13 январь

← → Январь
Шч Кш Вр Из Кг Кк Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шартял тӹлзӹн 13-шы кечӹжӹ (13 январь) — григорианский календарь семӹнь ин 13-шы кечӹжӹ. Идӓлык пӹтӹмӹ якте 352 (кужемдӹмӹ ивлӓн — 353) кечӹ кодеш.

Йошкар-Олашты ☀️ Кечӹ 8 цӓш 7 минутын лӓктеш, 15 цӓш 29 минутын шӹнзеш. Кечӹн кужыцшы 🕒 7 цӓш 21 минут.
🌘 Тошты тӹлзӹ (24.08 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:13 январьын айовлӓ

•  Россий — Российӹштӹшӹ пецӓтӹн кечӹ (руш. День российской печати).
•  Швеци — Святой Кнудын кечӹжӹ (руш. День святого Кнуда).
•  Инди — Лори фестиваль (руш. Фестиваль Лори).
•  Монголи — Конституцин кечӹжӹ (руш. День конституции).
• Доминиканский Республика — Лыдын дӓ сирен мыштымашын халык кечӹжӹ (руш. Национальный день грамотности).

Лӹм кечӹ

• Православный лӹмвлӓ: Вусирис, Гавдентий, Гаий, Геласий, Досифей, Ириней, Мартина, Мелания, Михаил, Нема, Олимпиодор, Пётр, Саламин.
• Католический лӹмвлӓ: Иларий, Мунго.

Лиӓлтмӓшвлӓ

Тенгеок анжы: Категори:13 январьын лиӓлтмӓшвлӓ

• 1703 — Москвашты «Ведомости» газетӹн пӹтӓришӹ номержӹ лӓктӹн. Тидӹ Российӹштӹ пӹтӓришӹ газет ылын; 1992 ин ти событи лӹмеш россий печать Кечӹм пингӹдемдӹмӹ.
• 1872 — Российӹштӹ игечӹ служба пӓшӓм ӹштӓш тӹнгӓлӹн. Санкт-Петербургыштышы геофизический обсерватори каждый кечӹн прогнозан бюллетеньӹм лыкташ тӹнгӓлӹн.
• 1874 — Российӹштӹ рекрут системӹм вашталташ цымыр воинский повинность толын.
• 1934 — СССР Совнаркомын постановленижӹ доно научный кандидат степеньым ӹштӹмӹ.
• 2020 — COVID-19 пандеми: Китай гӹц ӧрдӹжӹштӹ COVID — 19-ӹн пӹтӓришӹ пингӹдемдӹмӹ случайжы — Тайландышты.

Шачыныт

Тенгеок анжы: Категори:13 январьын шачшывлӓ

• 1903 — Василий Федорович Загайнов, Кого Ӓтямӱлӓндӹ вырсын участникшӹ, Советский Союзын Геройжы.
• 1904 — Пётр Веселов-Сталь (Пётр Яковлевич Веселов), кырык мары сирӹзӹ, сӓрӹшӹ, корректор, Кого Ӓтямӱлӓндӹ вырсын участникшӹ.
• 1918 — Василий Юксерн (Василий Степанович Столяров), мары сирӹзӹ, сӓрӹшӹ, журналист, общественный деятель, СССР Сирӹзӹвлӓ ушемӹн членжӹ (1950), Мары АССР-ын Халык сирӹзӹжӹ (1978), Мары АССР-ын Кугижӓншӹ премин лауреатшы (1979). Кого Ӓтямӱлӓндӹ вырсын дӓ Советско-японский вырсын участникшӹ. ВКП(б) член.
• 1921 — Григорий Кириллов (Григорий Семёнович Кириллов), кырык мары сирӹзӹ. 1941-1945 ивлӓшӹ Кого Ӓтямӱлӓндӹ вырсын участникшӹ.
• 1977 — Владислав Александрович Виногоров, мары артист, М. Шкетан лӹмӓн мары халык драма театрышты мадын.
• 1984 — Виктор Апталиков (Виктор Борисович Апталиков), мары актёр, мырызы, музыкант, аранжировщик, продюсер.

Коленӹт

Тенгеок анжы: Категори:13 январьын колышывлӓ

• 1969 — Василий Иванович Илисавский, культура пӓшӓзӹ, артист дӓ режисёр.
• 2011 — Светлана Николаевна Эсаулова (Танерова), мары поэт, журналист, тымдышы. СССР Сирӹзӹвлӓ ушемӹн членжӹ (1991).

Халык пӓлӹ

• Тӹлзӹ пӹл логӹц изиш веле каеш гӹнь, лыман игечӹвлӓ шалгаш тӹнгӓлӹт.
• Васлин вадыжы. Васли вадын пӹлгом шӹдӹрӓн кӹцкӹ дӓ мӧр шукы лиэш.
• Васлин йыдым мардеж кечӹвӓлвел монгыр гӹц ӹфӹлӓ гӹнь, идӓлык шокшы дӓ вӹдӹжгӹ лиэш, вадывец — шӹшер дӓ кол шукы лиэш, ирвец — олма лӓктӹшӹм вычымыла.
• Ти кечӹн лым лымеш дӓ ливӹ — кӓнгӹж начкы лиэш.
• Пушӓнгӹ вӹлнӹ рӱн шукы — мӱ шукы лиэш.
• Тӹлзӹ шӹжгӓн каеш — лыман игечеш.

Примечани