Шадаев, Максут Игоревич

Ирӹкӓн энциклопеди Википеди гӹц материал
Максут Игоревич Шадаев
Максут Шадаев.png
Флаг
Россий Федерацин Цифровой виӓнгмӓш, кӹл дӓ массовый коммуникаци министр
Флаг
2020 и 21 январь гӹц
(п. ш. 2024 и 7—13 май)
Правительствын вуйлатышыжы Михаил Мишустин
Андрей Белоусов (п. ш.)
Михаил Мишустин
Президент Владимир Путин
Андакшы пӓшӓзӹ Константин Носков
Шачын 1979 и 11 ноябрь(1979-11-11) (46 и)
Москва, РСФСР, СССР
Тетявлӓ кок тетяӓн
Образовани Российӹштӹшӹ кугижӓншӹ социальный университет
Награда
Орден Почёта RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа

Максут Игоревич Шадаев (шач. 11 ноябрь 1979, Москва) — Российӹштӹшӹ кугижӓншӹ деятель, 2020 и 21 январь гӹц Россий Федерацин Цифр виӓнгмӓш, кӹл дӓ тӹшкӓ коммуникаци шотышты министр[1][2][3]. Россий Федерацин II классан лачокшы кугижӓншӹ советник (2014). Россий журналист Ушемӹн членжӹ.

Ӹлӹмӓш корныжы

Максут Шадаев 1979 ин 11 ноябрьын Москвашты, вес увер семӹнь — Нижний Новгородышты шачын. Национальность донжы — тадар[4]. 1999 и гӹц информаци-коммуникаци технологивлӓ сферӹштӹ компанивлӓштӹ пӓшӓлен.

2004 ин Шадаев Социальный виӓнгмӓш дӓ пӓшӓ министерствын Москваштышы кугижӓншӹ социальный университетӹм (кӹзӹт — Россий кугижӓншӹ социальный университет) «социологи» специальность доно тымень пӹтӓрен. Тӹ инок РФ-н информаци технологи дӓ кӹл министр Леонид Рейманын советникешӹжӹ назначымы. 2006 ин 6 февральын Шадаев Кугижӓншӹ программывлӓ, инфраструкткра виӓнгмӓш дӓ чӹдӹ ресурсым кычылтмы шотышты департаментӹн министржӹ лин.

2000-2001-шӹ ивлӓн Шадаев Илья Пономарёвын ЮКОС-ын эдемвлӓ доно пачмы дӓ Сан-Матеошты (США) регистрируйымы «Arrava Internet Management» компанижӹн «Эдвайзерс» проектшӹм вуйлатен[5][6][7]. 2000-шӹ ин июньын компани пӓшӓм Российӹн рынкышты ӹштӓш тӹнгӓлмӹжӹ гишӓн увертӓрен[8][9]. 2000-шӹ ин октябрьын Шадаев «Arraval Internet Advisors» компанин интернет стратеги шотышты директоржы лин[10].

2002-2004 ивлӓн Шадаев Анатолий Карачинскийӹн IBS Group холдингӹштӹжӹ пӓшӓлен, тӹштӹ интернет-решӹмӓш отделенин бизнесӹм виӓнгдӹмӹ шотышты начальникшӹ ылын, а 2003 ин бизнес виӓнгмӓш шотышты директор лин[5].

2004 ин июльын Шадаев Леонид Юхневичӹн «Восход» ФГУП НИИ-ын директорын советникшӹ должностьыш шагалын[11].

2007 ин 9 октябрьын Рейман доно иквӓреш Федеральный пурлык виктӓрӹмӓш шотышты Федеральный агентствын «Росинфокоминвест» (РИФИКТ) венчурный фондын директорвлӓн советӹш пырен, тидӹм ӹштӓш РФ Мининформкӹл цацен[12].

2008 ин майын РФ Информационный технологи дӓ кӹл шотышты министерство вӓреш Игорь Щёголев вуйлатымы Кӹл дӓ массовый коммуникаци министерствым (руш) (мар. ӹштӹмӹ паштек, Шадаев тӹштӹ информатизаци дӓ информаци технологивлӓ шотышты кугижӓншӹ политика департаментӹн директор постыш шагалын.

