Хуснуллин, Марат Шакирзянович

Ирӹкӓн энциклопеди Википеди гӹц материал
Марат Шакирзянович Хуснуллин
Марат Хуснуллин правительство.JPG
Флаг
Россий Федерацин Правительствын председательжӹн вашталтышыжы
Флаг
2020 и 21 январь гӹц
(п. ш. 2024 и 7—13 май )
Правительствын вуйлатышыжы Михаил Мишустин
Андрей Белоусов (п. ш.)
Михаил Мишустин
Президент Владимир Путин
Флаг
Москва мэрын градостроительный политика дӓ стройымаш шотышты вашталтышы
Флаг
2010 и 2 декабрь — 2020 и 21 январь
Губернатор Сергей Собянин
Андакшы пӓшӓзӹ Владимир Ресин
Вашталтышы Андрей Бочкарёв
Шачын 9 август 1966(1966-08-09)[1] (58 и)
Казань, Татар АССР, РСФСР, СССР
Парти
Образовани

Азан кугижӓншӹ финанс-эконимикӹштӹшӹ институт

Великобританин Пачмы университет
Ученый степень экономика наукывлӓн кандидат[d]
Професси экономист
Награда
Логотип РУВИКИ.Медиа Медиафайлы на РУВИКИ.Медиа

Марат Шакирзянович Хуснуллин (тат. Марат Шакирҗан улы Хөснуллин; 1966 ин 9 августын шачын, Азан, Татар АССР, РСФСР, СССР) — российӹштӹшӹ кугижӓншӹ пӓшӓзӹ. 2020 и 21 январь гӹц Россий Федерацин Правительствын Председательын вашталтышыжы (2024 и 7–13 май гӹц — о.ш.) ылеш[2]. Кечӹвӓлвел федеральный округышты куратор[3]. Экономика наукывлӓн кандидат.

Тыменьмӓш

[тӧрлӓтӓш | вики-текстӹм тӧрлӓтӓш]

1983 ин Азан кугижӓншӹ финанс-эконимикӹштӹшӹ институтыш тыменяш пырен (руш. КГФЭИ), но ик и гӹц армиш нӓлӹнӹт. 1990 ин КГФЭИ-м «экономика» специальность доно тымень пӹтӓрен[4]. 2000 ин Великобританин Пачмы университетӹштӹ «Профессиональный менеджмент» специальность доно йӓмдӹлӓлтмӓшӹм эртен[5]. 2006 и гӹц — экономика наукывлӓн кандидат. Татар дӓ английский йӹлмӹ доно попа[6][7].

Пӓшӓ

[тӧрлӓтӓш | вики-текстӹм тӧрлӓтӓш]

Татарстанышты[тӧрлӓтӓш | вики-текстӹм тӧрлӓтӓш]

Марат Хуснуллин Владимир Путин дӓ Минтимер Шаймиев доно Азанышты. 2007 и 20 январь

1983–1984 ивлӓ — КГФЭИ-штӹ опытный установкывлӓм обслуживайышы лаборант (тыменьмӓш доно иктӧр).

1984–1986 ивлӓ — Советский Армиштӹ служымаш[8].

1986–1987 ивлӓ — КГФЭИ-н лаборантшы.

1987–1995 ивлӓ — Азан халашты «Темп» лӹмӓн стройышы кооперативӹн тӹнг бухгалтержы, председательжӹ[8].

1995–1997 ивлӓ — ООО «Интерпластсервис»-н генеральный директоржы[8].

1997–2000 ивлӓ — Азан халашты «Ак Барс» лӹмӓн ООО Стройышы торгейӹшӹ-промышленный фирмӹн генеральный директоржы[8].

1999–2001 ивлӓ — Территориальный Прикамский округ дорц Татарстан Республикӹн Кугижӓншӹ Советӹн депутатшы. Татарстан Республикӹн Стройымаш, архитектура дӓ жилищно-коммунальный хозяйствын министерствышкы службыш ванжымы паштек халык депутатын постшы дорц отказен.

2000–2001 ивлӓ — ГУП ПЭО «Татэнерго»-н генеральный директоржын вашталтышы — материал-техника ресурс, инвестици дӓ стройымаш шотышты директор[8].

2001 и 11.05 — 2010 и 18.11. — Татарстан Республикӹн Стройымаш, архитектура дӓ жилищно-коммунальный хозяйствын министржӹ[8].

