Бастраков, Георгий Фёдорович
| Георгий Фёдорович Бастраков | |||||
|---|---|---|---|---|---|
 | |||||
| Шачмы кечӹ | 1917 и 18 апрель | ||||
| Шачмы вӓр | Якшар Вӹдсӹнзӓ (а. м. Йошкар Памаш) йӓл, кӹзӹт Мары Эл Республикӹн У Торъял районжы | ||||
| Колымы кечӹ | 1944 и 27 январь (26 и) | ||||
| Колымы вӓр | Монастырищенский район,Черкасский область | ||||
| Пырымаш |
 СССР |
||||
| Войскан йиш | ВДВ | ||||
| Служымы жеп | 1941—1944 | ||||
| Звани |
 Гвардин когорак лейтенантшы |
||||
| Кредӓлмӓш/вырсы | Кого Отечественный вырсы | ||||
| Награда дӓ преми |
|
||||
Георгий Фёдорович Бастраков (18 апрель 1917 — 27 январь 1944) — Кого Отечественный вырсын салтакшы, гвардин когорак лейтенантшы, Советский Союзын Геройжы. «Колыдымы ротын командиржӹ» — тенге Бастраковымьик полкышты служышы салтаквлä лӹмденӹт. Фронтышты тӹдӹ гишäн шукы легенда каштын. «Тäнгвлäжӹ тӹдӹм цäшäнеш шотленӹт, салтаквлä — колыдымы манын шаненӹт», — сирä герой доно ик полкышты служышы Гончаров.
Ӹлӹмäш корныжы
Георгий Бастраков 1917 ин 18 апрельӹн[1] Мары АССР У Торъял кымдем Йошкар-Памаш[2] йäлӹштӹшӹ хресäнь йишеш шачын.
Кӹдäлäш школышты тыменьӹн, колхозышты пäшäм ӹштен, телӹм — Угарман кымдемӹштӹшӹ химический заводышты.
1938 и гӹц — Якшар Армиштӹ. Изирäк командирвлäн школыштым тымень лäктӹн.
Кого Отечественный вырсышты
Вырсын пӹтäриш цäш гӹцок Г. Ф. Бастраков 99 стрелковый дивизи кӹшкäрӹштӹ фашистский войскавлä доно Кечӹвäлвел-Вадывел фронтышты кредäлäн. Вырсын кокшы кечӹнжӹ пулемётный взводын командирэш шагалын.
Шушыргымыкы, 1941 и ноябрь гӹц, сержант Бастраков юж-десантный войскашкы вäрештӹн. Разведчиквлäн взвод доно командуен. 1942 и тӹнгäлтӹштӹ тӹдӹлäн изирäк лейтенант лӹмӹм пумы.
1943 и февральын Г. Ф. Бастраков — автоматный ротын командиржы. 1943 ин октябрьын тӹдӹн ротыжӹ сек анзыц Киевский областьын Чернобыль кымдемӹштӹшӹ Губин солашкы пырен, а вара тышманын 7 контратакыжым шагалтен дä нäлмӹ позицим переген коден. Бастраковын ротыжы 27 контратакым шагалтен, 113 гитлеровский салтак дон офицерым, 7 танкым, 5 бронетранспортёрым дон 4 автомашинам пӹтäрен. Ротын командиржы 17 фашистым пуштын. Гвардин когорак лейтенантшы Г. Ф. Бастраковлан Советский Союзын Геройжы лӹмӹм пуаш маныныт. Наградный пумагаэш ӹшке кидпäлӹжӹм 60-шы арми доно командуюшы генерал И. Д. Черняховский пиштен. Тенге гвардин когорак лейтенант Советский Союзын Геройжы лин, а Днепрым форсируйымы паштек тӹдӹн ротыжым колыдымы манаш тӹнгäлӹнӹт.
15-шӹ юж-десантный полкын штабный начальникшы Гвардин капитан Пахомов тӹдӹ гишäн сирен:
«Варажымат кредäлмäштӹ Бастраков тäнг 9 эдем доно 800 метр кымдыкышты контратакыш кӹньӹлшӹ тышман доно 2 сутка жеп кредäлӹн».
