Суасламары Республика

Ирӹкӓн энциклопеди Википеди гӹц материал
Россий Федерацин субъектшӹ
Чуваш Республика — Чуваши
чуваш. Чӑваш Республики — Чӑваш Ен
Tsjeboksary-golfen.jpg
Флаг Герб
Флаг Герб
  • Чуваш Республикӹн гимнжӹ
  • 🎤
  • 🎵
55°27′34″ с. ш. 47°05′46″ в. д.GЯO
Сӓндӓлӹк  Россий
Пыра Российӹн Европыштышы лаштыкшы[d]
Приволжский федеральный округ[d]
Пыра Республикӹштӹшӹ значениӓн 5 хала дӓ 21 район
Ӹрдӹ хала  Шавашар
Республикӹн Главажы Николаев Олег Алексеевич
Республикӹштӹшӹ министрвлӓ Кабинетӹн председательжӹ Артамонов Сергей Геннадьевич
Республикӹштӹшӹ Кугижӓншӹ Кӓнгӓшӹн Председательжӹ Черкесов Леонид Ильич
Истори дӓ географи
Ӹштӹмӹ кечӹ 1920 и 24 июнь[1].
Площадь

18 343 км²

  • (79 вӓр)
Цӓшӹн ӹштӹ MSD[d] дӓ Европа/Москва[d][2]
Экономика
ВРП 297,8[4] млрд тӓнгӓ (2018)
 • вӓр 57-шӹ вӓр
Халык
Халык

↘1 167 061[6] эдем (2024)

  • (40 вӓр)
Плотность 63,62 эдем/км²
Халыквлӓ чуваш, руш, тадар, марын, мордва, еврей дӓ молывлӓӓт
Конфесси православный, мусульман, иудей дӓ молывлӓӓт
Йӹлмӹвлӓ Чуваш йӹлмӹ, руш[7]
Цифран идентификатор
ISO 3166-2 код RU-CU
ОКАТО код 97
РФ субъектӹн кодшы 21
Анзыц
← Чуваш Советский Социалистический Республика
Официальный сайт
Чуваш Республика — Чуваши на карте
Логотип РУВИКИ.Медиа Медиафайлы на РУВИКИ.Медиа

Чуваш Республика — Чуваши (чуваш. Чӑва́ш Республики́); кӹтӹкӹн Чуваши[8][9][10] (чуваш. Чӑва́ш Ен) — Россий Федерацин субъектшӹ, тӹдӹн составышкыжы пырышы республика[11][12]. Ӹрдӹ халажы (столицӹжӹ) — Шавашар (Чебоксары)[13].

Вадывелнӹ Угарман (Нижегородский) область доно, йыдпелвелнӹ Мары Эл Республика доно, ирвелнӹ Татарстан доно, кечӹвӓлвел-вадывелнӹ Мордови доно дӓ кечӹвӓлвелнӹ Ульяновск область доно цикшӹ эртӓ. Приволжский федеральный округыш пыра, Йыл-Вичӹ экономика районын лаштыкшы ылеш.

ВЦИК дӓ СНК-н 1920 и 24 июняш Декретӹштӹ доно 1920 ин 24 июньын Чуваш автономный область семӹнь ӹштӹмӹ. 1925 ин 21 апрельӹн Чуваш Автономный Социалистический Советский Республикӹш сӓрӹмӹ. 1929 и 15 июль гӹц Угарман (Нижегородский) край составышты ылын, 1936 и 5 декабрь гӹц — Чуваш Автономный Советский Социалистический Республика.

1990 ин 24 октябрьын Чуваш АССР-ӹн Кӱшӹл Советшӹ кугижӓншӹ суверенитет гишӓн декларацим лыктын дӓ Чуваш ССР лӹмӹм пингӹдемден (1991 ин 24 майын РСФСР-ӹн Халык депутат Съездшӹ пингӹдемден). 1992 и 13 февраль гӹц — Чуваш Республика.

Этимологи

Тӹнг статья: Чуваш (этноним) (руш) (мар.

Чуваши лӹм чуваш (кырык мар. чуаш) этноним — халык лӹм — гӹц лин. «Чуваши» шамакын лӓкмӹжӹм Азан ханство кымдем доно кӹлдӓт. Чувашвлӓн кӹзӹтшӹ этнонимӹштӹ пӹтӓрижӹ тошты (ӓкрет) чувашвлӓн экзоэтнонимӹштӹ (вес халыквлӓн лӹмдӹмӹ шамакышты) ылын, тӹдӹм Азан татар (кырык мар. тадар) дон рушынвлӓ кычылтыныт. Экзоэтнонимжӹ XVI—XVII курымвлӓштӹшӹ соционим (пасна халык тӹшкӓ лӹм) доно кӹлдӓлтӹн, тӹдӹ ясакым тӱлӹшӹ дӓ сола хозанлык пӓшӓм ӹштӹшӹ эдем йыхым (сословим) анжыктен[14][15]. Чуваш этноним халыкын ӹлӹмӹ айыртемжӹм анжыктымы гӹц, шамакын андак халык тӹшкӓм лӹмдӹмӹжӹ гӹц, лӓктӹн кердмӹ гишӓн сек пӹтӓри публицист Г. И. Комиссаров шаям лыктын[16].

Истори

Тӹнг статья: Чувашин историжӹ (руш) (мар.

1920 ин 24 июньын ВЦИК дӓ РСФСР Совнарком Чуваш автономный облаcтьым РСФСР-ӹн лаштыкшы семӹнь ӹштӹмӹ гишӓн В. И. Ленин дӓ М. И. Калинин подписӓйӹмӹ пынзалтышым пингӹдемденӹт. А 1924 и мычашын Чуваш автономный облаcтьын вуйлатышы органвлӓжӹ Чуваш АССР-ӹм ӹштӹмӹ проект доно пӓлдӓренӹт. 1925 ин 21 апрельӹн Российӹштӹшӹ Тӹнг исполнительный комитет Чуваш автономный областьым Чуваш Автономный Социалистический Совет Республика лӹмдӹмӹ гишӓн пынзалтышым лыктын[17]. Вара ВЦИК-ӹн 20 июняш пынзалтышыжы доно Чуваш АССР-ӹш Симбирск губернин Алатырь уездӹн техень волостьвлӓжӹм пыртымы: Алатырь хала доно Алатырь волость, Порецк дӓ Кувакин, 121 464 эдем доно.

Черемисвлӓм марынвлӓ манаш тӹнгӓлмӹ паштек[18], 1920 ивлӓн Чуваш АССР-ӹм Болгар АССР-ӹш сӓрӹмӹ дӓ чувашвлӓм болгар манын лӹмдӹмӹ гишӓн шанымашым кӓнгӓшенӹт[19]. Вуйлатышывлӓ дӓ республикӹштӹшӹ халык краеведвлӓн шанымашышты верц ылделыт.

«…суасламары буржуазный националиствлӓ чуваш халыкын шачмыжын булгар теорижӹм ӹшке тышман политика цельвлӓштӹштӹ кычылташ цаценӹт. Нӹнӹн 1920-шы ивлӓн лыкмы юж пӓшӓштӹштӹ чувашвлӓ йыл-кама булгарвлӓн лач ик тӧр дӓ ире икшӹвӹвлӓжӹ ылмышты гишӓн ӹняндӓрӹмӓш пропагандируялтын, Йылыштышы Булгари кугижӓншӹ жепӓш буржуази-националист идеализацижӹ разрешӓйӓлтӹн.

