Колокольцев, Владимир Александрович

Ирӹкӓн энциклопеди Википеди гӹц материал
Владимир Александрович Колокольцев
Vladimir Kolokoltsev (2020-02-21).jpg
Флаг
Россий Федерацин кӧргӹ йыла министржӹ
Флаг
2012 и 21 май гӹц
(п. ш. 2018 и 8—18 май, 2020 и 15—21 январь, 2024 и 7—13 май)
Правительствын вуйлатышыжы Дмитрий Медведев
Михаил Мишустин
Андрей Белоусов (п. ш.)
Михаил Мишустин
Президент Владимир Путин
Андакшы пӓшӓзӹ Рашид Нургалиев
Флаг
Россий МВД-н Москваштышы тӹнг управленин
начальникшӹ
Флаг
2011 и 24 март — 2012 и 21 май
Андакшы пӓшӓзӹ должностьым ӹштӹмӹ, тӹдӹ ӹшкеок Москваштышы ГУВД-н начальник
Вашталтышы Виктор Голованов (п. ш.)
Анатолий Якунин
Флаг
Москва кӧргӹштӹшӹ тӹнг управленин
начальникшӹ
Флаг
2009 и 7 сентябрь — 2011 и 24 март
Андакшы пӓшӓзӹ Владимир Пронин
Александр Иванов (п. ш.)
Вашталтышы должностьым карангдымы, тӹдӹ ӹшкеок Москва халан Россий МВД ГУ-н начальникшӹ
Флаг
Орёл областьын кӧргӹ йыла управленин
начальникшӹ
Флаг
2007 и 12 январь — 2009 и 14 апрель
Андакшы пӓшӓзӹ Леонид Пашин
Вашталтышы Юрий Савенков
Шачын 1961 и 11 май(1961-05-11) (65 и)
Ӱл Ломов, Пензенский область, РСФСР, СССР
Пелӓш Вера Ивановна Колокольцева
Тетявлӓ эргӹжӹ: Александр
ӹдӹржӹ: Екатерина
Парти партидӹмӹ
Образовани СССР МВД-н ВЛКСМ-лӓн 60 и лӹмӓн Кӱшӹл политехнический училище
Учёный степень юридический наукывлӓн доктор (2005)
Професси юрист
Пӓшӓ кӧргӹ политика, халык безопасность
Награда
Сайт Кӧргӹ йыла министерство
Военный служба
Служымы жеп 1982 и гӹц
Принадлежность  СССР →  Россий
Войска йиш MVD Badge (Solid Colors).svg МВД СССР
Emblem of the Ministry of Internal Affairs.svg Российӹн МВД
Специальный звани ӓли классный чин
Звани генерал полиции
Россий Федерацин полици генерал
Логотип РУВИКИ.Медиа Медиафайлы на РУВИКИ.Медиа

Владимир Александрович Колокольцев (шач. 11 май 1961, Ӱлыл Ломов[d], Пенза область[d]) — руш кугижӓншӹ деятель, правам перегӹшӹ органвлӓн вуйлатышы пӓшӓзӹ. 2012 и 21 май гӹц Россий Федерацин кӧргӹ йыла министр[1]. Россий Федерацин полици генерал (2015)[2]. Россий Федерацин кӧргӹ йыла органвлӓн заслуженный пӓшӓзӹжӹ. Юридический наукывлӓн доктор (2005). 2012 и гӹц РФ Безопасность Кӓнгӓшӹн со ылшы член.

Анзыц — 2009 и 7 сентябрь гӹц 2011 и 24 март якте Москва кӧргӹштӹшӹ пӓшӓ шотышты тӹнг отделӹн начальникшӹ. 2011 и 24 март гӹц 2012 и 21 май якте — Россий МВД-н Москваштышы тӹнг управленин начальник[3].

Ӹлӹмӓш корныжы

Владимир Колокольцев (пурлаште) «Патриаршивлӓ сага лыкышты» фильмӹштӹ оперативникӹн рольыштыжы. 3-шы сери, «Сӹнзӓлӓн кайдымы дирижёр»

Владимир Колокольцев 1961 ин 11 майын Пенза областьыштышы Ӱл Ломов халашты пӓшӓзӹ семняэш шачын. Пенза областьыштышы «Пӓшӓ власть» фанера заводышты котельный цехӹштӹ погрузчик водитель, вара насос установкын машинист ылын. 1979 ин армиш нӓлӹнӹт, СССР дон Афганистан цикӹштӹ пограничный войскшты служен.

