Чекунков, Алексей Олегович

Ирӹкӓн энциклопеди Википеди гӹц материал
Алексей Олегович Чекунков
А.Чекунков.png
Флаг
Мӹндӹр Ирвел дон Арктикӹм виангдӓрӹмӓш шотышты Россий Федерацин министржӹ
Флаг
2020 и 10 ноябрь гӹц
(п. ш. 2024 и 7—13 май)
Правительствын вуйлатышыжы Михаил Мишустин
Президент Владимир Путин
Андакшы пӓшӓзӹ Александр Козлов
Шачын 1980 и 3 октябрь(1980-10-03) (45 и)
Минск, Белорусский ССР, СССР
Образовани
Пӓшӓ кугижӓншӹ пӓшӓзӹ
Награда «Мӹндӹр Ирвелӹм виангдӓрӹмӓштӹ заслуга гишӓн» айыртемӓлтшӹ знак
Логотип РУВИКИ.Медиа Медиафайлы на РУВИКИ.Медиа

Алексей Олегович Чекунков (шач. 3 октябрь 1980, Минск[d]) — российӹштӹшӹ кугижӓншӹ пӓшӓзӹ. 2020-шы ин 10 ноябрь гӹц Мӹндӹр Ирвел дон Арктикӹм виангдӓрӹмӓш шотышты Россий Федерацин министржӹ, угӹц 2024-шӹ ин 14 майын шагалтымы[1].

2014-шӹ ин 25 сентябрь гӹц 2020-шы и якте — Мӹндӹр Ирвелӹн дӓ байкальский регионвлӓм пӹсӹн виӓнгдӹмӹ шанымаш велдӹк Внешэкономбанкын Мӹндӹр Ирвел дон Арктикӹм виангдӓрӹмӓш шотышты пачмы фондшын тӹнг вуйлатышыжы.

Ӹлӹмӓш корныжы

Алексей Чекунков 1980-шы ин 3 октябрьын Минск халашты шачын. Тӹдӹн ӓтяжӹ Олег Фёдорович Чекунков Белоруссин ӧрдӹж экономический кӹл шотышты министрӹн вашталтышыжы (1997–1998), вара Вьетнамышты Белоруссин чрезвычайный дӓ полномочный посолжы (1998–2001) ылын.

Тыменьмӹ корныжы

Москваштышы кугижӓншӹ международный кӹл шотышты институтын (университетӹн) (руш) (мар. международный экономический кӹл шотышты факультетӹм дӓ Мӹндӹр Ирвелӹштӹшӹ федеральный университетӹн (руш) (мар. (ДВФУ) «кугижӓншӹ дӓ муниципальный виктӓрӹмӓш» специальность доно магистратурыжым тымень пӹтӓрен[2].

Пӓшӓ

2001-шӹ и гӹц 2011-шӹ и якте Чекунков Российӹштӹ тӧр инвестицивлӓн секторышты вуйлатышы пӓшӓм ӹштен. Международный дӓ российӹштӹшӹ финансовый организацивлӓн кого проектвлӓм (Алроса, Delta Private Equity, Альфа-групп) виктӓрен шалген, тенгеок Мӹндӹр Ирвел монгырышты — Саха Республикӹштӹ (Якути) дӓ Хабаровский кымдемӹштӹ[3]. Ӹшкӹмжӹн New Nations Capital инвестиционный компанижӹм вуйлатен (венчурный инвестицивлӓ, инвестиционно-банковский палшык пӓшӓ)[4].

2011–2013-шы ивлӓн Чекунков Российӹштӹшӹ тӧр инвестицивлӓн фондын (руш) (мар. (РФПИ) инвестиционный комитетӹм ӹштӹмӓш верц цацен, вуйлатышыжы, правленин да комитетӹн членжӹ ылын. Тӹдӹн кидӹштӹжӹ шулыкым перегӹмӓшӹшкӹ, энергосбереженишкӹ, сырьевой секторышкы инвестицивлӓм колтымаш доно Китӓй инвестиционный корпораци (CIC) дон иквӓреш Российӹн дӓ Китӓйӹн инвестиционный фондшым пачмаш доно кӹлдӓлтшӹ пӓшӓвлӓ ылыныт[5].