Д. П. Петровын (Юман), М. П. Петрован, А. П, Прокопьева-Миллин дӓ молы краеведвлӓн пӓшӓвлӓштӹштӹ булгар жеп суасламары халыкын историштӹжӹ „шӧртньӹ курым“ семӹнь анжыкталтын, социально-классовый келшӹдӹмӓшвлӓ дӓ ти кугижӓншӹштӹ эксплуататорвлӓн пӹзӹрӹмӓшӹштӹ ылмаш шотыш нӓлӓлтделыт. Тӹ ивлӓнок буржуазный националиствлӓ чувашвлӓм болгарвлӓш лӹмдӹмӹ кампаним тӓрвӓтенӹт, а Чуваш АССР-ӹм „Булгар“ манын лӹмдӓш шанымашым пуэнӹт».

— Денисов П. В. Этнокультурные параллели дунайских болгар и чувашей.— Чебоксары, 1969. — С. 10

1990 ин 24 октябрьын Чуваш АССР-ӹн Кӱшӹл Кӓнгӓшӹжӹ республикӹн суверенитетшӹ гишӓн декларацим принимаен дӓ тӹдӹн у лӹмжӹм — Чуваш СССР — пингӹдемден. 1991 ин 24 майын РСФСР-ӹн Халык депутатвлӓн Съездшӹ, РСФСР-ӹн 1978 иӓш конституцижӹн 71 статьяшкыжы вашталтышым пыртен, ти лӹмӹм пингӹдемден[20]. «Чуваш АССР-ӹн лӹмжӹм вашталтымы гишӓн» Законым лыкмыкы, 1992 и 13 февраль гӹц Чуваш АССР Чуваш (Суасламары) Республика маналташ тӹнгӓлӹн[21].

2001 и якте «Чӑваш Республики» республикӹн чуваш лӹмжӹ рушла сирӹмӓшкӹ транслитерацижӹ Российӹн Конституциштӹжӹ (ст. 65). федераци субъектӹн руш йӹлмӹ доно цела официальный лӹмӹшкӹжӹ пырталтын. Россий Федераци президентӹн 2001 и 9 июняш Указшы доно Россий Федерацин субъектшӹн лӹмжӹ «Чуваш Республика — Чуваши» маналташ тӹнгӓлӹн.

2012 ин октябрьын Шывашарышты Чувашин икманяр ощественный пӓшӓзӹжӹ йӹргешкӹ стӧл годым Чуваш Республикӹн Главажы М. В. Игнатьев дӓ РФ Кугижӓншӹ думын депутатвлӓжӹ докы Чуваш Республикӹлӓн «Чуваш Республик — Йылыштышы Булгари» исторический лӹмжӹм мӹнгеш пӧртӹлтӹлтӓш ӱжмӓшӹштӹм шӓренӹт[22][23][24][25]. 2013 ин 16 январьын Чуваш Республикӹн Кугижӓншӹ Кӓнгӓшӹшкӹжӹ Чуваш Республикӹн лӹмжӹм «Чуваш Республика — Йылыштышы Булгари» исторический лӹмӹш вашталташ тӹнгӓлӓш тӹшкӓн ядмаш пырен[26].

Официальный символика

Тӹнг статья: Чувашин флагшы (руш) (мар.
Тӹнг статья: Чуваш Республикӹн гербшӹ (руш) (мар.
Тӹнг статья: Чуваш Республикӹн гимнжӹ (руш) (мар.

Кугижӓншӹ виктӓрӹмӓш

Республикӹн ӹшке конституцижӹ дӓ законодательствыжы улы. Права йӧн доно обществын ӹлӹмӓшӹжӹн политический, экономический дӓ культурный сфервлӓштӹжы кӹлӹм тӧрлен шалгышы РФ Конституци доно пингӹдемдӹмӹ закон дон молы нормативный праваан актвлӓм лыкмашым ӹшке регулируя[13].

Чувашин картыжы

Республикӹн тӹнг законжы — 2000 ин лыкмы Чуваш Республикӹн Конституцижӹ. 2012 и якте Чуваш Республика официально кугижӓншӹ статусан ылын. Чувашин конституциштӹжӹ (6 редакци — 2011 и 13 сентябрь 46 №) тенге пингӹдемдӓлтӹн: «Чуваш Республика Россий Федерациш пырышы республика (кугижӓншӹ) ылеш»[27]. Чуваш Республикӹштӹ кӱшӹл должностной эдем Чуваш Республикӹн Главажы (2012 и 1 январь якте — Президент) ылеш. 2025 ин 26 сентябрьын кокшы срокеш угӹц айырымы Олег Николаев официально должностьыш шагалын. Церемони Чуваш кугижӓншӹ опера дӓ балет театрышты эртен.

Кугижӓншӹ Кӓнгӓш (парламент) Чувашин кугижӓншӹ властьшын сек кӱшӹл представительный, законодательный дӓ контролируйышы органжы ылеш. Чуваш Республикӹн министрвлӓн кабинетшӹ кугижӓншӹ властьын испонительный дӓ распорядительный органжы ылеш, тӹдӹм премьер-министр вуйлата.

Административно-территориальный шелмӓш

Тӹнг статья: Чувашин административно-территориальный шелмӓш (руш) (мар.

Чуваш Республикӹштӹ 21 административный район, 9 хала (нӹнӹ лошты 5 республика значениӓн хала дӓ 4 район значениӓн хала), 5 хала типӓн посёлкы, 1700 нӓрӹ сола ӹлӹмӹ вӓр улы.

Ӹрдӹ хала

Республикӹн ӹрдӹ халажы — 496 350[28] эдемӓн Шывашар хала. 2001 ин «Российӹн сек йӧндӓрӹмӹ халажы» конкурсышты сӹнгӹшӹ лин.

Республика значениӓн халавлӓлӓн хала округ статусан муниципальный образованивлӓ келшен толыт, районвлӓлӓн — муниципальный округ статусан муниципальный образованивлӓ.

Чувашин административный картыжы
№ Район Халык,
эдем		 Площадь,
км²		 Халык
шот,
эдем/км²		 Центр
Республикӹштӹшӹ значениӓн халавлӓ (хала округвлӓ)
1 Алатырь ↘32 265[29] Алатырь х.
2 Канаш ↘44 354[29] Канаш х.
3 Новочебоксарск ↘120 650[29] Новочебоксарск х.
4 Шавашар ↗508 069[29] Шавашар х.
5 Шумерля ↘26 873[29] Шумерля х.
Районвлӓ (муниципальный округвлӓ)
1 Алатырский ↗14 139[29] 1940 7,67 Алатырь х.
2 Аликовский ↘14 273[29] 554.1 28,66 с. Аликово
3 Батыревский ↘32 060[29] 994 34,7 Батырево с.
4 Вурнарский ↘29 450[29] 1012.6 31,82 Вурнары пгт.
5 Ибресинский ↘20 699[29] 1201.2 19,58 Ибреси пгт.
6 Канашский ↘32 460[29] 981.4 36,37 Канаш х.
7 Козловский ↘15 497[29] 516.8 37,29 Козловка х.
8 Комсомольский ↘20 913[29] 630.3 40,01 Комсомольское с.
9 Красноармейский ↘12 961[29] 456.3 31,29 Красноармейское с.
10 Красночетайский ↗14 133[29] 691.6 20,86 Красные Четаи с.
11 Марпосадский ↘19 353[29] 686.1 32,66 Мариинский Посад х.
12 Моргаушский ↘31 277[29] 845.3 39,05 Моргауши с.
13 Порецкий ↘10 732[29] 1116.9 11,29 Порецкое с.
14 Урмарский ↘20 839[29] 598.3 38,43 Урмары пгт.
15 Цивильский ↘31 944[29] 790.8 45,55 Цивильск х.
16 Чебоксарский ↘62 258[29] 1331.7 46,74 Кугеси п.[30]
17 Шемуршинский ↗11 961[29] 799.1 15,73 Шемурша с.
18 Шумерлинский ↘7870[29] 1047.6 8,71 и Шумерля
19 Ядринский ↘23 366[29] 897.5 29,04 Ядрин с.
20 Яльчикский ↗15 793[29] 567.2 30,55 Яльчики с.
21 Янтиковский ↘12 720[29] 524.4 28,26 Янтиково с.
Населённый пунктвлӓ
Тӹнг статья: Чувашин населённый пунктвлӓ (руш) (мар.
3000 утла эдемӓн населённый пунктвлӓ
Шавашар ↗496 350[28]
Новочебоксарск ↘120 375[29]
Канаш ↘44 354[29]
Алатырь ↘32 265[29]
Шумерля ↘26 873[29]
Цивильск ↘12 762[29]
Кугеси ↘13 451[29]
Вурнары ↗10 522[29]
Козловка ↘7781[29]
Ядрин ↘7918[29]
Мариинский Посад ↘7851[29]
Ибреси ↘7254[29]
Новые Лапсары ↘5913[29]
Порецкое ↘5081[29]
Урмары ↘5290[29]
Батырево ↗5281[29]
Шыгырдан ↘5282[29]
Комсомольское ↘4632[29]
Красноармейское ↘3900[29]
Шемурша ↘3375[29]
У Атлашево ↗3753[31]
Моргауши ↗3562[29]
Янтиково ↘3690[32]
Ишлеи ↘3155[29]

