Загайнов, Василий Фёдорович
| Загайнов Василий Фёдорович | |||
|---|---|---|---|
 | |||
| Шачмы кечӹ | 1903 и 13 январь | ||
| Шачмы вӓр | Лоповцы сола, Российский импери (кӹзӹт У Торъял район, Мары Эл) | ||
| Колымы кечӹ | 1943 и 4 октябрь (40 и) | ||
| Колымы вӓр | Брагин район, Гомель область, СССР | ||
| Пырымаш |
 СССР |
||
| Служымы жеп | 1942—1943 | ||
| Звани |
Ефрейтор  |
||
| Кредӓлмӓш/вырсы | Кого Отечественный вырсы | ||
| Награда дӓ преми |
|
||
Загайнов Василий Федорович (1903—1943) — Кого Отечественный вырсын салтакшы. 1185-шӹ стрелковый полкын 3-шы ротын пулемётчикшӹ (356-шы стрелковый дивизи, 89-шӹ стрелковый корпус, 61-шӹ арми, Тӹнг фронт), ефрейтор. Советский Союзын Геройжы.
Ӹлӹмӓш корныжы
1903 ин 13 январьын Мары АССР У Торъял районышты Пектубаево сельсоветӹн Лоповцы солашты, крестьян семняштӹ шачын. Руш ылеш.
Пектубаево школышты 7 классым тымень пӹтӓрен. Колхозышты счетовод пӓшӓм виден. Партидӹмӹ.
Якшар армиш 1942 ин ӱжмӹ дӓ действующий армиш тӧрӧк колтымы ылын. 1185-шӹ стрелковый полкын пулемётчик ефрейтор Загайнов Днепрын вургымла сирӹштӹшӹ Пирки сола лишнӹшӹ (Гомельский областьын Брагинский районыштышы) плацдарм верцӹн шидӓлмӓшӹштӹ противникӹн атакым отбиваен дӓ шукы гитлеровецвлӓм пуштын. Ӹшке действивлӓжӹ доно вӹд преградым стрелковый полклан ванжаш манын йӧнӹм ӹштен. Ти шидӓлмӓшӹштӹ колен.
Пирки солашты братский шӹгерлӓштӹ тайымы ылын.
Наградывлӓ
- СССР-ын Кӱшӹл Советӹн Президиумын 1944 ишӹ 15 январьыштышы «Советский Союзын Герой лӹмӹм генералвлӓлӓн, офицерский, сержантский дӓ Якшар Армин рядовой составлан пумы гишӓн» Указ семӹнь «образцовый боевой задачым ӹштӹмӹ гишӓн Днепр ӓнгӹрӹм форсируйӹшӹ командовани дӓ мужество дон героизмӹм анжыктымы гишӓн» Совет Союзын Герой званим колымыкы пумы[1].
- Ленинӹн орден доно награждайӹмӹ ылын.
Ӓштӹмӓш
- У Торъял районыштышы Пектубаево солашты, Геройын тыменьмӹ вӓрӹштӹжӹ, памятникӹм шагалтымы.
- В. Ф. Загайновын лӹмжӹм У Торъял районыштышы Пектубаево солан дӓ Белоруссиштӹшӹ Гомельский областьышты Пирки солан школвлӓ намалыт.
- Мары Элӹштӹ Совет Союзын Геройжы, У Торъял районыштышы Пектубаево солаэш шачшы Загайнов Василий Федорович лӹмеш Греко-римский борьба доно Республиканский турнир эртӓрӓлтеш[2].
- Российӹн военно-исторический общество Загайнов лӹмеш У Торъял районыштышы Пектубаево солан кӹдӓлӓш школын зданиэш мемориальный ханга сӓкӹмӹ.
Примечани
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 январьын (№ 4 (264)). — С. 1. Архивировано 24 сентябрьын 2021 года.
- ↑ Сведения о юбилейных датах государственных и муниципальных образовательных учреждений Республики Марий Эл в 2010 году Архивный копи от 4 мартын 2016 на Wayback Machine.
Литература
- Загайнов Василий Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 365. — 872 с. — 3505 экз. — ISBN 978-5-94950-049-1.
- Загайнов Василий Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 82—83. — 374 с. — 500 экз. — ISBN 978-5-94950-070-5.
- Краснов Г. В., Мочаев В. А. Загайнов Василий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 152. — 606 с. — 1500 экз. — ISBN 978-5-905314-35-3.
Ссылкывлӓ
- Игорь Сердюков. Василий Фёдорович Загайнов (руш.). Сайт «Герои страны». Тергӹмӹ кечӹ: 27 июльын 2015.
- Новоторъяльский муниципальный район — Василий Фёдорович Загайнов.