Кравцов, Сергей Сергеевич

Ирӹкӓн энциклопеди Википеди гӹц материал
Сергей Сергеевич Кравцов
Sergey Kravtsov 12.03.2020.jpg
Флаг
Россий Федерацин просвещени министржӹ
Флаг
2020 и 21 январь гӹц
(2024 и 7—13 май п. ш.)
Правительствын вуйлатышыжы Михаил Мишустин
Андрей Белоусов (п. ш.)[1]
Президент Владимир Путин
Андакшы пӓшӓзӹ Ольга Васильева
Флаг
Тымдымаш дӓ наука сферӹм тӹшлӹмӹ шотышты федеральный службын (Рособрнадзор) вуйлатышыжы
Флаг
2013 и 8 август — 2020 и 21 январь
Правительствын вуйлатышыжы Дмитрий Медведев
Президент Владимир Путин
Андакшы пӓшӓзӹ Иван Муравьев
Вашталтышы Анзор Музаев
Шачын 1974 и 17 март(1974-03-17) (52 и)
Москва, РСФСР, СССР
Парти Единый Россий
Образовани Московский кугижӓншӹ педагогический университет,
МГИМО
Ученый степень педагогика наука доктор
Ученый звани доцент
Награда
Логотип РУВИКИ.Медиа Медиафайлы на РУВИКИ.Медиа

Сергей Сергеевич Кравцов (шач. 17 март 1974, Москва) — Российӹн кугижӓншӹ пӓшӓзӹ. 2020-шы и 21-шӹ январь гӹц Россий Федерацин просвещени министржӹ (2024-шӹ и 7—13 майын и.о.).

Педагогика наука доктор (2007), доцент. Россий Федерацин 3-шы классан действительный кугижӓншӹ советникшӹ (2013). 2013-шы и 8-шӹ август гӹц 2020-шы и 21-шӹ январь якте Тымдымаш дӓ наука сферӹм тӹшлӹмӹ шотышты федеральный службын (Рособрнадзор) вуйлатышыжы. 2021-шӹ ин 4-шӹ декабрь гӹц «Единый Россий» партин генеральный советӹн членжӹ[2].

Ӹлӹмӓш корныжы

Сергей Кравцов 1974-шӹ ин 17-шӹ мартын Москвашты шачын[3]. Ӓтяжӹ — инженер, «Энергия — Буран» космический корабльын проектшӹ доно пӓшӓм ӹштен. Ӓвӓжӹ — тымдышы, «Школышты информатика» журналын тӹнг редакторжы[4].

1996-шы ин Кравцов Московский кугижӓншӹ открытый педагогика университетӹм (2006-шы и гӹц — М.А. Шолохов лӹмӓн Московский кугижӓншӹ гуманитарный университет, 2015-шӹ ин вуз Московский кугижӓншӹ педагогический университет докы ушнен) «математика дон информатикӹм тымдышы» специальность доно отлично тымень пӹтӓрен[3]. 1994—1996-шы ивлӓн — Москва халан 176-шы №-ӓн школышты математикӹм тымдышы[5].

1997-шӹ и гӹц 2002-шы и якте Кравцов Российский тымдымаш академин институтыштыжы пӓшӓлен, изирӓк научный пӓшӓзӹ, научный пӓшӓзӹ, когорак научный пӓшӓзӹ, лабораторим вуйлатышы ылын. 2000-шӹ ин Российӹн МИД Московский вескид сӓндӓлӹквлӓ доно кӹл кычымаш кугижӓншӹ институтым «иностранный йӹлмӹм пӓлӹмӓн кугижӓншӹ дӓ муниципальный виктӓрӹмӓш» специальность доно пӹтӓрен[3].

2002-шы ин Кравцов Российский Федерацин Тымдымаш министерствышты пӓшӓм ӹштӓш тӹнгӓлӹн. 2004-шӹ и гӹц 2008-шӹ и якте Тымдымаш дӓ наука сферӹм тӹшлӹмӹ шотышты федеральный службым вуйлатышы Виктор Болотовын палшышыжы ылын[3].

2008-шӹ ин ЕГЭ-м эртӓрӹмӹ процедурым йӓмдӹлӹшӹ «Тестируйымаш шотышты Федеральный центр» Федеральный кугижӓншӹ учрежденин директоржын долностьышкыжы шагалтымы. 2009-шӹ ин Российский тымдымаш академин Тымдымашым виктӓрӹмӹ институтшым вуйлаташ тӹнгӓлӹн[3].