Тӹдӹн вуйлатымыжы годым республикӹш шукы федеральный инвестицим сек анзыц Татарстанышты ӹлӹмӹ вӓрӹм стройымашым виӓнгдӹшӹ комплексный программа гишӓн кондымы. Программа республикӹн кого халавлӓн — Азанын, Набережные Челнын, Нижнекамскын, Елабуган, Альметьевскӹн — агломерациштӹштӹн территоривлӓм ик градостроительный решӹмӓшеш виктӓрӹмӹ ылын. Тидӹ халавлӓм коммунальный, корны-транспорт дӓ социальный инфраструктура доно сек изи роскотеш обеспеченим ӹштӓш йӧнӹм пуэн[9].

Хуснуллинӹн инициативӹжӹ семӹнь бюджет ресурсым переген кодаш манын, ӹлемӹм, корным, социальный сферӹн объектвлӓм стройымаш шотышты типовой планым пӓлдӹртенӹт. Тӹлец пасна «Электронная Россия» программа семӹнь Татарстанышты электронный закупкын, стройымашын дӓ кугижӓншӹ вневедомственный экспертизӹн разрешеним пумашын системӹм тӧрлӓтӹмӹ гишӓн стройымашлан роскотым изиэмдӹмӹ[9].

Хуснуллинӹн участижӹ доно Азанышты варарак 2013 ишӹ Универсиадышты кычылташлык спорт объектвлӓм стройымаш тӹнгӓлын. 2010 ин май якте Татарстанышты 26 спорт сооруженим пачыныт: вӓшлӓ кредӓлмӓшӹн «Ак Барс» лӹмӓн дворец, «Олимпиец» Олимпийский резервӹн Казанский училище, КГУКиИ сага «Тезуче» «Форвард», «Мирас», «Итиль» спорт комплексвлӓ, ТГГПУ сага«Москва», «Ак Буре», «Ватан», «Татнефть Арена» И Дворец, «Тулпар», «Бустан», «Зилант», «Триумф» — и аренӓн дӓ «Триумф» Универсал СК — бассейн дӓ баскетбол площадкывлӓ доно, тенгеок Тарелкӓм лӱмӓш комплекс, «Акчарлак» левӓшӓн бассейн, Теннис академи, « КАИ Олимп» Культура-спорт комплекс, «Санкт-Петербург» волейбол центр, Бокс дӓ стӧл теннис центр, «Буревестник» иӓш манын левӓшӓн бассейн, Шуды вӹлнӹшӹ хоккей центр, Баскет-холл баскетбол спорт сооружени, Универсиадын Сола[10].

Эче 4 объект — Спортын вӹд йиш дворец, Гимнастика центр, 45 тӹжем вӓрӓӓн стадион дӓ Спортын вешлӓ доно ыдырымы йиш дворец — 2010 и паштек, Хуснуллинӹн Татарстан Республикӹн Стройымаш, архитектура дӓ жилищно-коммунальный хозяйствын министр пост гӹц кемӹкӹ, тӹдӹн преемникшӹвлӓн вуйлатымы доно стройымы ылын[10].

Ти жепӹшток Хуснуллин Казанский кугижӓншӹ архитектура-стройымаш университетӹн «Экономика дӓ предпринимательство стройымашты» кафедрӹн доцентшӹ ылын[11].

Москвашты[тӧрлӓтӓш | вики-текстӹм тӧрлӓтӓш]

Михаил Мень, Сергей Собянин дӓ Марат Хуснуллин Халам стройымаш политика комплексын коллегижӹн Заседаништӹ ылыт. 2014 и 8 август
Марат Хуснуллин Минстройымашты пӹтӓришӹ пӓшӓ совещаним эртӓрен. 2020 и 22 январь
Марат Хуснуллин дӓ Владимир Путин, 2020 и 3 март

2010 ин 18 ноябрьын Хуснуллинӹм Москван Хала стройымаш департаментӹн вуйлатышеш шагалтенӹт[8].

2010 ин 2 декабрьын халам стройымашын политика дӓ стройымаш гишан ядмашвлӓ шотышты мэрӹн вашталтышыжы лин[8].

2011 ин мартын Москван Халам стройымашын политика дӓ стройымаш гишан ядмашвлӓ шотышты коллегин председателешӹжӹ шагалтенӹт[12]. Тӹ инок ӹшке вуя стройымашым цӓрӹмӹ шотышты хала комиссим вуйлаташ тӹнгӓлӹн[13].