2014–2020-шы ивлӓн — Мӹндӹр Ирвел дон Арктикӹм виангдӓрӹмӓш шотышты фондын (ВЭБ.РФ) тӹнг вуйлатышыжы.

2020-шы ин 10 ноябрьын Чекунков Россий Федерацин Мӹндӹр Ирвел дон Арктикӹм виангдӓрӹмӓш шотышты министрлӓн шагалтымы[6].

2024-шӹ ин 14 майын Чекунков Госдума доно Россий Федерацин Мӹндӹр Ирвел дон Арктикӹм виангдӓрӹмӓш шотышты министрлӓн угӹц шагалтымы[7], тӹ кечӹнок Россий Федерацин Президентшӹ шудӹмӓшӹшкӹ кидшӹм пиштен[8].

Молы ивлӓн Чекунков ПАО «АК „АЛРОСА“» тӹшлӹшӹ кӓнгӓшӹшкӹ, ПАО «РусГидро» вуйлатышывлӓн кӓнгӓшӹшкӹ дӓ молы компанивлӓшкӹ пырен.

Мӹндӹр Ирвелӹм социально-экономический монгыр гӹц виангдӓрӹмӓш шотышты правительственный комиссин[9] дӓ Арктикӹм виангдӓрӹмӓш шотышты правительственный комиссин членжӹ[10].

Транспортлык коридорвлӓм виӓнгдӹмӓш

Минвостокразвитим вуйлатышылан кокшы гӓнӓ шагалтымы гӹц анзыц Госдумын заседаништӹжӹ шамак доно лӓкмӹкӹжӹ, Чекунков Мӹндӹр Ирвел дон Арктикӹм виангдӓрӹмӓш шотышты 10 тӹнг виӓнгмӹ монгырым 2030-шы и якте анжыктен. Молы лошты тӹжем утла у объектӹм строяш, транспортлык коридорвлӓм виӓнгдӓш — СМП-н шыпштымы вижӹ 2030-шы иэш 150 млн тоннеш, РЖД-н ирвел монгыр полигонжы — 2032-шы иэш 270 млн тоннеш кушшы манын, шанен пиштӹмӹ[11].

Семня

Алексей Чекунковын вӓтӹжӹ, кок ӹдӹржӹ улы[12].

Примечани

  1. ↑ Чекунков, Алексей Олегович, ТАСС. Дата обращения: 24 сентябрьын 2025.
  2. ↑ Министерство Российской Федерации по развитию Дальнего Востока | Чекунков Алексей Олегович (руш.). web.archive.org. Тергӹмӹ кечӹ: 24 сентябрьын 2025.
  3. ↑ Биография Алексея Чекункова, министра по развитию Дальнего Востока и Арктики, kp.ru - (10 ноябрьын 2020). Дата обращения: 24 сентябрьын 2025.
  4. ↑ Дальневосточные новации оценили в Белом доме
  5. ↑ Дальневосточные новации оценили в Белом доме (9 ноябрьын 2020). Дата обращения: 24 сентябрьын 2025.
  6. ↑ «Сейчас нужно пройти через геополитическую ломку», Ведомости. Дата обращения: 24 сентябрьын 2025.
  7. ↑ Госдума утвердила Чекункова министром развития Дальнего Востока и Арктики. РИА "Новости" (14 майын 2024). Тергӹмӹ кечӹ: 24 сентябрьын 2025.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 24 сентябрьын 2025.
  9. ↑ Правительственная комиссия по вопросам социально-экономического развития Дальнего Востока - Правительство России (руш.). government.ru. Тергӹмӹ кечӹ: 24 сентябрьын 2025.
  10. ↑ О нас состав, Государственная комиссия по вопросам развития Арктики. Дата обращения: 24 сентябрьын 2025.
  11. ↑ Алексей Чекунков перечислил 10 ключевых приоритетов для Дальнего Востока и Арктики. Журнал "Эксперт" (14 майын 2024).
  12. ↑ Чекунков, Алексей Олегович. ТАСС (9 ноябрьын 2020). Тергӹмӹ кечӹ: 24 сентябрьын 2025.

Ссылкывлӓ

«https://mrj.ruwiki.ru/w/index.php?title=Чекунков,_Алексей_Олегович&oldid=315088» гӹц нӓлмӹ