1982 ин Колокольцев кӧргӹ йыла органвлӓшкӹ служаш пырен. Москвашты аккредитуйымы вескид кугижӓншӹвлӓн дипломатический представительствывлӓм перегӹмӹ шотышты милици отделӹштӹ служен. 1984 ин Москваштышы Гагаринский райисполкомын милицин патрульно-постовой службын пасна батальон взвод командиреш назначымы.

1985 ин Колокольцев СССР МВД-н ВЛКСМ-лӓн 60 и лӹмӓн Кӱшӹл политехнический училищӹш пырен, 1989 ин тӹдӹм вӹзӹтӓнвлӓэш тымень пӹтӓрен. Училищӹм пӹтӓрӹмӹкӹ, Москваш пӧртӹлӹн, ОВД-шты Москван Кунцевский райисполкомын УВД-н уголовный розыск отделӹштӹ оперуполномоченный семӹнь пӓшӓлӓш тӹнгӓлӹн. Варарак Москван 20-шы милици отделӹн начальник вашталтышеш шагалтымы, вара — 8-шӹ милици отдел началтникеш.

1992 ин Колокольцев Уголовный розыск Управлениш Москва УВД УУР-ын 2-шы отделӹн когорак опреруполномоченный должностьыш ванжен. 1993 и тӹнгӓлтӹшӹн Москваштышы 108-шӹ №-ӓн милици отделенин начальникеш назначенӹн.

1995 ин Центральный административный округын 2-шы РУВД-н уголовный розыск управлени отделӹн начальникеш шагалтенӹт. 1997 ин Колокольцев Российӹн МИД сагашы Москваштышы РУОП 4-шӹ региональный отделӹн начальникшӹ лин. 1999 ин Россий МВД-н организуйымы преступность ваштареш кредӓлмӹ шотышты Тӹнг управлени сага организуйымы преступность доно кредӓлмӹ шотышты Ӹрдӹ региональный управленин Кечӹвӓлвел-Ирвел административный округышты региональный Оперативно-кӹчӓлмӓш бюрон начальникшӹ должностьыш шагалтымы.

2001 ин Колокольцевым Ӹрдӹ федеральный округышты Россий МВД-н тӹнг управленижӹн оперативно-кӹчӓлмӓш бюрон 3-шы отделӹн начальникеш шагалтымы. 2003 ин бюро начальникӹн вашталтышеш шагалтымы. 2007 ин январьын Орёл областьыштышы кӧргӹ йыла управленин начальникеш шагалтымы[4][5]. Тӹдӹн пӓшӓлӹмӹ веремӓн областьышты кок пӹтӓришӹ вице-губернаторым, Кочуев дон Сошниковым, тенгеок областьыштышы администрацин икманяр подразделенин вуйлатышым йӓтленӹт[6]. Тенгеок «воробьёвский» маналтшы ОПГ-н юж активный участникшӹм арестуйымы дӓ тюрьмӓш шӹндӹмӹ. 2009 ин апрельӹн Колокольцевым Россий МВД-н Уголовный розыск департамент начальникӹн пӹтӓришӹ вашталтышеш шагалтенӹт[7].

Россий президентӹн 2009 и 7 сентябряш указшы доно Колокольцевым Москва кӧргӹ пӓшӓ шотышты Тӹнг управленин начальникеш шагалтымы[8]. Колокольцев отставкыш колтымы Владимир Пронинӹм вашталтен. Анзыцракшы, 28 апрельӹн, Пронинӹм должность гӹц «Царицыно» ОВД начальник Денис Евсюковын Москваштышы супермаркетӹштӹ лӱӓш тӹнгӓлмӹжӹ паштек карангдымы. Колокольцевым пӓшӓш шагалтымы анзыц ГУВД начальникӹн пӓшӓжӹм нӹл тӹлзӹ нӓрӹ пӹтӓришӹ вашталтышыжы Александр Иванов ӹштен[9].

2010 ин 10 июньын Колокольцевлӓн «милицин генерал-лейтенант» лӹмӹн званим пумы[10].

Россий Федераци президентӹн 2011 и 24 марташ указшы доно[11] Колокольцевлӓн «полицин генерал-лейтенант» лӹмӹн званим пумы дӓ тӹдӹм Россий МВД-н Москваштышышы Тӹнг управленижӹн начальникшӹ должностьыш шагалтымы.

Россий Федераци президентӹн 2012 и 21 маяш указшы доно Колокольцевым Россий Федерацин кӧргӹ йыла министреш шагалтымы[12][13], дӓ тӹдӹн вуйлатымы доно правам перегӹшӹ системӹштӹ реформа пакыла ӹштӓлтӹн.