2012 ин январь — июльын хала заказын объектвлӓжӹ шотышты проект документацин экспертизӹм эртӓрӹмӹм виден, тиды гишӓн бюджетӹн икманяр роскот статьям изиэмден кердмӹ: стройымашын ӓкшӹ 20% якте вален, али 18,8 млрд тӓнгӓ. Хала объектвлӓлӓн подрядчиквлӓм пӓлдӹртӓш манын торгым эртӓрӹмӓшӹн лӓктӹш семӹнь тӹнгӓлтӹш ӓкӹм 9% изиэмден кердмӹ, али 8,4 млрд тӓнгӓ[14].

Хуснуллинӹн участижӹ доно стройымашым кӱкшӹц шотышты кӹтӹкемдӹмӓшӹн дӓ Бульвар онгы кӧргӹштӹ мӱлӓндӹм кычылтымы режимӹн схемӹвлӓм пингӹдемдӹмӹ.

2012 и гӹц Хуснуллин Мэри аппаратын управленижӹ доно иквӓреш стройымаш сферӹштӹ документацим нӓлмӹ шотышты процедурым куштылгемдӓш манын, цилӓ услуга, тенгеок мӱлӓндӹ ӓнгӓн градостроительный планым, архитектура-градостроительный решӹмӓшӹм, экспертизӹн иктешлӹмӓшӹм, строяш разрешеним нӓлмӓш дӓ объектвлӓм эксплуатациш пыртымаш электронный йиш доно эртӹжӹ манын, электронный документооборотын системӹм пыртымы шотышты проектӹм виктӓрен[15].

2012 и март гӹц Хуснуллин ядмашвлӓм решӓйӹмӹ дӓ «Москва-Сити» ММДЦ-м[12] стройымы шотышты штабым (2008 ишӹ финанс кризис гишӓн «Федераци» дон «Россий» башньывлӓм дӓ «Сити Пэлас» комплексӹм лӱктӹмӓш жеплӓн цӓрӹмӹ ылын: кредит ресурс уке гишӓн инвесторвлӓ пӓшӓм шагалтенӹт, ӓли проект гӹц лӓктӹныт) виктӓрен. Объектвлӓм сдатлымы планым угӹц анженӹт[16]. Вӓрешӹжӹ ММДЦ районышты иктӓ-маняр ӧлицӓм реконструкцим ӹштӓш, шамак толшеш, у транспорт развязкым (шӹм ситӓртӹш шукы корнан 2,5 километрӓш автомобиль развязкым стройымаш 2012 ин шӹжӹм пӹтен) строяш шанен пиштӹмӹ[17].

2012 и апрель гӹц Хуснуллин Москва халаштышы кӹртни корны пидӹшӹн, кӹртни корны транспорт инфраструктурын объектвлӓн дӓ нӹнӹн сага мӱлӓндӹ ӓнгӓн территорим градостроительный виӓнгдӹмӓш гишӓн ядмашвлӓ шотышты Советӹн сопредседательжӹ ылеш[18][19].

2012 и 1 июль гӹц, Москва докы Московский областьын лаштыкшым уштарымы вырт гӹц, Хуснуллин тенгеок «У Москвашты» стройымаш политикӹм видӓ[20].

2013 ин январьын халашты ик градостроительный дӓ архитектурный политикӹм шоктымашым виктӓрӹшӹ, угӹц пачмы Архитектура советӹм вуйлаташ тӹнгӓлӹн. Хуснуллинӹн согласовани семӹнь советӹш российӹштӹшӹ дӓ вес сӓндӓлӹк гӹц экспертвлӓ пыренӹт. Халаштышы кого дӓ керӓл территоривлӓ семӹнь стройымашым виӓнгдӓш манын концепцим ӹштӓш конкурсвлӓм эртӓрӹмӹ практика лӓктӹн[21]. Появилась практика проведения конкурсов на разработку концепций градостроительного развития по крупным и значимым городским территориям[15].

РФ Правительствын вице-премьер

[тӧрлӓтӓш | вики-текстӹм тӧрлӓтӓш]

2020 ин 21 январьын Россий Федераци Правительствын вице-премьереш шагалтенӹт[22].