Физико-географический характеристика

Тӹнг статья: Чувашин географижӹ (руш) (мар.
Чуваш АССР-ӹн Кӓнгӓш Пӧртшӹ
Чуваш Республикӹн Вуйлатышыжын Администраци зданижӹ

Чуваш Республика Ирвел-Европыштышы тӧремӹн ирвелнӹжӹ, тӹнг шотышты Йылын вургымла сирӹштӹжӹ, тӹдӹн Шур дӓ Свияга притоквлӓжӹ лошты, вӓрлӓнӓ. Территорижӹ — 18,3 тӹж. км². Йыдпелвецӹн кечӹвӓлвек регион 200 уштышеш, а ирвецӹн вадывек 125 уштышеш шыпшлтеш.

Тангыж кӱкшӹц гӹц сек кӱкшӹ вӓр — 286,6 метр[33].

Рок

Сек когон ӓклӓлтшӹ шим рок Татарстан Республикӹн цикшӹ мычкы кечӹвӓлвел-ирвелнӹ, кечӹвӓлвел-вадывелнӹ, Шур йогы гӹц йыдпелвелнӹ дӓ Кого дӓ Изи Цивиль ӓнгӹрвлӓ лошты вӓрлӓнен. Утларакшы луды рок.

Вӹд ресурсвлӓ

Республикӹштӹ Йыл ӓнгӹрӹн гидроэлектропотенциалжы Шывашар ГЭС-штӹ тӹрӹс ӹлӹмӓшкӹ пырыде.

Шур ӓнгӹрӹштӹ 1969—1970 ивлӓ якте шукы стерляк ылын. Пӧрттӱ памятник — Тени йӓр[34].

Керӓл ископаемыйвлӓ

Рудан 148,7 млн т запасан фосфоритвлӓӓн, 199,1 млн т запасан йылышы сланецӓн, нефтян вӓрвлӓ.

Пӧрттӱ

Игечӹ

Тӹнг статья: Чувашин игечӹжӹ (руш) (мар.

Чуваши умеренно континентальный игечӹ зонышты вӓрлӓнӓ дӓ шӹргӹ-степ дӓ шӹргӹ пӧрттӱ зонывлӓшкӹ пыра. Январьын южын шукы иӓш покшал температурыжы −13°С; июльын — +20°С. Лым дон юрын ик иштӹшӹ покшал объёмышты — 530—570 мм.

Шавашарын климатшы
Анжыктымаш Янв. Фев. Март Апр. Май Июнь Июль Авг. Сен. Окт. Нояб. Дек. И
Абсолютный максимум, °C 4,2 5,0 11,0 29,5 33,4 37,5 35,6 39,9 32,3 23,4 16,0 7,0 39,9
Кӹдӓлӓш максимум, °C −9,3 −8,7 −2,2 8,5 18,4 23,3 25,0 23,1 16,1 7,0 −1,4 −7,2 7,8
Кӹдӓлӓш температура, °C −12,9 −10,7 −5,1 4,3 12,6 16,6 18,8 16,6 10,6 3,1 −3,4 −9,5 3,7
Кӹдӓлӓш минимум, °C −16,4 −16 −9,9 0,1 7,4 12,0 14,2 12,5 7,2 0,7 −6,6 −13,4 −0,6
Абсолютный минимум, °C −46,8 −39,9 −31,7 −25,6 −6,5 −1,4 2,6 1,6 −6,5 −23,4 −36,6 −43,9 −46,8
Осадкывлӓн норма, мм 30 24 24 35 40 66 83 64 54 53 43 38 554
Источник: Климат
  • Мардежӹн ик иштӹшӹ покшал скоростьшы — секундышты 3.6 м
  • Южын ик иштӹшӹ покшал лывыргыжы — 75 %

Чувашиштӹ температурын шукы абсолютный минимумжок тӹлзӹ йӹде XX курымын регистрируялтыныт, дӓ 2 минимум — XIX курымын, а 3 абсолютный максимум кӹзӹтшӹ курымын тӹнгӓлтӹшеш вӓрештеш.

И Янв Фев Мар Апр Май Июн Июл Авг Сен Окт Ноя Дек
Абсолютный максимум 2001 1990 1937 1950 1921 1921 1971 2010 1951 1915 1998 2008
Абсолютный минимум 1942 1930 1963 1963 1918 1892 1926 1932 1996 1920 1890 1978

Халык

Суасламары кымдемӹн (Чувашин) картыжы
Тӹнг статья: Чувашиштӹ ӹлӹшӹ халык (руш) (мар.

Росстатын лӓктӹшӹжӹ велдӹк республикӹштӹ ӹлӹшӹ халыкын шотшы 1 167 061[6] эдем (2024). Халыкын вӓрлӓнӹмӹжӹ (плотность) — 63,62 эдем/км² (2024). Халашты ӹлӹшӹ халык — 64,95[35] % (2022).

Халыкын йишӹжӹ (этнический состав)

2002-шы ин эртӓрӹмӹ перепись семӹнь, республикӹштӹ 106 йиш халык ӹлен, суасламарывлӓ — кым лаштыкын коктыжы утла, рушынвлӓ — церпет (нӹлӹмшӹ) утла:

Халык 1926 и,
тӹж. эдем (*)		 1939 и,
тӹж. эдем (*)		 1959 и,
тӹж. эдем (*)		 1970 и,
тӹж. эдем (*)		 1979 и,
тӹж. эдем (*)		 1989 и,
тӹж. эдем (*)		 2002 и,
тӹж. эдем[36]		 2010 год
тыс. чел[37].
Суасламарынвлӓ 667,7 (74,7 %) 777,2 (72,2 %) 770,4 (73,0 %) 856,2 (70,0 %) 887,7 (68,4 %) 906,9 (67,8 %) 889,3 (67,7 %) 814,8 (67,7 %)
Рушынвлӓ 178,9 (20,0 %) 241,4 (22,4 %) 263,7 (24,0 %) 299,2 (24,5 %) 338,2 (26,0 %) 357,1 (26,7 %) 348,5 (26,5 %) 323,3 (26,9 %)
Тадарвлӓ 22,6 (2,5 %) 29,0 (2,7 %) 31,4 (2,9 %) 36,2 (3,0 %) 37,6 (2,9 %) 35,7 (2,7 %) 36,4 (2,8 %) 34,2 (2,8 %)
Мордвавлӓ 24,0 (2,7 %) 22,5 (2,1 %) 23,9 (2,2 %) 21,0 (1,7 %) 20,3 (1,6 %) 18,7 (1,4 %) 16,0 (1,2 %) 13,0 (1,1 %)

