Цивилёв, Сергей Евгеньевич

Ирӹкӓн энциклопеди Википеди гӹц материал
Сергей Евгеньевич Цивилёв
Sergey Tsivilyov (2019-08-22).jpg
Флаг
Россий Федерацин энергетика министржӹ
Флаг
2024 и 14 май гӹц
Правительствын вуйлатышыжы Михаил Мишустин
Президент Владимир Путин
Андакшы пӓшӓзӹ Николай Шульгинов
Флаг
Кемеровский областьын — Кузбассын губернаторжы
Флаг
2018 и 17 сентябрь — 2024 и 14 май
(2018 и 1 апрель — 17 сентябрь врио)
Президент Владимир Путин
Андакшы пӓшӓзӹ Аман Тулеев
Вашталтышы Илья Середюк (врио)
Флаг
Кемеровский областьын губернаторжын вашталтышыжы
Флаг
2018 и 2 март — 1 апрель
Губернатор Аман Тулеев
Шачын 21 сентябрь 1961(1961-09-21) (64 и)
Ӓтя Евгений Семёнович Цивилёв
Ӓвӓ Дина Васильевна Цивилёва
Пелӓш Анна Евгеньевна Цивилёва (1972)
Тетявлӓ Антон дӓ Никита эргӹвлӓ
Парти КПСС (1991 якте)
Единый Россий
Образовани 1. ЧВВМУ
2. СПбГЭУ
Професси военнослужащи, экономист
Пӓшӓ
кугижӓншӹ пӓшӓзӹ, политик
Награда

Россий Федерацин субъектвлӓжӹн наградывлӓ:

Сайт minenergo.gov.ru/ministr…
Военный служба
Служымы жеп 1978—1994
Вырлык  СССР →
 Россий
Войска йиш Флаг Советского ВМФ СССР ВМФ→
Флаг ВМФ России Россий ВМФ
Звани
СССР ВМФ-ын 3-шы ранган капитанжы
3-шы ранган капитан
Логотип РУВИКИ.Медиа Медиафайлы на РУВИКИ.Медиа

Сергей Евгеньевич Цивилёв (шач. 21 сентябрь 1961, Мариуполь, Донецкий область[d]) — Россий кугижӓншӹ пӓшӓзӹ, 2024 и 14 май гӹц Россий Федерацин энергетика министржӹ[1].

Тӹлец анзыц — 2018 и 17 сентябрь гӹц Кемеровский областьын губернаторжы (Кемеровский областьын губернаторжын пӓшӓжӹм 2018 ин 1 апрель гӹц 17 сентябрь якте жепеш ӹштӹшӹ лин)[2]. «Единый Россий» политический партин Кӱшӹл Кӓнгӓш бюрон членжӹ[3].

Ӹлӹмӓш корныжы

Сергей Цивилёв 1961 ин 21 сентябрьын Сталинский областьыштышы Жданов халаэш шачын. Сергейӹн шачмыжы паштек шукыштат агыл Цивилёввлӓн семня Архангельский областьыштышы Котлас халашты ӹлӓш тӹнгӓлӹн, 10 иштӹ, 1971 ин, Харьковский областьын Чугуев халашкыжы ӹлӓш ванжен. Ӓтяжӹ, Евгений Семёнович, мебель фабрикӹштӹ директорын вашталтышыжы ылын. Ӓвӓжӹ, Дина Васильевна, тӹ халашток лапка вуйлатышы ылын[4].

Тыменьмӓш

1983 ин Цивилёв Севастопольышты П. С. Нахимов лӹмӓн Черноморский кӱшӹл военно-морской училищӹм «Корабльвлӓм оружи доно пайдарымаш» специальность доно тымень пӹтӓрен, квалификаци — кӱшӹл военно-специальный шӹнзӹмӓшӓн офицер, инженер-электромеханик. ЧВВМУ-м тымень пӹтӓрӹмӹ паштек Йыдпелвел флотышты служен.

1999 ин «Финанс дӓ кредит» специальность доно Санкт-Петербургыштышы экономика дӓ финанс кугижӓншӹ университетӹм тымень пӹтӓрен, квалификацижӹ — экономист.

Пӓшӓ

1994 и якте Цивилёв Йыдпелвел флотышты СССР-ӹн дӓ Россий Федерацин Вооруженный Силаштыжы военный службым эртен, кымшы ранган капитан воинский званиӓн ылеш.

1995—1996 ивлӓн «Аэрофлот» банкын Санкт-Петербургыштышы филиалыштыжы лӱдӹшдӹмӹлык службым вуйлатен.

1997—2012 ивлӓн Петербургышты «Нортэк» юридический компаним вуйлатен.