2020 и 29 январь гӹц Хуснуллин Крым Республикӹн дӓ Севастопольын куратор ылеш. 2022 и апрель гӹц тенгеок Херсон областьым, Запорожьем дӓ Донбассым угӹц лӱктӓлмӹ шотышты куратор ылеш[23].

2024 ин 11 майын Михаил Мишустин Госдумыш правительствын у составшым анжалаш пыртен, Хуснуллинӹн кандидатурыжым вице-премьер должностеш шагалташ предлагаен[24]. 13 майын Госдума тӹдӹм ти постыш пингӹдемден[25]. 14 майын РФ-н президент указеш кидӹм пиштен[26].

Марат Хуснуллин кугижӓншӹ ӹлем политика дӓ недвижимостьым граждан оборот, тенгеок автомобиль корным стройымаш, уэмдӹмӓш дӓ тӧрлӓтӹмӓш, корнышты кыдалмын безопасность, общественный транспортым виӓнгдӹмӓш шотышты ядмашвлӓм решӓйӓ. Вице-премьер техень халык проектвлӓм йӓмдӹлӹмӹм дӓ шоктен толмым виктӓрӓ: «Ӹлӹмӹ вӓр дон халаштышы кымдык», «Лӱдӹш укеӓн дӓ яжо корны», «Ире вӹд» дӓ «Йылым яжоэмдӹмӓш» федеральный проектвлӓн лаштыкышты «Экологи».

Хуснуллинӹн тӹшлӹмӓштӹ — Крым Республикӹм, Севастопольым, Донецк дӓ Луганск халык республиквлӓм, Запорожье да Херсон областьвлӓм социальный-экономика монгырым виӓнгдӓш йӧнӹм ӹштӹмӓш. Куратор семӹнь Хуснуллин Кечӹвӓлвел федеральный округын социальный-экономика монгырым виӓнгдӹмӓш шотышты отвечӓйӓ дӓ техень ведомствывлӓм видӓ:

  • Минстройымаш;
  • Кугижӓншӹ регистраци, кадастр дӓ картографи шотышты федеральный служба;
  • Экологим, технологим дӓ атомым тӹшлӹмӹ шотышты федеральный служба;
  • Кугижӓншӹ пурлыкым виктӓрӹмӹ шотышты федеральный агентство;
  • Федеральный корны агентство[27].

Градостроительный политика областьышты сек керӓл проектвлӓ

[тӧрлӓтӓш | вики-текстӹм тӧрлӓтӓш]

Метрополитенӹн виӓнгмӹжӹ[тӧрлӓтӓш | вики-текстӹм тӧрлӓтӓш]

Хуснуллин 2017 ин 16 декабрьын «Рязанская» ТПУ-н стройплощадкышты

2011 и гӹц Хуснуллинӹн участижӹ доно 101 километр кужыцан метро линим, Московский тӹнг онгын 54 километржӹм, ирӹрӓк грузым шыпшедӓш кычылталтшы, пассажирский движени семӹнь тӧрлӓтӹмӹ доно иквӓреш, стройымы. Ти кытлашты метрополитенӹм стройымашын ӓкшӹ, проектировани шотышты европейский стандартыш ванжымы гишӓн дӓ станцим келгӹш агыл, а тӓлякӓш вӓрӓнгдӓш тӹнгӓлмӹ гишӓн, 25% вален[28]. Метром стройымашын жепшӹ иктӓ 30% изиэмӹн.

Градостроительный политика[тӧрлӓтӓш | вики-текстӹм тӧрлӓтӓш]

2011 ин Хуснуллин ӹшке вуя стройымашым цӓрӹмӹ шотышты хала комиссим вуйлатен. Хуснуллинӹн Москван стройкомплексӹм 9 и вуйлатымыжы жепӹштӹ реноваци проектӹм шоктымаш тӹнгӓлӹн — тоштемшӹ шукы квартирӓн пӧртвлӓм карангдымаш дӓ жилецвлӓм у пӧртвлӓш ваштымаш[7].

