Оверчук, Алексей Логвинович

Ирӹкӓн энциклопеди Википеди гӹц материал
Алексей Логвинович Оверчук
Alexey Overchuk official portrait.jpg
Флаг
Россий Федерациштӹшӹ Правительство вуйлатышын вашталтышыжы
Флаг
2020 и 21 январь гӹц
(п. ш. 2024 и 7—13 май)
Правительствын вуйлатышыжы Михаил Мишустин
Андрей Белоусов (п. ш.)
Михаил Мишустин
Президент Владимир Путин
Шачын 1964 и 9 декабрь(1964-12-09) (61 и)
Коростышев, Житомирский область, Украинский ССР, СССР
Образовани К.А. Тимирязев лӹмӓн Москваштышы сельскохозяйственный академи
Ученый степень экономический наукывлӓн кандидат
Награда
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа

Алексей Логвинович Оверчук (шач. 9 декабрь 1964, Коростышев[d], Житомир область[d]]], Коростышев, Житомирский область, Украинский ССР, СССР) — Российӹштӹшӹ кугижӓншӹ дӓ политика деятель, экономист. 2020-шы и 21 январь гӹц Россий Федераци Правительствын председательӹн вашталтышыжы (7-13 май 2024 — пӓшӓм шоктышы)[1][2].

Тидӹн якте 2011 гӹц 2020 и якте РФ Федеральный налоговый службын вуйлатышын вашталтышыжы должностьышты ылын. Россий Федерацин 2-шы классан действительный кугижӓншӹ советник.

Ӹлӹмӓш корныжы

1964 ин 6 декабрьын Коростышевышты Житомирский областьышты шачын.

1986 ин К.А. Тимирязев лӹмӓн Москваштышы сельскохозяйственный академим «экономический кибернетика» специальность доно тымень пӹтӓрен.

1986-1993 — Тимирязев лӹмӓн Москваштышы сельскохозяйственный академиштӹ когорак лаборант, изирӓк нучный сотрудник, научный сотрудник, АПК хозяйственный механизмӹн яжоэмдӹмӓш лабораторин когорак научный сотрудникшӹ.

1992 ин К.А. Тимирязев лӹмӓн Москваштышы сельскохозяйственный академиштӹ «АПК виктӓрӹмӓшӹм хозяйствованин кооперативный форма доно организуйымаш» темеш кандидатский диссертацим ӹшӹклен, экономика наукывлӓн кандидат.

1993-1994 — Международный кӹл шотышты управленин тӹнг специалист, 1994-1998 ивлӓн — международный отделӹштӹ пӓшӓм виктӓрӹмӹ шотышты вуйлатышын вашталтышыжы, 1998 ин –мӱлӓндӹ пайдам шотыш нӓлмӹ дӓ виктӓрӹмӹ шотышты кугижӓншӹ комитетӹн вӓр гӹц вӓрӹш вашташ лидӹмӹ пайда шотышты управленижӹн кугижӓншӹ регистраци шотышты отделӹн начальник.

1998 — мӱлӓндӹ политика, чангымаш дӓ жилищно-коммунальный хозяйство шотышты РФ Министерствын Информационно-аналитический управленин начальник. 1998-1999 — РФ Кугижӓншӹ мӱлӓндӹ комитетӹн Информационно-аналитический управленин нкчальник.

1999-2000 — мӱлӓндӹ политика шотышты РФ Кугижӓншӹ комитетӹн Информационно-аналитический управлени начальник.

2000 и август гӹц — Российӹн мӱлӓндӹ кадастр Федеральный службым (Росземкадастр) вуйлатышын вашталтышыжы, 2004 и гӹц вӓр гӹц вӓрӹш вашташ лидӹмӹ объектвлӓн кадастр Федеральный агентство лин (Роснедвижиомсть). Роснедвижимостьышты, варарак Росреестр лин, Михаил Мишустин госорганышты вуйлатышын пӹтӓришӹ постшым нӓлӹн, тӹдӹн подчинеништӹ Оверчук лин[3].

2000 гӹц 2007 и якте ООН-ын Европейский экономический комиссин мӱлӓндӹ ресурсвлӓм виктӓрӹмӹ шотышты пӓшӓ группын бюро член дӓ председательӹн вашталтышеш айыралтын[4].