2007 ин «Ленэкспоинвест» компанин соучредительжӹ ылын. Ти компани у «Ленэкспо» комплексӹм стройышашлык ылын — тӹштӹ, шамак толшеш, и йӹде Петербургыштышы экономика форум эртӓ. «Ленэкспоинвестӹн» вес соучредительжӹ Владимир Путин доно ик курсышты тыменьшӹ дӓ тӹдӹ доно иквӓреш бойвой исскуство доно занимайышы Виктор Хмарин ылын. Хмаринӹн компанивлӓжӹ тӹнӓм «Газпромлан» оборудованим кандышы сек кого поставщик ылыныт. «Ленэкспоинвестӹн» эче ик соучредительжӹ Ленгорисполкомын молнамшы вуйлатышыжы Владимир Ходырев лин.

2010 и гӹц Цивилёв мӱлӓндӹ кӧргӹ пайдам лыкмашкы оксам пиштен.

2012—2013 ивлӓн — «Колмар» ООО-н директорвлӓн Кӓнгӓшӹштӹн вашталтышыжы. 2018 и 2 март якте Сергей дӓ Анна Цивилёввлӓ «Kolmar Sales and Logistics» швейцар компаним вуйлатенӹт[5].

2014 и гӹц — «Колмар» компанин тӹнг директоржы дӓ тӹдӹн 70 % акцижӹн хозажы (кодшы 30 % акцижӹ Volga Group гач предприниматель Геннадий Тимченкон ылеш[6]). «Колмар» ООО — мӱлӓндӹ шӱм лыкшы предприятивлӓн, трейдинг дӓ логистика организацивлӓн комплексшӹ, нӹнӹ Саха Республикӹн (Якути) Нерюнгринский районыштыжы яжо качестван мӱлӓндӹ шӱм лыкмым, перегӹмӹм дӓ колтымым ик йогы доно виктӓрӓт.

2018 и 2 март гӹц — промышенность, транспорт дӓ потребитель пазар шотышты Кемеровский областьын губернаторжын вашталтышыжы[7].

2018 ин 25 мартын Кемеровышты «Телшӹ вишнёпка» выжалымы-кӓнӹмӹ центрӹштӹ тыл ӹлӹжӹн. Тылеш 60 эдем колен. 2018 ин 27 мартын Кемеровышты ӹлӹшӹвлӓ увертӓрӹдеок митингӹш лӓктӹнӹт, нӹнӹ Кемеровский областьын губернаторжым Аман Тулеевӹм дӓ Кемерово халан администрацижӹм пӓшӓ гӹц карангдаш, эксӹк лимӹ вирӹм раскыдемдӓш дӓ вуйнаматанвлӓм шамакым кычаш шагалташ ядыныт. Тулеев ти митингӹш толде, но Кемеровский областьын губернаторжын вице-губернаторжы Сергей Цивилёв митингӹш толын[8][9]. Вара Цивилёв, тӹ митингӹшток ӹшке шамакшым попен, колышывлӓн роднявлӓштӹ анзылны, сукалтен шӹнзӹн, простяш ядын[10].

2024 ин 14 майын Россий Кугижӓншӹ Дума Сергей Цивилёвым Российӹн энергетика министрешӹжӹ пингӹдемден[11], ти кечӹнок Российӹн президентшӹ у пӓшӓ вӓр гишӓн указеш кидшӹм пиштен[12].

Кемеровский областьын губернаторжы

Российӹн Президентшӹ Владимир Путин доно пӓшӓ вӓшлимӓш.
Москва, Кремль, 2018 и 5 апрель

Аман Тулеевӹн губернаторын должностьшы гӹц карангмыжы паштек, 2018-шӹ ин 1-шӹ апрельӹн, Российӹн президентшӹ Цивилёвым Кемеровский областьын губернаторжын пӓшӓжӹм жепеш ӹштӹшӹлӓн пӓлемден[13][14].

2018-шӹ ин 16-шы июльын Кемеровский областьын губернаторешӹжӹ кандидат семӹнь регистрацим эртен.

2018-шӹ ин 9-шӹ сентябрьӹн 5 иэш Кемеровский областьын губернаторешӹжӹ айыралтын. Ти должностьыш 17-шӹ сентябрьӹн шагалын[15].

2018-шӹ ин 8-шӹ декабрьын «Единый Россий» политический партин XVIII съездӹн делегатвлӓжӹн пингӹдемдӹмӹ решеништӹ негӹцеш партин Кӱшӹл Кӓнгӓшӹшкӹжӹ пырталтын[3].

