15 январь

← → Январь
Шч Кш Вр Из Кг Кк Рш       1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шартял тӹлзӹн 15-шӹ кечӹжӹ (15 январь) — григорианский календарь семӹнь ин 15-шӹ кечӹжӹ. Идӓлык пӹтӹмӹ якте 350 (кужемдӹмӹ ивлӓн — 351) кечӹ кодеш.

Йошкар-Олашты ☀️ Кечӹ 8 цӓш 4 минутын лӓктеш, 15 цӓш 32 минутын шӹнзеш. Кечӹн кужыцшы 🕒 7 цӓш 27 минут.
🌘 Тошты тӹлзӹ (26.08 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:15 январьын айовлӓ

•  Россий — Россий Федерацин Следственный комитетшӹм ӹштӹмӹ кечӹ (руш. День образования Следственного комитета Российской Федерации).
•  Россий — Россий Федерацин Военно-морской флотын тӹнг штабшын кечӹжӹ (руш. День Главного штаба Военно-морского флота Российской Федерации).
•  Египет,  Иордани — Пушӓнгӹм шӹндӹмӹ кечӹ (руш. День посадки деревьев).
•  Хорвати — Мир вӹлнӹшӹ халыквлӓ лошты признайымы кечӹ (руш. День международного признания).

Лӹм кечӹ

• Православный лӹмвлӓ: Аммон, Василий, Егор, Домн, Закхей, Зорсис, Кузьма, Марк, Модест, Пётр, Серафим, Сергей, Сидор, Сильвестр, Феоген, Феопемпт, Феопист; Ульяна, Федотья.
• Католический лӹмвлӓ: Макарий, Павел; Ита.

Лиӓлтмӓшвлӓ

Тенгеок анжы: Категори:15 январьын лиӓлтмӓшвлӓ

• 1831 — «Наукывлӓм виӓнгдӓш палшаш» Демидов премим, пӹтӓришӹ соок лин щалгышы руш премим, ӹштӹмӹ.
• 1892 — Джеймс Нейсмит баскетбол правилым пӹтӓришӹ гӓнӓ школ газетеш пецӓтлен лыктын.
• 1920 — Российӹн Кӱшӹл Вуйлатышыжы адмирал Александр Колчакым арестуйымаш.
• 1925 — Угарманышты СССР-ӹштӹ пӹтӓришӹ любительский мытык волнаан радиостанци эфирӹш лӓктӹн.
• 1943 — Пентагон зданим ӹштен пӹтӓрӹмӹ.
• 1993 — США-шты NBC телеканалышты «Санта-Барбара» мыльный оперын остатка 2137-шӹ серижӹ эфирӹш лӓктӹн.
• 2001 — «Википедин» сайтшы, ирӹкӓн шӓрӹмӹ содержаниӓн wiki-энциклопеди пӓшӓм ӹштӓш тӹнгӓлӹн.
• 2006 — космический веществавлӓн образецвлӓӓн «Стардаст» аппаратын капсулыжы Мӱландӹш пӧртӹлӹн.

Шачыныт

Тенгеок анжы: Категори:15 январьын шачшывлӓ

• 1918 — Миклай Казаков, мары поэт, сирӹзӹ, сӓрӹшӹ, журналист, редактор. Мары художественный литературын классикшӹ. III степенян Сталин премин лауреатшы (1951). Мары АССР-ын пӹтӓришӹ халык поэтшӹ (1960). СССР Сирӹзӹвлӓ ушемӹн членжӹ — историштӹ мары сирӹзӹвлӓ логӹц сек сӓмӹрӹкшӹ (21 иӓш). Москвашты Мары поэзи ӓрнян участникшӹ (1956). Кого Ӓтямӱлӓндӹ вырсын участникшӹ. 1943 и гӹц ВКП(б) член .
• 1930 — Валентин Николаевич Косоротов, мары сирӹзӹ, тымдышы, сӓрӹшӹ, Олык Ипай лӹмеш Мары комсомолын премижӹн лауреатшы (1972).
• 1938 — Альберт Александрович Пекпаев, шӹмлӹзӹ дӓ тымдышы, биологи наукывлӓн кандитат, доцент, Мары Эл Республикӹн наукын заслуженный пӓшӓзӹжӹ.
• 1972 — Екатерина Яковлевна Власова (Яндыганова), мары учёный, тымдышы, экономика наукывлӓн кандидат (2002), экономика наукывлӓн доктор (2008), профессор.

Коленӹт

Тенгеок анжы: Категори:15 январьын колышывлӓ

• 1861 — Спиридон Михайлович Михайлов, Чуваши гӹц пӹтӓришӹ сирӹзӹ, этнограф дӓ историк. Рушла, суасламарыла дӓ кырык марла яжон попен мыштен.
• 1943 — Тимирай Кубакаевич Кубакаев, Советский Союзын Геройжы.
• 1976 — Нина Владимировна Макарова, советский композитор, пианистка, РСФСР-ын заслуженный искусство пӓшӓзӹжӹ (1975).
• 2008 — Аркадий Афанасьевич Васинкин, мары сирӹзӹ, учёный, йӹлмӹзӹ, тымдышы, литературовед, литературный критик, филологи наукывлӓн кандидат, Россий Сирӹзӹвлӓ ушемӹн членжӹ (колымыжы паштек) (2008).

Халык пӓлӹ

• Пӹлгомышты у тӹлзӹ гӹнь, иргодшы кечӹ мардежӓн лиэш.
• Шӹдӹрвлӓ шӹжгӓн кайыт — ливӹктӓ, яжон каяш тӹнгӓлӹт гӹнь, ӱштӹ толеш.

Примечани