Чернышенко, Дмитрий Николаевич

Ирӹкӓн энциклопеди Википеди гӹц материал
Дмитрий Николаевич Чернышенко
Dmitry Chernyshenko official portrait (government.ru).jpg
Флаг
Россий Федерацин правительствын председательжӹн вашталтышы
Флаг
2020 и 21 январь
(п. ш. 2024 и 7—13 май)
Правительствын вуйлатышыжы Михаил Мишустин
Андрей Белоусов (п. ш.)
Михаил Мишустин
Президент Владимир Путин
Шачын 20 сентябрь 1968(1968-09-20) (57 и)
Образовани
Награда
Сайт government.ru
Логотип РУВИКИ.Медиа Медиафайлы на РУВИКИ.Медиа

Чернышенко Дмитрий Николаевич (шач. 20 сентябрь 1968, Саратов[d]) — российӹштӹшӹ кугижӓншӹ деятель, 2020 и 21 январь гӹц Россий Федерацин правительствын цифран экономика дӓ инновацивлӓ, кӹл, СМИ, тенгеок культура, туризм дӓ спорт ядмашвлӓ шотышты председательӹн вашталтышыжы[1][2]. 2021 и 19 июль гӹц Приволжский федеральный округышты куратор[3].

2007-2014 ивлӓн Сочиштӹ 2014 ин эртӓрӓлтшӹ XXII телшӹ Олимпийский дӓ XI телшӹ Паралимпийский мадмашвлӓм йӓмдӹлӹшӹ комитетӹн президентшӹ. 2014 и 28 ноябрь гӹц Континентӹштӹшӹ хоккей лигын президент, правленин председатель. «Газпром-медиа Холдингӹн» генеральный директоржы дӓ правлени председатель. Тенгеок 2018 и 20 октябрь гӹц «ГМП мадыктылшы ТВ» субхолдингӹм вуйлата[4][5].

2019 ин Чернышенко кокшы гӓнӓ пачелӓ Variety500-ыш — мирӹштӹ 500 сек кого влияниӓн медиаэдемвлӓн спискы, кыдым Америкӹштӹшӹ Variety издани ӹштӓ — пырен[6].

Ӹлӹмӓш корныжы

МОК-ын 119-шӹ сессижӹм пачмы церемоништӹ. Россий президент дорц шалахай велнӹ В. А. Фетисов, вургымла велнӹ — И. К. Роднина дӓ Д. Н. Чернышенко.
Гватемал, 2007 и 3 июль
Дмитрий Чернышенко Мӹндӹр Ирвелӹш пӓшӓ доно каштмыжы годым, 2021 и

Дмитрий Чернышенко 1968 ин 20 сентябрьын Саратовышты шачын. Майкопышты дӓ Сочиштӹ кушкын[5][7].

«Станкин» Москваштышы кугижӓншӹ технологический университетӹм «автоматизируйымы проектировани системӹвлӓ» (САПР) специальность доно пӹтӓрен, инженер-системотехник квалификацим нӓлӹн. «Станкинӹштӹ» тыменьмӹжӹ годым МММ реклама роликлӓн графикӹм рисуен, тидӹ тӓреш 1500 доллар пӹтӓришӹ гонораржым нӓлӹн[8][5].

1989-1991 ивлӓн Чернышенко Copris&M Co («Коприс-энд-М ко») иквӓреш ылшы телекоммуникаци компаништӹ программист ылын.

1989 ин Чернышенко «Станкин» МГТУ гӹц ик курсышты тыменьшӹвлӓ доно иквӓреш «Информатик Маркетинг Сервис» (ИМС) компаним – СССР-шты компьетер графикӹн ик сек пӹтӓришӹ студижӹ – пачын. 1991-1992 ивлӓн ИМС компанин генеральный директорын вашталтышыжы ылын.

1992 и гӹц 1994 и якте – СФТ реклама агентствын вуйлатышыжы (ИМС изи предприяти СФТ реклама агентство якте кушкын («СФТ-Реклама»).