2011-шӹ ин апрельӹн Кравцовым РФ Тымдымаш дӓ наука министерствын Регион виӓнгмӓш департаментӹн директоржы должностьыш шагалтымы; 2011-шӹ ин тенгеок «Тымдымашын пӓшӓзӹвлӓн квалификациштӹм когоэмдӹшӹ дӓ професси доно угӹц йӓмдӹлӹмӹ академи» федеральный кугижӓншӹ учрежденин ректорын пӓшӓжӹм ӹштен[3]. 2012-шы ин июльын Минобрнаукын Программывлӓм дӓ конкурс процедурым виктӓрӹмӹ департаментӹн директӹржӹ должностьыш шагалтымы[3].

2013-шы ин 8-шӹ августын правительствын шӱдӹмӹжӹ доно Тымдымашын дӓ наука сферӹм тӹшлӹмӹ шотышты федеральный службын вуйлатышыжы должностьыш шагалтымы, ти постышты тӹдӹ Иван Муравьёвым вашталтен. 2017-шӹ и 28-шӹ ноябрь гӹц 2018-шӹ и 24-шӹ май якте Кравцов РФ Наука дӓ тымдымаш министрын вашталтышыжы — Рособрнадзор вуйлатышын должностьыштыжы ровотаен, вет ведомство Наука дӓ тымдымаш министерствын управлеништӹжӹ ылын. 2018-шӹ ин Тымдымаш дӓ наука сферӹм тӹшлӹмӹ шотышты федеральный службым правительствын вуйлатымашкы пумы; 2018-шӹ ин 24-шӹ майын Кравцовым угӹц тӹдӹн вуйлатышешӹжӹ шагалтенӹт[3].

2020-шы и 21-шӹ январь гӹц Кравцов Россий Федерацин Просвещени министерствыжым вуйлаташ тӹнгӓлӹн[6].

2021-шӹ ин 4-шӹ декабрьын Кравцов «Единый Россий» партин генеральный советӹшкӹжӹ пырен, тӹдӹн кандидатурыжым вуйлатышы органвлӓн ротациштӹн кӹшкӓрӹштӹшӹ партин погынымашыштыжы юкым пуэн пингӹдемдӹмӹ[7]. Ти погынымашток Кравцовлан «Единый Россий» партин билетшӹм кычыктенӹт[8].

2024-шӹ ин 14-шӹ майын Кугижӓншӹ Дума Кравцовым угӹц просвещени министрын должностьышкы пингӹдемден, ти кечӹнок РФ президент пӓшӓш шагалтымы гишӓн указеш кидшӹм пиштен[9].

Научный пӓшӓ

1999-шӹ Кравцов «Мультимеди технологим кычылтын математика доно пачеш кодшы тыменьшӹвлӓ доно занятим эртӓрӹмӹ методика» кандидатский диссертацим ӹшӹклен[3].

2007-шӹ ин Кравцов Российӹн тымдымаш академиштӹ Содержани дӓ тымдымы йӧн институтышты «Россий Федерацин школвлӓштӹ профилян тымдымашым виӓнгдӹмӓштӹ теори дон практикӹжӹ» тема доно педагогика наука доктор степеньӹм нӓлӓш диссертацим ӹшӹклен[3] (оффициальный оппонентвлӓ А.В. Баранников, В.И. Блинов дӓ В.С. Данюшенков). 2013-шы ин августын Кравцовын докторский диссертациштӹжӹ плагиат ылмы велдӹк тенгеок Кугижӓншӹ Думын депутатшы В.В. Бурматов вуйнаматанеш лыктын[10].

Семня

Сергей Кравцов ӹдӹр нӓлшӹ, кок тетяжӹ улы: эргӹ дӓ ӹдӹр[3].

Санкцивлӓ

Украинӹштӹ военный действи тӹнгӓлмӹ паштек Кравцов Евроушемӹн[11], Канадын, США-н, Великобританин, Швейцарин, Австралин, У Зеландин санкциштӹштӹ ылеш.