2008 ин шӹжӹм Шадаев Россий Федераци президентӹн Администрацижӹм вуйлатышы Сергей Нарышкинӹн палшышыжы лин, обществын информационный виӓнгмӓшӹжӹ шотышты президент сагашы Кӓнгӓшӹн пӓшӓжӹм виктӓрен, тенгеок биометриӓн паспортвлӓм ӹштӹмӹ проект гишӓн отвечӓен. 2009 ин февральын Шадаевӹм Россий Федераци Президентӹн виктӓрӹшӹ кадрвлӓн «пӹтӓришӹ шӱдӹ» резервӹш пыртенӹт. Конструкторвлӓн кӓнгӓшӹн председатель ылын — у поколенин паспортно-визовый документвлӓм ӹштӹмӹ, оформляйӹмӹ дӓ тӹшлӹшӹ кугижӓншӹ системӹн тӹнг конструкторжы (ГС ПВДНП)[13].

2012 ин Шадаев РФ Кугижӓншӹ думын председательжӹ Сергей Нарышкинӹн советникшӹ лин. «Электронный парламент» проектӹн реализаци гишӓн отвечӓен.

2014 ин 11 февральын Шадаевӹм Москва областьын кугижӓншӹ управлени, увер технологи дӓ кӹл министреш шагалтенӹт. Москва область правительство составыш пырен, тӹдӹм регионын губернаторжы Андрей Воробьёв вуйлатен. 2016 ин 29 сентябрьын тенгеок Подмосковье правительство председательӹн вашталтышыжы лин. Шадаев вуйлатымы доно «Добродел» портал — Москва областьын жалвайымаш дӓ предлагайымаш книгӓ — пачылтын. 2018 ин 14 сентябрьын, Москва областьын правительтвын отставкыжы паштек, Шадаев тӹдӹн у составышкыжы пырыде, общественный пӓшӓ семӹнь губернатор Воробьёвын советник постыш шагалын.

2017 и май гӹц Шадаев тенгеок общественный пӓшӓ семӹнь РФ президентӹн Администраци главан пӹтӓришӹ вашталтышыжы Сергей Кириенкон советникшӹ ылын, социальный сетьвлӓштӹ регионыштышы властвлӓн информаци политикӹштӹм курируен[14].

2018 ин 26 сентябрьын Шадаевӹм «Ростелеком» ПАО-н цифровой платформывлӓ шотышты вице-президентеш шагалтымы, а 2019 и февраль гӹц ти пост доно иквӓреш «РТ Лабс» АО-н гендиректор должностьышты пӓшӓлен, тӹдӹн 100 % акцижӹ кугижӓншӹ операторын ылын.

2020 ин 21 январьын Россий Президент Владимир Путинӹн указшы доно Российӹн цифровой виӓнгмӓш, кӹл дӓ коммуникаци министр постыш шагалтымы[15]. У должностьышты Шадаевӹн Госсоветӹн заседаништӹ увертӓрӹмӹ пӹтӓришӹ инициативӹжӹ техеньӹ лин: эдемвлӓн данныйвлӓм онлайн режимӹштӹ судын решени гӹц пасна[16] силовой структурын оперативниквлӓлӓн[17] пуаш ылын, но, Песковын шеклӓнӹшӹ реакцижӹ паштек, Шадаев тӹдӹм самынь ынгыленӹт манын келесен[18].

2024 ин 14 майын Шадаевӹм Госдума угӹц Российӹн цифровой виӓнгмӓш, кӹл дӓ коммуникаци министр постыш шагалтен[19], тӹ кечӹнок РФ президент назначени гишӓн указым подписӓен[20][21].

2025 ин Ӹлӹмӓшӹштӹ керӓл ылшы сервисвлӓн реестрӹм пыртымы паштек Максут Шадаев Kazan Digital Week и йӹде эртӓрӓлтшӹ халыквлӓ лоштышы форумышты ӹшке вуйлатымы министерствын у нововведенижӹм ынгылдарен. Тӹдӹн попымыжы семӹнь, Лӱдӹшдӹмӹлыкӹм ӹштӓш манын мобильный интернетӹм цӓрӹмӹ годым мобильный интернетӹм цӓрӹмӹ годым кычылт кердмӹ сайтвлӓн спискӹштӹ каждый ӓрня уэмдӓлтӓш тӹнгӓлӹт[22].

Семня

Кок ӹдӹржӹ улы[23][4].