1993 ин Чернышенко ИМС негӹцеш ӹштӹмӹ Media Arts реклама агентствым пачшывлӓ логӹц иктӹжӹ лин, шукыштат агыл тӹдӹ Media Arts Group реклама холдинг статусым нӓлӹн[8].

1998-2002 ивлӓн Чернышенко «ДТВ-МА» телевизионный производственный студин генеральный директоржы ылын, тӹдӹ Media Art Group холдинг реклама роликвлӓм снимайышы D’Arcy TV («Д’Арси ТелеВижн») компаним нӓлмӹкӹ шачын. «ДТВ-МА»-н клиентвлӓжӹ анзылны ылшы мирӹштӹшӹ брендвлӓ дӓ реклама агентствывлӓ ылыныт. Студин Российӹштӹшӹ дӓ международный фестивальвлӓштӹшӹ нӓлмӹ 30 утла наградыжы улы[9].

2002 ин Чернышенко Media Arts Group-ын когорак вице-президентшӹ лин дӓ спорт маркетинг сферӹштӹ пӓшӓлӓш манын холдинг кӧргӹштӹ пачмы Sportima компаним вуйлаташ тӹнгӓлӹн[8].

2005 ин ноябрьын Чернышенко Сочиштӹ Олимпийский дӓ Паралимпийский мадмашвлӓм эртӓрӓш права верц кампаним вуйлаташ тӹнгӓлӹн, тенге «Сочи-2014» ядмашым пушы комитетӹн генеральный директоржы лин[10].

2007 и гӹц 2014 и якте Чернышенко 2014 ин Сочиштӹ эртӓрӓлтшӹ XXII телшӹ Олимпийский дӓ XI телшӹ Паралимпийский мадмашвлӓн Йӓмдӹлӹшӹ комитетӹн президентшӹ ылын[11][5].

2007 ин 26 сентябрьын Чернышенко — Россий Федерацин физический культура дӓ спортым виӓнгдӹмӓш, кӱкшӹ сӹнгӹмӓшӓн спортым виӓнгдӹмӹ, 2014 ин Сочиштӹ эртӓрӓлтшӹ XXII телшӹ Олимпийский дӓ XI телшӹ Паралимпийский мадмашвлӓм йӓмдӹлӓлӹмӹ дӓ эртӓрӹмӹ шотышты ядмашвлӓ доно президент сагашы Кӓнгӓш президиумын член[12]. Членствын пӹтӓришӹ ин (2007 и 26 сентябрь гӹц 2008 и 5 сентябрь якте) кӓнгӓшӹн секретарь постышты ылын[5].

2007 и 12 ноябрь гӹц — «Олимпстрой» ГК-н тӹшлӹшӹ кӓнгӓшӹн председательӹн вашталтышыжы[13].

2014 ин октябрь гӹц декабрь якте Чернышенко предприниматель Геннадий Тимченкон активвлӓжӹ доно виктӓрӹшӹ Volga Group инвестици компаним вуйлатен[14].

2014 и 28 ноябрь гӹц Чернышенко — Континентӹштӹшӹ хоккей лигын президент дӓ правлени председатель[15].

2014 и 23 декабрь гӹц — Российӹн хоккей Федерацин кӓнгӓшӹн член.

2015 и 13 январь гӹц Чернышенко — «Газпром-Медиа Холдингӹн» генеральный директор дӓ правлени председатель[16][5].

2016 и гӹц — Национальный реклама альянсын вуйлатышывлӓн кӓнгӓшӹн председатель[17]. ОАО «Российӹштӹшӹ кӹртнигорнывлӓ»-н директорвлӓн кӓнгӓшӹн член[18].

