Эшпай, Андрей Яковлевич

Ирӹкӓн энциклопеди Википеди гӹц материал
Андрей Яковлевич Эшпай
Композитор Андрей Яковлевич Эшпай.jpg
Тӹнг увер
Тӹрӹс лӹм
Шачмы кечӹ 15 май 1925(1925-05-15)[1][2]
Шачмы вӓр
Колымы кечӹ 8 ноябрь 2015(2015-11-08)[3][2] (90 и)
Колымы вӓр
Тойымо
Сӓндӓлӹк
Професси композитор, кинокомпозитор, пианист,
музыкальный педагог
Инструмент фортепиано[d]
Жанр опера, балет, кантата, симфони, концерт, мыры
Награда
Орден «За заслуги перед Отечеством» 4-й степени — 2000 Орден Дружбы — 2010
Орден Ленина — 1985 Орден Отечественной войны II степени  — 1985 Орден Трудового Красного Знамени — 1971 Орден Красной Звезды  — 1945
Орден «Знак Почёта»  — 1967 RUS Medal of Zhukov ribbon.svg Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Медаль «За победу над Германией в Великой Отечественной войне 1941—1945 гг.»
SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg SU Medal Forty Years of Victory in the Great Patriotic War 1941-1945 ribbon.svg RUS Medal 50 Years of Victory in the Great Patriotic War 1941-1945 ribbon.svg
RUS Medal 60 Years of Victory in the Great Patriotic War 1941-1945 ribbon.svg RUS Medal 65 Years of Victory in the Great Patriotic War 1941-1945 ribbon.svg RUS Medal 70 Years of Victory in the Great Patriotic War 1941-1945 ribbon.svg Медаль «За взятие Берлина»
SU Medal For the Liberation of Warsaw ribbon.svg SU Medal For Valiant Labour in the Great Patriotic War 1941-1945 ribbon.svg Медаль «Ветеран труда» SU Medal 50 Years of the Armed Forces of the USSR ribbon.svg
SU Medal 60 Years of the Armed Forces of the USSR ribbon.svg SU Medal 70 Years of the Armed Forces of the USSR ribbon.svg RUS Medal In Commemoration of the 850th Anniversary of Moscow ribbon.svg
POL Za Warszawę 1939-1945 BAR.svg «Суасламары Республика анзылны заслуга гишӓн» орден — 2008
Народный артист СССР — 1981 РСФСР-ын халык артистшӹ— 1975 Заслуженный деятель искусств РСФСР — 1968
Ленинская премия — 1986 СССР кугижӓншӹ преми — 1976 Россий Федерацин Правительствыжын премижӹ — 2010 Москва халан преми в области литературы и искусства Нагрудный знак «25 лет победы в Великой Отечественной войне» Почетный гражданин (1).jpg

Андрей Яковлевич Эшпай (15 май 1925[1][2], Цикмӓ, Мары АССР[d][1][4][…] — 8 ноябрь 2015[3][2], Москва) — Советский Союз дӓ Россий кӱкшӹцӓн композитор, пианист, тымдышы, общественный пӓшӓзӹ. СССР-ӹн халык артистшӹ (1981)[9] Ленин премин (1986) дӓ СССР-ӹн Кугижӓншӹ премижӹн (1976) лауреат. Кого Ӓтямӱлӓндӹ вырсын ветеранжы.

Ӹлӹмӓш корныжы

Цикмӓштӹ (кӹзӹт Мары Эл Республика) музыкантвлӓн семняэш шачын: ӓтяжӹ — копозитор, семӹм шӹмлӹшӹ-фольклорист Яков Эшпай, а ӓвӓжӹ Валентина Тогаева, композитор Анатолий Тогаевӹн ӓкӓжӹ, халык мырывлӓм яжон пӓлӹшӹ, яратышы дӓ мырышы ылын[10].

1928 ин йиш Москвашкы ӹлӓш ванжен. Сек анзыц Андрей музыкым ӓтяжӹн вуйлатымы доно тыменьӹн. 1941 ин Гнессинвлӓн лӹмӓн шӹмиӓш тетя музыкальный школым тымень пӹтӓрен (В. В. Листован классшы). Эваукаци годым ӹшкӹмжӹн кокшы туан мӱлӓндешӹжӹ шотлышы Мариинский посадыштышы 1-шӹ №-ӓн кӹдӓлӓш школышты тыменьӹн, варажы ти вӓрӹш шӹренок каштын[11].

Кого Ӓтямӱлӓндӹ вырсы тӹнгӓлмӹкӹ, ӹшке кымылжы доно фронтыш кенежӹ ылын, но луаткӓндӓкш и шоде ылынат, тӹдӹлӓн отказенӹт. 1943 ин Чкаловскыштышы (Оренбургыштышы) пулемётный училищӹш (кӹзӹт Оренбургыштышы кӱшӹл зенитный ракетный училище) тыменяш пырен, Якшар Армин вескид йӹлмӹвлӓн военный институтышты (ВИИЯКА) военный сӓрӹзӹвлӓн курсвлӓм пӹтрен. 1944 и мычаш гӹц 1-шӹ Белорусский фронтыштык редӓлӹн. 146-шы стрелковый дивизин 7 май 1945 иӓш 62-шы №-ӓн приказшы доно 3-шы Ударный армин 146-шы Островской Краснознамённый дивизин 608-шӹ стрелковый полкын 2-шы разрядан военый сӓрӹзӹжӹ А. Эшпай пленныйвлӓм ядышмыжы годым шукы тыл точкым темдӓлӓш палшышы уверӹм нӓлмӹжӹ дӓ Берлин верц кредӓлмӓш годым ӹшке 8 тышман салтак дон офицерӹм пӹтӓрӹмӹжӹ гишӓн Якшар Шӹдӹр орден доно пӓлемдӓлтӹн.