Суасламары кымдемӹштӹ ӹлӹшӹ шукы йиш халыквлӓм 2002-шы ин эртӓрӹмӹ перепись семӹнь тенге шеледӹмӹ[38]:

Самоидентификаци Шот (эдем) Процент шот
Суасламарынвлӓ 889 268 67,69 %
Рушынвлӓ 348 543 26,53 %
Тадарвлӓ 36 401 2,77 %
Мордвавлӓ 16 383 1,25 %
Украинецвлӓ 6 422 0,49 %
Марынвлӓ 3 600 0,27 %
Белорусвлӓ 1 881 0,14 %
Ӓрмӓнвлӓ 1 261 0,14 %
Азербайджанецвлӓ 857 0,07 %
Цигӓнвлӓ 751 0,06 %
Немӹцвлӓ 520 0,05 %

Суасламарынвлӓ цилӓ административно-территориальный единицӹвлӓштӹ шот доно сек шукын ылыт, лач республикӹн вадывел дӓ кечӹвӓлвел-вадывел монгырвлӓштӹшӹ кок районышты дӓ кок халашты тенге агыл. Алатырский районышты дӓ Шумерлӓштӹ суасламарынвлӓ рушынвлӓ гӹц чӹдӹрӓк ылыт, а Порецкий районышты дӓ Алатырьышты — рушынвлӓ гӹц дӓ мордвавлӓ гӹц.

Численность населения
1926[39]1928[40]1931[41]1933[42]1937[43]1959[44]
888 960↗903 300↗909 100↗958 500↗1 023 958↗1 097 859
1970[45]1979[46]1987[47]1989[48]1990[49]1991[50]
↗1 223 675↗1 292 486↗1 330 000↗1 336 066↗1 337 182↗1 339 822
1992[51]1993[52]1994[53]1995[54]1996[55]1997[56]
↗1 344 014↗1 347 818↘1 345 489↘1 345 431↘1 343 966↘1 341 946
1998[57]1999[58]2000[59]2001[60]2002[61]2003[62]
↘1 339 194↘1 338 819↘1 334 219↘1 327 743↘1 313 754↘1 311 737
2004[63]2005[64]2006[65]2007[66]2008[67]2009[68]
↘1 304 984↘1 299 306↘1 292 236↘1 286 239↘1 282 567↘1 279 359
2010[69]2011[70]2012[71]2013[72]2014[73]2015[74]
↘1 251 619↘1 250 518↘1 247 012↘1 243 431↘1 239 984↘1 238 071
2016[75]2017[76]2018[77]2019[78]2020[79]2021[80]
↘1 236 247↘1 235 863↘1 231 117↘1 223 395↘1 217 818↘1 186 909
2022[81]2023[82]2024[83]
↘1 183 908↘1 173 177↘1 167 061
250 000
500 000
750 000
1 000 000
1 250 000
1 500 000
1937
1989
1994
1999
2004
2009
2014
2019
2024

Экономика

Тӹнг статья: Чуваш Республикӹн экономикӹжӹ (руш) (мар.

Суасламары кымдем Йыл-Вичӹ (Волго-Вятский) экономический районышкы пыра.

Россий Федерацин молы субъектвлӓжӹ лошты республикӹн экономика монгыр виӓнгмӹжӹ сек анзыц кешӹвлӓ дон сек шайылны кодшывлӓ лошты покшал кытлаштырак ылеш. Регионышты ӹлӹмӓшлӓн ситӹшӓшлык ӓкӹн ВРП-жы российӹштӹшӹ дон тӓнгӓштӓрӹмӓштӹ 54 %-ӓн ылеш. Приволжский кымдемӹштӹ (округышты) тишец хударак лач Пензенский дӓ Кировский кымдемвлӓштӹ, дӓ эчежӹ пашкуды Йыл-Вичӹ (Волго-Вятский) районышкы пырышы республикӹвлӓштӹ (Мордови дӓ Мары Эл).

Сола хозанлык

2021-шӹ ин шартял тӹлзӹн (январь) 1-шӹ кечӹнжӹ сола халык — 438.920 эдем, тидӹ улы Суасламары кымдемӹн 36%-шӹ ылеш.

Суасламары кымдемӹн экономикӹштӹжӹ ВРП-ын сола хозанлык лаштыкшы Россий Федераци мычкы покшал кытла гӹц кок пачаш кӱшнӹрӓк шалга (9,4 дӓ 4,9 %), 31 % ВРП-ым промышленность пуэн шалга (Россий Федераци мычкы покшал кытла — 33,2 %).

2002-шы ин цилӓ монгырыштышы сола хозанлыкын пайдажы 45,1 млрд тӓнгӓ лин (мӱлӓндӹ пӓшӓн — 20,9 млрд тӓнгӓ), нӹнӹ лошты кушкыш (растениеводство) пайда — 23,2 млрд тӓнгӓ, вольык (животноводство) пайда — 21,9 млрд тӓнгӓ.

2010-шы, 2017-шӹ дӓ 2020-шы ивлӓн Суасламары кымдемӹн делегацижӹ «Шӧртньӹ шӹжӹ» российӹштӹшӹ агропромышленный выставкывлӓштӹ ӹшке пайда лӓктӹшӹжӹм анжыктен, шукы конкурсвлӓштӹ медӓльвлӓм сӹнген нӓлӹн[84][85][86].

Вольыкым куштымаш

2020-ин шартял тӹлзӹн 1-шӹ кечеш цилӓ улы сола хозанлыкышты 193,0 / 65,0 тӹжем вуй шотлалтын, нӹнӹ лошты 85,8 / 25,0 тӹжем ышкал, 143,8 / 114,2 тӹжем сасна, 148,3 / 1,2 тӹжем шарык дӓ кесӹ.

2019-шӹ ин ик ышкал гӹц шӹшерӹм шыпшылмаш покшал кытла 6121 килограмм (+10,5 %) лин. Шӹшерӓн племенной ышкалвлӓм урдымаш 10,3 тӹжем вуй лин, тидӹ 1,5 тӹжемеш шукырак. Племенной организацивлӓштӹ шӹшерӹм 71,2 тӹжем тонным шыпшылмы, тидӹ 2018-шӹ и доно тӓнгӓштӓрӹмӓштӹ 126,5 %. Ти сола хозанлыквлӓштӹ, улы сельхозорганизацивлӓм анжен, шӹшерӹн валовый шыпшылмаш 49 % (2018-шӹ и гӹц 6%-еш шукырак) ӹштӓлтеш. Тӹ жепӹнок ик ышкал гӹц шӹшерӹм шыпшылмашын покшал нӓрӹ кытлажы ик и мычкы 10,5%-еш кушкын дӓ 7414 килограмм лин[87].

Кушкышым куштымаш

2020-шы ин цилӓ категориӓн сола хозанлыквлӓштӹ 941 тӹжем тонн киндӹм (пӹрцӹм) нӓлмӹ, тидӹ анзыц лишӹ и доно тӓнгӓштӓрӹмӓштӹ 29,8%-еш шукырак. Ӓнпичӹ кушкышым 157 тӹжем тонным погымы, тидӹ 14,0%-еш шукырак. Тури дон мӱӓн ушманым 22,9%-еш дӓ 38,2%-еш чӹдӹрӓк постарымы. Киндӹ (пӹрцӹ) пайда 32,2 центнер (+19,3 %) лӓктӹшӓн лин. Ӓнпичӹ кушкыш пайда — 343,6 ц/га, тури пайда — 183,6 ц/га[88][89].