2020 и 21 январь гӹц Чернышенком цифран экономика дӓ инноваци, кӹл, дӓ СМИ, тенгеок культура, туризм дӓ спорт шотышты ядмашвлӓ доно Россий Федерацин правительствын председательӹн вашталтышеш шагалтенӹт[19]. «Цифран экономика», «Культура» нацпрограммывлӓм, тенгеок «Демографи» нацпроектӹн «Спорт – ӹлӹмӓшӹн норма» федеральный проектӹм контролируен шалга. Тенгеок тӹдӹ СМИ дӓ инноваци пӓшӓ сферышты госполитика, кӹл сферышты ӓкӹм (тарифӹм) кугижӓншӹ тӧрлен шалгымы ядмашвлӓм дӓ IT дӓ кӹл областьышты кугижӓншӹ программывлӓм виктӓрӓ. Тӹлец пасна, Чернышенко керӓл спорт мероприятивлӓм эртӓрӹмӓш дӓ религи организацивлӓ доно кӹлӹм кычымаш верц вуйын ылеш[1].

2024 ин 11 майын Михаил Мишустин Кугижӓншӹ думылан анжалашыжы правительствын у составым пуэн, Чернышенкон кандидатурыжым вице-премьер должностьыш сватаен[20]. 13 майын Кугижӓншӹ дума тӹдӹм ти постыш пингӹдемден[21]. 14 майын РФ президент пӓшӓш шагалтымы гишӓн указеш кидшӹм пиштен[22][5].

Чернышенко техень пӓшӓлӓн вуйын ылеш: тӹшкӓ дӓ кӹдӓлӓш профессиональный тыменьмӓш, сӓмӹрӹквӓ шотышты политика. Тӹдӹ пакыла тӹшлен шалга: инноваци пӓшӓм, искуственный интеллект областьышты наука шӹмлӹмӓшлӓн палшымым. Чернышенко техень национальный проектвлӓм йӓмдӹлӹмӓштӹ, ӹлӹмӓшӹш пыртымашты дӓ терген шалгымашты пӓшӓм ӹштӓ: «Наука дӓ университетвлӓ», «Тымдымаш», «Туризм дӓ хынам вӓшлимӹ индустри». Техень Министерство дӓ ведомствывлӓм тӹшлен миӓ:

  • Минобрнаука;
  • Минпрсвещени;
  • Минспорт;
  • Минстрой («Туризм дӓ хынам вӓшлимӹ индустри» халык проектӹн мероприятивлӓ);
  • Минэкономвиӓнгмӓш (туризм сферышты кугижӓншӹ политикым реализуйымаш;
  • Минцифра (тӹшкӓ коммуникаци дӓ тӹшкӓ увер йӧнвлӓ сферышты кугижӓншӹ политикым реализуйымаш);
  • Сӓмӹрӹквлӓн пӓшӓштӹ шотышты федеральный агенство;
  • Халыквлӓн йылавлӓ шотышты Федеральный агентство (религ организацивлӓ доно кӹлӹм кычымаш ядмашвлӓ доно);
  • Тымдымаш дӓ наука сферышты тӹшлӹмӹ шотышты федеральный служба[23].

2024 ин 23 сентябрьын Чернышенком «Интернетым виӓнгдӹмӹ Институт» АНО-н тӹшлӹшӹ советӹштӹ Россий Федерацин представителеш шагалтенӹт[24].

2025 ий 11 февральын РФ Правительство Чернышенком «Физический культура дӓ спортым виӓнгдӹмӓш» кугижӓншӹ программым ӹлӹмӓшӹш пыртымы шотышты комиссин председателешӹжӹ пингӹдемден[25].

2025 ин 15 майын РФ президентӹн указшы семӹнь Российӹн наука Академин попечительский кӓнгӓшӹшкӹжӹ пыртымы[26].

Чернышенко англ йӹлмӹм пӓлӓ[5].

Йишӹжӹ

Дмитрий Чернышенкон вӓтӓн, кок ӹдӹржӹ улы. Кырык ечӹ дӓ кредӓлмӓш искусство шӱмжӹ семеш ылыт[5].

Санкцивлӓ

Украинӹштӹ вырсы пӓшӓ тӹнгӓлмӹ паштек Чернышенко Евросоюзын, Великобританин, США-н, Швейцарин, У Зеландин санкцивлӓ лӹвӓлнӹ ылеш.