2020 ин январьын, правительствӹн отставкыш кемӹкӹжӹ, Колокольцевым 2020 ин 21 январьын Михаил Мишустинӹн у кабинетӹштӹжӹ министр должностьыш угӹц шагалтымы. МВД вуйлатышын постышкыжы 2024 ин 14 майын угӹц шагалтымы[14].

Вес поствлӓ

  • Кугижӓншӹ антинаркотический комитет председатель (2016 и декабрь гӹц, должность семӹнь);
  • Правам пыдыртымым шижтӓрӹмӹ шотышты правительствын комиссижӹм вуйлатышы (2012 и июнь гӹц).
  • РФ президент сагашы коррупци ваштареш пӓшӓлӹшӹ Советӹн дӓ РФ президент сагашы физкультура дӓ спортым виӓнгдӹмӹ шотышты Советӹн членжӹ (когонек — 2012 и июль гӹц).
  • РФ-н Военно-промышленный комисси член (2014 и сентябрь гӹц)[3].

Санкцивлӓ

2018 и гӹц Колокольцев США-н санкцижӹ лӹвӓлнӹ ылеш, а 2022 ин Украинӹштӹ сӓр пӓшӓ тӹнгӓлмӹ паштек — Канадын, Евросоюзын, Великобританин, Японин дӓ У Зеландин санкцивлӓштӹ лӹвӓлнӹ.

Санкцим анжыде, 2018 ин Колокольцев США-шкы ООН линин доно мероприятивлӓштӹ участвуяш миен, тидӹлӓн «нелӹлык гӹц пасна» американский визӹм нӓлӹн. 2022 ин США Россий МВД-н Колокольцевын вуйлатымы делегацижӹлӓн визым пуде, седӹндоно тӹдӹ полици служба вуйлатышывлӓн ООН-ышты эртӓрӓлтшӹ саммитӹш кен кердде. 2024 ин июньын Колокольцев Нью-Йоркыш ООН член ылшы кугижӓншӹвлӓн полици органыштым вуйлатышывлӓн IV саммитӹштӹшкӹ участвуяш чонгештен. США-н Госдепшын ынгылдарымыжы семӹнь, Российӹн силовой ведомствывлӓн вуйлатышывлӓштӹ шотышты санкци пӹзӹрӹмӓшӹм цӓренӹт. США-н ООН сагашы представительствыштыжы ынгылдаренӹт: организацин Нью-Йоркышты штаб-квартиржӹ гишӓн соглашени семӹнь визӹм пумы пӓшӓм серьёзно шоктат. ООН-ын мероприятивлӓштӹжӹ участвуйышы делегацивлӓлӓн визӹм пумы шотышты сӧрӹмӹм США-н Госдепыштыжы ӹштӓш керӓлеш шотленӹт[15].

Критика

  • 2013 ин 10 февральын Колокольцев НТВ каналын «Тагачы. Иктешлӹшӹ программа» передачышты Кирилл Поздняковлан интервьюшты когон нелӹ худа пӓшӓ гишӓн террориствлӓм Российӹштӹ казнен пуштмаш пӧртӹлмӹ шотышты изишӓт тореш агыл ылеш манын попен, тенге келесен:

Казнен пуштмы ваштареш ылшывлӓн шӹдӹштӹм ӹшке вӹкем нӓлӓш лӱдӓм, но министр семӹнь агыл, а проста гражданин семӹнь техень статян преступниквлӓлӓн мӹнь тиштӹ нимат худам ам уж (техень наказаништӹ)

Ти шамаквлӓм вадны лиӓлтшӹ кого преступлени гишӓн — Набережный Челнышты 8 иӓш Василиса Галицынам шолыштмы дӓ пуштмы гишӓн, дӓ Чечняшты эче ик ӹдӹрӓшӹм шолыштмы дӓ пуштмы гишӓн лӓкшӹ общественный резонанс фонеш келесӹмӹ. Ти шамаквлӓм «Олма» парти критикуен, тӹдӹн сайтыштыжы министрӹм отставкыш колташ ӱжмӓш лӓктӹн[16], такшым, техеньвлӓӓт чӹдӹн агыл ылыныт, кӱвлӓ ти шанымашымат, министрӹн ӹшке шанымашыжым келесӓш праважымат яжоэш шотленӹт.

  • Колокольцев — юридический наукывлӓн доктор, диссертаци темыжы — «Халык безопасность концепци контекстӹштӹ Россий кугижӓншӹн интересшӹм шоктымаш» (2005[17] Диссертацин анализшӹ семӹнь, Колокольцевын доктор диссертациштӹжӹ нӹл диссертаци гӹц заимствованивлӓ улы[18].

Семня

Вӓтӓн, кок тетяжӹ улы.