2019-шӹ ин Суасламары кымдемӹштӹ ӓнпичӹ кушкыш пайда 337,5 ц/га лин, тидӹ улы российӹштӹшӹ лӓктӹшӹн покшал кытлажы доно тӓнгӓштӓрӹмӓштӹ 59,3 ц/га-еш шукырак, а турин лӓктӹшӹжӹ улы российӹштӹшӹ лӓктӹшӹн покшал кытлажы доно тӓнгӓштӓрӹмӓштӹ 15,9 ц/га-еш шукырак[90].

Суасламары кымдемӹн мӱлӓндӹн дӓ климатшын айыртемжӹ ӓнпичӹ кушкышым дӓ турим куштымашлан келшен толыт, ти пӓшӓ республикӹн АПК-н виӓнгмӹжӹлӓн йӧнӓн ылеш. Российӹштӹ пашкуды дӓ молы регион доно тӓнгӓштӓрӹмӓштӹ, ти республика виш мӱлӓндӹштӹ кушкышвлӓм дӓ турим куштымы, тенгеок эчежӹ ӹшке ӓкшӹн кӱкшӹц шотышты анзылны кешӹвлӓ лошты шалга. Тенге гӹнят, 2021-шӹ ин кукшы игечӹвлӓ шалгымы велдӹк сола хозанлыкын лӓктӹшӹжӹ чӹдемӹн, киндӹн (пӹрцӹн) — 41%-еш вален, ӓнпичӹ кушкышвлӓн — 9,6%-еш вален, турин — 7%-еш чӹдемӹн. Ти жепӹнок леведмӹ (питӹрӹмӹ) мӱлӓндӹштӹ кушкышым куштымаш яжон виӓнгӹн. 2021-шӹ ин томатвлӓн лӓктӹш 1,5 пачаш кушкын, охырецӹн 20%-еш шукы лин[91].

«Борщевой набор» манмылан кушкышвлӓм куштымы пӓшӓ сӓндӓлӹкнӓн ик тӹнг продовольственный монгырым перегӹшӹ ядмаш ылеш. 2022-шы ин Суасламыры кымдемӹн сола хозанлык организацивлӓжӹ кушкышвлӓм шӹндӓшлӓн виш мӱлӓндӹн кымдыкшым 20%-еш когоэмденӹт, турим куштымы шотышты мӱлӓндӹм 4%-еш шаренӹт[92].

Суасламары кымдемӹштӹ мӧрӹм шӹндӹшӹ фермервлӓ приваялток миӓт. Ти пӓшӓн виӓнгмӹлӓн минсельхоз грантвлӓм пуа, 30 процентшӹм фермервлӓ ӹшкеок тӱлӓт. Мӧрӹм куштымы пӓшӓ кӱкшӹ тӱлетӓн ылеш: киндӹм (пӹрцӹм) кушташ гӹнь, 1 гектар гӹц иктӓ 60 тӹжем тӓнгӓм нӓлӓш лиэш, а мӧрӹм шӹндӹмӓш 10 миллион нӓрӹ оксам пуа, — Суасламары кымдемӹн сола хозанлык министржӹ келесен[93].

Ӱдӹмӹ кымдык:
год 1959 1990 1995 2000 2005 2010 2015
тыс. гектар 874[94] 799,9[95] 770,6 693,1[95] 551,3[96] 571,9 574,7[96]

Промышленность

Республикӹштӹшӹ промышленность тӹнг шотышты Шавашарышты (Чебоксарышты) дӓ Новочебоксарскышты вӓрлӓнен (ти агломераци промышленный продукцин кым нӹлӹмшӹжӹм пуа). ОАО «Промтрактор» — Российӹштӹ дӓ СНГ сӓндӓлӹквлӓштӹ икманяр завод, кыды нелӹ бульдозер-рыхлитель дӓ трубоукладка техникӹм ӹштӹмӹ шотышты мирвой предприятивлӓн нӹл лидер лошкы пыра. Предприятин лыкмы машинӓвлӓжӹ нефтегаз, горноруд дӓ стройымы отрасльвлӓштӹ кычылталтыт. Чебоксарыштышы приборостроительный завод (кӹзӹтшӹ официальный лӹмжӹ — Г. А. Ильенко лӹмӓн "ЭЛАРА «Научно-производственный комплекс» ОАО, молнамшы лӹмжӹ — " Элара «ЧНПП ОАО) — гражданский дӓ военный отрасльвлӓлӓн нелӹ электронный приборым лыкшы Российӹштӹшӹ кого предприяти. Предприятиштӹ производствын конверсим ӹштӓт, сакой у продукцим осваиваят: автомобиль промышленностьлан приборым йӓмдӹлӹмӓш, медицинский компьютерный томографым ӹштӹмӓш. „Чебоксар агрегат завод“ ОАО — Российӹштӹ автотракторный промышленный дӓ сельскохозяйственный техникылан запасной частявлӓм лыкмашты специализируялтшы промышленный предприяти. Трактор техникӹн ходовой системӹжӹлӓн запасной частявлӓм ӹштӹмӓштӹ Российӹштӹ лидер. „Чебоксар электроаппаратный завод“ питӹрӓлтшӹ (закрытый) акционерный общество („ЧЭАЗ“ ЗАО) — Российӹштӹ электротехнический профилян ик сек тошты дӓ сек кого предприяти. Виктӓрӓш низковольтный аппаратым, релейный перегӓлтмӓшӹн микропроцессорный устройствыжым дӓ электрический энергим 0,4 гыч 110 кВ якте напряженим пайылымы оборудованим ӹштен лыкшы предприяти. Электростанци дон подстанцивлӓлӓн, газокомпрессорный станцивлӓлӓн, газо-да нефтеперерабатывайышы заводлан, металлургический, машиностроительный предприятивлӓлӓн дӓ молыланат оборудовани келеш.

Новочебоксарскышты электроэнергетикӹн центржӹ — Чебоксарский ГЭС улы, тенгеок завод „Химпром“ — ӹшке отрасльыштышты Российӹштӹ ик сек кого. 2007-шӹ ин „Химпром“ ОАО „Ренова Оргсинтез“ холдингӹш пырталтын, химзавод негӹцеш кечӹ батарей модульвлӓм ӹштӓш технико-внедренческий зона ӹштӓлтеш.

Канашышты автоагрегатный дон вагоноремонтный заводвлӓ пӓшӓм ӹштӓт, Алатырьышты приборостроени завод улы, Шумерляштӹ автофургон дон спецавтомобильвлӓн производствым виктӓрӹмӹ.

Вурнар посёлкышты молнам военный хими завод пӓшӓм ӹштен, кӹзӹт тӹдӹн вӓрӹштӹ ярышы препаратвлӓн завод пӓшӓм ӹштӓ. Кодшы 20 муниципалитетлӓн промышленный производствын 6 процентшӹ веле вӓрештеш.

Регионышты миграци политика

2025-шӹ и 29-шӹ январь гӹц Чувашин властьшы мигрантвлӓлӓн ӓрӓкӓм торгейӓш, таксистеш ровотаяш, тымдымы дӓ спорт сферӹштӹ пӓшӓм ӹштӓш цӓрен. Цӓрӹмӓш Казахстанын, Арменин, Белоруссин дӓ Киргизин гражданвлӓжӹм, тенгеок кӱкшӹ квалификациӓн специалиствлӓ вӹкӹ ак вац, нӹнӹ Российӹштӹ разрешӓйӹшӹ документ гӹц пасна пӓшӓм ӹштӓш праваан ылыт. Пӓшӓм пушывлӓлӓн ӹшке компаништӹштӹ вескид сӓндӓлӹкӹштӹшӹ пӓшӓзӹвлӓн чотыштым 2025-шӹ и 1-шӹ апрель якте угӹц анжен лӓкмӹлӓ[97].