Наградывлӓ дӓ сӹнгӹмӓшвлӓ

«Отечество анзылны заслугывлӓ гишӓн» II степенян орден доно награждайымаш. 2014 и 24 март
  • «Отечество анзылны заслугывлӓ гишӓн» II степенян орден (24 март 2014 и) — Сочиштӹ 2014 ин XXII Олимпийский дӓ XI Паралимпийский телшӹ мадмашвлӓм йӓмдӹлӹмӹ дӓ эртӓрӹмӹ пӓшӓш кого вкладым пиштӹмӹжӹ дӓ Российӹн сборный командывлӓлӓн яжон выступаяшышты йӧнӹм ӹштӹмӹ гишӓн[27].
  • Почёт орден (6 август 2007 и) — Сочи халан XXII Олимпийский дӓ XI Паралимпийский телшӹ мадмашвлӓм 2014 ин эртӓрӓш правалан ядмашешӹжӹ сӹнгӹшеш лӓктӓш йӧнӹм ӹштӹмӹ шотышты яжон пӓшӓм ӹштӹмӹ гишӓн[28].
  • Келшӹмӓш Орден (23 май 2019 и)[29].
  • Россий Федерацин президентӹн Тау Шамакшы (30 май 2018 и) — Россий халыкын общественно-политический ӹлӹмӓшӹштӹжӹ яжон пӓшӓлӹмӹжӹ гишӓн[30].
  • «Российӹн спорт шӹдӹрвлӓ» халык премин лауреат (2008 и)[31].
конфессвлӓн
  • Святой благоверный князь Александр Невскийӹн II степенян орден ( 6 декабрь 2021 и) — Благоверный князь Александр Невскийлӓн 800 и теммӹ лӹм доно айовлӓм ӹштӓш дӓ эртӓрӓш палшымыжы гишӓн[32].
  • Преподобный Сергий Радонежскийӹн II степенян орден (28 август 2014 и) — Руш православи церкӹлӓн палшен шалгымыжы гишӓн[33].
  • Преподобный Сергий Радонежскийӹн III степенян орден (30 январь 2006 и)[34].
спортышты
  • Шӧртньӹ Олимпийский орден (2014 и)[35].

