Фальков, Валерий Николаевич
| Валерий Николаевич Фальков | |
|---|---|
 | |
|
| |
.png){kind=small} Россий Федерацин наука дӓ кӱшӹл тымдымашын министржӹ
 |
|
| 2020 и 21 январь гӹц (п. ш. 2024 и 7—13 май) |
|
| Правительствын вуйлатышыжы |
Михаил Мишустин Андрей Белоусов (п. ш.) Михаил Мишустин |
| Президент | Владимир Путин |
| Андакшы пӓшӓзӹ | Михаил Котюков |
 Тюменский кугижӓншӹ университетӹн ректоржы
(и. о. 2012 и октябрь — 2013 и 21 март) |
|
| 2013 и 21 март — 2020 и 21 январь | |
| Андакшы пӓшӓзӹ | Геннадий Чеботарёв |
| Вашталтышы | Иван Романчук |
 Тюменский областьыштышы думын депутатшы
 |
|
| 2016 и 18 сентябрь — 2020 и 21 январь | |
 Тюмень халаштышы Думын депутатшы
.png){kind=small} |
|
| 2013 — 2016 | |
|
|
|
| Шачын |
1978 и 18 октябрь (47 и) Тюмень, Тюменский область, РСФСР, СССР |
| Парти | Единый Россий |
| Образовани | Тюменский кугижӓншӹ университет |
| Ученый степень | юридический наукывлӓн кандидат, доцент |
| Професси | юрист |
| Пӓшӓ | политик |
| Научный сфера | |
| Научный сфера | юриспруденци |
| Пӓшӓ вӓр | Россий Федерацин наука дӓ кӱшӹл образовани министерство |
 Медиафайлы на РУВИКИ.Медиа | |
Валерий Николаевич Фальков (шач. 18 октябрь 1978, Тюмень[d]) — Российӹн кугижӓншӹ пӓшӓзӹжӹ, 2020-шы и 21-шӹ январь гӹц Россий Федерацин наука дӓ кӱшӹл тымдымашын министржӹ (2024-шӹ ин 7—13 майын о. ш.). Учёный-юрист.
Молнам — Тюменский кугижӓншӹ университетӹн ректоржы (2013—2020).
Ӹлӹмӓш корныжы
Тыменьмӓш
Тюменский областьыштышы Казанский районын Казанский солашты Новоселезнёво кӹдӓлӓш школым пӹтӓрен.
1995-шӹ ин ТюмГУ-н юридический факультетӹшкӹжӹ тыменяш пырен, 2000-шӹ ин «юриспруденци» специальность доно Кугижӓншӹ дӓ права институтым пӹтӓрен, тӹдӹн паштек аспирантурыш пырен дӓ 2003-шы ин майын тӹдӹм «Россий Федерациштӹ айырымаш компаним права шотышты келӹштӓрӹмӹм яжоэмдӹмӓш» кандидатский диссертацим жеп шодеок ӹшӹклӹмӹ доно пӹтӓрен (научный вуйлатышыжы Г. Н. Чеботарёв)[1].
Научно-административный пӓшӓ
2003-шы и гӹц 2007-шӹ и якте Фальков — Тюменский кугижӓншӹ университетӹн конституци дӓ муниципальный права кафедра вуйлатышын вашталтышыжы, 2007-шӹ ин Фальковлан кафедра мычкы доцент научный лӹмӹм пумы.
2007-шӹ и март гӹц ноябрь якте — ТюмГУ-ӹн Кугижӓншӹ дӓ права институтшын директоржын тыменьмӹ пӓшӓ шотышты вашталтышыжы.
2007-шӹ и гӹц 2011-шӹ и якте Фальков — ТюмГУ-н пӓлӹмӓшӹм уштарен пушы дӓ филиалвлӓ шотышты проректоржы, 2011-шӹ и гӹц 2012-шы и март якте — ТюмГУ-н Права, экономика дӓ виктӓрӹмӓш институтшын директоржы.