Транспорт

Республикӹн транспорт сетьшӹ автомобиль, кӹртнигорны дӓ воздушный транспорт доно анжыкталтын.

Инфраструктура дӓ связь

Телефони

  • „Ростелеком“
  • „NetByNet (WiFire)“ (2015 и якте „ЧебNet“)
  • „Инфанет-Орионет“
  • „Билайн“
  • „Эр-телеком“ („Дом. Ru“)
  • „Etherway“
  • „Энфорта“[98].

Сотовый связь

  • МТС (GSM/UMTS/LTE)
  • Билайн (GSM/UMTS/LTE)
  • Мегафон (GSM/UMTS/LTE)
  • Tele2 Россий (GSM/UMTS/LTE[99])
  • Yota (LTE)[100].

Почта

Россий Почта АО

Интернет

  • „Ростелеком“
  • „NetByNet (WiFire)“ (2015 и якте „ЧебNet“)
  • „Эр-телеком“ („Дом.Ru“)
  • „Инфолинк“
  • „Etherway“
  • „НКТВ“ („NovoNet“, „Аквилон“)
  • „Инфанет-Орионет“
  • „Энфорта“
  • „ВИП-технологи“[101].

Шулыкым перегӹмӓш

Чувашиштӹ шулыкым перегӹшӹ 4 федеральный учреждени дӓ республикӹн Шулыкым перегӹмӓшӹн Министерствыжын шулыкым перегӹшӹ 68 учрежденижӹ регистрацим эртенӹт[102], тӹштӹ 30 000 утла эдем пӓшӓм ӹштӓ, тӹ шотышток 5 тӹжем утла врач, 13 тӹжем нӓрӹ медицинский сестра дон шӱмбел дӓ 12 тӹжем утла эдем изирӓк медицинский персоналын пӓшӓзӹжӹ ылыт[103].

Тымдымаш дӓ наука

Тӹнг статья: Чувашиштӹ образовани (руш) (мар.

Чуваш Республикӹн Президентшӹн 2008-шӹ иӓш 21-шӹ марташ 25 №-ан Указшы доно пингӹдемдӹмӹ Чуваш Республикӹштӹшӹ тымдымашым виӓнгдӹмӹ стратегиштӹ 2040-шӹ и якте попалтын: „Кӹзӹт республикӹштӹ 344 чуваш, 177 руш, 17 тадар национальный школ шотлалтеш, 4 тӹнг тымдымы учреждеништӹ тыменьшӹвлӓ мордва йӹлмӹм тыменьӹт. Улы сеть тетявлӓн поликультурный пространствышты яжо образованим нӓлӓш ядмашыштым шокташ йӧнӹм пуа“[104].

Чувашин Тымдымы министерствыжын данныйвлӓжӹ семӹнь 2009-шӹ ин республикӹштӹ 65 % суасламары, 31 % руш, 3 % тадар йӹлмӹм тымдышы школвлӓ ылыныт. Туан йӹлмӹ семӹнь суасламары йӹлмӹм 344 суасламары школышты тымденӹт дӓ кугижӓншӹ йӹлмӹ семӹнь — кодшы 198 школышты. Суасламары, тадар национальный школвлӓштӹ 1-5 классвлӓштӹ туан йӹлмӹ доно тымденӹт[105].

Культура

Культура учрежденивлӓ

Театрвлӓ[106]:

  • К. В. Иванов лӹмӓн Чуваш кугижӓншӹ академический драма театр
  • Чуваш кугижӓншӹ опера дӓ балет театр
  • Шавашар (Чебоксары) халан Кугижӓншӹ Руш драма театржы
  • М. Сеспель лӹмӓн Чуваш кугижӓншӹ сӓмӹрӹк анжышын театржы
  • Чуваш кугижӓншӹ поханя театр
  • Аликово халык театр

Библиотекӹвлӓ[106]:

  • Чувашин Культура Министерствын „Чуваш Республикӹн Национальный библиотекӹжӹ“
  • Чуваш республикӹштӹшӹ тетя-сӓмӹрӹк библиотека
  • Чуваш Республикӹн БУ „Л. Н. Толстой лӹмӓн Чуваш республикӹштӹшӹ специальный библиотека“

Музейвлӓ[107]:

  • Чуваш национальный музей, тенгеок тӹдӹн филиалвлӓжӹ:
  • К. В. Иванов лӹмӓн Литературный музей (Шавашар);
  • М. Сеспельӹн музейжӹ (Шавашар);
  • В. И. Чапаевӹн музейжӹ (Шавашар);
  • А. Г. Николаевӹн космонавтика музейжӹ Шоршелы солашты
  • Ибреси этнографи музей;
  • Чуваш кугижӓншӹ художественный музей;
  • Чуваш Республикӹн воинский лӹмлештӓрӹмӓш музейжӹ;
  • Алатырьский краеведени музей;
  • Аликовский район литературно-краеведческий музей
  • Мариинский Посад районын краеведческий музейжӹ;
  • М. С. Спиридоновын мемориальный музей-ватержӹ;
  • Н. И. Лобачевскийӹн Пӧрт-музейжӹ (Козловка)
  • Геологи музей (Шавашар);
  • Кӹзӹтшӹ искусствын центржӹ (Шавашар);
  • Сыра музей (Шавашар);
  • Новочебоксарский художественный музей;
  • Гидроэнергетика музей (Новочебоксарск хала).

Кухня

Тӹнг статья: Суасламары качкыш (руш) (мар.

Сем

Тӹнг статья: Суасламары сем (руш) (мар.

Литература

Тӹнг статья: Суасламары литература (руш) (мар.

Творческий ушемвлӓ: Суасламары писатель ушем (руш) (мар.

СМИ

  • Республикӹштӹшӹ СМИ:
  • „Советская Чувашия“ — кечӹ йӹде лӓкшӹ общественно-политический газет;
  • „Хыпар“ — кечӹ йӹде лӓкшӹ суасламары газет;
  • „Тӑван Атӑл“ — литературный суасламары журнал.
  • Ҫамрӑксен хаҫачӗ;
  • Хресчен сасси;
  • Тӑван Атӑл;
  • Капкӑн;
  • ЛИК;
  • Вести Чувашии;
  • Чуваш республикӹн иктӹш цымырен лыкмы законодательствыжы;
  • Тантӑш;
  • Самант;
  • Грани;
  • „Ялав“;
  • Канаш»
Радио
  • Чувашин национальный радиожы;
  • Россий Радио-Чуваши Радио;
  • Тӑван Радио (Чебоксар, Новочебоксарск)
  • Туан Корны Радио
  • Радио Дача (105 дӓ 7 ФМ)
Телевидени
  • «Чуваши» ГТРК" ВГТРК ФГУП-ын филиалжы;
  • Чувашин национальный телерадиокомпанижӹ;
  • ЮТВ Телеканал (общероссийский Ю телеканал дӓ ЮТВ Холдинг медиахолдинг доно лыгаш агыл)
  • «Теле» телеканал