2012 и гӹц Хуснуллин «Ик метреш тӓнгӓ» программым шоктымашты пӓшӓлен. Тӹдӹ семӹнь Москван Правительство частный инвесторвлӓлӓн культурный наследин объектвлӓм, нӹнӹм вӹц и годшен яжон научный реставрацим эртӓрӹмӹ услови доно, 49 иэш льготный арендеш пуэн. 2012 ин август мычашеш проект семӹнь вӹц московский усадьбым реставрируенӹт: Морозовмытын XVIII курым мычашын — XIX курым тӹнгӓлтӹшӹн халаштышы ӹлемӹштӹ дӓ Николоямский ӧлицӓштӹ Н. П. Баулинӹн ӹлӹмӹ пӧртшӹ (негӹцӹштӹ — XVIII курымаш палата); архитектор Константин Буссенӹн Подсосенский изи тореш ӧлицӓштӹ XVIII-XIX курымаш халаштышы ӹлемжӹ; Таганский площадьышты Колесниковын-Шаргинмытын-Сапатинӓн ӹлемӹштӹ; хресӓнь Сысоевӹн Печатник изи тореш ӧлицӓштӹ вӓрлӓнӹшӹ пӧртшӹ (когон пӓлӹмӹ «кариатидӓн пӧрт»). 2013 и якте льготный арендӹш пакыла зданин исторический сӹнжӹм пӧртӹлтӹмӹ доно культурный наследин эче 50 объектшӹм пумы[29].

2013 и гӹц Хуснуллинӹн тергӹмӹжӹ семӹнь Москван, уштарымы территоривлӓ доно иквӓреш, 2035 и якте виӓнгмӓшыжӹ шотышты генеральный план ӹштӓлтӹн[30].

2017 ин июньын «Лужники» БСА-м анзыц увертӓрӹмӹ жеп гӹц ик иэш ирӹрӓк реконструкцим ӹштӹмӹ. 2018 ин «Лужники» футбол доно 2018 ишӹ Цилӓ сӓндӓлӹкӹштӹшӹ чемпионатым эртӓрӹмӹ вӓр ылын[31].

2018 ин Хуснуллинӹн вуйлатымыжы семӹнь Москва покшалны, анзыц «Россий» гостиницӹн ылмы вӓрӹштӹ, Зарядье паркын проектшӹ ӹлӹмӓшӹш пыртымы ылын. «Россий» гостиницӹм 2006 и февраль гӹц пыжаш тӹнгӓлӹнӹт дӓ 2010 и тӹнгӓлтӹш якте мычашленӹт. 2012 ин Зарядьем виӓнгдӹмӹ шотышты концепцим йӓмдӹлӓш международный творческий конкурсым эртӓрӹмӹ, тӹшкӹ каждый кымылан эдем ушнен кердӹн. Территорим йӧнештӓрӹмӹ шотышты проектӹм цилӓ сӓндӓлӹк гӹц 240 команда пуэн. Конкурсын лӓктӹшӹжӹ семӹнь «халык задани» йӓмдӹлӹмӹ ылын, тӹштӹ мӱлӓндӹ вӹлнӹ стройымашым изиэмдӓш дӓ мӱлӓндӹ лӹвӓлнӹ шукырак строяш, тенгеок халан исторический центрӹштӹ культура пространствын цицмӓшӹжӹм пыдыртышы планировани решӹмӓш дорц отказаш сирӹмӹ. Паркышты 4 ландшафт зона, павильонвлӓ, парковка, музей, выставка залвлӓ, Москва-ӓнгӹр гач вӹсӹшӹ кӹвер, ӹшке статян концерт зал — филармони ылыт[32].

Транспорт политика

[тӧрлӓтӓш | вики-текстӹм тӧрлӓтӓш]

2011 ин Хуснуллин проектӹн кого ӓкшӹ гишӓн цилӓжӹ 60 километр кужыцан Нӹлӹмшӹ транспорт онгым стройымы гӹц отказымашым яжоэш шотлен, ти онгы МКАД-ын дӓ Кымшы транспорт онгын нагрузкым изиэмдӹшӓшлык дӓ Москвашты районвлӓ лоштышы кӹлӹм яжоэмдӹмӓшлык ылын. Проектӹм Йыдпелвел-Вадывел, Йыдпелвел-Ирвел хордым дӓ Кечӹвӓлвел рокадым ӹштӓш манын вашталтенӹт[33].