1945 и 9 майым Берлинӹштӹ вӓшлин[12].

Вырсы паштек Москваштышы консерватори сагашы Музыкальный училищӹштӹ фортепиано (Р. Ю. Черновын классшы) дӓ композитор (Е. И. Месснерӹн классшы) факультетвлӓштӹ тыменьӹн. 1953 ин Москваштышы консерваторим Е. К. Голубевӹн композици классшы (анзыц Н. Я. Мясковский доны тыменьӹн) дӓ фортепиано доно В. В. Софроницкийӹн классшым тымень пӹтӓрен. 1956 ин тӹшток аспирантурым пӹтӓрен. (вуйлатышы А. И. Хачатурян)[13].

Ӹшке произведенивлӓжӹм шактышы пианист семӹнь выступаен.

1965-1970 ивлӓн Москваштышы консерваториштӹ композицим тымден (профессор).

Шукы международный дӓ Российӹштӹшӹ конкурсвлӓн жюри председатель, тидӹ П. И. Чайковский лӹмеш Международный конкурс (пианиствлӓн конкурс, 1978, 1986, 1998), Российӹштӹшӹ А. П. Петров лӹмеш композиторвлӓн конкурс (Санкт-Петербург) дӓ молат.

1960 и гӹц — РСФСР Композиторвлӓн ушемӹн секретарь, 1973-1979 ивлӓн — 1-шӹ секретарь, 1968 и гӹц — СССР Композиторвлӓн ушемӹн секретарь (1952 и гӹц Композиторвлӓн ушем член). Российӹштӹшӹ авторский обществын президент (1996-2001, 2006-2015).

Творческий союзвлӓ гӹц СССР-ын халык депутатшы.

2011 ин «Аргументы и факты» газет корреспондентлӓн интервьюм пумыжы годым ик сек яжон пӓлӹмӹ мырыжым сирӹмӹ истори гишӓн тенге шайыштын:

«Москвичи» мырым Сӹнгӹмӓшлӓн лу и эртӹмӹкӹ Марк Бернеслӓн сиренӓм. Мӓ Кого Бронныйышты пелеподвалышты ӹленнӓ. Мӓ докына окня вашт пыренӹт. Тӹдӓт тенгеок толын. Окня анзыл гач кого юк доно сӹгӹрӓл колтен: «Марынвлӓ тиштӹ ылыт?» (мӹнӹн ӓтям — марын, тӹдӹ дӓ тӹдӹн йых ӹзӓжӹ Палантай мары профессиональный музыкылан негӹцӹм пиштӹшӹвлӓ ылыт). Шамаквлӓ улы, сем келеш!» Мӹнь текстӹм лыдын лӓктӹм дӓ ӧрӹм. Махань лачеш толмаш! Мӹлӓнем тӹнӓм пӓлӹдӹмӹ поэт Евгений Винокуров мам сирен, цилӓ тидӹ ӹлӹмӓшӹштем ылын! Нерӹшӹ Висла, шошымшы начкы мӱлӓндӹ, Бронная ӧлицӓ… Валя ӹзӓм, кыды вырсы гӹц пӧртӹлде, Ленинград лӹвӓлнӹ колен. А ӓвӓм тӹдӹн толмыжым остатка кечӹвлӓжӹ якте вычен… Яратымы ӹдӹржӓт ылын, но тӹдӹ вычен шоде…»[12]

Инсульт гишӓн 2015 ин 8 ноябрьын 90 им эртӹшӹ Москвашты колен[14][15]. Новодевичий шӹгерлӓэш тайымы[16][17] (9 уч., 2-шы рӓд,17-шӹ м.)[18]

Йиш

  • Ӓтяжӹ — Яков Андреевич Эшпай (1890-1963), композитор, сем шӹмлӹшӹ-фольклорист, хормейстер, тымдышы.
  • Ӓвӓжӹ — Валентина Константиновна Тогаева (1897-1982), руш йӹлмӹм дӓ сӹлнӹшаям тымдышы, суасламары композитор Анатолий Николаевич Тогаевӹн ӓкӓжӹ[19].
    • Ӹзӓжӹ — Валентин, Москван Совет РВК-жы доно армиш нӓлмӹ, 1941 ин 15 августын Ленинград кымдемӹштӹшӹ кредӓлмӓштӹ уверде ямын[20][21].
  • Вӓтӹжӹ — Александра Михайловна Эшпай (1927 ин шачын), пианистка, «Композитор» издательствышты фортепиано сем отделӹм вуйлатышышты пӓшӓлен.
    • Эргӹжӹ — Андрей Эшпай[22] (1956 ин шачын), кинорежиссёр, сценарист дӓ кинопродюсер, Россий Федерацин заслуженный искусство пӓшӓзӹжӹ (руш) (мар. (2005).
      • Ыныкажы — Мария Эшпай (1986 ин шачын), пианистка[23].
    • Эргӹжӹ — Валентин Эшпай[22] (1953-2016), киновед, Кино институтын научный пӓшӓзӹжӹ[24].
      • Ыныкажы — Валентин Эшпай, кинооператор.

Ӹшке символикӹжӹ

А. Я. Эшпайын гербшӹ

Гербӹм хозажы ӹшкӹмжӹн семӹнь 2005 ин 5 майын Москвашты нӓлӹн. Мары Эл Республикӹн Геральдикӹн реестрӹш 4.30 № доно пырталтын.
Автор — Шипунов В. А.
Блазон — Медведев М. Ю.
Компьютео графика — Шипунов Д. В. Описани

Червлёный (якшар) кымдыкышты симсӹ мычаш вӹлнӹ кым пикш, мӓнгӹ докыла дӓ хрестӹлӓ, янгежӹш чиктӹмӹвлӓ, янгеж доно кӱшкӹлӓ пиштӹмӹ, дӓ нӹнӹ лӹвӓлнӹ, мычашын тӹржӹ вӹлнӹ, ляпцӓкӓ ыжар вуян кок шӧртньӹ кырык, иктӹжӹ весӹ анзылны. Щит вӹлнӹ вурс шлем (бармицӓн шелом). Нашлемникӹштӹ ши нимбӓн дӓ техеньок цӹреӓн антьыл, шӧртньӹ пычым шакта. Намет якшаргы, лӹвӓлжӹ шӧртньӹ. «Concordia discordans» девизӹм якшар лентӓэш шӧртньӹ буквавлӓ доно сирӹмӹ.

