Гараев, Эльфис Фаритович

Эльфиc Гараев
Эльфиc Гараев
Тӹнг увер
Тӹрӹс лӹм	Эльфис Фаритович Гараев
Шачмы кечӹ	1992 и 15 май (34 и)
Шачмы вӓр	Россий, Мары ССР, Параньга район, Параньга
Сӓндӓлӹк	Россий;
Професси	музыкант, композитор
Лейбл	Элвин Грей

Эльфис Гараев (тӹрӹс лӹмжӹ — Гараев Эльфис Фаритович; шач. 15 май 1992, Параньга^[d], Мары АССР^[d]) — российӹштӹшӹ артист, музыкант, композитор дӓ «Элвин Грей» музыкальный лейблын тӹмӹрзӹжӹ. Мырывлӓм марла, рушла дӓ тадарла мыра, сем аранжировка дӓ творчество пӓшӓм пыт ӹштӓ.

Ӹлӹмӓш корныжы

Эльфис Гараев Мары Эл Республикӹштӹшӹ Параньга посёлкышты шачын. Изи годшы жеп гӹцок творчество дӓ музыка докы кымылжы лӓктӹн — тиштӹ ӓвӓжӹ, мырызы Зинера Гараева, чӹдӹ агыл палшен, виктӓрен шалген. Школышты тыменьмӹжӹ годымок Эльфис творческий, музыкальный дӓ спорт мероприятивлӓштӹ активнын участвуен, тенге ӹшкӹмжӹм анзыкылашы артист семӹнь виӓнгден шалген.

9-шӹ класс паштек профессиональный технический училищӹш тыменяш пырен^[1], тӹштӹ механизатор специальностьым нӓлӹн дӓ «B» категориӓн водитель правам нӓлӹн. 2010 ин Йошкар-Олашты И. С. Палантай лӹмӓн культура дӓ искусство колледжӹш (руш) (мар. балалайка класс дене тыменяш тӹнгӓлӹн, но, кым тӹлзӹ эртӹмӹкӹ, тӹдӹм армиш нӓлӹнӹт. Службым Мурманск областьыштышы Североморск халашты ВВС войскашты эртен, тӹштӹ радиотелеграфист профессим нӓлӹн.

Арми паштек пакыла тыменьӹн дӓ ти жепӹнок «Мары Эл» кугижӓншӹ куштымаш ансамбльышты (руш) (мар. тӹмӹрзӹн пӓшӓм ӹштен^[1]. 2014 ин немецкий Ольденбург халашты «Чӹдӹ чотан халыквлӓн Евровидеништӹ» международный фестивальын участникшӹ лин, тӹдӹ Мары Эл Республика гӹц толшы музыкантвлӓн командышты дӓ солистка Марина Садова доно иквӓреш выступаен.

2015 инколледжым тӹмень пӹтӓрен дӓ Казаньыш ӹлӓш ванжен, тӹштӹ Казаньыштышы кугижӓншӹ культура институтын (руш) (мар. эстрада-джаз музыкын отделениш (ударный инструментвлӓ) тыменяш пырен. 2016 ин «Oscar band» группын тӹмӹрзӹжӹ семӹнь Григорий Лепсын «Высшая проба» проектӹштӹжӹ участвуен, тӹштӹ Российӹн сек яжо музыкантвлӓм айыренӹт. Вара творческий карьерӹштӹжӹ у этап тӹнгӓлӹн: Эльфис ӹшкеок музыкым сирӓш, авторский композицивлӓ доно выступаяш тӹнгӓлын дӓ «Эльфис» ансамбльым цымырен. Ансамбль доно 2017 ин Вагаповский фестивальышты участвуен.

2018 и гӹц — Элвин Грей (руш) (мар. лейблын соок ылшы тӹмӹрзӹжӹ, гастроль доно каштеш, кым йӹлмӹ доно музыкым дӓ мырым всирӓ: марла, рушла дӓ тадарла.