2019-шӹ и мычашын Кемеровский область администраци коллегим Кемеровский областьын правительствӹшкӹжӹ сӓртенӹт. Тӹгодым губернатор правительствӹн председательжӹ ылын.

2020-шы и 21-шӹ декабрь гӹц — Россий Федерацийысе Кугижӓншӹ Кӓнгӓш Президиумын (руш) (мар. членжӹ[16].

2021-шӹ и гӹц Кемеровский область — Кузбасс правительствӹм — губернаторын икшӹ вашталтышыжы вуйлата.

2021-шӹ ин 1-шӹ октябрьӹн президент Путин доно вӓшлимӹ годым Цивилёв Кемеровышты (кӹзӹт 540 тӹжем ӹлӹшӹ) дӓ Новокузнецкӹштӹ (кӹзӹт 580 тӹжем ӹлӹшӹ) халык чотым каждый халашты миллион эдем якте лӱктӓлӓш предлагаен, тидӹм ӹштӓш тошты пӧртвлӓм карангдаш дӓ увлӓм строяш шаям тӓрвӓтен. Тӹгодым Цивилёв увертӓрен: «шотан, йӧнӓн ӹлӹмӹ вӓрӹм (инфраструктурым) ӹштӓш» пӓлемдӓлтеш[17].

2023-шы ин мартын президент Путин Кузбассын социально-экономический виӓнгмӹжӹ гишӓн, лӹмӹн эртӓрӹмӹ военный операцин участниквлӓжӹн семнявлӓштӹлӓн палшык дӓ Сибирьӹштӹшӹ туризмӹм виӓнгдӹмӹ, Таштаголышты кырык ечӹ корным стройымы гишӓн Цивилёвын попымыжым колыштын; Путин Кузбасс гӹц 6500 уштыш мӹндӹркӹ, Тихий океаныштышы портвлӓшкӹ, шӱм канден шоктымы ядмашлан айырен дӓ кандыштмым шукемдӹмӹ шот доно БАМ дон Транссибӹн кӹртнигорныштын пайдаан лӓктӹшӹжӹм когоэмдӓш келмӹ гишӓн попен, культурный кластерӹм строен пӹтӓрӹмӹ, дӓ Кузбассышты кадетский корпусым кымдаэмдӓш келмӹ гишӓн кӓнгӓшенӹт. Президент Цивилёвын эче ик гӓнӓ губернатореш баллатируялташ кымылжым яжоэш шотлен[18].

2023-шы ин 10-шы сентябрьӹн айырымашын лӓктӹшӹжӹ семӹнь Цивилёв губернаторын постшым переген коден, 85,24 % юкым поген[19].

Санкцивлӓ

2022-шы ин 21-шӹ июльын Цивилёвым Евросоюзын санкци рӓдӹшкӹжӹ пыртенӹт. 2022-шы ин 29-шӹ июньын — Великобританин санкци рӓдӹштӹжӹ[20][21]. 2023-шы ин 24-шӹ февральын США Госдеп Цивилёвым американский санкци рӓдӹшкӹ пыртен[22][21]. Тенгеок У Зеландин, Украинӹн дӓ Швейцарин санкци рӓдӹштӹштӹ ылеш.

2025-шӹ ин 24-шӹ февральын Канадын санкци рӓдӹшкӹжӹ пырталтын[23].

Семня

Шоляжы — Валерий Цивилёв, «Колмар групп»-ын тӹнг директоржы.

Пелӓшӹжӹ — Анна Евгеньевна Цивилёва, 2024-шӹ и 17-шӹ июнь гӹц РФ-н оборона министрӹн вашталтышыжы[24]. Пӹтӓри, 2023-шы и 3-шы апрель гӹц «Ӓтямӱлӓндӹм перегӹшӹвлӓ» Кугижӓншӹ фондын председательжы ылын[25]. 2022-шы и 29-шӹ июнь гӹц британский санкци рӓдӹшкӹ пыртымы.

Тетявлӓ — Антон дӓ Никита эргӹвлӓжӹ.

Наградывлӓ

  • Келшӹмӓш орден (2021-шӹ и 1-шӹ октябрь ) — Кемеровский областьын — Кузбассын социально-экономический виӓнгмӓшкӹжӹ улы вижӹм пиштӹмӹ гишӓн[26].
  • «Россий Федерацин обороныжым пингӹдемдӹмӓшкӹ улы вим пиштӹмӹ гишӓн» медаль (Россий оборона министерство, 2019)[26].