Символикӹм ынгылдарымаш

А. Я. Эшпайын ӹшкӹмжӹн гербжӹ червлёный (якшар) геральдический щит ылеш, тӹшкӹ кок халан — Цикмӓн дӓ Мариинский Посадын — гербвлӓштӹн элементвлӓм пыртымы. Щитӹн якшар цӹрежӹ хозажын Москвашты ӹлӹмӹжӹм анжыкта.

Гербӹнг тӹнг лаштыкшы — геральдика щит — гӹц пасна ситӓртӹш элементвлӓ пырат: бармицӓн граждансий шлем дӓ намет (выльгыжалтшы левӓш). Нашлемник (шлем вӹлнӹшӹ фигура) — пычым шактышы антьыл. Тьотяжы (ӓвӓжӹн ӓтяжӹ) Константин Николаевич Тогаев — священнослужитель ылын (Цикмӓштӹ, Акулевышты, Мариинский Посадышты).

«Conсordia discordans» девиз (йонгыдымын йонгымыжы) композиторын творчествыжым пиш яжон анжыкта.

Академик Дмитрий Лихачёв тошты руш искусствын тӹнг законжым «Мӓгӹрӹмӓшӹн дӓ лӹмлештмӓшӹн, ӹжӓлӓйӹмӓшӹн дӓ хвальымашын» иктӹш ушнымашышты семӹнь формулируен. Тидӹ А. Эшпайын творчествыжылан пиш келшен толеш.

Награда дон звнивлӓ

Почётан лӹмвлӓ:

  • Мары АССР искусствын почётан пӓшӓзӹжӹ (1960)
  • Якути АССР-ӹн искусствын заслуженный пӓшӓзӹжӹ (1964)
  • РСФСР искусствын заслуженный пӓшӓзӹжӹ (1969)
  • Мордва АССР-ӹн искусствын заслуженный пӓшӓзӹжӹ (1973)
  • РСФСР-ӹн Халык артистшӹ (1975)
  • СССР-ӹн Халык артистшӹ (1981) — совет музыкальный искусствым виӓнгдӹмӓштӹ кого заслугыжы гишӓн[25]
  • Чуваш АССР-ӹн искусствын заслуженный пӓшӓзӹжӹ (1982)[26]
  • Мары АССР-ӹн Халык артистшӹ (1983)[27]

Премивлӓ:

  • СССР-ӹн Кугижӓншӹ премижӹ (1976) — «Ленин сагана» кантата (В. В. Маяковскийӹн шамаквлӓэш) дӓ фортепиано дон оркестрлан 2-шы концерт гишӓн
  • Ленин преми (1986) — гобой дон оркестрлан концерт (1982), «Кырык марынвлӓн дӓ алык марынвлӓн мырывлӓ» (1983) гишӓн
  • Россий Федераци Правительствӹн культура областьышты премижӹ (2010) — оркестр инструментвлӓлӓн дӓ симфонический оркестрлан музыкальный произведенивлӓн циклым ӹштӹмӹ гишӓн[28]

Орден дон медальвлӓ:

  • Якшар Шӹдӹр орден (1945)[29]
  • Почёт знак орден (1967)
  • Пӓшӓ Якшар Знамя орден (1971)
  • Ленин орден (1985)[30]
  • II степенян Ӓтямӱлӓндӹ вырсы орден (1985)[31]
  • IV степенян «Ӓтямӱлӓндӹ анзылны заслуга гишӓн» орден  (2000) — отечественный музыкальный искусствым виӓнгдӹмӓшкӹ кого вкладым пиштӹмӹ гишӓн[32].
  • Келшӹмӓш орден (2010) — отечественный музыкальный искусствым виӓнгдӹмӓшкӹ кого вклад гишӓн дӓ шукы и творческий пӓшӓм ӹштӹмӹ гишӓн[33]
  • «Суасламары Республика анзылны заслуга гишӓн» орден (2008)[34][35]
  • «1941-1945 ивлӓшӹ Кого Ӓтямӱлӓндӹ вырсышты Германим сӹнгӹмӹ гишӓн медаль[36]
  • «Берлинӹм нӓлмӹ гишӓн» медаль
  • «Варшавым ытарымы гишӓн» медаль
  • Варшава верц 1939—1945» медаль
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн коклы и» медаль (1965)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн кымлы и» медаль (1975)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн нӹллӹ и» медаль (1985)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн 50 и» медаль (1995)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн 60 и» медаль (2005)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн 65 и» медаль (2010)
  • «1941-1945 ивлӓшӹ Кого Ӓтямӱлӓндӹ вырсышты Сӹнгӹмӓшлӓн 70 и» медаль (2015)
  • «СССР-ӹн Вооружённый Вижӹлӓн 50 и» медаль (1968)
  • «СССР-ӹн Вооружённый Вижӹлӓн 60 и» медаль  (1978)
  • «СССР-ӹн Вооружённый Вижӹлӓн 70 и» медаль (1988)
  • Жуков Медаль
  • «Яжо пӓшӓ гишӓн. Владимир Ильич Ленинӹн шачмыжы годшен 100 и теммӹ гишӓн» медаль
  • «Пӓшӓ ветеран» медаль
  • «Москвалан 850 и теммӹ лӹмеш» медаль

