12 январь

← → Январь
Шч Кш Вр Из Кг Кк Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шартял тӹлзӹн 12-шы кечӹжӹ (12 январь) — григорианский календарь семӹнь ин 12-шы кечӹжӹ. Идӓлык пӹтӹмӹ якте 353 (кужемдӹмӹ ивлӓн — 354) кечӹ кодеш.

Йошкар-Олашты ☀️ Кечӹ 8 цӓш 8 минутын лӓктеш, 15 цӓш 27 минутын шӹнзеш. Кечӹн кужыцшы 🕒 7 цӓш 19 минут.
🌗 Остатка церпет (23.08 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:12 январьын айовлӓ

•  — Марципанын международный кечӹжӹ (руш. Международный день марципана).
•  Россий — Россий Федерацин прокуратура пӓшӓзӹн кечӹ (руш. День работника прокуратуры).
•  Туркменистан — Жертвӹвлӓм ӓшӹндӓрӹмӹ кечӹ (Геок-Тепе хала сага кредӓлмӓш, 1881 и) (руш. День Памяти (жертв битвы при Геок-Тепе, 1881 год).
• Шолыштмаш кечӹ (руш. День похищений).

Лӹм кечӹ

• Православный лӹмвлӓ: Анисия, Антоний, Даниил, Зотик, Ирина, Лев, Макарий, Мария, Тимон, Феодора, Феодосия, Филетер.
• Католический лӹмвлӓ: Бенедикт, Татьяна, Элред.

Лиӓлтмӓшвлӓ

Тенгеок анжы: Категори:12 январьын лиӓлтмӓшвлӓ

• 1816 — Францин правительствыжы Бонапартын йишӹжӹм сӓндӓлӹк гӹц курымеш поктен колтымы гишӓн указым лыктын.
• 1943 — «Искра» операци тӹҥӓлӹн, тенге Ленинградыштышы блокадым кӹрӹнӹт.
• 1998 — эдемӹм клонируйымашым цӓрӹмӹ гишӓн протоколым подписӓйӹмӹ.
• 2004 — Мирӹштӹ сек кого Queen Mary 2 круизный судно Атлантический океан гач пӹтӓришӹ гӓнӓ ин.
• 2010 — Гаити островышты мӱлӓндӹ цӹтӹрнӓлтмӓш, жертвӹвлӓн шот доно мирӹн историштӹжӹ сек коговлӓ гӹц иктӹжӹ.
• 2021 — Flash Player плагин пӓшӓм цӓрӹмӹ.

Шачыныт

Тенгеок анжы: Категори:12 январьын шачшывлӓ

• 1950 — Никандр Семёнович Попов, советский дӓ российӹштӹшӹ наука пӓшӓзӹ, учёный-этнограф, общественный деятель. Истори наукывлӓн кандидат (1981). Йӹлмӹм, литературым дӓ историм шӹмлӹшӹ В.М. Васильев лӹмӓн мары институтышты истори секторым (1983—1993), этнографи / этнологи отделӹм вуйлатышы (1998 и гӹц). Мары Эл Республикӹн наукын заслуженный пӓшӓзӹжӹ (2000).
• 1979 — Галина Алексеевна Эрцикова, кырык мары йӹлмӹзӹ, филологи наукывлӓн кандидат (2005), Йӹлмӹм, литературым дӓ историм шӹмлӹшӹ В.М. Васильев лӹмӓн мары институтын научный пӓшӓ шотышты директорын вашталтышыжы.

Коленӹт

Тенгеок анжы: Категори:12 январьын колышывлӓ

• 2016 — Виталий Альбертович Петухов, кырык мары сирӹзӹ, прозаик, драматург дӓ журналист. 1990 ий гыч СССР Сирӹзӹвлӓ ушемӹн членжӹ дӓ Россий Журналиствлӓ ушемӹн членжӹ. Марий Эл Республикӹн С. Г. Чавайн лӹмеш Кугижӓншӹ премин лауреатшы (1997). Мары Элӹн халык сирӹзӹжӹ (2013).

Халык пӓлӹ

• Карак пушӓнгӹн ӱл укшвлӓшкӹжӹ шӹнзеш — мардежӓн игечӹ лиэш.
• Лым лымеш гӹнь, кӓнгӹж пӹлӓн лишӓшлык.

Примечани