Спорт

  • Футбол доно Чувашин чемпионатшы

Примечани

  1. ↑ Формирование Чувашской автономии | Официальный портал органов власти Чувашской Республики. Архивируйымы 10 октябрьын 2019 года.
  2. ↑ https://data.iana.org/time-zones/tzdb-2021e/europe
  3. ↑ Валовой региональный продукт по субъектам Российской Федерации в 1998-2018гг. (руш.) (xls). Росстат.
  4. ↑ Валовой региональный продукт по субъектам Российской Федерации в 1998-2018гг. (руш.) (xls). Росстат.
  5. ↑ Валовой региональный продукт по субъектам Российской Федерации в 1998-2018гг. (руш.) (xls). Росстат.
  6. ↑ 1 2 Оценка численности постоянного населения на 1 января 2024 г. и в среднем за 2023 г. и компоненты её изменения. Федеральная служба государственной статистики (руш.) (22 мартын 2024). Тергӹмӹ кечӹ: 25 мартын 2024.
  7. ↑ Конституция Чувашской Республики, ст. 8.
  8. ↑ Калуцкова Н.Н., Горячко М.Д. и др. Чувашия / председ. Ю.С. Осипов и др.. — Большая Российская Энциклопедия (в 30 т.). — Москва: Научное издательство «Большая российская энциклопедия», 2017. — Т. 34. Хвойка - Шервинский. — С. 631—637. — 797 с. — 35 000 экз. — ISBN 978-5-85270-372-9.
  9. ↑ Чувашия // Ф. Л. Агеенко Словарь собственных имён русского языка : словарь. — М.: «Мир и Образование», 2010. Архивировано 17 июньын 2021 года.
  10. ↑ Конституция Чувашской Республики (принята Государственным Советом Чувашской Республики 30 ноября 2000 г.) / Глава 1. Основы конституционного строя Чувашской Республики (ст.ст. 1 - 13) (руш.). constitution.garant.ru. Тергӹмӹ кечӹ: 14 январьын 2026.
  11. ↑ Конституция Российской Федерации. Ст. 5, пп. 1, 2
  12. ↑ Конституция Чувашской Республики. Статья 8. Архивируйымы 16 декабрьын 2005 года.
  13. ↑ 1 2 Конституция Чувашской Республики. Статья 10. Архивируйымы 16 декабрьын 2005 года.
  14. ↑ Писцовая книга Казанского уезда 1602—1603 годов: публ. текста / Сост. Р. Н. Степанов, статьи Ермолаева И. П., Степанова Р. Н. — Казань : Изд-во Казан. ун-та, 1978. — С. 17—18.
  15. ↑ Татары. — М.: Наука, 2001. — С. 104—105.
  16. ↑ Комиссаров Г. И. Чуваши Казанскаго Заволжья. // Извѣстія общества археологіи, исторіи и этнографіи при Императорскомъ Казанскомъ университетѣ. Т. XXVII, вып. 5. — Казань: Типо-литографія Императорскаго Университета, 1911. — С. 323.
  17. ↑ Декрет ВЦИК от 21.04.1925. Тергӹмӹ кечӹ: 16 февральын 2019. Архивировано из оригинала 16 февральын 2019 года.
  18. ↑ В феврале 1918 года национальный съезд мари принял решение об отмене наименования «черемисы» ввиду его ненационального происхождения и замене его историческим национальным самоназванием «марий» (Образование Марийской автономной области — Йошкар-Ола, 1966. — С. 39)
  19. ↑ Денисов П. В. Этнокультурные параллели дунайских болгар и чувашей / авт. предисл. И. Д. Кузнецов. — Чебоксары: Чуваш. кн. изд-во, 1969. — 176 с.: рис.
  20. ↑ Закон РСФСР от 24 мая 1991 г. «Об изменениях и дополнениях Конституции (Основного Закона) РСФСР». Архивируйымы 22 августын 2025 года.
  21. ↑ Закон ЧР от 13.02.1992 «Об изменении наименования Чувашской Советской Социалистической Республики». Тергӹмӹ кечӹ: 1 февральын 2010. Архивировано из оригинала 26 январьын 2012 года.
  22. ↑ Переименование Чувашской Республики в «Республику Чувашия — Волжскую Болгарию» считаем необоснованным и нецелесообразным
  23. ↑ Чувашские историки и писатели просят переименовать республику в Волжскую Болгарию. Архивируйымы 29 апрельӹн 2013 года.
  24. ↑ Ученые предложили переименовать Чувашию в Волжскую Болгарию. Архивируйымы 1 ноябрьын 2012 года.
  25. ↑ Чувашская интеллигенция предлагает переименовать регион в Волжскую Болгарию. Архивируйымы 12 июльын 2025 года.
  26. ↑ Рассмотрев Ваше коллективное обращение о переименовании Чувашской Республики
  27. ↑ Конституция Чувашской Республики. Архивируйымы 7 июльын 2022 года.
  28. ↑ 1 2 Численность постоянного населения Российской Федерации по муниципальным образованиям на 1 января 2024 года. Федеральная служба государственной статистики (руш.) (27 апрельӹн 2024). Тергӹмӹ кечӹ: 2 майын 2024.
  29. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (XLSX).
  30. ↑ Карта района. Чебоксарский район Чувашской Республики. Тергӹмӹ кечӹ: 23 февральын 2011. Архивировано из оригинала 6 августын 2011 года.
  31. ↑ Численность населения районов Чувашской Республики (руш.). Тергӹмӹ кечӹ: 23 мартын 2015. Архивируйымы 9 сентябрьын 2015 года.
  32. ↑ Электоральный паспорт Янтиковского сельского поселения (руш.). Тергӹмӹ кечӹ: 10 октябрьын 2015. Архивируйымы 29 июньын 2016 года.
  33. ↑ Статья в газете "Ведомости Чувашской республики. Архивируйымы 29 декабрьын 2021 года.
  34. ↑ Озеро Тени в Чувашской Республике (руш.). Культура.РФ. Тергӹмӹ кечӹ: 20 июньын 2025. Архивируйымы 25 июльын 2025 года.
  35. ↑ Численность населения по полу по субъектам Российской Федерации на 1 января 2022 года (с учётом итогов Всероссийской переписи населения 2020 г.). Федеральная служба государственной статистики (руш.) (30 декабрьын 2022). Тергӹмӹ кечӹ: 16 январьын 2023.
  36. ↑ Всероссийская перепись населения 2002 года. web.archive.org. Тергӹмӹ кечӹ: 14 январьын 2026.
  37. ↑ Информационные материалы об окончательных итогах Всероссийской переписи населения 2010 года. Архивируйымы 12 январьын 2012 года.
  38. ↑ Всероссийская перепись населения 2002 года. Национальный состав населения по регионам России. Архивируйымы 9 июньын 2023 года.
  39. ↑ http://docs.historyrussia.org/ru/nodes/47581-vsesoyuznaya-perepis-naseleniya-1937-goda-obschie-itogi#mode/inspect/page/64/zoom/4.
  40. ↑ http://istmat.info/node/20228.
  41. ↑ http://istmat.info/files/uploads/17630/sssr_ad-ter_delenie_1931_rsfsr.pdf.
  42. ↑ http://istmat.info/files/uploads/53487/adm._delenie_sssr_1934.pdf.
  43. ↑ http://docs.historyrussia.org/ru/nodes/47581-vsesoyuznaya-perepis-naseleniya-1937-goda-obschie-itogi#mode/inspect/page/64/zoom/4.
  44. ↑ https://web.archive.org/web/20131019131830/http://demoscope.ru/weekly/ssp/rus59_reg1.php.
  45. ↑ https://web.archive.org/web/20131019131839/http://demoscope.ru/weekly/ssp/rus70_reg1.php.
  46. ↑ http://demoscope.ru/weekly/ssp/rus79_reg1.php.
  47. ↑ https://www.webcitation.org/6ibsmTCzx.