Вес наградывлӓ, премивлӓ дӓ халыкын ӓклӹмӓшӹжӹ:

  • Москва халан сӹлнӹшая дӓ исусство областьыштышы премижӹ («Музыкальный искусство» номинаци) (2010) — «Омынвлӓ» симфонический картинвлӓм ӹштӹмӹ дӓ Кудымшы (Литургический) симфрнин кокшы редакцижӹ гишӓн[37]
  • Российӹштӹшӹ Кӱшӹл общественный награда — святой Александр Невский орденӹн «Пӓшӓ дӓ Ӓтямӱлӓндӹ гишӓн» знак[38]
  • РАО-н «Наукым, культурым дӓ искусствым виӓнгдӹмӓшкӹ пиштӹмӹ вклад гишӓн» почётан премижӹ[39]
  • ЮНЕСКО сагашы Международный музыкальный кӓнгӓшӹн член (1977 и гӹц)
  • Ф. Лист лӹмеш Обществӹн почётан членжӹ (1979, США)
  • Российӹштӹшӹ кинематографи искусство академин академикшӹ[40]
  • Москваштышы консерваторин почётан профессоржы
  • Москваштышы Мары Эл землячествын почётан президентшӹ
  • Йошкар-Олан почётан гражданинжӹ (1988)
  • Цикмӓн почётный гражданинжӹ (1983)

Творческий пӓшӓ

Академический музыка

Балетвлӓ

  • «Ангара» (А. Н. Арбузовын «Иркутскыштышы истори» пьесӹжӹ семӹнь, 1976)
  • «Крӱгӓ» («Ӓштӹдӓ!», 1979—1980)

Опереттывлӓ

  • «Мӹнь гӹцӹнем цӓшӓнрӓк уке» («Внимани, съёмка!» 1968; «Шӹмшӹ пӹлгом» лӹм доно, 1972)
  • «Яраташ ак яры» («Шӹвӓ доно сӱӓн» лӹм доно, 1973)

Солиствлӓлӓн, хорлан дӓ оркестрлан

  • «Ленин cагана» кантата (шамакшы В. В. Маяковскийӹн, 1968)

Оркестрлан

  • 9 симфони:
Ми-бемоль минор 1-шӹ №-ӓн симфони (1959)
2-шы №-ӓн ля мажор «Светдӹм мактымаш» симфони (1962)
«Ӓтямӹм ӓштен» 3-шы №-ӓн симфони (1964)
4-шӹ №-ӓн симфони («симфони-балет», ик частян, 1981)
5-шӹ №-ӓн «Военный» симфони
6-шы №-ӓн «Литургический» симфони № 6, оркестрлан, фортепианолан дӓ хорлан (1988)
7-шӹ №-ӓн симфони
8-шӹ №-ӓн симфони (2000)
9-шӹ №-ӓн симфони (2001)
  • Мары темӹвлӓэш симфонический куштымашвлӓ (1951)
  • Н. Я. Мясковский темеш вариацивлӓ (1966)
  • «Кремль курантвлӓ» айо увертюра (1970)
  • «Симон Боливар», симфонический поэма (1980—1981)
  • «Суворовын Альпвлӓ гач ванжымыжы», кого оркестрлан симфонический картин (1996)
  • «Мадмашвлӓ» (Кокшы концерт) кого симфонический оркестрлан (1997—2008)
  • «Кырык марынвлӓн дӓ алык марынвлӓн мырывлӓштӹ» (1983)
  • Оркестрлан «Этюдвлӓ» (В. В. Листова лӹмеш) (2005)
  • Оркестрлан концерт [1-шӹ №] (1967)
  • Оркестрлан "Мадмашвлӓ" 2-шы №-ӓн концерт (2002)

Оркестр дон инструментвлӓлӓн концертвлӓ

  • 2 фортепианолан (1954, 1972)
  • 4 скрипкӓлӓн (1956, Москвашты эртӓрӓлтшӹ демократический сӓмӹрӹк дӓ студентвлӓн 6-шы Международный фестивальышты 1-шӹ преми; 1977, Н. Я. Мясковскийӹм ӓштен; 1992, 1994)
  • «Венгр семвлӓ» скрипка дон оркестрлан (1953, Варшавышты эртӓрӓлтшӹ демократический сӓмӹрӹк дӓ студентвлӓн 5-шӹ Международный фестивальышты 1-шӹ преми)
  • альтлан (1987)
  • гобойлан (1982)
  • саксофон-сопранолан (1986)
  • флейтӹлӓн (1992)
  • кларнет дон кӹлӓн оркестрлан арфа дӓ литаврвлӓ дон (1994)
  • контрабас дон кӹлӓн оркестрлан (1995)
  • валторнылан, кӹлӓн оркестрлан дӓ 4 валторнылан (1995)
  • пыч дон тромбонлан оркестр дон (1995)
  • пычлан кӹлӓн оркестр дон вӹргеньӹ духовой инструментвлӓн сопровождени доно (2001)
  • фаготлан оркестр дон (2001)
  • бассетгорнлан дӓ кӹлӓн оркестрлан (2007)

Кӹлӓн оркестрлан пьесӹвлӓ

  • Lamento дӓ Toccata (Консерваторин Кого залжы, 3 январь 2000; 3-шы тӹжем ин пӹтӓришӹ премьерӹжӹ)
  • «Контурвлӓ»камерный оркестрлан кого тӹшкӓ кӹлӓнвлӓ доно (2007)

