28 май

← → Май
Шч Кш Вр Из Кг Кк Рш         1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шага тӹлзӹн 28-шӹ кечӹжӹ (28 май) — григорианский календарь семӹнь ин 148-шӹ (кужемдӹмӹ ивлӓн — 149-шӹ) кечӹжӹ. Идӓлык пӹтӹмӹ якте 217 кечӹ кодеш.

Йошкар-Олашты ☀️ Кечӹ 3 цӓш 13 минутын лӓктеш, 20 цӓш 22 минутын шӹнзеш. Кечӹн кужыцшы 🕒 17 цӓш 9 минут.
🌔 Кушшы тӹлзӹ (11.43 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:28 майын айовлӓ

•  Россий,  Белорусси,  Киргизи — Пограничникӹн кечӹжӹ (руш. День пограничника).
•  Армени — Пӹтӓришӹ Республикӹн кечӹжӹ (руш. День Первой Республики).
•  Азербайджан — Республикӹн кечӹжӹ (руш. День республики).
•  Эфиопи — Военный режимӹн пӹтӹмӹ кечӹ (руш. День падения военного режима).
• Ӹдӹрӓмӓш шулык гишӓн цацымын международный кечӹжӹ (руш. Международный день действий за женское здоровье).
• Брюнеткӹвлӓн кечӹштӹ (руш. День брюнеток).

Лӹм кечӹ

• Православный лӹмвлӓ: Анастасия, Дмитрий, Макар, Пахом.

Лиӓлтмӓшвлӓ

Тенгеок анжы: Категори:28 майын лиӓлтмӓшвлӓ

• 1664 — Бостонышты пӹтӓришӹ баптист общинӹм ӹштӹмӹ.
• 1742 — Лондонышты пӹтӓришӹ левӓшӓн имӹ бассейнӹм ӹштӹмӹ.
• 1763 — Киевӹштӹ живописьым тымдымы школым пачмы.
• 1863 — Бостонышты Америкӹштӹ пӹтӓришӹ шим салтаквлӓ гӹц веле ылшы полкым ӹштӹмӹ.
• 1900 — Москвашты, Немӹц ӧлицӓштӹшӹ (кӹзӹт Бауманский) изи пӧртӹштӹ йӓрӓ библиотека-лыдмы вӓр пачылтын, 1899 ин А.С. Пушкинӹн шӱдӹ иэшӹжӹ ӹштӓлтӹн. Библиотекӹн попечительжӹ поэтын ӹдӹржӹ Мария Гартунг лин.
• 1918 — Арменин ирӹкшӹм увертӓрӹмӓш.
• 1918 — Азербайджанын ирӹкӓн ылмыжым дӓ Азербайджан Демократи Республикӹм ӹштӹмӹм увертӓрӹмӓш.
• 1927 — вӹлнӹштӹ пецӓтлӹмӹ маркан пӹтӓришӹ советский конвертвлӓ выжалалташ тӹнгӓлӹнӹт.
• 1938 — Мурманск область ӹштӓлтӹн.
• 1956 — Франци Индиштӹшӹ молнамшы француз колонивлӓм Инди Ушемлӓн пуэн.
• 1957 — США-шты Грамзаписьӹн халык академим пачмы, тӹдӹ музыка мирӹштӹ сек престижӓн наградывлӓм — «Грэмми» призвлӓм — кычыкта.
• 1958 — КПСС ЦК ӹшкӹмжӹн 1948 иӓш пынзалтышыжым, кышты Шостаковичӹм, Прокофьевӹм, Хачатуряным, Шебалинӹм дӓ молы композиторвлӓм «музыкышты халык ваштареш формалист направленим» йӓмдӹлӹмӹштӹ гишӓн вуйнаматеш лыктыныт, карангден. «Большая дружба», «Богдан Хмельницкий», «От всего сердца» оперӹвлӓм реабилитируйымы.
• 1961 — «Ирвел экспресс» поездӹн Париж гӹц Бухарестӹш остатка рейсшӹ; тӹдӹ 78 и пӓшӓм ӹштен.
• 1970 — Вадывел Германиштӹ пӹтӓришӹ гӓнӓ нервӓн тканьым трансплантируйымаш яжон эртен.
• 1985 — Москвашты мордва халыкын Россий Кугижӓншӹш ӹшке кымылжы доно пырымыжылан 500 и теммӹ лӹмеш ӹштӹмӹ торжественный вады эртӓрӓлтӹн.
• 1999 — 22 и реставрируйымы паштек Миланышты Леонардо да Винчин «Тайная вечеря» фрескӹжӹ мӹнгеш халык анзыкы лӓктӓш тӹнгӓлӹн.
• 2011 — Референдум паштек Мальтышты айырлаш разрешӓйӹмӹ. «Айырлымы верц» 53 % юкыштым пуэнӹн. Мальта Ватикан дӓ Филиппин доно иквӓреш айырлаш лидӹмӹ кым сӓндӓлӹк логӹц иктӹжӹ ылын.

Шачыныт

Тенгеок анжы: Категори:28 майын шачшывлӓ

• 1891 — Григорьев Александр Владимирович, мары советский художник, общественный пӓшӓзӹ дӓ академик. Мары Элӹштӹ изобразительный искусствылан негӹцӹм пиштен.
• 1920 — Юрий Данилович Петров, руш сирӹзӹ, поэт, журналист, общественный пӓшӓзӹ, Марын АССР-ын Кугижӓншӹ премин лауреатшы (1977), Мары АССР-ын культурын заслуженный пӓшӓзӹ (1980).
• 1927 — Лидия Петровна Васикова, кырык мары йӹлмӹзӹ, финноугровед, мары ӹдӹрӓмӓшвлӓ логӹц пӹтӓриш наука доктор (1985), профессор (1986) лин. РФ наукын заслуженный пӓшӓзӹжӹ (1995), Марьян мӱлӓндӹжӹн Крестӹ орденӹн кавалержӹ (Эстони).
• 1939 — Геннадий Александрович Чемеков, мары сирӹзӹ, поэт, журналист.
• 1953 — Владимир Иванович Чистополов, руш сирӹзӹ, поэт, журналист, Мары Эл Республикӹн заслуженный журналистшӹ (2002), Россий Сирӹзӹвлӓ ушемӹн членжӹ (2003).
• 1950 — Вера Александровна Береславская, образовани пӓшӓзӹ. Йошкар-Олашты шачын-кушкын. Пӓшӓ корныжы Мары кугижӓншӹ технический университет доно кӹлдӓлтӹн.

Коленӹт

Тенгеок анжы: Категори:28 майын колышывлӓ

• 1904 — Иван Николаевич Смирнов, российӹштӹшӹ историк дӓ этнограф, Император Азан университетӹштӹшӹ сӓндӓлӹк вӹлнӹшӹ истори кафедрӹн ординарный профессоржы.
• 1923 — Павел Петрович Глезденёв (Пагул Ӓтя) мары сирӹзӹ, йӹлмӹзӹ, сӓрӹшӹ, тымдышы, просветитель, этнограф, журналист, общественный дӓ научный пӓшӓзӹ.
• 1924 — Ялмарий Йыван, мары сирӹзӹ, журналист, драматург, тымдышы, 1941—1945 ивлӓшӹ Кого Ӓтямӱлӓндӹ вырсын участникшӹ.

Халык пӓлӹ

• Кечӹял шимӓлгӹн каеш, кечӹвӓлӹм пиш когон ӹнгдӓ гӹнь, хӹдӹртӹшӓн юр лиэш.
• Шокшы гӹнь, кӓнгӹж мычкы шокшы лишӓшлык.

Примечани