2025 ин сентябрьын музыкант Артур Пирожковын дӓ Элвин Грейӹн «Шӱмӹм шыпшшы ӹдӹрӓмӓш» («руш. Женщина-магнит») у клипӹштӹштӹ снимаялтын. Съёмка Азанышты эртен. Видеороликӹштӹ тӹдӹ тӹмӹр доно шакта^[2].

Семня

2021 ин Регина Гараевам марлан нӓлӹн. 2023 ин нӹнӹн Даниэль лӹмӓн эргӹштӹ шачын.

Наградывлӓ

Мары Эл Республикӹн Культура, печать дӓ халыквлӓ лоштышы пӓшӓ шотышты министерствын «Музыкальный искусствышты творческий сӹнгӹмӓшӹш шомы гишӓн» благодарность (2024 ий 25 март);
Мишкан муниципальный районыштышы администрацин «Яжон мыштен шоктымы дӓ профессионализм гишӓн, халыквлӓ лоштышы тырым дӓ келшӹмӓшӹм пингӹдемдӹмӓштӹ, мары калыкын культурыжым, духовный традицижӹм переген кодымашты дӓ виӓнгдӹмӓштӹ» тау шамакан сирмӓш (2024 ий 8 сентябрь);
Мары Эл Республикӹн Кугижӓншӹ Погынымашыжын «халыквлӓ лоштышы кӹлӹм пингӹдемдӹмӓшкӹ, культурым дӓ искусствым виӓнгдӹмӓшкӹ ӹшке кого вкладым пиштӹмӹ гишӓн» благодарность (2024 и 10 декабрь).

Дискографи

1. 2021 — Ӓлдӓ, тӓнг, иквӓреш кушташ^[3]
№	Вуйшамак	Жеп
1.	«Шӓлӓ»	2:45
2.	«Марий Эл — мой край родной / кырык мар. Мары Эл — шачмы кымдемем»	4:05
3.	«Пӧртӹлӓм токем»	3:28
4.	«Ош шӓргӓшвуй»	3:03
5.	«Кечӹ лӓктеш, анжалеш»	2:45
6.	«Мӓ — кок планета»	3:16
7.	«Марлан лӓк мӹлӓм»	3:42
8.	«Ӓлдӓ, тӓнг, иквӓреш кушташ»	2:28

2. 2023 — Шӱмӹшкем лӱэт^[4]
№	Вуйшамак	Жеп
1.	«Интро»	0:48
2.	«Ӹлӹмӓш»	2:46
3.	«Шачмы кечӹ»	3:09
4.	«Ӓви»	4:00
5.	«Кӱ техень»	2:43
6.	«Мӹньӹн ир яратымаш»	3:54
7.	«Веселӓн»	2:37
8.	«Пау, пау, пау...»	3:16

Примечани

↑ ¹ ² В мире марийской музыки зажглась новая звезда Эльфис Гараев(неопр.). ВК Видео. Тергӹмӹ кечӹ: 18 ноябрьын 2025.
↑ Данилов Святослав. Артист из Параньги снялся в клипе Артура Пирожкова о совершенной женщине, Про Город Йошкар-Ола (25 сентябрьын 2025). Дата обращения: 18 ноябрьын 2025.
↑ Айда, Йолташ, пырля кушташ (неопр.). vk.com. Тергӹмӹ кечӹ: 18 ноябрьын 2025.
↑ Шӱмышкем лӱет (неопр.). vk.com. Тергӹмӹ кечӹ: 18 ноябрьын 2025.

Ссылкывлӓ

[интервью-1] ¹ ² В мире марийской музыки зажглась новая звезда Эльфис Гараев(неопр.). ВК Видео. Тергӹмӹ кечӹ: 18 ноябрьын 2025.

[2] Данилов Святослав. Артист из Параньги снялся в клипе Артура Пирожкова о совершенной женщине, Про Город Йошкар-Ола (25 сентябрьын 2025). Дата обращения: 18 ноябрьын 2025.

[3] Айда, Йолташ, пырля кушташ (неопр.). vk.com. Тергӹмӹ кечӹ: 18 ноябрьын 2025.

[4] Шӱмышкем лӱет (неопр.). vk.com. Тергӹмӹ кечӹ: 18 ноябрьын 2025.

[1]

[2]

[3]

[4]