1944 и 27 январьын Лукашов сола сага кредäлмäштӹ Бастраковын ротыжы 40 фашист салтаквлäм пӹтäрен. Ротын командир нелӹн шушырген, но кредäлмäшӹм ымбакыжы виден. «Геройын колымашыжы доно колен» — тенге наградной листӹштӹ келесӹмӹ. Черкасский кымдем Монастырищенский район Лукашовка солашты тайымы. Солан ӹрдӹ öлицäжӹ Геройым äштӹмӹ лӹмеш Бастраков öлицä лӹмдӹмӹ.
Геройын колымы вäрӹштӹжӹ мактымы кӱэрӹм шагалтымы.
Ӓш
Геройын лӹмжӹм У Торъял районыштышы Кӱанпамаш ялыштышы кӹдäлäш школлан пумы[3]. Школ пöртӹн стенäштӹжӹ Геройым äшӹндäрӹктӹшӹ мемориальный хангам шӹндӹмӹ. Тӹдӹн лӹмжӹ доно У Торъял посёлкыштышы ик öлицäм лӹмдӹмӹ[2].
Наградывлä
- Советский Союзын Геройжы, 17.10.1943 (документвлäштӹ фамилижӹ Бастриков[4][5])
- Ленинын орден, 17.07.1942, 17.10.1943.
- 1-шӹ степенян Отечественный вырсы орден, колымыкыжы.
Примечани
- ↑ Национальная библиотека Марий Эл. Бастраков Георгий Федорович. Тергӹмӹ кечӹ: 8 майын 2016. Архивировано из оригинала 17 апрельӹн 2016 года.
- ↑ 1 2 Деревня Памаши (Пектансола, Захарово, починок Памаш при ключе Памаш) // Новоторъяльский район. — Йошкар-Ола, 2005. — С. 95. — 304 с. — (История сёл и деревень Республики Марий Эл). — 1500 экз. — ISBN 5-87898-297-8.
- ↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 17 апрельӹн 2019. Архивировано из оригинала 17 апрельӹн 2019 года.
- ↑ Наградной лист (руш.). Память народа 1941—1945 (13 октябрьын 1943). Тергӹмӹ кечӹ: 17 апрельӹн 2019.
- ↑ Указ Президиума ВС СССР от 17.10.1943 «О присвоении звания Героя Советского Союза генералам, офицерскому, сержантскому и рядовому составу Красной Армии» (руш.). КонсультантПлюс (17 октябрьын 1943). Тергӹмӹ кечӹ: 17 апрельӹн 2019.
Литература
- Бастраков Георгий Фёдорович // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 126. — 911 с. — 100 000 экз. — ISBN отс., Рег. № в РКП 87-95382.
- Бастраков Георгий Фёдорович // Книга памяти. Вспомним их поимённо. Новоторъяльский район / Иванов В. И. и др. — Йошкар-Ола: Марийское книжное издательство, 1994. — С. 27. — 360 с. — 3500 экз. — ISBN 5-7590-0566-9.
- Мочаев В. А. Бастраков Георгий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 42—43. — 2032 экз. — ISBN 5-87898-357-0.
- Бастраков Георгий Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 241. — 872 с. — 3505 экз. — ISBN 978-5-94950-049-1.
- Бастраков Георгий Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 35—36. — 374 с. — 500 экз. — ISBN 978-5-94950-070-5.
- Мочаев В. А. Бастраков Георгий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 46. — 606 с. — 1500 экз. — ISBN 978-5-905314-35-3.
- Курочкин А. М. Герой Советского Союза Бастраков Георгий Фёдорович // Герои марийской земли / под ред. Р. А. Бушкова, Л. В. Курочкиной. — Йошкар-Ола: «Газета „Марий Эл“», 2020. — С. 15—18. — 224 с. — 500 экз. — ISBN 978-5-604-2758-3-2.
Ссылкывлӓ
- Георгий Фёдорович Бастраков (руш.). Сайт «Герои страны».