23 майын 2016 года.
  32. ↑ 1 2 Р. А. Исмаилов. Операция «Барбаросса» — кризис мировой войны. Дата обращения: 23 майын 2016. Архивировано 17 сентябрьын 2016 года.
  33. ↑ 1 2 Лота В. И. Статья «Операция прикрытия „Барбароссы“» на сайте МО РФ. Дата обращения: 24 майын 2016. Архивировано 29 сентябрьын 2020 года.

Литература

  • Великая Отечественная без грифа секретности. Книга потерь / Г. Ф. Кривошеев (руков.), В. М. Андроников, П. Д. Буриков, В. В. Гуркин; под общ. ред. Г. Ф. Кривошеева, А. В. Кирилина. — М.: Вече, 2010. — 384 с. — ISBN 978-5-9533-4695-5.
  • Великая Отечественная война 1941—1945 годов: в 12 томах. — Изд. доп. и испр. — М.: Кучково поле, 2015.
  • Ильинский И. М. Великая Победа: наследие и наследники. — Знание. Понимание. Умение. — 2005. — С. 5—18.
  • Фролов М. И. Великая Отечественная война 1941—1945 гг. в немецкой историографии. — СПб.: ЛГУ им. А. С. Пушкина, 2008. — 132 с.
  • Каратуев М. И., Фролов М. И. 1939—1945: Взгляд из России и Германии. — СПб.: СРП «Павел» ВОГ, 2006. — 388 с. — 500 экз. — ISBN 5-903097-02-2.
  • Barber J., Harrison M. Patriotic War, 1941—1945(англ.) // The Cambridge History of Russia: in 3 Vol / Ed. by R. G. Suny. — Cambridge: Cambridge University Press, 2006. — Vol. 3: The Twentieth Century. — P. 217—242. — ISBN 978-0-521-81144-6.
  • Bergström C. Barbarossa: The Air Battle July-December 1941(англ.). — L.: Chervron / Ian Allan, 2007. — 144 p. — ISBN 978-1-85780-270-2.
  • James Lawton Collins Jr., Hardesty V., Glantz D. M., Donnelly C. N., Ziemke E. F. Fighting the Great Patriotic War // Transformation in Russian and Soviet military history: proceedings of the Twelfth Military History Symposium, United States Air Force Academy, 1—3 October 1986 / Ed. by C. W. Reddel. — Washington, D.C.: USAFA, Office of Air Force History, 1990. — P. 147—276. — ISBN 0-912799-57-9.
  • Dick C. J. From Defeat to Victory: The Eastern Front, Summer 1944(англ.) / Forew. by D. M. Glantz. — Lawrence, Kansas: Университетское издательство Канзаса, 2016. — xiii, 354 p. — (Modern War Studies. Decisive and Indecisive Military Operations, Vol. 2). — ISBN 978-0-7006-2296-2.
  • Dobbs C. M., Tucker S. C. Eastern Front // World War II: A Student Encyclopedia [5 volumes](англ.) / Ed. S. C. Tucker, P. M. Roberts; Assist. Ed. Кингсид, Коул, M. Muir, P. M. Roberts, Забеки, Дэвид; Forew. by Миллетт, Аллан. — Santa Barbara, Calif. — …: ABC-CLIO, 2005. — Vol. 4. — P. 401—407. — ISBN 1-85109-858-5.
  • Eastern Front // The Concise Encyclopedia of World War II [2 volumes](англ.) / C. J. Nolan. — Santa Barbara, Calif. — …: Greenwood Publishing Group, ABC-CLIO, 2010. — P. 333—334. — (Greenwood Encyclopedias of Modern World Wars). — ISBN 978-0-313-36527-0.
  • Митчем, Сэмюэл. The German Defeat in the East, 1944—45(англ.). — Mechanicsburg, PA: Stackpole Books, 2007. — v, 296 p. — (The Stackpole Military History Series). — ISBN 978-0-8117-3371-7.
  • German-Soviet War // The Oxford Companion to World War II(англ.) / Ed. by Дир, Айан; Cons. Ed. Фут, Майкл (историк). — Oxford — New York — …: Oxford University Press, 1995. — P. 434—451. — ISBN 0-19-866225-4.
  • Germany and the Second World War: 10 Vol.(англ.) = Das Deutsche Reich und der Zweite Weltkrieg(нем.)(англ.). — Oxford: Oxford University Press, 1990—2018.
  • Gilbert M. The Second World War: A Complete History. — RosettaBooks, 2014. — 856 p. — ISBN 978-0-7953-3729-1.
  • O’Neill W. L. World War II: A Student Companion(англ.) / Gen. Ed. W. H. Chafe. — Oxford — New York: Oxford University Press, 1999. — 384 с. — (Oxford Student Companions to American History). — ISBN 978-0-19-510800-2.
  • Kirchubel R. Operation Barbarossa: The German Invasion of Soviet Russia(англ.). — Oxford: Osprey Publishing, 2013. — 400 p. — ISBN 978-1-78200-408-0. — ISBN 978-1-4728-0471-6 (E-pub). — ISBN 978-1-4728-0470-9 (PDF).
  • Stahel D. Operation Barbarossa and Germany's Defeat in the East(англ.) / Ed. by H. Strachan, G. Wawro. — Cambridge—…: Cambridge University Press, 2009. — xvi, 483 p. — (Cambridge Military Histories). — ISBN 978-0-521-76847-4.
  • Harrison M. World War II(англ.) // Encyclopedia of Russian History / Ed.-in-Chief J. R. Millar. — New York: Macmillan Reference USA, 2004. — P. 1683—1692. — ISBN 0-02-865907-4.

Ссылкывлӓ

«https://mrj.ruwiki.ru/w/index.php?title=Кого_Ӓтямӱлӓндӹ_вырсы&oldid=182506» гӹц нӓлмӹ