Камерно-инструментальный сочиненивлӓ

  • Скрипкӓ дон фортепианолан.: 2 соната (1966, П. И. Чайковский лӹмеш 3-шы Международный конкурслан; 1970), Сем дӓ куштымаш (1950)
  • Кларнет дон фортепианолан: 3 мары сем (1947), Сюита (1952), Прелюди, адажио, фуга (1949)
  • фортепианолан: 2 сонатина (1951, 1971), Амалтымы мыры дӓ 6 прелюди (1947), «Тетя альбом» (1970), «Метр дон ритм» (1970), «Венгер тетрадь» (фортепианолан 25 венгр мыры, 1976)
  • in В кларнетлӓн, гитарылан дӓ кӹлӓн квартетлӓн секстет (тенгеок ритм-гитарылан, бас-гитарылан дӓ Boxy-D джазовой ударный установкылан, 1996)
  • Кӹлӓн квартет ( Д. Д. Шостакович лӹмеш) Concordia discordans

Органлан

  • Пассакали (Н. Я. Мясковский лӹмеш, 1951), прелюди (1975)

Хорвлӓ

  • «Св. апостол Павелым коринфянвла докы пӹтӓришӹ гӓнӓ колтымаш гӹц» (1988)

Соло скрипкӹлӓн

  • Espressivo molto (2002)

Соло флейтӹлӓн

  • Соло флейтӹлӓн пьеса (1981)
  • Кым пьеса («Советский композитор» Издательство, М., 1987)

Романс дон мырывлӓ

  • 100 утла романс дон мыры

Сек яжон пӓлӹмӹ мырывлӓ

  • «Кышты тиштӹ яратымашыжы» (шам. Г. Г. Регистанын, 1956)— Нина Дорда мыра
  • «Йыд оролы» кинофильм гӹц «Шачмы-кушмы мӱлӓндӹ гишӓн мыры» (шам. Л. Ошанинӹн, 1957) —  Марк Бернес мыра
  • «Пӹтӓришӹ яратымаш гишӓн повесть» кинофильм гӹц «Тӹнь донет пӹтӓришӹ вӓшлимӓш гӹц» (шам. Г. Г. Регистанын, 1957) — Капиталина Лазаренко мыра
  • «Пӹтӓришӹ яратымаш гишӓн повесть» кинофильм гӹц «Пуйырымашыштем лач тӹнь веле» («Малан, ма гишӓн, ӹшкежӓт ам пӓлӹ…»)  [семжӹ «Ах, Одесса моя» ганьок] (шам. В. Котовын, 1957) — Владимир Трошин мыра
  • «Ах, мӹньӹн Одессем» [семжӹ «Пуйырымашыштем лач тӹнь веле» ганьок] (шам. В. Котовын, 1957) — Леонид Утёсов мыра
  • «Москвичвлӓ» («Изи Бронный гӹц Серёжка…» (шам. Е. Винокуровын, 1958) — Марк Бернес мыра
  • «Шӹпке» кинофильм гӹц «Кок сир» (шам. Г. Поженянын, 1959) — Майя Кристалинская мыра
  • «Тӧрлӹмӹлӓн ӹнянӓш» кинофильм гӹц «Келшӹмӓш гишӓн мыры» («Лачокшы эргӓшвлӓ…»)  (шам. В. Карпекон, 1959) — Евгений Кибкало мыра
  • «Тӧрлӹмӹлӓн ӹнянӓш» кинофильм гӹц «Мӹнь тӹлӓнет цилӓ шамакым агыл келесенӓм» (шам. В. Карпекон, 1959) — Владимир Трошин мыра
  • «Дима Горинӹн карьерӹжӹ» кинофильм гӹц «А лымжы лымеш» (шам. Е. Евтушенкон, 1961) — Майя Кристалинская мыра
  • «Уа гишӓн мыры» (шам. В. Карпекон, 1961) — Майя Кристалинская мыра
  • «Пӹтӓришӹ троллейбус» кинофильм гӹц «Ӧлицӓвлӓ вычат охырвлӓ» (шам. Л. Дербенёвын, 1964) — Владимир Трошин мыра
  • «Мӹнь ам монды» (шам. В. Котовын, 1965 дӓ Л. Дербенёвын, 1966) — Марк Бернес мыра
  • «Майор „Вихрь“» кинофильм гӹц «Тыр гишӓн мыры» (шам. Л. Дербенёвын, 1967) — Владимир Трошин мыра

Спектакль дон кинофильмвлӓлӓн сем

Спектакльвлӓ

  • С. Д. Нариньяни «Лӱдӹшлӓ иӓш»  (1960, Москваштышы Ленин комсомол лӹмӓн театр)
  • З. Е. Гердт дон М. Г. Львовский «Шоссештӹ куштымашвлӓ»  (1962, Ленинградыштышы А. С. Пушкин лӹмӓн драма театр)
  • Ю. А. Шевкуненко «Тыр мӓлӓннӓ омынеш веле каеш» (1962, Москваштышы А. С. Пушкин лӹмӓн драма театр)
  • К. М. Коршунов «Кӹрӹлтшӹ сем»  (1964, М. Шкетан лӹмӓн мары халык драма театр, Йошкар-Ола)
  • А. А. Хазин «Йозывлӓ саганаок ӹлӓт»  (1964, Ленинградыштышы эстрада театр )
  • Анчаров «Лин керддӹмӹн теорижӹ»  (1966, Москваштышы М. Н. Ермолова лӹмӓн драма театр)
  • «Изи ӹрвезӹ дон Карлсон, кыды пӧрт левӓш вӹлнӹ ӹлӓ» А. Линдгрен семӹнь (1968, Москваштышы сатира театр)
  • В. К. Константинов дон Б. М. Рацер «Иктӧр агыл мыжрангмаш»  (1970, Москваштышы М. Н. Ермолова лӹмӓн драма театр)
  • Е. Л. Шварц «Нима донат айыртемӓлтдӹмӹ цӱдӓ»  (1971, Москваштышы сатира театр).

