Российӹштӹшӹ пецӓтӹн кечӹ
| Российӹштӹшӹ пецӓтӹн кечӹ | |
|---|---|
| Ӹштӓлтӹн | 1991 ин |
| Пӓлемдӓт | и йӹде |
| Кечӹ | 13 январь |
Российӹштӹшӹ пецӓтӹн кечӹ и йӹде 13 январьын пӓлемдӓлтеш. Тӹдӹм Россий Федерацин Верховный советӹн Президиумжы 1991 иӓш 28 декабряш постановленижӹ доно пингӹдемден, дӓ историштӹшӹ дата доно кӹлдӓлтеш — Петр Великийӹн указшы семӹн Российӹштӹ «Ведомости» пӹтӓришӹ пецӓтлӹмӹ газет лӓктӓш тӹнгӓлмӹ доно (кӹзӹтшӹ тенгеок «Ведомости» лӹмӓн газет доно ак кӹлдӓлт). 1703 ин 2 январьын (у стиль семӹнь 13 январьын) Москвашты руш йӹлмӹ доно пецӓтлӹмӹ кӹзӹтшӹ семӹнь «Санкт-Петербургыштышы увервлӓ» газетӹн пӹтӓришӹ номержӹ лӓктӹн, тӹнӓм тӹдӹ «Москва кугижӓншӹштӹ дӓ молы лишӹл сӓндӓлӹквлӓштӹ лишӹ военный дӓ молы йылавлӓ гишӓн увервлӓ, кыдывлӓм пӓлӓш дӓ ӓштӓш келеш» маналтын[1]. Пётр Первый газетӹм реформым ӹштӹмӹ верц кредӓлмӓшӹн дӓ Россий империн вижӹм утверждӓйӹмӓшӹн керӓл йӧнжӹ семӹнь шотлен.
Статистика
2009 и тӹнгӓлтӹшеш Россий Федерациштӹ 33000 утла пецӓтлӹмӹ издани регистрируйымы ылын. Кечӹнь 20 миллион утла экземплярым шӓрӹмӹ.
2025 и январеш Роскомнадзорын данныйвлӓ семӹнь Российӹштӹ 155 тӹжем утла пумаган дӓ электрон СМИ регистрируйымы[2].
Российӹштӹшӹ журналистӹн 2024 ин тӹлзӓш пӓшӓдӓржӹ 54 тӹжем тӓнгӓ нӓрӹ ылын.
Пумаган СМИ-м лыдмашын чӹдеммӓш
Российӹштӹ ӹлӹшӹвлӓн пумаган изданивлӓм чӹдӹрӓк лыдаш тӹнгӓлмӹштӹн ӓмӓлвлӓ лошты сек тӹнгвлӓжӹ – электрон СМИ-м куштылгын мон кердмӓш (29 %), пецӓтлӹмӹ прессеш ӓк кушмаш (18%) дӓ кыды-тидӹ газет дон журналвлӓм лыкташ цӓрнӹмӓш (11%)[3]. 2014 ин электрон формым 34% эдем айырен гӹнь, 2022 ин – 62%[4].
ВЦИОМ-ын шӹмлӹмӓшӹжӹ семӹнь 2022 и тӹнгӓлтӹшеш пумага прессым со 14 % Российӹштӹ ӹлӹшӹ лыдын, эче 21 % молнам лыдын, но цӓрнен. Пелӹ гӹц шукыракынжы (63 %) молнамат лыдделыт дӓ кӹзӹтӓт ак лыдеп манын вӓшештенӹт, но тидӹ нӹнӹ лошты электрон форматан изданивлӓм лыдшывлӓ уке ылмым ак анжыкты. Тӹнӓмок Российӹштӹ ӹлӹшӹвлӓ лошты техень тӹшкӓ улы, кыдывлӓлӓн пумаган пресса информацин тӹнг источникшӹ семӹнь кодын шалга: тидӹ 60 и гӹц шонгыраквлӓ, нӹнӹ цилӓ Российӹштӹ ӹлӹшӹвлӓ гӹц (26 %) кок пачаш шӹрерӓкӹн газет дон журналвлӓм лыдыт, тидӹжӹ ти иӓшӓн тӹшкӓштӹ каждый нӹлӹмшӹ эдем лиэш. Показатель тенгеок солашты ӹлӹшӹвлӓ лошты (20 %) дӓ телевизорым седок анжышывлӓ лошты (33 %) шукеш когорак.
Российӹштӹ ӹлӹшӹвлӓн лыдмы газетвлӓ лошты пӹтӓришӹ вӓрӹм вӓрӹштӹшӹ ӓли районыштышы газет нӓлеш[4].
Журналиствлӓлӓн наградывлӓ
1997 и гӹц тӹнгӓлӹн, Российӹштӹшӹ пецӓт кечӹн СМИ областьышты РФ правительствын премивлӓм дӓ сӓмӹрӹк журналиствлӓн проектвлӓэш гранвлӓм кычыктат. Тенгеок 2018 ин РФ президентӹн Указшы семӹнь «Россий Федерацин заслуженный журналистшӹ» почетан званим пингӹдемдӹмӹ[5].
Советский пецӓтӹн кечӹжӹ
Пецӓтлӹмӹ изданивлӓн профессиональный айо пӹтӓришӹ гӓнӓ СССР-ышты пингӹдемдӹмӹ ылын. РСФСР-ын Верховный советшӹн 1991 иӓш 13 декабряш Указшы семӹнь большевиствлӓн «Лачок» газетӹн пӹтӓришӹ номержӹ лӓкмӹ лӹмеш 5 майын пӓлемдӓлтшӹ «Советский пецӓтӹн кечӹжӹ» айо вӓреш у лӹмӓн у айом ӹштӹмӹ.
Белоруссиштӹ «Пецӓт кечӹм» 5 майын эртӓрӓт.
1994 и гӹц каждый ин 3 майын Улы мирӹштӹшӹ пресса кечӹм пӓлемдӓт.
Тенгеок анжы
Пецӓтӹн ирӹкшӹн цилӓ сӓндӓлӹк лошты кечӹ
Примечани
- ↑ Лисовский Н. М. Санкт-Петербургские Ведомости // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Перечень наименований зарегистрированных СМИ. Роскомнадзор. Тергӹмӹ кечӹ: 12 январьын 2025.
- ↑ День российской печати: дата, история и традиции, РБК Life (10 январьын 2025). Дата обращения: 12 январьын 2025.
- ↑ 1 2 Пресса, которую мы (не) потеряли, ВЦИОМ. Новости (12 январьын 2022). Дата обращения: 12 январьын 2025.
- ↑ Премия в области средств массовой информации - Правительство России (руш.). government.ru. Тергӹмӹ кечӹ: 12 январьын 2025.
Литература
Погорелов, В. А. Ведомости времени Петра Великого: в память 200-летия первой русской газеты: [вып. 1-2] / [редактор Валерий Погорелов]. — М.: Синодальная типография, 1903—1906.