Семнявлӓн международный кечӹ
| Семнявлӓн международный кечӹ | |
|---|---|
 | |
| Кечӹ | 15 май |
Семнявлӓн международный кечӹ ( ООН-ын молы официальный йӹлмӹ доно: англ. International Day of Families, араб. اليوم الدولي للأسر, исп. Día Internacional de las Familias, кит. 国际家庭日, франц. Journée internationale des familles) — 1994 и гӹц тӹнгӓлӹн и йӹде 15 майын эртӓрӓлтеш. ООН-ын Генеральный Ассамблейӹжӹ Семнян международный и гишӓн (1993 ин 20 сентябрьын A/REC/47/237-шӹ №-ӓн резолюци) резолюциштӹ уверӹм ӹштен. Ти кечӹм, семнян когон шукы проблемӹшкӹжӹ общество внимани айырыжы манын, ӹштӹмӹ.
И йӹде ООН-ын Генеральный секретарьын Семнявлӓн международный кечӹ тема дон сирӹмӹ посланивлӓжӹ лӓктӹт. 2005 ин сирӹмӹ послаништӹ ВИЧ дон ясыланышывлӓлӓн палшыкым пумы дӓ ясы ӓтя-ӓвӓм анжен шалгышы тетявлӓлӓн палшыкым пуэн шалгымы гишӓн попалтеш.
Кечӹн темыжы
Семнявлӓн международный кечӹлӓн каждый ин пасна тема айыралтеш:
- 2022 ии — «Семнявлӓ дӓ урбанизаци»
- 2021 ии — «Семня дӓ у технологивлӓ»
- 2020 ин — «Анзыкыла кешӹ семнявлӓ: Копенгаген дӓ Пекин +25»
- 2019 ин — «Семнявлӓ дӓ климат вашталтмы ваштареш шоктымы действивлӓ»
- 2018 ин — «Семня дӓ инклюзивный общество»
- 2017 ин — «Семня, тыменьмӓш дӓ улан лимӓш»[1]
- 2016 ин — «Семня, шӱлӹшӹм переген ӹлӹмӓш дӓ цаткыды анзыкылашы ӹлӹмӓш»
- 2015 ин — «Пӱэргӹвлӓ ответственный ылыт? Гендерный равноправи, кӹзӹтшӹ семнявлӓштӹшӹ тетявлӓн правашты»
- 2014 ин — «Виӓнгӓш манын шӹндӹмӹ цельӹш шомашты семнян рольжы; Семнян международный и +20 и»
- 2013 ин — «Социальный интеграци дӓ поколенивлӓ лошты солидарностьлан палшымаш»
- 2012 ин — «Пӓшӓ дон семняштӹшӹ ӹлӹмӓш баланс гишӓн дӓ тӹдӹн гӹц палшык общество дон семнялӓн лишӓшлык»
- 2011 ин — «Незер семнявлӓ дон социальный изоляциштӹ ылшывлӓ гишӓн ядмашым тӧрлӹмӓш»
- 2010 ин — «Цилӓ сӓндӓлӹкӹштӹ семнявлӓ вӹкӹ миграцин влиянижӹ»
- 2009 ин — «Ӓвӓвлӓ дон семнявлӓ: вашталт шалгышы сӓндӓлӹкӹн вызовлӓжӹ»
- 2008 ин — «Ӓтявлӓ дон семнявлӓ: нӹнӹн обязаностьышты дӓ вызовлӓ»
- 2007 ин — «Семнявлӓ дӓ инвалидвлӓ»
- 2006 ин — «Вашталт шалгышы семнявлӓ: вызов дӓ йӧнвлӓ»
- 2005 ин — «ВИЧ дон СПИДӹн семня вӹкӹ влиянижӹ»
- 2004 ин — «Семнявлӓн международный кечӹлӓн лу и: ӹштӹмӹ пӓшӓ программы»
- 2003 ин — «Семнявлӓн международный ин лу и теммӹ лӹмеш йӓмдӹлӓлтмӹ пӓшӓвлӓ дӓ айом эртӓрӹмӓш»
- 2002 ин — «Семнявлӓ дӓ шонгеммӹ жеп — ма лимӹ кердмӹм ӹштӹмӓш дӓ ӹштӹшӓшлык пӓшӓвлӓ»
- 2001 ин — «Семнявлӓ дӓ ӹшке кымыл дон ӹштӹмӹ пӓшӓ: иквӓреш ылмым пингӹдемдӹмӓш»
- 2000 ин — «Семнявлӓ: субъект дӓ виӓнгдӹмӓшӹн бенифициаривлӓ»
- 1999 ин — «Цилӓ йиш иӓш эдемвлӓлӓн семнявлӓ»
- 1998 ин — «Семнявлӓ: эдемӹн праважым шоктымаш дӓ пропаганда»
- 1997 ин — «Партнёрство негӹцеш семням ӹштӹмӓш»
- 1996 ин — «Семнявлӓ — незервлӓ дӓ ӹлӹмӹ вӓр укеӓнвлӓ лошты пӹтӓриш жертвӹвлӓ»
- 1995 ин — «Семнявлӓ: этнический тягӓйӹмӓшӹн лин кердмӹм карангдымаш дӓ иктӹ-весӹм тырхен мыштымы докы сравач»
- 1994 ин — «Эдемӹн виӓнгмӹ корнышты семнян кого рольжы»
Тенгеок анжы
Примечани
- ↑ Международный день семей (15 мая) (руш.). www.un.org. Тергӹмӹ кечӹ: 15 майын 2016. Архивируйымы 3 июньын 2016 года.