2007 ин Михаи Мишустин вуйлатымы особый экономический зоным виктӓрӹмӹ шотышты Федеральный агентствын вуйлатышын вашталтышыжы лин, инвесторвлӓ доно ӹштӹмӹ пӓшӓм вуйлатен шалген.

2008 гӹц 2010 и якте Мишустин вуйлатымы UFG Capital Management инвестиционный компанивлӓн группышты вуйлатышы должностьвлӓм нӓлӹн шалген.

Алексей Оверчук Евразиштӹшӹ экономика шотышты комиссин заседаништӹ, 2020 и

2011 и март гӹц — Федеральный налоговый службын вуйлатышын вашталтышыжы. Стандарт дӓ международный кӹл шотышты управлени пӓшӓзӹвлӓн пӓшӓштӹм виден дӓ терген шалген. ФНС вуйлатышын вашталтышыжын вӓрӹштӹ ылмыжы годым кымдемвлӓштӹшӹ налог органвлӓн пӓшӓштӹлӓн методологический дӓ организуйымы йӧнӹм ӹштен шалгымы шотышты труен, тӹгодымок Российӹн международный договорвлӓм кычылтмы ядмашвлӓ шотышты уверӹм вӓш пуэн, шӓрен шалгымы шотышты пӓшӓм ӹштен[4].

2020 и 21 январь гӹц — Россий Федерациштӹшӹ Правительство вуйлатышын вашталтышыжы. Правительствышты тӹдӹн ответственность сферыш Евразийӹштӹшӹ интергаци, международный организацивлӓ доно кӹл (СНГ, БРИКС, G20 дӓ т.м.) дӓ Правительство Председатель участвуйымы международный мероприятивлӓм йӓмдӹлӹмӹ дӓ эртӓрӹмӹ ядмашвлӓ пырат[5].

2023 ин ноябрьын Сан-Францискошты Оверчук Азиатско-Тихоокеанский экономика кӹл (АТЭС) саммитӹштӹ Российӹн делегацим вуйлатен, тӹштӹ тӹнг кӓнгӓшӹмӓшӹн ядмашыжы климат шотышты ылын[6].

2024 ин 11 майын Михаил Мишустин Госдумыш анжалаш правительствый у составым колтен, тӹштӹ Оверчукын кандидатурыжым вице-премьер должностьыш шагалташ шанымашым пуэн[7]. 13 майын Госдума тӹдӹм ти постыш пингӹдемден[8]. 14 майын РФ президент назначени гишӓн приказым подписӓен[9]. Оверчук Евразиштӹшӹ интеграци шотышты кугижӓншӹ политика ядмашым, БРИКС, Шухайский организаци доно кӹл дӓ «Коклын группывлӓ» доно кӹлдӓлтшӹ пӓшӓ ядмашвлӓм видӓ[10].

2025 ин 1 сентябрын Тяньцзинӹштӹ ШОС саммит годым Алексей Оверчук Россий дон Индий лоштышы переговорышты участвуен.[11].

Наградывлӓ

  • «Отечество анзылны заслуга гишӓн» орденӹн I степенян медаль (12 июнь 2017 и) — шуки и кугижӓншӹлӓн яжон служымы гишӓн[12];
  • «Отечество анзылны заслуга гишӓн» орденӹн II степенян медаль (25 октябрь 2014 и) — пӓшӓштӹ сӹнгӹмӓш, шукы и пӓшӓжӹм шот доно дӓ общественный пӓшӓм яжон ӹштӹмӹ гишӓн[13];
  • I степенян П. А. Столыпин медаль (2024) — «шукы и кугижӓншӹ пӓшӓм яжон ӹштӹмӹ гишӓн»[14].

Семняжӹ

Ӓтяжӹ, Оверчук Логвин Алексеевич (1932-2007), Всероссийский сола хозяйство экономика научно-исследовательский институтышты пӓшӓлен. Россий Федерацин США-штышы Посольствышты соза хозяйствошотышты атташе ылын[15]. 2007 ин 25 июньын колен, Москвашты Троекуров шӹгӓрглӓштӹ тайымы[16].