Наградывлӓ

  • Почёт орден (18 ноябрь 2010 и) — веремӓштӹ электронный уверӓн вескид паспортвлӓм пыртымым обеспечивайымы гишӓн[24].
  • «Отечество анзылны заслуга гишӓн» II степенян медаль (29 май 2019 и) — пӓшӓм яжон ӹштӹмӹ дӓ шукы и шот доно пӓшӓлӹмӹ гишӓн[25].

Примечани

  1. ↑ Шадаев, Максут Игоревич, ТАСС. Дата обращения: 24 сентябрьын 2025.
  2. ↑ Путин назначил нового министра по цифровому развитию и связи - CNews, CNews.ru. Дата обращения: 24 сентябрьын 2025.
  3. ↑ Новым главой Минкомсвязи назначили Максута Шадаева, РИА Новости. Дата обращения: 24 сентябрьын 2025.
  4. ↑ 1 2 Шадаев Максут Игоревич. Биография. РБК. Тергӹмӹ кечӹ: 24 сентябрьын 2025.
  5. ↑ 1 2 Максут Шадаев возглавил «РТ лабс», главную ИТ-«дочку» «Ростелекома» - CNews, CNews.ru. Дата обращения: 24 сентябрьын 2025.
  6. ↑ Arrava намерена развивать электронный бизнес (13 июльын 2000). Дата обращения: 24 сентябрьын 2025.
  7. ↑ Фирмы Пономарева: правда или вымысел?, Ридус. Дата обращения: 24 сентябрьын 2025.
  8. ↑ PressRoom.Ru - ARRAVA: первый строитель реального бизнеса в Интернете (ARRAVA). www.pressroom.ru. Тергӹмӹ кечӹ: 24 сентябрьын 2025.
  9. ↑ Илью Пономарева обвинили в предпринимательской деятельности. anone.ru. Тергӹмӹ кечӹ: 24 сентябрьын 2025.
  10. ↑ В Рунет за советами, Коммерсантъ (26 октябрьын 2000). Дата обращения: 24 сентябрьын 2025.
  11. ↑ Кто такой Максут Шадаев?, AiF. Дата обращения: 24 сентябрьын 2025.
  12. ↑ Венчурных денег прибыло (16 октябрьын 2007). Дата обращения: 24 сентябрьын 2025.
  13. ↑ Новости компании (руш.). voskhod.ru. Тергӹмӹ кечӹ: 24 сентябрьын 2025.
  14. ↑ Региональным чиновникам подобрали интернет-штурмана (31 майын 2017). Дата обращения: 24 сентябрьын 2025.
  15. ↑ Подписаны указы о назначении министров Правительства Российской Федерации, Президент России. Дата обращения: 24 сентябрьын 2025.
  16. ↑ Министр связи предложил открыть силовикам доступ к данным россиян, Коммерсантъ (29 январьын 2020). Дата обращения: 24 сентябрьын 2025.
  17. ↑ Министр Шадаев предлагает открыть персональные данные граждан силовикам, Ведомости. Дата обращения: 24 сентябрьын 2025.
  18. ↑ В Кремле назвали новой инициативу дать силовикам доступ к данным россиян, РБК. Дата обращения: 24 сентябрьын 2025.
  19. ↑ Госдума утвердила Шадаева на должность главы Минцифры. РИА "Новости" (14 майын 2024). Тергӹмӹ кечӹ: 24 сентябрьын 2025.
  20. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 24 сентябрьын 2025.
  21. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации». publication.pravo.gov.ru. Тергӹмӹ кечӹ: 24 сентябрьын 2025.
  22. ↑ Шадаев: "белый список" интернет-ресурсов будет обновляться каждую неделю, smotrim.ru. Дата обращения: 24 сентябрьын 2025.
  23. ↑ Биография нового главы Минкомсвязи Максута Шадаева - ТАСС. TACC. Тергӹмӹ кечӹ: 24 сентябрьын 2025.
  24. ↑ Указ Президента Российской Федерации от 18.11.2010 г. № 1443, Президент России. Дата обращения: 24 сентябрьын 2025.
  25. ↑ Указ Президента Российской Федерации от 29.05.2019 г. № 240, Президент России. Дата обращения: 24 сентябрьын 2025.

Ссылкывлӓ

«https://mrj.ruwiki.ru/w/index.php?title=Шадаев,_Максут_Игоревич&oldid=314677» гӹц нӓлмӹ