15 май

← → Май
Шч Кш Вр Из Кг Кк Рш         1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шага тӹлзӹн 15-шӹ кечӹжӹ (15 май) — григорианский календарь семӹнь ин 135-шӹ (кужемдӹмӹ ивлӓн — 136-шы) кечӹжӹ. Идӓлык пӹтӹмӹ якте 230 кечӹ кодеш.

Йошкар-Олашты ☀️ Кечӹ 3 цӓш 36 минутын лӓктеш, 20 цӓш 0 минутын шӹнзеш. Кечӹн кужыцшы 🕒 16 цӓш 24 минут.
🌘 Тошты тӹлзӹ (27.96 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

• Тенгеок анжы: Категори:15 майын айовлӓ
•  — Совесть гишӓн военный служба гӹц карангшын международный кечӹжӹ (руш. Международный день отказника от военной службы по убеждениям совести).
•  — Климатын международный кечӹжӹ (руш. Международный день климата).
•  ООН — Семнявлӓн международный кечӹ (руш. Международный день семей).
•  Армени — Семнян кечӹжӹ (руш. День семьи).
•  Иран — Персидский йӹлмӹн кечӹжӹ (руш. День персидского языка).
•  Корей Республика — Тымдышын кечӹжӹ (руш. День учителя).
•  Осети — Осетинский йӹлмӹн дӓ литературын кечӹ (руш. День осетинского языка и литературы).
•  Палестина Кугижӓншӹ — Накба кечӹ — палестинский беженвлӓм ӓшӹндӓрӹмӹ кечӹ (руш. День Накба — день памяти о палестинских беженцах).
•  Парагвай — Ирӹкӓн лимӹ кечӹ (руш. День независимости).

Лӹм кечӹ

• Православный лӹмвлӓ: Афанасий, Борис, Глеб, Зоя, Михаил, Роман, Давид.
• Католический лӹмвлӓ: Иоланта, Эрик — Шнуй Эрикын кечыже.

Лиӓлтмӓшвлӓ

Тенгеок анжы: Категори:15 майын лиӓлтмӓшвлӓ

• 1484 — Москваштышы Кремльӹштӹ Благовещенский соборым ӹштӓш тӹнгӓлмӹ.
• 1618 — Немӹц астроном Иоганн Кеплер планетывлӓн тӓрвӓнӹлмӹштӹн законвлӓм пачын.
• 1846 — Санкт-Петербургышты Императорский Руш археологи ушемӹм пачмы.
• 1867 — Российӹштӹ император Александр II Шушыргышы дӓ ясы салтаквлӓм анжышы обществын уставшым пингӹдемден; 1879 и гӹц — Российӹштӹшӹ Якшар Хрестӹ общество.
• 1883 — Российӹштӹ раскольник-старообрядецвлӓ гишӓн законым лыкмы.
• 1905 — США-шты Невада штатышты Лас-Вегас халам ӹштӹмӹ.
• 1918 — Москвашты пӹтӓришӹ халык музыка школ пачылтеш.
• 1928 — «Crazy Plane» мультфильмӹштӹ Микки Маус мультфильм герой пӹтӓришӹ гӓнӓ лӓктеш, но анзыц тӹдӹ юкдымы ылын дӓ анзыкылашы ӹшкежӹ доно иканьышты чӹдӹ ылын.
• 1940 — США-шты нейлон цылкавлӓм выжалаш тӹнгӓлӹнӹт.
• 1970 — Международный олимпийский комитет ЮАР-ым тӓнгӓшӹмӓш гӹц тӹштӹ апартеид политикӹм эртӓрӹмӹжӹ гишӓн карангден.
• 2010 — 16 иӓш австралийка Джессика Уотсон мир йӹр ӹшкетшӹ ин каштшы сек сӓмӹрӹк яхтсменка лин.

Шачыныт

Тенгеок анжы: Категори:15 майын шачшывлӓ

• 1925 — Эшпай, Андрей Яковлевич, Советский Союз дӓ Россий кӱкшӹцӓн композитор, пианист, тымдышы, общественный пӓшӓзӹ. СССР-ӹн халык артистшӹ (1981)[9] Ленин премин (1986) дӓ СССР-ӹн Кугижӓншӹ премижӹн (1976) лауреат. Кого Ӓтямӱлӓндӹ вырсын ветеранжы.
• 1931 — Виталий Иосифович Романов, советский сола хозанлык, кугижӓншӹ дӓ политикӹштӹшӹ пӓшӓзӹ. Кырык мары районыштышы Кӱшӹл Солаволкы солаэш шачын.
• 1935 — Иван Григорьевич Иванов, мары йӹлмӹзӹ, учёный, филологи наукывлӓн доктор (1975), профессор (1981), Россий Федерацин кӱшӹл школын заслуженный пӓшӓзӹжӹ (2002), Мары АССР-ын наукын заслуженный пӓшӓзӹжӹ (1979), Финн-угр ушемӹн членжӹ (1983, Финлянди), М. А. Кастрен лӹмӓн ушемӹн членжӹ (1990), Гуманитарный наукывлӓн Академин действительный членжӹ, академик (1994), Эстон Республикӹн 4-шӹ степенян «Маарьямаа хрестӹ» орденӹн кавалержӹ (2006), Мары Эл Республикӹн М. Н. Янтемир лӹмӓн кугижӓншӹ премин лауреатшы (2011).
• 1968 — Юрий Петрович Русанов, мары сирӹзӹ, тележурналист, диктор, культурный дӓ общественный пӓшӓзӹ, Мары Эл Республикӹн культурын заслуженный пӓшӓзӹжӹ (2009), Мары Эл Республикӹн Олык Ипай лӹмеш кугижӓншӹ сӓмӹрӹквлӓн премин лауреатшы (1998), М. Шкетан лӹмӓн мары халык драма театрын директоржын вашталтышыжы – Сӓмӹрӹквлӓн мары театрын вуйлатышыжы (2002–2007), Мары йӓл кӓнгӓш вуйлатышын вашталтышыжы (2008–2015), Мары Эл Республикӹн Общественный палатын членжӹ (2009–2015), М. Шкетан лӹмӓн мары халык драма театрын директоржы (2007–2015).
• 1974 — Светлана Ивановна Никитина, Мары Эл Республикӹн халык артисткӹжӹ. Пӓшӓ корныжы Сӓмӹрӹквлӓн мары театр доно кӹлдӓлтӹн.
• 1992 — Эльфис Гараев, российӹштӹшӹ артист, музыкант, композитор дӓ «Элвин Грей» музыкальный лейблын тӹмӹрзӹжӹ. Мырывлӓм марла, рушла дӓ тадарла мыра, сем аранжировка дӓ творчество пӓшӓм пыт ӹштӓ.

Коленӹт

Тенгеок анжы: Категори:15 майын колышывлӓ

• 2004 — Алеко Юзыкайн, мары сирӹзӹ, журналист, общественный пӓшӓзӹ. СССР Журналиствлӓ ушемӹн членжӹ.
• 2014 — Майя Тимофеевна Романова, мары театрын актриса. РСФСР-ын заслуженный журналистшӹ (1969).

Халык пӓлӹ

• Шӹжвӹк йыдвашт мыра — аяран кечӹлӓн.
• Вадын лыпш вазеш — аяран кечӹм сӧрӓ.

Примечани