  • Вӓтӹжӹ — Вера Ивановна Колокольцева.
  • Эргӹжӹ — Александр Владимирович Колокольцев (шач. 1983), предприниматель[19].
  • Ӹдӹржӹ — Екатерина Владимировна Колокольцева (шач. 1988), МГИМО-м тымень пӹтӓрен.

Кинороль

1994 ин Колокольцев «Лыкышты, Патриарший доны» детектив телесериалышты оперативный уполномоченныйын эпизодан рольышты снимаялтын[20].

Званивлӓ

  • Милицин генерал-майор (2008 и 5 март).
  • Милицин генерал-лейтенант (2010 и 10 июнь).
  • Полицин генерал-лейтенант (2011 и 24 март)[21].
  • Полицин генерал-полковник (2013 и 12 июнь)[22].
  • Россий Федерацин полицин генерал (2015 и 10 ноябрь)[23].

Наградывлӓ

кугижӓншӹн
  • III дӓ IV степенян «Отечество анзылны заслуга гишӓн» орден.
  • Россий Федерацин кӧргӹштӹшӹ йыла органвлӓн заслуженный пӓшӓзӹжӹ[24].
  • «Халык порядкым перегӹмӹ шотышты айыртемӓлтмӹ гишӓн» медаль.
  • Александр Невский орден (2014)[25].
ведомствывлӓн
  • «МВД-н почётан пӓшӓзӹжӹ» онгеш пижӹктӹмӹ знак.
  • «Службышты патыр ылмы гишӓн» медаль (МВД).
  • I дӓ II степенян «Службышты айыртемӓлтмӹ гишӓн» медаль (МВД).
  • III степенян «Яжо служба гишӓн» медаль (МВД).
  • II дӓ III степенян «Вуйлатымы пӓшӓштӹ заслуга гишӓн» медаль (ФКСН).
  • «Росиий МВД-лан 200 и» медаль (МВД).
  • «Военный келшӹмӓш» медаль (ФСО).
  • «Палшымы гишӓн» медаль (Россий ГФС).
  • «Осовын керӓл кугижӓншӹ объектвлӓн пожар безопасностьым шоктымашкы пасна заслуга гишӓн» медаль (МЧС).
  • «Сӓр келшӹмӓш гишӓн» медаль (МВД).
  • «Россий МВД-лан 200 и» онгеш пижӹктӹмӹ знак.
религи доно кӹлдӓлтшӹвлӓ
  • II степенян Преподобный Сергий Радонежский орден (РПЦ, 2012)[26].
  • I степенян Святой благоверный Дмитрий Донской великий князьын Орден (РПЦ, 2012) — церкӹ-кугижӓншӹ кӹлӹм цаткыдемдӹмӓш дӓ шачмыжылан 60 и теммӹ лӹмеш[27].
регионыштышывлӓ
  • «Москва халалан службым яжон ӹштӹмӹжӹ гишӓн» отличи знак XX и (2011 и 17 май).
  • «Москвалан 850 и теммӹм ӓштӓш» медаль.
  • Ӱл Ломов халан почётан гражданин.
  • Орёл областьын почётан гражданин (2018)[28].
  • «Карели Республика анзылны заслуга гишӓн» медаль (2020 и 8 июнь) — Карели Республика дӓ тӹштӹ ӹлӹшӹвлӓ анзылны заслуга, республикӹн социально-экономический виӓнгдӹмӓшкӹ кого вкладшы гишӓн дӓ Карели республикӹм ӹштӹмӹлӓн 100 и теммӹм пӓлемдӹмӓшеш йӓмдӹлӓлтмӹ шотышты Кугижӓншӹ комиссиштӹ пӓшӓм яжон ӹштӹмӹ гишӓн[29].
вескид сӓндӓлӹквлӓн
  • «Достук» орден (2021 и 12 октябрь, Киргизи)[30].