Ӓвӓжӹ, Оверчук Нелли Александровна (1936-2009), Всероссийский агропромышленный комплексӹн технико-экономический исследованивлӓм ӹштӹшӹ научно-исследовательский институтышты пӓшӓлен (ВНИИТЭИагропром)[17].

Пурлык дӓ пайда

2018 иӓш деклараци данныйвлӓ семӹнь, тӹдӹн 2200 м2 цымыр площадян кок мӱлӓндӹ участкыжы, 225,6 м2 цымыр площадян кым квартиржӹ дӓ Ford Focus ик легковой автомобильжӹ улы. Тӹгодӹм пайдажы 8 786 378 тӓнгӓ ылын[18].

Вӓтӹжӹн пайдажы 1 636 351 тӓнгӓ ылын, тӹдӹн эче 96 кв.м. цымыр площадян кок квартиржӹ ылын[19].

Примечани

  1. ↑ Алексей Оверчук стал вице-премьером России. Тергӹмӹ кечӹ: 25 сентябрьын 2025. Архивируйымы 16 мартын 2020 года.
  2. ↑ Правительство России переходит в статус и.о. до назначения нового состава (руш.). TACC. Тергӹмӹ кечӹ: 25 сентябрьын 2025.
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец. Тергӹмӹ кечӹ: 25 сентябрьын 2025. Архивируйымы 25 январьын 2020 года.
  4. ↑ 1 2 Новым ответственным за ИТ в России стал давний коллега нового премьера // CNews. Тергӹмӹ кечӹ: 25 сентябрьын 2025. Архивируйымы 25 январьын 2020 года.
  5. ↑ Распределение обязанностей между заместителями Председателя Правительства. Тергӹмӹ кечӹ: 25 сентябрьын 2025. Архивируйымы 29 апрельӹн 2020 года.
  6. ↑ Оверчук заявил, что тема Украины в начале саммита АТЭС звучала в основном фоново, TACC. Дата обращения: 25 сентябрьын 2025.
  7. ↑ О чем говорит новая конфигурация российского правительства. РБК (11 майын 2024). Тергӹмӹ кечӹ: 25 сентябрьын 2025.
  8. ↑ Госдума утвердила Оверчука заместителем председателя правительства. РИА Новости (13 майын 2024). Тергӹмӹ кечӹ: 25 сентябрьын 2025.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 майын 2024). Тергӹмӹ кечӹ: 25 сентябрьын 2025.
  10. ↑ Михаил Мишустин утвердил распределение обязанностей между вице-премьерами. government.ru (17 майын 2024). Тергӹмӹ кечӹ: 25 сентябрьын 2025.
  11. ↑ Оверчук рассказал о переговорах России и Индии в Тяньцзине. Тергӹмӹ кечӹ: 25 сентябрьын 2025.
  12. ↑ Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации. Тергӹмӹ кечӹ: 25 сентябрьын 2025.
  13. ↑ Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации(недоступная ссылка — история). Тергӹмӹ кечӹ: 25 сентябрьын 2025.
  14. ↑ Мишустин наградил Оверчука медалью Столыпина П. А. I степени (руш.). ТАСС (17 декабрьын 2024). Тергӹмӹ кечӹ: 25 сентябрьын 2025.
  15. ↑ Ю.Н. ВАВИЛОВ В долгом поиске // Книга о братьях Николае и Сергее Вавиловых. Тергӹмӹ кечӹ: 25 сентябрьын 2025. Архивируйымы 24 январьын 2020 года.
  16. ↑ Логвин Алексеевич Аверчук // BillionGraves. Тергӹмӹ кечӹ: 25 сентябрьын 2025. Архивируйымы 24 январьын 2020 года.
  17. ↑ Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus. Тергӹмӹ кечӹ: 25 сентябрьын 2025.
  18. ↑ Алексей Оверчук // Finparty. Тергӹмӹ кечӹ: 25 сентябрьын 2025. Архивируйымы 25 январьын 2020 года.
  19. ↑ Оверчук Алексей Логвинович // Деклатор. Тергӹмӹ кечӹ: 25 сентябрьын 2025. Архивируйымы 25 январьын 2020 года.

Ссылкывлӓ

«https://mrj.ruwiki.ru/w/index.php?title=Оверчук,_Алексей_Логвинович&oldid=314923» гӹц нӓлмӹ