Фильмографи

  • 1957 — Йыд оролы
  • 1957 — Пӹтӓришӹ яратымаш гишӓн повесть — Андрей
  • 1957 — Эртӹшӹн лаштыквлӓ
  • 1957 — Нӹлӹтӹн
  • 1959 — Шӹпке
  • 1959 — Тӧрлӹмӹлӓн ӹнянӓш
  • 1960 — Кӓнгӹж отпуск жеп
  • 1960 — Ураган гӹц виӓнрӓк (П. Тодоровский доно иквӓреш)
  • 1961 — Машинист поездвлӓм виден
  • 1961 — Дима Горинӹн карьерӹжӹ
  • 1962 — Иргодым толда
  • 1963 — Нӹнӹ пӹлгомым сӹнгӓт
  • 1963 — Пӹтӓришӹ троллейбус (Р. Бойко доно иквӓреш)
  • 1964 — Вӹдсӹнзӓвлӓ]
  • 1964 — Маханьы тӹдӹ, тангыж?
  • 1964 — Лушка
  • 1967 — Ӹдӹрӓмӓшвлӓн кугижӓншӹ
  • 1967 — Вихрь Майор
  • 1969 — Тӹдӹн превосходительствын адъютантшы
  • 1969 — Директор
  • 1970 — Кремль курантвлӓ
  • 1971 — Дӓ вады ылын, дӓ ылын ирок…
  • 1971 — Изи ӹрвезӹ дон Карлсон, кыды пӧрт левӓш вӹлнӹ ӹлӓ (фильм-спектакль)
  • 1971 — Шӹмшӹ пӹлгом
  • 1971 — Ӹмӹлкӓ
  • 1972 — Сибирячка
  • 1973 — Ванюшинӹн тетявлӓжӹ
  • 1973 — Назначени
  • 1973 — Парашютвлӓ пушӓнгӹвлӓ вӹлнӹ
  • 1973 — Мӹнгеш корны уке
  • 1974 — Экранын шӹдӹржӹ
  • 1975 — Ивановвлӓн йиш
  • 1976 — Преступлени
  • 1976 — Рудин
  • 1977 — Пятницкийӹштӹшӹ Трактир
  • 1978 — Емельян Пугачёв
  • 1978 — Однокашниквлӓ
  • 1978 — Пуск
  • 1981 — Лабиринтӹштӹ кужы корны
  • 1981 — Мӓмнӓн призванинӓ
  • 1982 — Ӓлӹмӓ мыжырангына
  • 1982 — Токына!
  • 1982 — Кредӓлмӓш анзыц
  • 1982 — Светӹн формулыжы
  • 1983 — Кынам Бахым шактенӹт
  • 1983 — Позда яратымаш
  • 1983 — Колыдымашеш экзамен
  • 1984 — Айырлымашвлӓ
  • 1986 — Шӹдӹрвлӓм шотлышы
  • 1986 — Мӹнь — форпостын вожатыйжы
  • 1987 — Иван Великий
  • 1988 — Шут (кычылтмы музыкын авторжы)
  • 1989 — Йӓнг – кӱэр агыл
  • 1989 — Тӹнь ӓштет мӓмнӓн вӓшлимӓшвлӓнӓм… (фильм-концерт, короткометражный) (весӹвлӓ доно иквӓреш)
  • 1991 — Мыскылалтшывлӓ дӓ яктаралтшывлӓ (скрипкӓ дон оркестрлан 2-шы №-ӓн концерт гӹц фрагментвлӓ кычылталтыныт, П. Мимран доно иквӓреш)
  • 1994 — Мӹнь ирӹкӓн ылам, иктӹнӓт ам ыл
  • 1996 — Лиза дӓ Элиза
  • 1999 — Райыш корны (кычылтмы музыкын авторжы)
  • 1999 — Колаш куштылгы
  • 2001 — Охыр ныр покшалны пеледшӹ кӱкшикӓ (кычылтмы музыкын авторжы)
  • 2009 — Иван Грозный
  • 2010 — Элизиум
  • 2013 — Куприн (2 №-ӓн «Пӹцкемӹшӹштӹ» фильм) (Д. Пекарев доно иквӓреш)
  • 2015 — Кого ӹдӹрвлӓ

«Пӹтӓришӹ яратымаш гишӓн» фильмӹштӹ (1957) эпизод рольым мадын.

Фильмвлӓштӹ участи

  • 1967 — Джаз фестиваль (документальный)
  • 1971 — Марк Бернес (документальный)
  • 1979 — Музыкышты портрет (документальный)
  • 2005 — Ӹлӹмӓш пӧртем (документальный)
  • 2007 — Шӹдӹрӓн цер. Марк Бернес (документальный)
  • 2010 — Андрей Эшпай: Музыкын идеалжы («Документальная камера» программа гӹц)
  • 2014 — Экранын симфонижӹ (документальный)

Архивный кадрвлӓ

  • 1971 — Попалталаш мӓлӓннӓ келеш… (документальный)

Литературный сочиненивлӓ

  • Камерный музыка вады, «СМ», 1954, No 12;
  • Корны заметкывлӓ, тӹшток, 1961, No 3;
  • Ленинградыштышы смотрышты, тӹшток, 1961, No 6;
  • В. В. Софроницкий (П. Лобанов доно иквӓреш), в кн.: Москваштышы консерваторим ӓштен, М., 1966;
  • Нотографический справочник, сост. Н. Сладком, М., 1979;
  • Хытырымашвлӓ. Статьявлӓ. Материалвлӓ. Очерквлӓ, сост. Е. Гульянц, М., 1988.
  • «Эртӹдӹмӹ жеп. Сакой ишӹ хытырымашвлӓ» (М., 2000, 2-шы изд. М., 2005).