Примечани

  1. ↑ 1 2 Мишустин распределил обязанности между своими заместителями (руш.). РИА Новости (28 январьын 2020). Тергӹмӹ кечӹ: 24 сентябрьын 2025. Архивируйымы 30 мартын 2020 года.
  2. ↑ Правительство России переходит в статус и.о. до назначения нового состава (руш.). TACC. Тергӹмӹ кечӹ: 24 сентябрьын 2025.
  3. ↑ Михаил Мишустин назначил кураторов федеральных округов. Тергӹмӹ кечӹ: 24 сентябрьын 2025. Архивируйымы 19 июльын 2021 года.
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 октябрьын 2018 года.
  5. ↑ 1 2 3 4 5 6 7 8 9 Чернышенко, Дмитрий Николаевич, ТАСС. Дата обращения: 24 сентябрьын 2025.
  6. ↑ viapiuser. Dmitry Chernyshenko (англ.). Variety (28 августын 2018). Тергӹмӹ кечӹ: 24 сентябрьын 2025. Архивируйымы 13 августын 2019 года.
  7. ↑ Как сбывались мечты главы "Газпром-Медиа" Дмитрия Чернышенко | Собеседник.ру (руш.). web.archive.org. Тергӹмӹ кечӹ: 24 сентябрьын 2025.
  8. ↑ 1 2 3 Ведомости. «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (25 октябрьын 2007). Тергӹмӹ кечӹ: 24 сентябрьын 2025.
  9. ↑ Визитка компании DTV-MA - Sostav.ru. www.sostav.ru. Тергӹмӹ кечӹ: 24 сентябрьын 2025.
  10. ↑ Ярослав Коробатов | Сайт «Комсомольской правды». Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет (руш.). KP.RU - сайт «Комсомольской правды» (10 сентябрьын 2007). Тергӹмӹ кечӹ: 24 сентябрьын 2025.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Тергӹмӹ кечӹ: 24 сентябрьын 2025.
  12. ↑ Указ Президента Российской Федерации от 05.09.2008 г. № 1311 (руш.). Президент России. Тергӹмӹ кечӹ: 24 сентябрьын 2025.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. Тергӹмӹ кечӹ: 24 сентябрьын 2025. Архивировано из оригинала 23 февральын 2014 года.
  14. ↑ Кирилл Мельников, Анна Афанасьева. Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (6 октябрьын 2014).
  15. ↑ Совет Директоров КХЛ избрал Дмитрия Чернышенко новым Президентом лиги: Новости. Дата обращения: 24 сентябрьын 2025.
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг» (руш.). www.gazprom.ru. Тергӹмӹ кечӹ: 24 сентябрьын 2025.
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Тергӹмӹ кечӹ: 24 сентябрьын 2025.
  18. ↑ Структура | Компания (руш.). web.archive.org. Тергӹмӹ кечӹ: 24 сентябрьын 2025.
  19. ↑ Дмитрий Николаевич Чернышенко - Правительство России. government.ru. Тергӹмӹ кечӹ: 24 сентябрьын 2025.
  20. ↑ О чем говорит новая конфигурация российского правительства. РБК (11 майын 2024). Тергӹмӹ кечӹ: 24 сентябрьын 2025.
  21. ↑ Госдума утвердила Чернышенко заместителем председателя правительства. РИА Новости (13 майын 2023). Тергӹмӹ кечӹ: 24 сентябрьын 2025.
  22. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 24 сентябрьын 2025.
  23. ↑ Михаил Мишустин утвердил распределение обязанностей между вице-премьерами. government.ru (17 майын 2024). Тергӹмӹ кечӹ: 24 сентябрьын 2025.
  24. ↑ Чернышенко назначили представителем РФ в набсовете Института развития интернета, TACC (24 сентябрьын 2025). Дата обращения: 24 сентябрьын 2025.
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов (руш.). publication.pravo.gov.ru. Тергӹмӹ кечӹ: 24 сентябрьын 2025.
  26. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Тергӹмӹ кечӹ: 24 сентябрьын 2025.
  27. ↑ Награждённые государственными наградами Российской Федерации, Президент России. Дата обращения: 24 сентябрьын 2025.
  28. ↑ Фонд поддержки олимпийцев России. www.olympians.ru. Тергӹмӹ кечӹ: 24 сентябрьын 2025.
  29. ↑ Алексей Прокин. Владимир Путин вручил государственные награды в Кремле (руш.). НТВ. Тергӹмӹ кечӹ: 24 сентябрьын 2025.
  30. ↑ Распоряжение Президента Российской Федерации от 30.05.2018 № 131-рп ∙ Официальное опубликование правовых актов (руш.). publication.pravo.gov.ru. Тергӹмӹ кечӹ: 24 сентябрьын 2025.
  31. ↑ В Сочи прошло вручение премии «Спортивные звезды России» (руш.). Газета.Ru. Тергӹмӹ кечӹ: 24 сентябрьын 2025.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве. Патриархия.ru (6 декабрьын 2021). Тергӹмӹ кечӹ: 24 сентябрьын 2025.
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля. Патриархия.ru (28 августын 2014). Тергӹмӹ кечӹ: 24 сентябрьын 2025.
  34. ↑ Биография Дмитрия Чернышенко, РИА Новости (20.09.2023). Дата обращения: 24 сентябрьын 2025.
  35. ↑ IOC President says Thank You to Sochi, International Olympic Committee (28 февральын 2022). Дата обращения: 24 сентябрьын 2025.

Ссылкывлӓ

«https://mrj.ruwiki.ru/w/index.php?title=Чернышенко,_Дмитрий_Николаевич&oldid=314944» гӹц нӓлмӹ