Российӹн Правительствышты

[тӧрлӓтӓш | вики-текстӹм тӧрлӓтӓш]

20220 и 21 январь гӹц Хуснуллин РФ правительствын председательжӹн Михаил Мишустинӹн вашталтышешыжы шагалтымы ылын. Тӹдӹн компетенциштӹ ӹлӹмӹ вӓр политика, ипотекӓн кредитовани, стройымаш дӓ архитектура шотышты госполитика, жилищно-коммунальный хозяйство, автомобиль корным пыжен тӧрлӓтӹмӓш дӓ кычылтмаш, корны движенин безопасностьшы, кугижӓншӹ собственностьым виктӓрӹмӓш ылеш.

Правительствын пӓшӓжӹм регионым виӓнгдӹмӹ сферӹштӹ (Мӹндӹр Ирвел федеральный округ гӹц пасна), Крым Республикӹн, Севастопольын, Калининград областьын социально-экономический виӓнгдӹмӓшӹм видӓ, Абхази дӓ Кечӹвӓлвел Осети республикӹвлӓ доно иквӓреш пӓшӓм ӹштӹмӹ гишӓн отвечӓйӓ. 2021 и июль гӹц Хусснулин Кечӹвӓлвел федеарльный округым видӓ.

Хуснуллин 2022-2023 ивлӓн вырсы кемӹ годым Украинӹн кок террористический актшы паштек Крым кӹверӹм угӹц тӧрлӓтӹмӹ пӓшӓм вуйлатен[7].

Награда дон почётан званивлӓ

[тӧрлӓтӓш | вики-текстӹм тӧрлӓтӓш]
Марат Хуснуллин 8-шӹ Московский урбанистика форумышты. 2018 и 18 июль
  • «Цилӓ Российӹштӹшӹ халыкым сирен шотлымы пӓшӓм эртӓрӹмӓштӹ заслугылан» медаль (2002)
  • «Азанлан 1000 и теммӹм ӓштӹмӹ лӹмеш» медаль (2005)
  • «Российӹн Профсоюзвлӓлӓн 100 и» медаль (2005)
  • Татарстан Республикӹн Министрвлӓн Кабинетӹн Тау шая доно сирмӓшӹжӹ (2007)
  • Татарстан Республикӹн Президентшӹн Тау шая доно сирмӓшӹжӹ (2008) (2010)
  • «Отечество анзылны заслугылан» II степенян орденӹн медальжы (2008)[34]
  • «Татарстан Республика анзылны заслугылан» орден (2010)
  • «Российӹн жилищно-коммунальный хозяйствын почётан пӓшӓзӹжӹ» почётан звани (2010)
  • Россий Федерацин заслуженный строитьӹл почётан звани (2013 и 21 декабрь) — стройымашты заслугылан дӓ пӓшӓм шукы и цаццен ӹштӹмӹ гишӓн[35]
  • Россий Федерацин Стройымаш дӓ жилищно-коммунальный хозяйствын министерствын почётан пӓлӹк (2016)
  • «„Российӹштӹшӹ кӹртни корны“ ОАО-м виӓнгдӹмӓштӹ заслугылан» 2-шы степенян пӓлӹк (2016)[36]
  • «Природым перегӹмӓшӹн почётный пӓшӓзӹжӹ» пӓлӹк (2016)
  • Почёт орден (2018)[37]

Пурлык

[тӧрлӓтӓш | вики-текстӹм тӧрлӓтӓш]

2011 ин Хуснуллин Кремль дорц мӹндӹрнӹ агыл 186,7 м² площадян квартирӹм нӓлӹн. 2016 ин Малика ӹдӹржӹлӓн подарен.

2020 ин СМИ-штӹ пӓлӹ лин: Хуснуллин Москвашты Ши имӓн шӹргӹштӹ рынок ӓк доно 1 млрд тӓнгӓӓш дворецӹштӹ ӹлӓ.

