27 январь
|
|||||||||||||||||||||||||||||||||||||||||||
| 2026 и | |||||||||||||||||||||||||||||||||||||||||||
Шартял тӹлзӹн 27-шӹ кечӹжӹ (27 январь) — григорианский календарь семӹнь ин 27-шӹ кечӹжӹ. Идӓлык пӹтӹмӹ якте 338 (кужемдӹмӹ ивлӓн — 339) кечӹ кодеш.
Йошкар-Олашты ☀️ Кечӹ 7 цӓш 43 минутын лӓктеш, 15 цӓш 53 минутын шӹнзеш. Кечӹн кужыцшы 🕒 8 цӓш 10 минут.
🌓 Пӹтӓришӹ церпет (8.55 тӹлзӹ кечӹ).
Айовлӓ дӓ ӓшӹндӓрӹмӹ кечӹвлӓ
Тенгеок анжы: Категори:27 январьын айовлӓ
ООН — Холокостышты ясыланен колышывлӓм ӓшӹндӓрӹмӹ кечӹ (руш. Международный день памяти жертв Холокоста).
Россий — Ленинградым фашистский блокада гӹц ытарымы кечӹ (руш. День полного освобождения Ленинграда от фашистской блокады) (1944).
Босни дон Герцеговина, 
Серби — Савиндан — Святой Савван кечӹжӹ (руш. День святого Саввы).
Монако — Монаком перегӹшӹ блаженный Девотам ӓшӹндӓрӹмӹ кечӹ (руш. День памяти блаженной Девоты, покровительницы Монако).
Грузи — Святой равноапостольной Нином (Грузин просветительницӹжӹ) ӓшӹндӓрӹмӹ кечӹ (руш. День поминовения святой равноапостольной Нино, просветительницы Грузии).
Туркменистан — Туан сӓндӓлӹкӹм перегӹшӹн кечӹ (руш. День защитника Отечества)[1][2].
Исланди — Аяран кофен кечӹжӹ (руш. День Солнечного кофе)[3].
Лӹм кечӹ
- Православный лӹмвлӓ: Агния, Адам, Андрей, Аристарх, Вениамин, Геласий, Домн, Давид, Евсевий, Иеремия, Иван, Ипатий, Илья, Иосиф, Исаак, Исаия, Макарий, Марк, Маркелл, Моисей, Нина, Орион, Павел, Пафнутий, Прокл, Савва, Сергей, Стефан, Феодул.
- Католический лӹмвлӓ: Девота.
Лиӓлтмӓшвлӓ
Тенгеок анжы: Категори:27 январьын лиӓлтмӓшвлӓ
- 1785 — Джорджин Университетӹм пачмы.
- 1880 — американец Томас Эдисон лампылан патентӹм нӓлӹн.
- 1918 — Финляндиштӹ Гражданский вырсы тӹнгӓлӹн.
- 1924 — Москвашты Владимир Ленинӹм таенӹт (бальзамируйымы кӓпӓн коропым веремӓэш ӹштӹмӹ мавзолейӹш вӓрӓнгдӹмӹ).
- 1935 — Самара халам Куйбышев манын лӹмденӹт, совет парти пӓшӓзӹ Валериан Куйбышев лӹмеш.
- 1948 — США-шты магнитофонвлӓм выжалаш тӹнгӓлмӓш (Wire Recording, 149$).
- 1967 — космос прстранствым шӹмлӹмӹ дӓ кычылтмы шотышты кугижӓншӹвлӓн пӓшӓ принципӹштӹ гишӓн международный Договорым ӹштӹмӹ, тӹдӹ космосым улы-уке эдемӹн пайдаэшӹжӹ увертӓрен дӓ космос пространствышты ядерный оружим вӓрӓнгдӹмӹм цӓрен.
- 1973 — Вьетнамышты вырсым цӓрӹмӹ дӓ тырым уэмдӹмӹ гишӓн Парижӹштӹшӹ соглашеним подписӓйӹмӹ.
- 1996 — Германиштӹ пӹтӓришӹ гӓнӓ Холокостышты колышывлӓм ӓшӹндӓрӹмӹ Международный кечӹн мероприятивлӓ эртенӹт.
- 2011 — Арабский шошым: Йеменӹштӹ революци тӹнгӓлӹн.
Лишӓшлык
- 2055 — частный кечӹ пӹцкемӹшӓлтмӓш.
- 2074 — колца статян кечӹ пӹцкемӹшӓлтмӓш.
- 2093 — цела кечӹ пӹцкемӹшӓлтмӓш.
Шачыныт
Тенгеок анжы: Категори:27 январьын шачшывлӓ
- 1898 — Максим Лаврович Дворецкий, советский учёный-лесовод, сельскохозяйственный наукывлӓн доктор, профессор. М. Горький лӹмӓн Поволжский лесотехнический институтын шӹргӹм ӓклӹмӓш дӓ лесоустройство кафедрӹн вуйлатышыжы (1946—1981). Мары АССР-ын наука дон техникӹн заслуженный пӓшӓзӹжӹ (1968). Российӹштӹ гражданский вырсын дӓ Кого Ӓтямӱлӓндӹ вырсын участникшӹ. ВКП(б)-н членжӹ.
- 1940 — Валерий Иванович Алатырев, советский дӓ российский физиолог, биологический наукывлӓн доктор, Азаныштышы кугижӓншӹ университетӹн профессоржы.
- 1947 — Василий Никифорович Миронов, мары сирӹзӹ, поэт.
Коленӹт
Тенгеок анжы: Категори:27 январьын колышывлӓ
- 1944 — Георгий Фёдорович Бастраков, Кого Ӓтямӱлӓндӹ вырсын салтакшы, гвардин когорак лейтенантшы, Советский Союзын Геройжы.
Халык пӓлӹ
- Йыд пӹлгомышты шӹдӹрвлӓ шукы кайыт гӹнь, ливӹ игечеш дӓ лыжга лымлан, чӹдӹ гӹнь — кого поранлан.
- Пушӓнгӹвлӓ пӧршӓнгӹнӹт гӹнь, игечӹ ливӹктӹшӓш.
Примечани
- ↑ В Туркменистане учреждены День защитника Отечества и День пограничника. Тергӹмӹ кечӹ: 9 ноябрьын 2025. Архивируйымы 4 мартын 2016 года.
- ↑ Президент Туркменистана поздравил военнослужащих. Тергӹмӹ кечӹ: 9 ноябрьын 2025. Архивировано из оригинала 3 июньын 2013 года.
- ↑ В мире. День солнечного кофе. 1 Канал (27 январьын 2016). Тергӹмӹ кечӹ: 9 ноябрьын 2025.