2009-шӹ и гӹц 2011 и якте Фальков Тюменский областьышты Сӓмӹрӹк учёныйвлӓ дон специалиствлӓн кӓнгӓшӹштӹн председателешӹжӹ айыралтын (2011-шӹ ин Кӓнгӓш Российӹштӹ пӓшӓм сек яжон ӹштӹшӹ логӹц иктеш шотлалтын).
2012-шы и октябрь гӹц 2013-шы и апрель якте Фальков — Тюменский кугижӓншӹ университет ректорын пӓшӓжӹм жепеш ӹштӹшӹ. 2013-шы ин 21-шӹ мартын пӓшӓзӹ коллективӹн конференциштӹжӹ ТюмГУ-н ректорешӹжӹ айыралтын. 2018-шӹ и 17-шӹ апрель гӹц Фальковым Россий Федерацин наука дӓ кӱшӹл образовани министерствын аттестационный комиссижӹн пынзалмыжы семӹнь ТюмГУ-н ректорешӹжӹ шагалтымы дӓ ти постым тӹдӹ 2020-шы и якте йӓшнен[2].
2015-шӹ и 30-шы апрельӹн Фальков Тюменский областьыштышы вуз ректорвлӓн Кӓнгӓшӹштӹн председателешӹжӹ айыралтын. Россий Федерациштӹшӹ вузвлӓн юридический образовани шотышты тыменьмӹ-методика ушнымаш президиумын членжӹ.
Фальков Тюменский областьын губернаторжын ядмыжы семӹнь Тюменский кугижӓншӹ университет доно иквӓреш Москваштышы «Сколково» виктӓрӹмӓш школын пӓшӓш колтымы «Тюменский кымдемӹн анзыкылашыжы: у индустри дӓ кадр шотышты потенциал» тымдымы программым вуйлатен.
2020-шы и 21-шӹ январьын Фальковым Михаил Мишустинӹн правительствӹштӹжӹ Россий Федерацин наука дӓ кӱшӹл образованин министрешӹжӹ шагалтымы.
2024-шӹ ин 14-шӹ майын Валерий Фальковым Кугижӓншӹ Дума Россий Федерацин наука дӓ кӱшӹл образованин министржӹ должностьышкы угӹц пингӹдемден[3], тӹ кечӹнок РФ президент пӓшӓш шагалтымы гишӓн указеш кидшӹ пиштен[4].
Общественный пӓшӓ
Тюменский областьышты талантан тетявлӓм кӹчӓлмӹ дӓ виӓнгӓш палшымы системӹм ӹштӓш манын, школышты тыменьшӹвлӓлӓн кымдемвлӓ лоштышы «Менделеев» шукы профилян олимпиадын инициаторжы дӓ организаторжы ылын, 2011-шӹ и.
2012-шы и март гӹц «Российӹштӹшӹ юриствлӓн ассоциациштӹ» цымыр Российӹштӹшӹ общественный организацин региональный отделенижӹн председательӹн вашталтышыжы, Ассоциацин Тюмень халаштышы отделенижӹн председательжӹ ылеш.
2006-шы гӹц 2013-шы и якте — Тюменский областьын айырышы комиссин решӹшӹ юкан права доно членжӹ.
2013-шы гӹц 2016-шы и якте — Тюмень халаштышы Думын VI созывшын депутатшы, «Единый Россий» партин региональный политический кӓнгӓшӹжӹн членжӹ, Тюмень халаштышы Думын халам стройымаш дӓ мӱлӓндӹ кӹл шотышты цӓрнӹде ӹштӹшӹ комиссин председательжӹ. 2016-шы и 18-шӹ сентябрь гӹц 2020-шы и 21-шӹ январь якте — 17 №-ӓн ик мандатан айырымаш округын Тюменский областьыштышы думын депутатшы.
2020-шы ин РФ-н Конституцишкӹжӹ вашталтмашым пыртымы гишӓн предложенивлӓм йӓмдӹлӹмӹ шотышты пӓшӓзӹ тӹшкӓш пырен[5].