  48. ↑ https://web.archive.org/web/20111010033657/http://demoscope.ru:80/weekly/ssp/rus89_reg1.php.
  49. ↑ http://www.fedstat.ru/indicator/data.do?id=31557.
  50. ↑ http://www.fedstat.ru/indicator/data.do?id=31557.
  51. ↑ http://www.fedstat.ru/indicator/data.do?id=31557.
  52. ↑ http://www.fedstat.ru/indicator/data.do?id=31557.
  53. ↑ http://www.fedstat.ru/indicator/data.do?id=31557.
  54. ↑ http://www.fedstat.ru/indicator/data.do?id=31557.
  55. ↑ http://www.fedstat.ru/indicator/data.do?id=31557.
  56. ↑ http://www.fedstat.ru/indicator/data.do?id=31557.
  57. ↑ http://www.fedstat.ru/indicator/data.do?id=31557.
  58. ↑ http://www.fedstat.ru/indicator/data.do?id=31557.
  59. ↑ http://www.fedstat.ru/indicator/data.do?id=31557.
  60. ↑ http://www.fedstat.ru/indicator/data.do?id=31557.
  61. ↑ https://web.archive.org/web/20120203125040/http://www.perepis2002.ru/ct/doc/1_TOM_01_04.xls.
  62. ↑ http://www.fedstat.ru/indicator/data.do?id=31557.
  63. ↑ http://www.fedstat.ru/indicator/data.do?id=31557.
  64. ↑ http://www.fedstat.ru/indicator/data.do?id=31557.
  65. ↑ http://www.fedstat.ru/indicator/data.do?id=31557.
  66. ↑ http://www.fedstat.ru/indicator/data.do?id=31557.
  67. ↑ http://www.fedstat.ru/indicator/data.do?id=31557.
  68. ↑ http://www.fedstat.ru/indicator/data.do?id=31557.
  69. ↑ https://web.archive.org/web/20130906112443/http://www.gks.ru/free_doc/new_site/perepis2010/croc/Documents/Vol1/pub-01-11.xlsx.
  70. ↑ http://www.fedstat.ru/indicator/data.do?id=31557.
  71. ↑ http://web.archive.org/web/20130516092833/http://www.gks.ru/free_doc/doc_2012/bul_dr/mun_obr2012.rar.
  72. ↑ http://www.gks.ru/free_doc/doc_2013/bul_dr/mun_obr2013.rar.
  73. ↑ https://web.archive.org/web/20140810202114/http://www.gks.ru/free_doc/doc_2014/bul_dr/mun_obr2014.rar.
  74. ↑ https://web.archive.org/web/20150923180801/http://www.gks.ru/free_doc/doc_2015/bul_dr/mun_obr2015.rar.
  75. ↑ http://www.gks.ru/free_doc/new_site/population/demo/Popul2016.xls.
  76. ↑ http://web.archive.org/web/20170731141731/http://www.gks.ru/free_doc/doc_2017/bul_dr/mun_obr2017.rar.
  77. ↑ http://www.gks.ru/free_doc/doc_2018/bul_dr/mun_obr2018.rar.
  78. ↑ http://www.gks.ru/free_doc/doc_2019/bul_dr/mun_obr2019.rar.
  79. ↑ https://web.archive.org/web/20200822004543/https://rosstat.gov.ru/storage/mediabank/CcG8qBhP/mun_obr2020.rar.
  80. ↑ https://rosstat.gov.ru/storage/mediabank/Tom1_tab-5_VPN-2020.xlsx.
  81. ↑ https://rosstat.gov.ru/storage/mediabank/chisl_RF_01-01-2022_VPN-2020.xls.
  82. ↑ https://rosstat.gov.ru/storage/mediabank/Bul_MO_2023.xlsx.
  83. ↑ https://rosstat.gov.ru/storage/mediabank/OkPopul_Comp2024_Site.xlsx.
  84. ↑ Чувашские аграрии на “Золотой осени-2010” (руш.). www.grani21.ru. Тергӹмӹ кечӹ: 25 ноябрьын 2024.
  85. ↑ В Москве прошла 19-я Российская агропромышленная выставка «Золотая осень-2017» (руш.). Государственная ветеринарная служба Чувашской Республики (9 октябрьын 2017). Тергӹмӹ кечӹ: 18 ноябрьын 2024.
  86. ↑ Объявлены победители конкурса «За производство высококачественных кормов и кормовых добавок» - Золотая осень, Золотая осень - Выставка (8 октябрьын 2020). Дата обращения: 14 ноябрьын 2024.
  87. ↑ Средний надой молока от 1 коровы в 2019 году составил 6121 кг. Архивируйымы 15 декабрьын 2024 года.
  88. ↑ Ход уборочной кампании 2020 в РФ по областям. Архивируйымы 16 августын 2025 года.
  89. ↑ Чувашстат Сельское хозяйство. Архивируйымы 27 мартын 2023 года.
  90. ↑ Минсельхоз России. Показатели урожайности картофеля и овощей в Чувашии выше средних по стране. Архивируйымы 15 февральын 2022 года.
  91. ↑ В Чувашии в 2021 году из-за засухи произошло снижение объёма производства продукции сельского хозяйства. 17.01.2022. Архивируйымы 15 февральын 2022 года.
  92. ↑ Минсельхоз ЧР. В Чувашии в 2022 году будут увеличены посевные площади под овощами открытого грунта и картофелем 25.01.2022. Архивируйымы 8 декабрьын 2023 года.
  93. ↑ В Чувашии начали активно развивать ягодоводство 27.07.2021. Архивируйымы 5 июльын 2022 года.
  94. ↑ Основные показатели сельского хозяйства по республикам, краям и областям // Сельское хозяйство СССР. Статистический сборник (1960). — Москва: Госстатиздат ЦСУ СССР, 1960. — С. 500. — 667 с. — 10 000 экз.
  95. ↑ 1 2 Госкомстат России. Растениеводство. 14.1 Посевные площади всех культур // Регионы России. Социально экономические показатели. 2002. — Москва, 2002. — С. 490. — 863 с. — 1600 экз. — ISBN 5-89476-108-5. Архивированная копия. Тергӹмӹ кечӹ: 28 ноябрьын 2019. Архивировано из оригинала 19 апрельӹн 2019 года.
  96. ↑ 1 2 Федеральная служба государственной статистики. Растениеводство. 14.5 Посевные площади сельскохозяйственных культур // Регионы России. Социально экономические показатели. 2016. — Москва, 2016. — С. 726. — 1326 с. — ISBN 978-5-89476-428-3.
  97. ↑ В Чувашии мигрантам запретили работать в такси и сфере образования. ТАСС (29 январьын 2025). Тергӹмӹ кечӹ: 29 январьын 2025. Архивируйымы 29 январьын 2025 года.
  98. ↑ Проводная телефония Чувашии. Архивируйымы 26 сентябрьын 2025 года.
  99. ↑ Tele2. Tele2 запустила сеть 4G в Чебоксарах и Новочебоксарске : Чувашская Республика : Tele2 Россия (руш.). web.archive.org. Тергӹмӹ кечӹ: 14 январьын 2026.
  100. ↑ Сотовая связь Чувашии. Архивируйымы 26 сентябрьын 2025 года.
  101. ↑ Провайдеры Чувашии. Архивируйымы 26 сентябрьын 2025 года.
  102. ↑ http://www.it-serv.ru. Лечебно-профилактические учреждения Чувашии. web.archive.org. Тергӹмӹ кечӹ: 14 январьын 2026.
  103. ↑ http://www.it-serv.ru. Врачи Чувашии. web.archive.org. Тергӹмӹ кечӹ: 14 январьын 2026.
  104. ↑ Указ Президента Чувашской Республики от 21.03.2008 № 25 «О Стратегии развития образования в Чувашской Республике до 2040 года». Архивируйымы 21 сентябрьын 2012 года.
  105. ↑ Эксперты ЮНЕСКО отнесли чувашский язык к исчезающим. Архивируйымы 14 августын 2025 года.
  106. ↑ 1 2 Краски Чувашии (руш.). web.archive.org. Тергӹмӹ кечӹ: 14 январьын 2026.
  107. ↑ Краски Чувашии (руш.). web.archive.org. Тергӹмӹ кечӹ: 14 январьын 2026.

Литература

Ссылкывлӓ

«https://mrj.ruwiki.ru/w/index.php?title=Суасламары_Республика&oldid=245334» гӹц нӓлмӹ