6 февраль
|
|||||||||||||||||||||||||||||||||||||||||||
| 2026 и | |||||||||||||||||||||||||||||||||||||||||||
Поран тӹлзӹн 6-шы кечӹжӹ (6 февраль) — григорианский календарь семӹнь ин 37-шӹ кечӹжӹ. Идӓлык пӹтӹмӹ якте 328 (кужемдӹмӹ ивлӓн — 329) кечӹ кодеш.
Йошкар-Олашты ☀️ Кечӹ 7 цӓш 22 минутын лӓктеш, 16 цӓш 14 минутын шӹнзеш. Кечӹн кужыцшы 🕒 8 цӓш 51 минут.
🌖 Кӧтӹргӹшӹ тӹлзӹ (18.55 тӹлзӹ кечӹ).
Айовлӓ дӓ ӓшӹндӓрӹмӹ кечӹвлӓ
Тенгеок анжы: Категори:6 февральын айовлӓ
— Мобильный телефон гӹц отказайымы международный кечӹ (руш. Международный день отказа от мобильного телефона).- — Барменӹн международный кечӹжӹ (руш. Международный день бармена).
ООН — Ӹдӹрӓмӓшӹн половой органыштыжы ӹштӹмӹ шушыртышы операцим тырхен керддӹмӹ отношенин международный кечӹжӹ (руш. Международный день нетерпимого отношения к калечащим операциям на женских половых органах)[1].
Саамвлӓ — Саамвлӓн международный кечӹштӹ (руш. Международный день саамов).
Ниуэ, 
У Зеланди, 
Токелау — (руш. День Вайтанги).
Лӹм кечӹ
- Православный лӹмвлӓ: Агапий, Анастасий, Вавила, Варсима, Герасим, Дионисий, Зосима, Иван, Ксения, Македоний, Николай, Павел, Павсирий, Тимофей, Феодотион, Филиппик, Филон, Хрисоплока.
- Католический лӹмвлӓ: Аманд, Ведаст, Доротея, Павел.
Лиӓлтмӓшвлӓ
Тенгеок анжы: Категори:6 февральын лиӓлтмӓшвлӓ
- М. э. якте 46 и — Цезарь дон Помпейӹн войскавлӓштӹ лошты ылшы Тапс сагашы кредӓлмӓш.
- 1643 — Абел Тасман Фиджи архипелагым пачын.
- 1788 — Массачусетс США-н Конституцижӹм пингӹдемден дӓ кудымшы штат лин.
- 1865 — Санкт-Петербургышты кечӹвӓлӹм пушка гӹц лӱэн пӓлемдӓш овуца пырталтын.
- 1886 — немӹц химик Клеменс Винклер германийӹм пачын — Д.И. Менделеев анзыцок келесӹмӹ «экасилицийӹм».
- 1900 — руш шӹмлӹзӹ Александр Попов Гогланд островыш («Ермак» ледокол командирлӓн) и вӹлӓн нӓнгемӹ коллоэцвлӓ гишӓн телеграф уверӹм колтымыжы годым Кутсало островышты кӹртни ваштырдымы кӹл станциштӹ ылын (аппаратурым ынгарен).
- 1918 — Британин парламентшӹ тома кычык ылшы ӓли тома кычыклан марлан кешӹ, ӓль университетӹм тымень пӹтӓрӹшӹ 30 гӹц шукырак иӓшӓн ӹдӹрӓмӓшвлӓлӓн айырымашыш пыраш йӧнӹм пушы законым лыктын.
- 1930 — Совет Армин Ӹрдӹ академический театржы пачылтын (1951 и якте Якшар Армин Ӹрдӹ театржы маналтын — ЦТКА, кӹзӹт — Россий армин Ӹрдӹ академический театржы).
- 1945 — Лондонышты тред-юнионвлӓн Британский конгрессӹштӹ организуйымы I Всеминый профсоюз конференци пӓшӓм ӹштӓш тӹнгӓлеш. Профсоюзвлӓн Всемирный федерациштӹ ӹштӓлтеш.
- 1948 — Венгр физик Золтан Бей пӹтӓришӹ гӓнӓ Тӹлзӹ гӹц эхосигналым нӓлӹн. Радиолокаци астрономин шачмыжы.
- 1950 — МиГ-17 горизонтальный чонгештӹлмӓштӹ юк скоростьым эртӹшӹ пӹтӓришӹ серийный самолёт лин.
- 1952 — Елизавета II, Великобританин королевыжы (1952-2022), престолыш шӹнзӹн.
- 1959 — Texas Instruments-ӹштӹ (TI) пӓшӓм ӹштӹшӹ американкий шӹмлӹзӹ дӓ инженер Джек Килби интегральный схемӹм шанен лыкташ патентӹм (U. S. Patent 3,138,743) нӓлеш. 2000 ин ти изобретенижӹ гишӓн тӹдӹ физика доно Нобель премин лауреатшы лин.
- 1987 — Швециштӹ Улоф Пальмем ӓшӹндӓрӹмӹ лӹмеш правам перегӹмӹ пӓшӓштӹ кого сӹнгӹмӓшвлӓ гишӓн и йӹде пумы Улоф Пальме Премим ӹштӹмӹ.
- 2000 — Кокшы чечня вырсы: Россий армин Грозныйым нӓлмӹжӹ. РФ Президентӹн пӓшӓжӹм ӹштӹшӹ Владимир Путин Грозныйым ытарымы операцим пӹтӓрӹмӹ гишӓн увертӓрен.
- 2023 — Турциштӹ дӓ Сириштӹ мӱлӓндӹ цӹтӹрнӓлтмӓш, XXI курымын ик сек кого.
Шачыныт
Тенгеок анжы: Категори:6 февральын шачшывлӓ
Коленӹт
Тенгеок анжы: Категори:6 февральын колышывлӓ
- 1970 — Александр Ток (Александр Иванович Крылов), мары сирӹзӹ, поэт, сӓрӹшӹ. СССР Сирӹзӹвлӓ ушемӹн членжӹ (1950), 1941–1945 ивлӓшӹ Кого Ӓтямӱлӓндӹ вырсын участникшӹ.
- 1981 — Анастасия Деомидовна Кедрова, мары советский партийный дӓ общественный деятель, образовани пӓшӓзӹ. Мары ӹдӹрӓмӓшвлӓ логӹц сек анзыц коммунист лин, Мары ВКП(б) обкомын членжӹ. 1919 и гӹц РКП(б) членжӹ.
- 2020 — Алевтина Сенькова (Алевтина Михайловна Сенькова), мары сирӹзӹ, поэт.
Халык пӓлӹ
- Игечӹ махань шалгӓ — шошым техеньок лишӓшлык.
Примечани
- ↑ Международные дни и недели (руш.). ООН. Тергӹмӹ кечӹ: 11 ноябрьын 2025.