25 август

← → Август
Шч Кш Вр Из Кг Кк Рш           1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Сарла тӹлзӹн 25-шӹ кечӹжӹ (25 август) — григорианский календарь семӹнь ин 237-шӹ (кужемдӹмӹ ивлӓн — 238-шӹ) кечӹжӹ. Идӓлык пӹтӹмӹ якте 128 кечӹ кодеш.

Йошкар-Олашты ☀️ Кечӹ 4 цӓш 34 минутын лӓктеш, 19 цӓш 2 минутын шӹнзеш. Кечӹн кужыцшы 🕒 14 цӓш 27 минут.
🌔 Кушшы тӹлзӹ (11.84 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:25 августын айовлӓ

•  Россий — РФ МВД-н оперативно-поисковый отрядвлӓн кечӹ (руш. День оперативно-поисковых подразделений МВД РФ).
•  Бразили — Салтакын кечӹ (руш. День солдата).
•  Уругвай — Ирӹкӓн лимӹ кечӹ (руш. День независимости).
• Пушӓнгӹш кузымы кечӹ (руш. День лазанья по деревьям).

Лӹм кечӹ

• Александр, Капитон, Фотий.

Лиӓлтмӓшвлӓ

Тенгеок анжы: Категори:25 августын лиӓлтмӓшвлӓ

• 1718 — Йыдпелвел Америкӹштӹ французвлӓ У Орлеаным ӹштенӹт.
• 1753 — француз естествоиспытатель Жорж де Бюффон Академилӓн «Естественная история» монументальный пӓшӓжӹм анжыктен.
• 1819 — Швейцариштӹшӹ Альпышты вӹд важым момы, тӹдӹлӓн Саския лӹмӹм да 64 регистраци номерӹм пуэнӹт. Кӹзӹтӓт ти вӹд важыштышы вӹд сек иреэш, лицӹшеш дӓ минеральный санзалжы доно сек тӧр пропорциӓнеш шотлалтеш.
• 1973 — томограф доно пӹтӓришӹ снимкӹм ӹштӹмӹ.
• 1987 — СССР Кӱшӹл Кӓнгӓш Президиумын СПИД-еш тергӹмӹ гишӓн Указшым лыкмы, тӹдӹн семӹнь церӹм вашталтарымы гишӓн наказани дӓ инфицируялтшы вескид эдемвлӓм сӓндӓлӹк гӹц лыктын колтымаш вычен.
• 1997 — «Культура» телеканалым пачмы.
• 2020 — Москваштышы троллейбусым питӹрӹмӹ (Т музей маршрут гӹц пасна).

Шачыныт

Тенгеок анжы: Категори:25 августын шачшывлӓ

• 1888 — Василий Петрович Мосолов, мары учёный, агроном, сельскохозяйственный наукывлӓн доктор (1935), профессор (1925), ВАСХНИЛ академик (1935), ВАСХНИЛ-ӹн вице-президентшӹ (1939— 1951), марынвлӓ логӹц пӹтӓриш академик, общественный пӓшӓзӹ.
• 1914 — Анатолий Березин, мары сирӹзӹ, тымдышы, I степенян Ӓтямӱлӓндӹ вырсын орденӹн кавалержӹ, 1941–1945 ивлӓшӹ Кого Ӓтямӱлӓндӹ вырсын участникшӹ.
• 1914 — Вера Матвеевна Тарасова, советский учёный-историк, тымдышы, истори наукывлӓн доктор, профессор. СССР-ышты декабристский движенин историжӹм ланзылышы видӹшӹ учёныйвлӓ логӹц иктӹжӹ. Н. К. Крупская лӹмӓн Мары кугижӓншӹ педагогический институтышты истори кафедрӹн вуйлатышыжы (1941—1980). Мары АССР наукын заслуженный пӓшӓзӹжӹ (1967).
• 1936 — Валентин Иванович Анцыгин, промышленностьым вуйлатышы. Ӹшкежӹ Угарман область гӹц, но пӓшӓ вӓрӹм мары кымдемӹштӹ мон: шукы и Йошкар-Олан полупроводниковый прибор заводыштыжы контролёрӹн пӓшӓм цацен ӹштен. 1981—2000-шӹ ивлӓн «Фарбиомаш» ушемӹн вуйлатышыжы лин. «Знак Почёта» орден доно пӓлемдӓлтын.
• 1939 — Валентина Николаевна Добрынина, культурный дӓ общественный пӓшӓзӹ, Мары Эл Республикӹн культурын заслуженный пӓшӓзӹжӹ. «Вис-вис» вокальный ансамбльым цымырен. Оршанка районышты эртӓрӹмӹ общественный пӓшӓштӓт когон цацен.
• 1946 — Екатерина Ивановна Ярденко, режиссёр. 20 и утла Республикӹштӹшӹ поханя театрышты пӓшӓм ӹштен. Мары Эл Республикӹн искусствын заслуженный пӓшӓзӹжӹ.
• 1955 — Юрий Владимирович Райский, советский дӓ российӹштӹшӹ кинооператор, оператор-постановщик, Россий Федерацин искусствын заслуженный пӓшӓзӹжӹ (2014).

Коленӹт

Тенгеок анжы: Категори:25 августын колышывлӓ

• Александр Владимирович Григорьев — кырык мары художник, общественный пӓшӓзӹ дӓ академик. Мары кымдемӹштӹ изобразительный искусствылан негӹцӹм пиштен дӓ виӓнгдӹмӓштӹ когон цацен.

Халык пӓлӹ

• Юран игечӹ шалга — кӹтӹк арвӓтӹ кӓнгӹжеш.

Примечани