Ӓшӹндӓрӹмӓш

И. С. Палантай лӹмӓн музыкальный училище анзылны А. Эшпай лӹмеш вӓрӓнгдӹмӹ памятник, Йошкар-Ола
  • Цикмӓштӹшӹ тетявлӓлӓн искусство школлан Андрей Эшпайын лӹмӹм пумы.
  • Цикмӓштӹ композиторым ӓшӹндӓрӹмӹ лӹмеш Чернышевский ӧлицӓштӹшӹ 43 томаэш мемориал ангам вӓрӓнгдӹмӹ.
  • 2013 и гӹц Йошкар-Олашты Андрей Эшпай лӹмеш сӓмӹрӹк музыкантвӓн Всероссийский фестиваль-конкурс эртӓрӓлтеш.
  • Йошкар-Олаштышы И. С. Палантай лӹмӓн Мары Республикӹштӹшӹ культура дӓ искусство колледжӹн (руш) (мар. Кого концерный залжы Андрей Эшпайын лӹмжӹм намалеш.
  • 2019 ин Мары Эл Республикӹштӹ мары халыкын лӹмлӹ культурный дӓ общественный деятельвлӓлӓн сек яжо памятник проект конкурс гишӓн увертӓрӹмӹ, нӹнӹ лоштӹ А. Я. Эшпайат улы. Конкурсым 2020 ин иктешлӓт[41].
  • 2020 ин 1 октябрьын мары халыкын XI съездшӹн мероприятивлӓ годым Йошкар-Олашты И. С. Палантай лӹмӓн Мары республикӹн культура дӓ искусство колледжӹн Академический музыка факультетӹн зданижӹ доны композитор Андрей Эшпайлан памятникӹм шагалтышашлык вӓреш кӱм пиштӹмӹ[42]. 2022 ин 1 сентябрьын памятникӹм торжественно пачыныт (скульптор А. Чебаненкон бюст пӓшӓжӹ)[43][44]
  • 2021 ин 26 майын Йошкар-Ола аэропортлан Андрей Яковлевич Эшпайын лӹмжӹм пумы гишӓн пынзалтышым лыкмы[45].
  • 2021 и гӹц Йошкар-Олашты Андрей Эшпай лӹмеш Оперный искусство фестиваль эртӓрӓлтеш[46].
  • 2025 ин Йошкар-Ола ӹрдӹштӹшӹ площадьлан Андрей Эшпайын лӹмжӹм пумы[47].

