9 февраль
|
|||||||||||||||||||||||||||||||||||||||||||
| 2026 и | |||||||||||||||||||||||||||||||||||||||||||
Поран тӹлзӹн 9-шӹ кечӹжӹ (9 февраль) — григорианский календарь семӹнь ин 40-шӹ кечӹжӹ. Идӓлык пӹтӹмӹ якте 325 (кужемдӹмӹ ивлӓн — 326) кечӹ кодеш.
Йошкар-Олашты ☀️ Кечӹ 7 цӓш 15 минутын лӓктеш, 16 цӓш 21 минутын шӹнзеш. Кечӹн кужыцшы 🕒 9 цӓш 5 минут.
🌗 Остатка церпет (21.55 тӹлзӹ кечӹ).
Айовлӓ дӓ ӓшӹндӓрӹмӹ кечӹвлӓ
Тенгеок анжы: Категори:9 февральын айовлӓ
— Стоматологын международный кечӹжӹ (руш. Международный день стоматолога).- — Пиццӹн международный кечӹжӹ (руш. Международный день пиццы).
- — Волейболын шачмы кечӹжӹ (руш. День рождения волейбола).
Россий — Гражданский авиаци пӓшӓзӹн кечӹжӹ (руш. День работника гражданской авиации).
Лӹм кечӹ
- Православный лӹмвлӓ: Варданий, Дмитрий, Ермоген, Иван, Маркиана, Пётр, Полихроний.
- Католический лӹмвлӓ: Анна, Ансберт, Аполлония, Екатерина, Марон/Марун, Тейло.
Лиӓлтмӓшвлӓ
Тенгеок анжы: Категори:9 февральын лиӓлтмӓшвлӓ
- 1552 — Чилин пӹтӓришӹ губернаторжы, конкистадор Педро де Вальдивия, Санта-Мариа-ля-Блака — де-Вальдивия халам ӹштен, Чили независимый кугижӓншӹ лимӹкӹжӹ, 1810-1811 ивлӓ якте испанский колонизаторвлӓн форпоствлӓштӹ логӹц иктӹжӹ ылын.
- 1667 — Россий дон Польша лошты Андрусовский перемирим ӹштӹмӹ, тӹдӹн итогшы семӹнь Киев дон Шалахай сирӹштӹшӹ Украина Российӹн кид лӹвӓкӹжӹ ванженӹт.
- 1710 — Россий империштӹ руш гражданский алфавитӹм официально пыртымы гишӓн император Петр I-ын указшы лӓктӹн.
- 1849 — Халыквлӓн шошымышты: Гарибальдин шӱдӹмӹжӹ доно Римӹштӹ республика увертӓрӓлтӹн.
- 1885 — Российӹштӹ Москвашты И.С. Тургенев лӹмӓн пӹтӓришӹ йӓрӓ библиотека-лыдмы вӓр пачылтын.
- 1897 — Россий империштӹшӹ халыкын Пӹтӓришӹ Цымыр переписьшӹ эртӓрӓлтӹн.
- 1929 — Москвашты, СССР-ӹн вескид пӓшӓвлӓ шотышты наркомын вашталтышыжы Максим Литвиновын инициативӹжӹ доно, СССР, Польша, Румыни, Латви дӓ Эстони лошты национальный политикӹн орудижӹ семӹн вырсы гӹц отказымаш гишӓн договорым («Литвиновын Протоколжы» манмым) подписӓйӹмӹ.
- 1931 — Союзкино Ӹрдӹ фабрикым (кӹзӹт «Мосфильм») торжественно пачмаш да икшӹ съёмочный кечӹжӹ.
- 1948 — Токиошты Айкикай Улы-уке мирӹштӹшӹ айкидо центр пачылтын.
- 1964 — IX телшӹ Олимпийский мадмаш пӹтен. Медаль зачётышты СССР-ӹн спортсменвлӓжӹ сек яжо линӹт.
- 1964 — «The Beatles» Эд Салливанын шоуштыжы выступаен. США-шты битломани тӹнгӓлмӓш.
- 1990 — Намибин Халык ассамблейжӹн заседаништӹжӹ Намибин Конституцижӹм лыкмы.
- 1998 — Армеништӹшӹ Дашнакцутюн армян революционный федерацилӓн, Арменин сек тошты оппозиционный партижӹлӓн, пӓшӓжӹм ӹштӓш разрешӓйӹмӹ.
- 2004 — Анголышты НТВ телеканалын операторжы Вячеслав Уткин колен. Тӹдӹ Анголышты редакцин заданижӹ доно ылын, церотан сюжет доно пӓшӓм ӹштен.
- 2016 — Абхазиштӹ абортым ӹштӓш цӓрӹмӓшӹм пыртымы.
Шачыныт
Тенгеок анжы: Категори:9 февральын шачшывлӓ
- 1951 — Ядарова, Валентина Егоровна, музыкант, композитор, тымдышы.
- 1954 — Виталий Петухов (Виль Мамут, Кыйыр Витали), кырык мары сирӹзӹ, прозаик, драматург дӓ журналист. 1990 и гӹц СССР Сирӹзӹвлӓ ушемӹн дӓ Россий Журналиствлӓ ушемӹн член. Литературышты Мары Эл Республикӹн кугижӓншӹ премин лауреатшы (1997). Мары Эл Республикӹн халык сирӹзӹжӹ (2013)[1].
- 1960 — Леон Рая (Раисия Леонидовна Петухова), мары сирӹзӹ, поэт, тымдышы[2].
Коленӹт
Тенгеок анжы: Категори:9 февральын колышывлӓ
Халык пӓлӹ
- Окня вӹдӹжгӓ гӹнь, ӱштеш.
- Пӹл мардеж ваштареш кеӓ — лыман игечеш.
Примечани
- ↑ Виталий Петухов (руш.). mari-lab.ru. Тергӹмӹ кечӹ: 17 ноябрьын 2025.
- ↑ Леон Рая (руш.). mari-lab.ru. Тергӹмӹ кечӹ: 17 ноябрьын 2025.