Бутяков, Сергей Николаевич

Сергей Николаевич Бутяков
Сергей Николаевич Бутяков
Шачмы кечӹ	28 сентябрь 1916
Шачмы вӓр	Ӱлӹл Анчиково, Чебоксарский уезд, Азан губерня, Российский импери
Колымы кечӹ	11 февраль 1940 (23 и)
Колымы вӓр	Саркола йӓл,; Приозерский район, Ленинградский область
Пырымаш	СССР
Войскан йиш	танк войска
Служымы жеп	1937—1940
Звани
Кредӓлмӓш/вырсы	РККА-н Польшыш пырымаш (1939)[d]; Советско-финляндский вырсы (1939—1940)[d];
	Медиафайлы на РУВИКИ.Медиа

Сергей Николаевич Бутяков (1916, 28 сентябрь), Ӱлӹл Анчиково йäл, Азан губерня — 1940, 11 февраль, Саркола йäл, Ленинградский область) — советский офицер-танкист, Советский-финский вырсын салтакшы, Советский Союзын Геройжы лӹмӹм нäлшӹ икӹмшӹ суасламары.

Ӹлӹмäш корны

1916 ин 28 сентябрьын Ӱлӹл Анчиково йäлеш (кӹзӹт Шавашар Республикӹштӹшӹ Козловкий район) незер хресäнь семняштӹ шачын. Халык ылмы доно суасламары ылеш.

Бутяковын тетя жепшӹ Мары АО Звенигово поселкышты (1974 и гӹц — хала) эртен. ВЛКСМ-ын эдемжӹ ылеш. Звенигово кӹдäлäш школын кудымшы классшым тымень пӹтäрӹмӹкӹ, ФЗУ школыш тыменяш пырен, кышты тӹштӹ äпшäт пäшäлäн тымень лäктӹн.

1937 ин Бутяков Якшар Армиш кеен дä танковый школыш вäрештӹн. Школым тымень пӹтäрӹмӹкӹ, 50-шӹ стрелковый дивизиштӹшӹ 398-шӹ танковый батальонын танкын командиржӹлäн шагалтенӹт. 1939 ин Вадывел Белоруссим ытарымашты лин.

1939–1940-шӹ ивлäштӹшӹ советский-финский вырсы жепӹштӹ танковый батальонвлä доно иквäреш Карелиштӹшӹ перешейка кредäлмäштӹ лин. «Маннергеймӹн линижӹм» кӹрӹлмӹ годым пасна айыртемäлтӹн.

Подвигшӹ

1940 ин 11 февральын танк Бутяковын сек анзыцок 48, 5 кӱкшӹцӹш керӹлтӹн. Механик-водительын шушыргымыжы паштек, Бутяков тӹдӹн пäшäжӹм ӹштен дä атака доно анзыкы кеен. Кынам фин салтаквлä танкым шин шäлäтенӹт, экипаж шушыргымым дä пыдештäрӹмӹ танкым анжыде, геройэт пулемёт дон пушка гӹч тышманым лӱэдӹлӹн. Тышманын пӹтäртӹш снаряджы паштек танк йылаш тӹнгäлӹн, дä цилä экипаж колен.

СССР Кӱшӹл Советын Президиумын 1940 и 7 апрельыштышы указжы негӹцеш «финский ошгварди доно кредäлмӹ фронтышты командованин боевой заданим яжон ӹштӹмӹжӹ гишäн дä тидӹ годым ӹшке мужествым, патыр семӹнь анжыктымы гишäн» изирäк военный техниклан (кӹзӹт — изирäк лейтенант) Бутяковлан Сергей Николаевичлан колымыкыжы, Советский Союзын геройжы лӹмӹм пумы.

Сергей Николаевич Бутяковым Ленинградский областьыштышы Саркола йäл (сола) сага лишнӹ Якшар йäр сирӹштӹ тайымы. Варарак кäпшӹм тӹдӹ районыштышы Красноозёрский шӹгерлäш уэш тайымы^[1].

Наградывлäжӹ

Советский Союзын Геройжы (1940 и 7 апрель; колымыкыжы)
Ленин Орден (1940 и 7 апрель; колымыкыжы)

Äшӹндäрӹмäш

Сергей Бутяковын лӹмжӹм Шавашар халаштышы «Йонгата сäрäн» («Ясная поляна») у микрорайоныштышы öлицäлäн пумы.
Сергей Бутяковын лӹмжӹ доно Звенигово халан ик öлицäжӹм лӹмдӹмӹ.
Сергей Бутяковын лӹмжӹм Звенигово халаштышы судным чангышы дä тöрлӹшӹ заводлан пумв, тӹштӹ тӹдӹ армиш кемӹжӹ анзыц äпшäтэш пäшäм ӹштен.
Заводоуправленин анзылныжы дä Культурын Дворец лишнӹ сквер сага Геройын бюстшым шӹндӹмӹ.
Звенигово халашты Советский Союзын вӹц Геройвлäжӹлäн, тӹдӹн сӹнжӹм анжыкмыла, стела шалга.
Тӹдӹн ӹлӹмӹ пӧртӹштӹ мемориальный хангам сäкӹмӹ.
2005 и майын, Бутяковын шачмы йäлӹштӹшӹ (солаштышы) пӧртӹштӹжӹ, тенгеок мемориальный хангам сäкӹмӹ.
Геройын шачмы кымдемӹштӹжӹ «Салтак, тӹньӹн подвигет курымеш» мемориал комплекс пачылтын (28.11.2011)

Примечани

↑ Воинское захоронение № 14 п. Краснозерное (Четверяково) Приозерского района (неопр.). Комитет по местному самоуправлению, межнациональным и межконфессиональным отношениям Ленинградской области. Тергӹмӹ кечӹ: 25 сентябрьын 2015. Архивируйымы 25 сентябрьын 2015 года.

Литература

Наши земляки — Герои Советского Союза. — 3-е изд. — Чебоксары, 1980.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 226. — 911 с. — 100 000 экз. — ISBN отс., Рег. № в РКП 87-95382.
Бутяков Сергей Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 262. — 872 с. — 3505 экз. — ISBN 978-5-94950-049-1.
Мочаев В. А. Бутяков Сергей Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 67. — 606 с. — 1500 экз. — ISBN 978-5-905314-35-3.

Ссылкывлӓ

Сергей Николаевич Бутяков (руш.). Сайт «Герои страны».

[1] Воинское захоронение № 14 п. Краснозерное (Четверяково) Приозерского района (неопр.). Комитет по местному самоуправлению, межнациональным и межконфессиональным отношениям Ленинградской области. Тергӹмӹ кечӹ: 25 сентябрьын 2015. Архивируйымы 25 сентябрьын 2015 года.

[1]