Примечани

  1. ↑ 1 2 3 4 Эшпай Андрей Яковлевич (руш.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ 1 2 3 4 Andrei Iakovlevich, Андре́й Я́ковлевич Echpai // Musicalics (фр.)
  3. ↑ 1 2 Andrej Ešpaj // https://beliana.sav.sk/heslo/espaj-andrej
  4. ↑ 1 2 http://www.classicalmidi.co.uk/Eshpai%20.htm
  5. ↑ http://www.albanyrecords.com/mm5/merchant.mvc?Screen=PROD&Store_Code=AR&Product_Code=TROY367&Category_Code=a-BS
  6. ↑ http://www.musicweb-international.com/classrev/2010/Mar10/Lokshin_fleurs_BISCD1556.htm
  7. ↑ http://soundcloud.com/milton-greyfoot/andrei-eshpai-oboe-concerto-1
  8. ↑ http://www.classicalarchives.com/artist/3991.html
  9. ↑ Эшпай Андрей Яковлевич / О. С. Лебедева // Большая российская энциклопедия [Электронный ресурс]. — 2004.
  10. ↑ Андрей Эшпай, 1988, с. 11.
  11. ↑ Народный артист СССР Андрей Яковлевич Эшпай — в городе Мариинский Посад
  12. ↑ 1 2 Николаев И.  Андрей Эшпай — о войне и Серёжке с Малой Бронной // Аргументы и факты : газета. — 2011. — № 18 за 4 мая. — С. 4.
  13. ↑ Андрей Яковлевич Эшпай // Энциклопедия «Кругосвет».
  14. ↑ Скончался композитор Андрей Эшпай. Тергӹмӹ кечӹ: 8 ноябрьын 2015. Архивируйымы 8 ноябрьын 2015 года.
  15. ↑ Ушёл из жизни выдающийся композитор Андрей Эшпай. Тергӹмӹ кечӹ: 8 ноябрьын 2015. Архивируйымы 4 мартын 2016 года.
  16. ↑ В столице простились с Андреем Эшпаем. Тергӹмӹ кечӹ: 12 ноябрьын 2015. Архивируйымы 16 ноябрьын 2015 года.
  17. ↑ Могила Эшпая. Тергӹмӹ кечӹ: 15 мартын 2021. Архивируйымы 22 сентябрьын 2020 года.
  18. ↑ Новодевичье кладбище. Тергӹмӹ кечӹ: 9 июньын 2021. Архивируйымы 9 июньын 2021 года.
  19. ↑ Андрей Эшпай: Игры для оркестра Архивный копи от 7 февральын 2018 на Wayback Machine.
  20. ↑ Ишпайкин (Эшпай) Валентин Яковлевич. Тергӹмӹ кечӹ: 8 ноябрьын 2015. Архивируйымы 7 февральын 2018 года.
  21. ↑ ли?802/ Эшпай Валентин Яковлевич.
  22. ↑ 1 2 Андрей Эшпай, 1988, с. 19.
  23. ↑ Мария Эшпай Архивный копи от 4 майын 2017 на Wayback Machine.
  24. ↑ Калинина, Оксана Андрей Эшпай, жена
  25. ↑ Указ Президиума Верховного Совета СССР от 2 сентября 1981 года № 5575—X «О присвоении почетного звания „Народный артист СССР“ композитору Эшпаю А. Я.» Тергӹмӹ кечӹ: 28 январьын 2018. Архивируйымы 29 январьын 2018 года.
  26. ↑ Знаменитые люди нашего города - Прочее - Козьмодемьянск - Статьи - Сайт города Козьмодемьянск. Тергӹмӹ кечӹ: 18 апрельӹн 2013. Архивируйымы 20 апрельӹн 2013 года.
  27. ↑ МГК им. Чайковского - персоналии - Эшпай Андрей Яковлевич. Тергӹмӹ кечӹ: 18 апрельӹн 2013. Архивировано из оригинала 8 майын 2013 года.
  28. ↑ Распоряжение Правительства Российской Федерации от 17 декабря 2010 г. N 2289-р «О присуждении премий Правительства Российской Федерации 2010 года в области культуры». Тергӹмӹ кечӹ: 8 ноябрьын 2015. Архивируйымы 4 мартын 2016 года.
  29. ↑ Орден Красной Звезды. Тергӹмӹ кечӹ: 8 ноябрьын 2015. Архивируйымы 9 июльын 2021 года.
  30. ↑ Ведомости ВС СССР. Тергӹмӹ кечӹ: 9 июньын 2021. Архивируйымы 8 июньын 2021 года.
  31. ↑ Орден Отечественной войны II степени.
  32. ↑ Указ Президента Российской Федерации от 15 мая 2000 года № 850 «О награждении орденом „За заслуги перед Отечеством“ IV степени Эшпая А. Я.» Тергӹмӹ кечӹ: 8 ноябрьын 2015. Архивируйымы 8 мартын 2016 года.
  33. ↑ Указ Президента Российской Федерации 21 мая 2010 года N 617 «О награждении орденом Дружбы Эшпая А. Я.» Тергӹмӹ кечӹ: 8 ноябрьын 2015. Архивируйымы 4 мартын 2016 года.
  34. ↑ Композитор Андрей Эшпай награждён орденом «За заслуги перед Чувашской Республикой». Тергӹмӹ кечӹ: 22 декабрьын 2008. Архивируйымы 8 майын 2013 года.
  35. ↑ Официальный портал органов власти Чувашской Республики → Указ Главы Чувашской Республики от 12.11.2008 № 115. Тергӹмӹ кечӹ: 31 октябрьын 2013. Архивируйымы 3 ноябрьын 2013 года.
  36. ↑ Медаль «За победу над Германией в Великой Отечественной войне 1941—1945 гг.».
  37. ↑ Указ мэра Москвы № 59-УМ от 16 августа 2010 года «О присуждении премий города Москвы 2010 года в области литературы и искусства». Тергӹмӹ кечӹ: 8 ноябрьын 2015. Архивируйымы 10 мартын 2016 года.
  38. ↑ Губернатор Новгородской области Михаил Прусак награждён высшей Российской общественной наградой. Тергӹмӹ кечӹ: 11 январьын 2013. Архивировано из оригинала 21 июньын 2015 года.
  39. ↑ Почётная премия РАО «За вклад в развитие науки, культуры и искусства». Тергӹмӹ кечӹ: 18 мартын 2013. Архивируйымы 21 мартын 2013 года.
  40. ↑ Российская академия кинематографических искусств. Тергӹмӹ кечӹ: 14 июньын 2012. Архивировано из оригинала 6 сентябрьын 2014 года.
  41. ↑ Объявлен конкурс на лучший проект памятников Ивану Петрову, Андрею Эшпаю, Валентину Колумбу. Официальный сайт Министерства культуры, печати и по делам национальностей РМЭ (11 декабрьын 2019). Тергӹмӹ кечӹ: 10 майын 2020. Архивируйымы 4 мартын 2021 года.
  42. ↑ Палкин В. В Йошкар-Оле заложили камень на месте памятника Андрею Эшпаю. Официальный сайт газеты "МК в Марий Эл" (2 октябрьын 2020). Тергӹмӹ кечӹ: 8 ноябрьын 2020. Архивируйымы 15 ноябрьын 2020 года.
  43. ↑ В Йошкар-Оле установили бюст Андрея Эшпая (руш.). МЭТР - Марий Эл Телерадио. Тергӹмӹ кечӹ: 1 сентябрьын 2022.
  44. ↑ В Йошкар-Оле открыли бюст легендарного композитора Андрея Эшпая. www.marpravda.ru. Тергӹмӹ кечӹ: 1 сентябрьын 2022.
  45. ↑ Аэропорт в Йошкар-Оле получит имя знаменитого композитора Андрея Эшпая (руш.). «Йошкар-Ола» (29 майын 2021). Тергӹмӹ кечӹ: 2 июньын 2021. Архивируйымы 2 июньын 2021 года.
  46. ↑ В Йошкар-Оле пройдёт фестиваль оперного искусства имени Эшпая, Кидшер (18 сентябрьын 2022).
  47. ↑ Площадь в центре Йошкар-Олы назвали в честь композитора Андрея Эшпая, TACC (15 майын 2025). Дата обращения: 15 майын 2025.

Литература

  • Эшпай Андрей Яковлевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  • Андрей Эшпай: Беседы. Статьи. Материалы. Очерки / сост. Е. И. Гульянц. — М.: Советский композитор, 1988. — 360 с. — 8950 экз. — ISBN 5-85285-116-7.
  • Эшпай Андрей Яковлевич // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 609. — 2000 экз. — ISBN 5-87898-197-1.
  • В. Г. Кузнецова, Л. И. Кульшетова, В. И. Чеснокова. Композиторы и музыковеды Республики Марий Эл. — Йошкар-Ола: Типография Правительства Республики Марий Эл, 2006. — С. 151—162. — 266 с. — 1000 экз. — ISBN 5-87898-318-4.
  • Эшпай Андрей Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 414. — 2032 экз. — ISBN 5-87898-357-0.
  • Эшпай Андрей Яковлевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 837. — 872 с. — 3505 экз. — ISBN 978-5-94950-049-1.
«https://mrj.ruwiki.ru/w/index.php?title=Эшпай,_Андрей_Яковлевич&oldid=237974» гӹц нӓлмӹ