Наградывлӓ

Кравцов икманяр наградым сылен нӓлӹн, нӹнӹ лошты:

  • Россий Федераци Правительствын тау шамакшы (2016-шы и 6-шы апрель) — «ӓтямӱлӓнӹштӹ тымдымашын качествыжым ӓклӹмӹ системӹжӹм виӓнгдӹмӓшкӹ, объективный икань кугижӓншӹ экзаменӹм эртӓрӹмӹ механизмвлӓм яжоэмдӹмӓшкӹ керӓл вкладым пиштӹмӹлӓн»[3][12];
  • «Россий Федерацин кӱшӹл профессиональный тымдымашын почётан пӓшӓзӹжӹ» лӹм[13];
  • Россий Федерацин Наука дӓ тымдымаш министерствын почётный грамотыжы[13];
  • «Честь дон патырлыклан» медаль (Кемеровский область; 2015)[14];
  • «Пётр Великийлӓн 350 и» ӓшӹндӓрӹмӹ пӓлӹ (Санкт-Петербург; 2023)[15];
  • «Омск областьлан служымы гишӓн» I степенян айыртемӓлтшӹ пӓлӹ (2025 и 28 январь)[16];
  • Российӹштӹшӹ Еврей община федерацин «кугижӓншӹ пӓшӓзӹ» номинациштӹ преми (2021) — «цымыр тымдымаш системӹштӹ Российӹштӹшӹ халыквлӓн национально-культурный пӓшӓштӹ палшымылан»[17].

Примечани

  1. ↑ 2020 и 30 апрель гӹц 19 май якте Россий Федераций Правительство вуйлытышын пӓшӓм шоктен.
  2. ↑ Кравцов, Сергей Сергеевич, ТАСС. Дата обращения: 30 сентябрьын 2025.
  3. ↑ 1 2 3 4 5 6 7 8 9 10 11 12 Кравцов, Сергей Сергеевич. Энциклопедия. ТАСС. Тергӹмӹ кечӹ: 30 сентябрьын 2025. Архивируйымы 10 ноябрьын 2018 года.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. Тергӹмӹ кечӹ: 30 сентябрьын 2025. Архивируйымы 30 июньын 2020 года.
  6. ↑ Что известно о новом министре просвещения. ТАСС (21 январьын 2020). Тергӹмӹ кечӹ: 30 сентябрьын 2025. Архивируйымы 5 майын 2020 года.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 декабрьын 2021). Тергӹмӹ кечӹ: 30 сентябрьын 2025. Архивируйымы 4 декабрьын 2021 года.
  8. ↑ Медведев вручил партбилеты "Единой России" руководству ДНР и ЛНР. ТАСС (4 декабрьын 2021). Тергӹмӹ кечӹ: 30 сентябрьын 2025. Архивируйымы 4 декабрьын 2021 года.
  9. ↑ Украина объявила в розыск руководителей Минпросвещения и Банка России, РБК (9 июльын 2025). Дата обращения: 30 сентябрьын 2025.
  10. ↑ Депутат обвинил нового главу Рособрнадзора в плагиате. РБК (12 августын 2013). Тергӹмӹ кечӹ: 30 сентябрьын 2025. Архивируйымы 9 июньын 2021 года.
  11. ↑ Official Journal of the European Union // Council Regulation (EU) 2022/2474. — 16 декабрьын (т. Volume 65). — С. 499. Архивировано 24 декабрьын 2022 года.
  12. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". pravo.gov.ru. Официальный интернет-портал правовой информации. Тергӹмӹ кечӹ: 30 сентябрьын 2025. Архивируйымы 11 июльын 2020 года.
  13. ↑ 1 2 Кравцов Сергей Сергеевич. Официальный сайт Министерства просвещения РФ. Тергӹмӹ кечӹ: 30 сентябрьын 2025. Архивируйымы 10 июльын 2020 года.
  14. ↑ Глава Рособрнадзора награжден медалью Кемеровской области «За честь и мужество». informio.ru (11 декабрьын 2015). Тергӹмӹ кечӹ: 30 сентябрьын 2025. Архивируйымы 4 декабрьын 2021 года.
  15. ↑ Сергей Кравцов награжден памятным знаком «350 лет Петру Великому». Минпросвещения России (24 февральын 2023). Тергӹмӹ кечӹ: 30 сентябрьын 2025.
  16. ↑ Распоряжение Губернатора Омской области от 28.01.2025 № 7-р "О награждении знаком отличия "За служение Омской области" I степени". publication.pravo.gov.ru. Официальный интернет-портал правовой информации (29 январьын 2025). Тергӹмӹ кечӹ: 30 сентябрьын 2025.
  17. ↑ Академик Гинцбург и министр Кравцов стали лауреатами премии Федерации еврейских общин. Интерфакс (29 ноябрьын 2021). Тергӹмӹ кечӹ: 30 сентябрьын 2025. Архивируйымы 4 декабрьын 2021 года.

Ссылкывлӓ

«https://mrj.ruwiki.ru/w/index.php?title=Кравцов,_Сергей_Сергеевич&oldid=314827» гӹц нӓлмӹ