Примечани

  1. ↑ Правительство РФ подало в отставку, Interfax.ru (15 январьын 2020). Дата обращения: 30 сентябрьын 2025.
  2. ↑ Указ Президента Российской Федерации от 10.11.2015 г. № 554, Президент России. Дата обращения: 30 сентябрьын 2025.
  3. ↑ 1 2 Колокольцев, Владимир Александрович, ТАСС. Дата обращения: 30 сентябрьын 2025.
  4. ↑ Указ Президента Российской Федерации от 15.01.2007 г. № 33, Президент России. Дата обращения: 30 сентябрьын 2025.
  5. ↑ В УВД Орловской области назначен новый начальник (руш.). web.archive.org. Тергӹмӹ кечӹ: 30 сентябрьын 2025.
  6. ↑ Начальником ГУВД Москвы назначен экс-глава УВД Орловской области - Российская газета, Российская газета (8 сентябрьын 2009). Дата обращения: 30 сентябрьын 2025.
  7. ↑ Указ Президента Российской Федерации от 08.04.2009 г. № 365, Президент России. Дата обращения: 30 сентябрьын 2025.
  8. ↑ Указ Президента Российской Федерации от 07.09.2009 г. № 1013, Президент России. Дата обращения: 30 сентябрьын 2025.
  9. ↑ Нургалиев представил руководству московской милиции нового главу столичного ГУВД, AiF. Дата обращения: 30 сентябрьын 2025.
  10. ↑ Главе ГУВД Москвы Колокольцеву присвоено звание генерал-лейтенанта. РИА Новости (11 июньын 2010). Тергӹмӹ кечӹ: 29 сентябрьын 2025. Архивируйымы 10 апрельӹн 2012 года.
  11. ↑ Указ о назначении начальника Главного управления МВД по Москве и Министра внутренних дел по Чеченской Республике, Президент России. Дата обращения: 30 сентябрьын 2025.
  12. ↑ Указ Президента Российской Федерации от 21.05.2012 г. № 645, Президент России. Дата обращения: 30 сентябрьын 2025.
  13. ↑ Владимир Колокольцев назначен министром внутренних дел РФ - Российская газета, Российская газета (21 майын 2012). Дата обращения: 30 сентябрьын 2025.
  14. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 30 сентябрьын 2025.
  15. ↑ Колокольцев прилетел в Нью-Йорк, РБК. Дата обращения: 30 сентябрьын 2025.
  16. ↑ Алексей Мельников: Колокольчик смертной казни | Партия Яблоко. Тергӹмӹ кечӹ: 30 сентябрьын 2025. Архивируйымы 5 апрельӹн 2013 года.
  17. ↑ Глава МВД представил Владимира Колокольцева личному составу, vesti.ru. Дата обращения: 30 сентябрьын 2025.
  18. ↑ «Сплошные совпадения» генерала Колокольцева привели в Петербург. Дата обращения: 30 сентябрьын 2025.
  19. ↑ Сын министра внутренних дел оказался бизнесменом, Ведомости. Дата обращения: 30 сентябрьын 2025.
  20. ↑ На углу у Патриарших (1995). Тергӹмӹ кечӹ: 30 сентябрьын 2025.
  21. ↑ Указ Президента Российской Федерации от 24.03.2011 г. № 350, Президент России. Дата обращения: 30 сентябрьын 2025.
  22. ↑ Указ Президента Российской Федерации от 12.06.2013 г. № 556, Президент России. Дата обращения: 30 сентябрьын 2025.
  23. ↑ Указ Президента Российской Федерации от 10.11.2015 г. № 554, Президент России. Дата обращения: 30 сентябрьын 2025.
  24. ↑ Колокольцев Владимир Александрович (руш.). xn--b1aew.xn--p1ai. Тергӹмӹ кечӹ: 30 сентябрьын 2025.
  25. ↑ Фото Министра внутренних дел РФ генерала полиции Российской Федерации В. А. Колокольцева с орденскими планками. Тергӹмӹ кечӹ: 30 сентябрьын 2025.
  26. ↑ Официальный сайт Русской Православной Церкви / Патриархия.ru. Патриархия.ru. Тергӹмӹ кечӹ: 30 сентябрьын 2025.
  27. ↑ Официальный сайт Русской Православной Церкви / Патриархия.ru. Патриархия.ru. Тергӹмӹ кечӹ: 30 сентябрьын 2025.
  28. ↑ Владимир Колокольцев стал «Почетным гражданином Орловской области» (руш.). "Вечерний Орёл". Орловская электронная газета (21 декабрьын 2018). Тергӹмӹ кечӹ: 30 сентябрьын 2025.
  29. ↑ Указ Главы Республики Карелия от 08.06.2020 № 58 ∙ Официальное опубликование правовых актов (руш.). publication.pravo.gov.ru. Тергӹмӹ кечӹ: 30 сентябрьын 2025.
  30. ↑ Награжденный | Портал Государственных наград (руш.). nagrada.srs.kg. Тергӹмӹ кечӹ: 30 сентябрьын 2025.

Ссылкывлӓ

  1. ↑ Министр внутренних дел РФ Владимир Колокольцев. Досье, AiF. Дата обращения: 30 сентябрьын 2025.
«https://mrj.ruwiki.ru/w/index.php?title=Колокольцев,_Владимир_Александрович&oldid=314929» гӹц нӓлмӹ