«Тобольск дӓ цилӓ Сибирь» альманах редакци кӓнгӓшӹн председательжӹ.
Тюменский областьышты гражданвлӓм права шотышты тымдымы доно «Праван виш школжы» проектӹн инициаторжы.
2014-шӹ и гӹц РФ Президентӹн патронатшы доно виктӓрӹшӹ кадрвлӓн резервӹш пыра.
2015-шӹ и июнь гӹц Тюменский областьыштышы кадр керӓллыкым шӹмлӹмӹ дӓ анзыцок пӓлдӓрӹмӹ шотышты экспертный кӓнгӓшӹш пырен.
2018-шӹ и 25-шӹ декабрь гӹц Россий Федерацин Президентшӹ сагашы Наука дӓ образовани шотышты кӓнгӓшӹш пырен[6].
2024-шӹ ин 27-шӹ декабрьын Россий Федерацин президентшӹн 27.12.2024 гӹц 1120 №-ӓн «Истори велӹм сотемдӓрӹмӹ шотышты ведомствывлӓ лоштышы комиссин ядмашвлӓжӹ» указшы доно келшӹшӹн Истори велӹм сотемдӓрӹмӹ шотышты ведомствывлӓ лоштышы комиссин президиумышкыжы пыртымы[7].
2025-шӹ ин 15-шӹ майын РФ президентӹн указшы доно Российӹштӹшӹ наука академин попечительский советӹш пыртымы[8].
Наградывлӓ дон званивлӓ
- Россий Федерацин Образовани министерствыжын (2003) дӓ Тюменский областьын Губернаторжын Почётан грамотышты (2008)
- Тюменский областьын Губернаторжын Тау шамакшы (2008)
- Тюменский областьын думыжын онгыш пижӹктӹмӹ Почётан пӓлӹжӹ (2009)
- Тюменский областьышты «Ин Юристшӹ — 2014» кӱшӹл юридический премин лауреатшы
- РФ Президентӹн Уральский федеральный округыштышы Полномочный представительжӹн Тау шамакшы (2015)
- Тюменский областьын образовани дӓ наука Департаментӹн тау шамакшы (2015)
- Россий Федерацин Федеральный собранижӹн Федераци Кӓнгӓшӹн Председателжьӹн тау шамакшы (2017).
Примечани
- ↑ Просмотр документа — dlib.rsl.ru. Тергӹмӹ кечӹ: 25 сентябрьын 2025. Архивируйымы 25 февральын 2020 года.
- ↑ Приказ от 10 апреля 2018 г. № 12-07-03/50. Тергӹмӹ кечӹ: 25 сентябрьын 2025. Архивируйымы 13 январьын 2021 года.
- ↑ Госдума утвердила Фалькова министром науки и высшего образования. РИА "Новости" (14 майын 2024). Тергӹмӹ кечӹ: 25 сентябрьын 2025.
- ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 25 сентябрьын 2025.
- ↑ Источник. Тергӹмӹ кечӹ: 25 сентябрьын 2025. Архивируйымы 28 августын 2020 года.
- ↑ Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» (руш.). web.archive.org. Тергӹмӹ кечӹ: 25 сентябрьын 2025.
- ↑ Указ Президента Российской Федерации от 27.12.2024 № 1120 ∙ Официальное опубликование правовых актов (руш.). publication.pravo.gov.ru (27 декабрьын 2024). Тергӹмӹ кечӹ: 25 сентябрьын 2025.
- ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Тергӹмӹ кечӹ: 25 сентябрьын 2025.
Ссылкывлӓ
- Фальков Валерий Николаевич (руш.). Тергӹмӹ кечӹ: 25 сентябрьын 2025.
 | |
|---|---|
| Библиографи каталогвлӓштӹ |
|
| Россий Федерацин пӓшӓм ӹштӹшӹ Правительство | |
|---|---|
| Председатель | |
| Икшӹ вашталтышы | |
| Вашталтышывлӓ |
|
| Министр |
|