Примечани

[тӧрлӓтӓш | вики-текстӹм тӧрлӓтӓш]
  1. ↑ https://eur-lex.europa.eu/legal-content/FR/TXT/PDF/?uri=OJ:L:2022:042I:FULL&from=FR
  2. ↑ Правительство России переходит в статус и.о. до назначения нового состава. TACC. Дата обращения: 7 майын 2024.
  3. ↑ Михаил Мишустин назначил вице-премьеров кураторами федеральных округов. Дата обращения: 19 июльын 2021. Архивировано 19 июльын 2021 года.
  4. ↑ Хуснуллин Марат Шакирзянович. Дата обращения: 4 сентябрьын 2013. Архивировано из оригинала 30 январьын 2013 года.
  5. ↑ Marat Khusnullin // Коммерсантъ.
  6. ↑ Поймали за язык
  7. ↑ 1 2 3 Энциклопедия ТАСС. Хуснуллин Марат Шакирзянович
  8. ↑ 1 2 3 4 5 6 7 8 Хуснуллин Марат Шакирзянович — Биография. Дата обращения: 4 сентябрьын 2013. Архивировано из оригинала 7 августын 2013 года.
  9. ↑ 1 2 Портал строителей города — про жильё
  10. ↑ 1 2 Спортивные объекты Универсиады в Казани
  11. ↑ Казанский государственный архитектурно-строительный университет
  12. ↑ 1 2 Ъ-Справочник. Дата обращения: 4 сентябрьын 2013. Архивировано из оригинала 6 сентябрьын 2013 года.
  13. ↑ Хуснуллин возглавил комиссию по пресечению незаконного строительства вместо Ресина
  14. ↑ М.Хуснуллин подвел итоги деятельности Стройкомплекса Москвы за семь месяцев 2012 года
  15. ↑ 1 2 Заседание Правительства Москвы
  16. ↑ «Лужники», «Москва-Сити» и другие перестройки Москвы
  17. ↑ «Москва-Сити» ищет выезд
  18. ↑ Совет занимается разработкой решений для органов исполнительной власти Москвы и подразделений РЖД по повышению эффективности использования территорий МЖД, объектов инфраструктуры и прилегающих к ним участков, реализации на них инвестиционных проектов
  19. ↑ Градостроительным развитием территорий железной дороги в Москве займется специальный совет
  20. ↑ Недвижимость-2013: обращение заместителя Мэра Москвы Марата Хуснуллина
  21. ↑ Архитектурный совет Москвы возглавил Кузнецов(недоступная ссылка)
  22. ↑ Новый состав правительства. Полный список. РБК. Дата обращения: 21 январьын 2020.
  23. ↑ Как Марат Хуснуллин будет восстанавливать Херсон, Запорожье и Донбасс | Республика Крым(неопр.). ФедералПресс. Дата обращения: 23 майын 2022.
  24. ↑ О чем говорит новая конфигурация российского правительства. РБК (11 майын 2024). Дата обращения: 13 майын 2024.
  25. ↑ Госдума утвердила Хуснуллина вице-премьером. РИА Новости (13 майын 2024). Дата обращения: 13 майын 2024.
  26. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Дата обращения: 14 майын 2024.
  27. ↑ Михаил Мишустин утвердил распределение обязанностей между вице-премьерами. government.ru (17 майын 2024). Дата обращения: 17 майын 2024.
  28. ↑ Стоимость строительства метро в Москве снизили на 25 %. Дата обращения: 4 сентябрьын 2013. Архивировано из оригинала 18 июньын 2013 года.
  29. ↑ До конца года в льготную аренду может быть сдано около 50 объектов культурного наследия
  30. ↑ Марат Хуснуллин: «В Москве будет построено 300 гостиниц». Дата обращения: 4 сентябрьын 2013. Архивировано из оригинала 18 июльын 2013 года.
  31. ↑ Марат Хуснуллин: Реконструкцию «Лужников» можно начать лишь в мае 2014 года
  32. ↑ Первая очередь парка «Зарядье» была завершена в 2017 году, торжественное открытие парка состоялось 9 сентября 2017 года, в день празднования 870-летия Москвы. 4 ландшафтные зоны, павильоны, парковка, музеи, выставочные залы, парящий мост через Москву-реку — все это открыто для посетителей. Уникальный концертный зал — филармонию — планируют завершить и открыть в 2018 году.
  33. ↑ Более 230 км дорог реконструируют в Москве за три года — Хуснуллин
  34. ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow. web.archive.org (9 августын 2016). Дата обращения: 1 мартын 2022.
  35. ↑ Указ Президента Российской Федерации от 21 декабря 2013 г. № 929 «О награждении государственными наградами Российской Федерации»
  36. ↑ Фотофакт. www.gudok.ru. Дата обращения: 20 декабрьын 2016.
  37. ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»

Ссылкывлӓ

[тӧрлӓтӓш | вики-текстӹм тӧрлӓтӓш]
«https://mrj.ruwiki.ru/w/index.php?title=Хуснуллин,_Марат_Шакирзянович&oldid=154807» гӹц нӓлмӹ