Примечани

  1. ↑ Госдума утвердила Цивилева министром энергетики. РИА "Новости" (14 майын 2024). Тергӹмӹ кечӹ: 24 сентябрьын 2025.
  2. ↑ Выборы губернатора Кузбасса выиграл Сергей Цивилев - Российская газета, Российская газета (10 сентябрьын 2018). Дата обращения: 24 сентябрьын 2025.
  3. ↑ 1 2 Ротация в составе Высшего Совета «Единой России» составила 16%. er.ru (8 декабрьын 2018). Тергӹмӹ кечӹ: 24 сентябрьын 2025.
  4. ↑ Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны (руш.). Новости Новокузнецка сегодня, новости дня, последние новости. Тергӹмӹ кечӹ: 24 сентябрьын 2025.
  5. ↑ KSL AG (нем.). Moneyhouse. Тергӹмӹ кечӹ: 24 сентябрьын 2025.
  6. ↑ Gunvor: Доля Тимченко в компании была продана 19 марта 2014 года. // top.rbc.ru. Тергӹмӹ кечӹ: 24 сентябрьын 2025. Архивировано из оригинала 19 июньын 2015 года.
  7. ↑ На должность заместителя губернатора по промышленности, транспорту и потребительскому рынку назначен Сергей Цивилев. ako.ru. Тергӹмӹ кечӹ: 24 сентябрьын 2025.
  8. ↑ Что происходит в Кемерово. Главное на данный момент. РБК. Тергӹмӹ кечӹ: 24 сентябрьын 2025. Архивируйымы 29 мартын 2018 года.
  9. ↑ Тулеев попросил прощения лично у Путина за случившееся в Кемерово. Архивируйымы 29 мартын 2018 года.
  10. ↑ Алена Мартынова. Вице-губернатор Кемеровской области встал на колени перед родственниками погибших в "Зимней вишне", Комсомольская правда (27 мартын 2018). Архивировано 27 мартын 2018 года. Дата обращения: 24 сентябрьын 2025.
  11. ↑ Госдума утвердила Цивилева министром энергетики. РИА Новости (14 майын 2024). Тергӹмӹ кечӹ: 24 сентябрьын 2025.
  12. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 24 сентябрьын 2025.
  13. ↑ Врио губернатора Кемеровской области назначен Сергей Цивилев. ako.ru. Тергӹмӹ кечӹ: 24 сентябрьын 2025.
  14. ↑ Принята отставка Амана Тулеева. kremlin.ru (1 апрельӹн 2018). Тергӹмӹ кечӹ: 24 сентябрьын 2025.
  15. ↑ Победивший на выборах губернатора Кузбасса Цивилев вступил в должность - ТАСС, TACC. Дата обращения: 24 сентябрьын 2025.
  16. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. web.archive.org. Тергӹмӹ кечӹ: 24 сентябрьын 2025.
  17. ↑ Глава Кузбасса предложил сделать два города миллионниками за счёт сноса частного сектора (руш.). Interfax.ru. Тергӹмӹ кечӹ: 24 сентябрьын 2025.
  18. ↑ Владимир Путин провел встречу с губернатором Кемеровской области Сергеем Цивилевым. Новости. Первый канал (руш.). Тергӹмӹ кечӹ: 24 сентябрьын 2025.
  19. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (23-09-11).
  20. ↑ Consolidated list of financial sanctions targets in the UK. ofsistorage.blob.core.windows.net. Тергӹмӹ кечӹ: 24 сентябрьын 2025.
  21. ↑ 1 2 Губернатор Кузбасса Сергей Цивилёв попал в санкционный список США (руш.). ngs42.ru - новости Кузбасса (26 февральын 2023). Тергӹмӹ кечӹ: 24 сентябрьын 2025.
  22. ↑ The United States Takes Sweeping Actions on the One Year Anniversary of Russia's War Against Ukraine - United States Department of State, United States Department of State. Дата обращения: 24 сентябрьын 2025.
  23. ↑ Канада ввела санкции против Познера, РБК (24 февральын 2025). Дата обращения: 24 сентябрьын 2025.
  24. ↑ Путин назначил трех новых заместителей министра обороны, РБК. Дата обращения: 24 сентябрьын 2025.
  25. ↑ Путин создал фонд поддержки участников СВО и семей погибших бойцов "Защитники Отечества", TACC. Дата обращения: 24 сентябрьын 2025.
  26. ↑ 1 2 Указ Президента Российской Федерации от 01.10.2021 № 558 ∙ Официальное опубликование правовых актов (руш.). publication.pravo.gov.ru. Тергӹмӹ кечӹ: 24 сентябрьын 2025.

Ссылкывлӓ

«https://mrj.ruwiki.ru/w/index.php?title=Цивилёв,_Сергей_Евгеньевич&oldid=314725» гӹц нӓлмӹ