26 июль

← → Июль
Шч Кш Вр Из Кг Кк Рш     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2026 и

Шӹрхӓ тӹлзӹн 26-шы кечӹжӹ (26 июль) — григорианский календарь семӹнь ин 207-шӹ (кужемдӹмӹ ивлӓн — 208-шӹ) кечӹжӹ. Идӓлык пӹтӹмӹ якте 158 кечӹ кодеш.

Йошкар-Олашты ☀️ Кечӹ 3 цӓш 30 минутын лӓктеш, 20 цӓш 6 минутын шӹнзеш. Кечӹн кужыцшы 🕒 16 цӓш 35 минут.
🌔 Кушшы тӹлзӹ (11.37 тӹлзӹ кечӹ).

Айовлӓ дӓ ӓшӹндӓрӹмӹ кечӹвлӓ

Тенгеок анжы: Категори:26 июльын айовлӓ

•  — Эсперантон кечӹжӹ (руш. День эсперанто).
•  СССР — Парашютистӹн кечӹжӹ (руш. День парашютиста).
•  Куба — Национальный восстанин кечӹжӹ (руш. День национального восстания).
•  Либери — Ирӹкӓн лимӹ кечӹ (руш. День независимости).
•  Мальдив — Ирӹкӓн лимӹ кечӹ (руш. День независимости).

Лӹм кечӹ

• Православный лӹмвлӓ: Антон, Степан, Юлиан.
• Католический лӹмвлӓ: Анна, Мирослава, Ефим.

Лиӓлтмӓшвлӓ

Тенгеок анжы: Категори:26 июльын лиӓлтмӓшвлӓ

• 1730 — Российӹштӹшӹ императрица Анна Иоанновна Успенский кого цангым велӹмӹ гишӓн указеш кидшӹм пиштен, тӹдӹм варарак 1735 ин 25 ноябрьын велӹмӹ дӓ «Кугижӓ-цанг» лӹмдӓш тӹнгӓлмӹ.
• 1788 — США-н 11-шӹ штатшы Нью-Йорк штат лин.
• 1875 — Тулашты Зябрев купецӹн «вӹргеньӹ ӓрӓкӓ мерӓм» велӹмӹ мастерской (кӹзӹт — Тульский станколитейный завод) ӹштӓлтӹн.
• 1887 — Варшавышты эсперанто международный йӹлмӹн пӹтӓриш учебникшӹ (рушла) лӓктеш.
• 1951 — Новгородышты пӹтӓриш кымыж грамотым момы.
• 1957 — СССР пӹтӓриш шукы ступенян межконтинентальный баллистический ракетӹм колтен.
• 1989 — 24 иӓш американский студентӹм Роберт Моррисӹм компьютерный вирусым ӹштӹмӹ дӓ колтымы гишӓн виноватеш лыкмы. Вирусым ӹштӹшӹ Моррис пӹтӓриш лин, кыдым уголовный преследовани тӹкнен.
• 2010 — Российӹштӹ водительӹн вӹрӹштӹжӹ алкогольын сек кого лин кердмӹ нормыжым карангдымы.

Шачыныт

Тенгеок анжы: Категори:26 июльын шачшывлӓ

• 1901 — Александр Павлович Лукьянов, кырык мары советский дӓ российский театрын, кинон актёр, РСФСР-ын заслуженный артистшӹ (1954).
• 1908 — Илья Стрельников, мары сирӹзӹ, поэт, СССР Сирӹзӹвлӓ ушемӹн членжӹ (1939). Кого Ӓтямӱлӓндӹ вырсын участникшӹ, Якшар Шӹдӹр орденӹн кавалержӹ.
• 1948 — Виктор Андреевич Наумов, общественный пӓшӓзӹ, Мары Эл Республикӹн заслуженный энергетикшӹ, Российӹштӹшӹ энергетикӹн ветеранжы, Мары Эл Республикӹн почётный ветеранжы. Йыван Кырля лӹмеш ӓшӹндӓрӹмы медаль доно пӓлемдӓлтӹн.
• 1949 — Галина Петровна Медведева, скульптор, Россий Федерацин дӓ Мары Эл Республикӹн заслуженный художникшӹ.
• 1955 — Диана Маликеева, кырык мары сирӹзӹ, журналист.
• 1959 — Юрий Степанович Семёнов, менеджер дӓ книгӓ издательствын пӓшӓзӹ.
• 1959 — Надежда Савватеевна Спиридонова, тымдышы, общественный пӓшӓзӹ.

Коленӹт

Тенгеок анжы: Категори:26 июльын колышывлӓ

• 1993 — Георгий Максимович Пушкин, мары театрын актёр, РСФСР-ын заслуженный артистшӹ (1970).
• 2001 — Людмила Петровна Полубарьева, советский культура пӓшӓзӹ, краевед, общественный пӓшӓзӹ, экономист. Мары Элӹштӹ Йошкар-Ола историн пӹтӓриш музейжӹн организаторжы. Йошкар-Олан почётный гражданинжӹ (1987).
• 2021 — Геннадий Андреевич Сепеев, советский дӓ российӹштӹшӹ научный пӓшӓзӹ, этнограф-учёный, тымдышы. Истори наукывлӓн кандидат (1973).

Халык пӓлӹ

• Кого юр юреш гӹнь, шурны лӓктӹш худа лиэш.
• Игечӹ кукшы гӹнь, шӹжӓт кукшы лиэш.

Примечани